Gaa'ela 𓆩♡𓆪 Marriage

🩸 Miidhaa ulfa baasuu keessaa muraasa!

😭 Dhiigni gadameessaa hanga ulfaataan dhangala'uu
😭 Qoricha dhukkubbii namatti hir'isu erga fudhatanii boodas dhukkubbii cimaa dandamachuu hin dandeenye mudachuu
😭 Ho'i qaamaa digrii Faarenaayitii 100.4 (digrii seentigireedii 38) ol ta'uu
😭 Dhangala'aa qaama saalaa xuraa'aa foolii gadhee qabu
😭 Of wallaaluu yookiin burjaajja'uu
😭 Du'a

💔 Tarii haalli kun isin mudatee qalbiin keessan cabee, burjaajja'ee, obboleettonni keenya gorsaan isin gargaaruuf qophiidha, kanaafuu nu mariisisaa!

@Gaaela_Gaarii ✅
@Marriage_Counseling

✉️✍️ @Gaaelabot

🤔 Okkotee Hurataa

Biyya Hindi keessaa namicha bishaan gatiittii isaa irrattii baatee deddeebisu tokko Okkoteewwan Bishaan ittiin gooftaa isaatiif deddeebisee guuru lama qaba ture. Okkoteewwan isaa keessaa inni tokko cabaa waan tureef ni dhimmisa, kanaafuu yeroo mana gahu hundumaa bishaan walakkaatu keesattii hafa, inni fayyaan garuu guutuu isaa fuudhee gala ture.

🔵 Guyyoota namichichi gooftaa isaaf bishaan waraabee geessuuf hundumaatti Okkoteen inni hurataan bishaan walakkaa qofa of keesatti qabata, inni fayyaan garuu guutuu of keesatti qabatee gara mana gooftaa isaattii dhufa ture. Sababa kanaafuu Okkoteen inni fayyaan hojii isaa kanaan baayyee koora, inni hurataan immoo hojii isaatti baayyee gadda.

Okkoteen inni hurataan hojiisaa kanatti baayyee waan gaddeef guyyaa tokko namicha bishaan deddeebisuun sagalee gaddaatiin "An baayyeen ofittii qaana'e kanaafuu dhiifama naaf godhi!" jedheen. Namichis"Maalif?"  jedheen.
Okkotichis "Wanti ani ofittii qaana'eef waggoota lamman kana keessattii sababa hurataa qaama koo irra jiru irraa kan ka'e bishaan hamman of keesatti baachuu qabuu gaditti fuudheen gara manaattii dhufa, atis sababa kanaan gatiin ati gooftaakee biraa argachuu qabdu gadi si jalaa bu'e" jedheen.

📌 Namichis jecha okkotichaatti baayyee gaddee garaas isa nyaatee akkas jedheen "Yeroo gara manaatti deebinu karaa mana gooftaa koo geessu irraa abaaboowwan jiran sittin agarsiisa" jedheen. Yommuu gara manaatti deebi'anittiis abaaboowwan baayyee miidhagoo nama hawwatan daawwachiise. Erga daawwannaa isaanii fixaniiin booda ammas okkotichi hojii isaa yaadatee gaddee namicha dhiifama gaafatee.

Namichis Okkotichaan " Abaabowwan kana kallattii ani irra isaan dhaabe hubattee ilaalteetta yoo ta'eef kallattii ani gatiittii koo irratti si baadhuunidha malee kan okkotee isa kaanii irraan miti! Sababni isaa immoo akka ati dhimmistu waanan beekuuf waggoota lamman kana carraa kanatti gargaaramuun abaabowwan koo bishaan obaasachaan ture, utuu ati bishaan naaf hin obaasne ta'ee har'a dallaan gooftaakoo fi barcumni manaa isaa abaabowwan miidhagoo kanaan hin guutan turan" jedheen jedhama.

