DA'OO!👇🥺

Dhaladhee hin dhageenye ani hamma har'aa dubbii gurraaf tole
Muddamni keenya si'anaa isa durii caale
Kan biyyaaf gaaddisaa nu gube akka abidda saafaa
Gar-malee cabuun dhalootaa keenyaa kun yoom hafaa?

Gidiraan rakkinni
Wal'aansoon Muddamni
Hiyyummaan dukkanni
Boo'ichaaf yaaddooni,
Wal furee wal gegeeddaree
Obsa keenya sonaan qoree
Wallaale Biyyi akka godhu
Yaa gooftaa maaloo dubbadhu
[Dubbadhu Gooftaa dubbadhu
inni nuun dide sin didu]

Hiraarsuuf gubaan jireenyaa dhaloota adamsee ari'ee
Haamileen cabee bututee jiraachuuf abdiinsaa du'e
Kan nagaan dugda itti gatee Wargamaa boqonnaa hin qabne
Qe'ee keenya tasgabbiin oodee buufata wawwaannaa taane

Uleen dabaa nu dirmammeesse dirra haleelee
Bor akka har'aa miti utuu jennuu nurra bubbule
Lolaan gaddaa ol nurra yaa'ee cabsatee bo'oo
Dhaloonni kun aara hin galfanne nuuf ta'i da'oo

Haa ga'u jedhi daangaa itti godhi
nu baasi hurii gooftaa nu furi..
Deegaa barri itti jigee gaddee qalbiin isaa cabe
Ormis firris gidirsee iyyee birmannaa dhabe

Eelaa bara isaa hundumaa gudeelcha du'aa baatu
Taaneem galaa biyya ormaa maaloo aduun nuuf haa bariitu
Loli isa nu lole loli
Oolchi araddaa keenya galii
Muri kan nutti ta'e copha
Maaloo gooftaa nun dhiisin kophaa

Nuuf bariisisii barii fayyinaa
Haa darbu baraaf yeroon dukkanaa
Jalaa nu yaasi gaaddisa du'aa
Gadadoo nurraa kaasi nu ga'a. 🙏

@Getu_Official ✅