✞ምስጢረኛዬ ነሽ✞

አውቀዋለሁ ደጅሽን የእረፍት ቦታዬን
ጽኑ ስላም ጸጥታ ማግኛዬን
የት እሄዳለሁ አልልም ሲከፋኝ
ኪዳነምሕረት አንቺ እያለሽልኝ/2/
አዝ••••••••••
ከአጸደ መቅደስሽ ከስዕልሽ ስር
እረፍቴ በዚያ ነው በቅዱሱ ደብር
ከተራራው አናት ከደጅሽ መጥቼ
ሰምሮልኛል ስምሽን ጠርቼ
ምሥጢረኛዬ ነሽ ምሥጢረኛዬ
ኪዳነምሕረት መጽናኛዬ/2/
አዝ••••••••••
የሮማን አበባ መዓዛሽ ተወዳጅ
በረከትን ልቅሰም ሳልለይ ካንቺ ደጅ
አስራትሽ አድርጊኝ ጠቅልይኝ እናቴ
ታብብልኝ ትፍካልኝ ሕይወቴ
ምሥጢረኛዬ ነሽ ምሥጢረኛዬ
ኪዳነምሕረት መጽናኛዬ/2/
አዝ••••••••••
አጠገቤ ጎኔ በዙሪያዬ እንዳለሽ
እንደርሱ ነው ልቤ እማ የሚያወራሽ
አልቅሼ ሲቀለኝ ነግሬሽ የውስጤን
አትዘገይም ስትሠሪልኝ ቤቴን
ምሥጢረኛዬ ነሽ ምሥጢረኛዬ
ኪዳነምሕረት መጽናኛዬ/2/
አዝ••••••••••
የእንጦጦዋ እናቴ እምዬ የምልሽ
ኪዳንኪ ደጓ የልብን ሰሚ ነሽ
በሄድኩበት አለሽ ተከትለሽኛል
ስላለሽኝ ሰላም ይሰማኛል
ምሥጢረኛዬ ነሽ ምሥጢረኛዬ
ኪዳነምሕረት መጽናኛዬ/2/

ዘማሪ ዲያቆን
አቤል መክብብ