✉️ Hubadhu:- Nuti hundumti keenya akkuma Okkoticha isa hurataa sanaa cimina nu keessaa dhimmisu qabna. Akkuma okkotichaa dhimmisuun keenya dadhabina fakkaatee yoo nutti mul'ateyyuu garuu dhalootaaf kan inni dhugee ittiin bareedee guddatu ta'uu danda'a. Yoo har'aaf nama waa'ee hin baafne of seete iyyuu guyyaa tokko firii hojii kee argitee ittiin boonuuf jirta. Kanaafuu abdii hin kutin jabaadhu! Haala ati har'a keessa jirtu boriikee hin madaalu!

@Gaaela_Gaarii ✅

JAALALA 🌹

🌹 Jaalalli danda'aadha; humna qabeeyyii jilbeenfachiisa.
🌹 Jaalalli humna qabeessa; oftuultota garraamii taasisa.
🌹 Jaalalli ogeessadha; ija jibbaan kan dhokfame ibsa.
🌹 Jaalalli obsaadha; ariifataa tasgabbeessa.
🌹 Jaalalli obsaadha; kan miidhame jajjabeessa.
🌹 Jaalalli ogeessadha; kan arrabse fayyisa.
🌹 Jaalalli gorsaadha; gara jabeeyyii ifata.
🌹 Jaalalli gara laafessa; kan gane deebisee jaalata.
🌹 Jaalalli fayyummaadha; sammuuf nagaa laata.
🌹 Jaalalli garraamidha; warra miidhan deebisee hin miidhu.
🌹 Jaalalli gugeedha; haaloo hin qabatu.
🌹 Jaalalli gaaridha; hin inaafu.
🌹 Jaalalli tasgabbaa'adha; dafee hin dheekkamu.
🌹 Jaalalli gara bal'eessa; irra daddarbaa hin lakkaa'u.

Miira!!

"Qulqullinni miira keenyaa qulqullina jireenya keenyaati" jedha Tooni Roobins

🔵 Miirri dhuguma siif maal jechuudha?
Maaliif sodaatta? Waan gochuu barbaadde akka hin hojjenne maaltu si dhorkaa jira? Gaheen miira keenyaa daandii jireenyaa keessatti waan xiqqaa miti, gaarummaa fi hammeenya irratti hundaa'un. Jireenyi addunyaa kana irratti siif kenname hundi kennaa kee isa gatii guddaa qabudha: Yeroo kee tokkoon tokkoon isaa haala barbaaddeen akka fayyadamtu siif hayyamama, waan hojjettu beekuunimmoo gahee kee ti.
                                   
✍️ Kennaa yeroo gatii guddaa qabu kana haala barbaannetti fayyadamuu akka dandeenyuuf miira keenya ilaaluu fi hubachuun barbaachisaa dha. Leenjii adda ta’e sa’aatii 40f fudhannu keessatti, waa’ee maalummaa miiraa fi akkaataa miira keenyaa tooftaa miira leenjisuun, kan namoonni baay’een furmaata argataniif, gadi fageenyaa fi ogummaadhaan baranna!

@Gaaela_Gaarii ✅

Gaa'ela Gammachuu Qabuun eebbifamaa jiraachuu barbaaddaa?

✉️ Yoos humna kee bakkeetti hin fixin! Halalummaatiin jireenya kee hin balleessin! Walqunnamtii saalaa gaa'ela duraa irraa of eegii jiraadhu! Humna jaalala ati akkasiin kuufattutu ariifatanii gaa'ela milkaa'aa biraan si ga'u. ✅

🌹Jaalala Fageenyarraa! ❗️

🖤 Jaalala fageenyarraa warri jalqabdanii wal jaallattaniis jirtan. Waantota gurguddaa armaan gadii yoo raawwattan 90% kan tahu jaalalli keessan itti fufuu danda'a. Na amani waantota ani si gorsu kana yoo haalaan itti fayyadamteef, gaa'ela kee haala bareedaa fi Waaqayyotti toluun ijaaratta.
Isaanis:-

1. Block wal gochuu dhiisuu

➡️ Hubadhu! Fageenyarra jirta, karaa ati ittiin wal arguuf carraa bal'aa qabduu fi jaalala kee ijaarrattu, Bilbila kee qofa. Sanumaayyuu walitti aarteemmoo #block wal goota taanan baay'ee wal hubachuu dhiisuutu dhufa. Kunimmoo salphaatti akka walirraa fagaachaa deemaniif carraa bana. Yoo danda'ame rakkoo keessa keessan jiru wal dhaggeffachaa, fala barbaadaa malee tasuma #block wal gochuu irraa fagaadhaa.  Kun jaalala keessaniif baay'ee utubaadha.

