ሰላም ለአፃብዒከ

ቅዱስ ዑራኤል ሆይ፤ሁለቱ አዕጋረ ጕንድ ለበቀሉ ዓሥሩ ጣቶችህና ጽፍሮችህ ሰላም እላለሁ ዑራኤል ሆይ፤ ለሄኖክ ምሥጢረ ጥበባትን እንደገለጽህለት ሁሉ ከነበልባላዊው መልአክ ከቅዱስ ገብርኤልና ከደገኛው ከቅዱስ ደቅስዮስ በዓል ጋር በኅብረት በሚከበረው በዓልህ የተሰበሰቡትን ምዕመናን ሁሉ ባርካቸው።

ሰላም ለቆምከ

ቅዱስ ዑራኤል ሆይ፤ ነበልባላዊ አካለ ቆመህና ለእሳታዊ ሥነ መልክእህ ሰላም እላለሁ። ዑራኤል ሆይ፤ ለዕዝራ ሱቱኤል ምስጢርን የሚገልጽ ትንቢትን የሚያናግር ጽዋዓ ልቡናን ለመጋት እንደ ተቻኮልክ ሁሉ። በውስጥ በአፍኣ የከበርክ መልአክ ነህና የአንደበቴን ምስጋና ለመቀበል ፈቃደኛ በመሆን ከኅዘኔ ታረጋጋኝ ዘንድ በሩጫ በችኮላ ፈጥነህ ወደኔ ናዐ ናዐ ናዐ ።

(መልክዐ ቅዱስ ዑራኤል )

ሊቀ መላእክት ቅዱስ ዑራኤል በሃይማኖት ማስተዋልን ያድለን በምልጃው ይጠብቀን!