የኢትዮጵያ የመጀመሪያው የኤሌክትሮኒክ ፓስፖርት ስራ ጀመረ

የኢሚግሬሽንና ዜግነት አገልግሎት አዲስ ዘርጋሁት ባለው የኢ-ፓስፖርት ሲስተም በኢትዮጵያ ኢንቨስትመንት ሆልዲንግስና በዓለም አቀፍ ደረጃ ከፍተኛ የሚስጥራዊ ህትመትና ቴክኖሎጂ ልምድ አለው ከተባለው የጃፓኑ ቶፓን ሴኩሪቲ ኢትዮጵያ አ.ማ አማካይነት ዘመኑ በደረሰበት የሚስጥራዊ ህትመት የታተመ አዲስ ፖስፖርት በዛሬው እለት በሳይንስ ሙዚየም ይፋ አድርጓል።

አዲሱ ኢ-ፓስፖርት የባዮሜትሪክ ቴክኖሎጂን፣ የላቀ ምስጥርን እና መከላከያ ቁሳቁሶችን በማዋሃድ አለም አቀፍ ደረጃዎችን ማክበርን እና ደህንነትን በከፍተኛ ደረጃ ያሳድጋል ተብሏል። የኢሜግሬሽን እና ዜግነት አገልግሎት ከፓስፖርቱ ጎን ለጎን የአፕሊኬሽን ሂደቶችን ለማቀላጠፍ እና ለኢትዮጵያውያን ዜጎች አገልግሎት አሰጣጥን ለማሻሻል ዘመናዊ የፓስፖርት አሰጣጥ ስርዓቶችን መዘርጋቱን ብስራት ሬዲዮና ቴሌቪዥን ሰምቷል።

የኢሚግሬሽን እና የዜግነት አገልግሎት ዋና ስራ አስፈፃሚ ወይዘሮ ሰላማዊት ዳዊት  እንደገለፁት የኢ-ፓስፖርቱ መግቢያ ለኢትዮጵያ የስደተኞች አገልግሎት ለውጥ የሚያመጣ እንዲሁም በተሻሻለ ደህንነት፣በፍጥነት ሂደት እና በአለም አቀፍ ደረጃ እውቅና ያለው እና የድንበር ቁጥጥርን በማጠናከር የኢትዮጵያውያንን የጉዞ ልምድ በእጅጉ ያሳድገዋል ብለዋል።

አዲሱ የ ኢ ፓስፖርት ከቀድሞ ክፍያ ምንም የተጨመረም የተቀነሰም የዋጋ ሁኔታ የሌለው መሆኑን ተገልፆ እንዲሁም ከዚ ቀደመ ፓስፖርት ለማተም ወደ ውጪ የሚላከውን ወጪ በመቀነስ በሀገር ውስጥ የማተም ስራ መሰራቱ  የተገለፀ ሲሆን   ፓስፖርቱ የግለሰቡን መረጃና የጣት ዐሻራ የያዘ የኤሌክትሮኒክስ ቺፕስ አለው ተብሏል።በኢትዮጵያ ውስጥ የሚመረት ይህ ፓስፖርት፤ የቪዛ ገጾቹ የኢትዮጵያን መልክ የያዙ መሆናቸው ተገልፆል።

በኢትዮጵያ የመጀመሪያው ኢ-ፓስፖርት መጀመሩ ዘመናዊነትን እና ቅልጥፍናን የሚያራምዱ ስትራቴጂካዊ ሀገራዊ ፕሮጀክቶችን ወደ ፊት ለማራመድ ያለውን ቁርጠኝነት የሚያሳይ መሆኑ ተገልጿል። እንዲሁም ፕሮጀክቱ የቴክኖሎጂ እና የባለሙያዎች አንድነት እንዴት በህዝብ አገልግሎቶች ላይ ደህንነትን እና ቅልጥፍናን እንደሚያሳድግ እና የሚያሳይ መሆኑ ተገልጿል።

በሰመኃር አለባቸው
#ዳጉ_ጆርናል