2. Rakkoo keessan icciitiin of gidduutti qabadhaa!

➡️ Akka ofiikoo jettee inni ati hiriyaa keetti himattu sun, boolla ofitti qotaa jiraachuu kee ibsa. Cimsee waanan isin gorsu rakkoo isin lamaan giddutti uumamus ta'ee wanta jaalallee kee waliin haasoftu kam namatti himuu irraa of eegi. Anatu siin jedhe of eegi. Yoo dandahame waantota isin giddutti tahuuf qaama 3ffaa hin barbaadinaa. Caalaatti shammarran as irratti dadhabina baay'ee guddaa qabdu. Irraa of eegaa!

3. Osoo wal hin hubachiisin Online irraa hin badinaa!

➡️ Online irraa yeroo baddan, sababa maaliif akka badde dursii jaalallee keetti himi. Kanaan ala jaalala kee dhiphisuu taha. Sababa kana kanaaf Har'a online hin seenuu jedhii dursa itti himi. Jaalallee kees maaliif na jalaa badde/de jedhee dhiphachuu irraa bilisa ta'a/taati

4. Yeroo haasoftan maal gochuu akka qabdan mari'adhaa!

➡️ Yeroo kamuu waa'ee jireenya keessan fuulduraa dubachuu filadhaa. Waan har'a darbuun qilleensa wal hin godhinaa. Wal gammachisuufis jecha qoosa hin baayisinaa. Callisanii kolfuu, iyyuu fi maraachuu qofti atubaa jaalala ni jabeessa hin jedhinaa. Waan hundumaa ogummaan dubbachuu yaalaa. Wal hubadhaa. Yeroo waliif kennaa dubbadhaa

5. Video call waliin haasahuu yookiin Suura ofii waliif erguu.

➡️ Karaa namatti toluuf ija jabummaa isiniif kennuun carraa isin Fageenyarra teessanii waliin dubbattan videocall ha tahu. Kunis akkuma dubbadhe dhimma keessan ija jabinaan fi amantaa guutuun akka dubbattan isin godha. Yeroo haasoftanis akka nama waaqayyo tokkootti maal akka haasoftan beeka. Ogummaa isa waaqayyo isin irraa barbaduun dhimma keessan bu'ureffadhaa. Photo keessan kan waliif ergitanis ogummaan ha tahu.

6. Suura walii keessanii profile hin godhinaa.

➡️ Isa kana sirriitti dubbisi hubadhu!
Inni kun dadhabina namoota baay'ee gaa'elaa isaanii diigeedha. 100% godhee waanan isinitti himu social media (Facebook, telegram, tiktok,...)irratti suura fi video jaalallee kee hin maxxansin. Anatu siin jedhe sababa baay'ee narraa hin eegin. Garuu hin maxxansin. Inni kun yeroo hundumaa jaalallewwan lamaan gudduutti dubbii kaasa. "Suura jaalallee koo maxxanse immoo maaltu gad dhufa?" jettee jennaan itti fufi. Guyyaa tokko garuu waanan amma sitti himu kana yaadatte akka gaabbitu hin dagatin.  Ati jaalalle kee akka si amanuuf si jaallatuuf gochuu malta. Garuu jalalleekee Account kan biraa irratti yoo profile si godhate/tte account kan biraan immoo nama kana biraa waliin waliin dubbata/tti mala. Namni tokko tokko account 4 ol qabaachu mala 😁kanaafuu media irratti wal maxxansuun amanamunmaaf sababa hin tahu.

7. Yeroo dhaabbataa waliin haasoftan qabaadhaa.

➡️ Yeroo siif mijate qofatti jaalalle keef dawwaluu hin yaadin. Yeroo lamaan keessan free taatan waliif gala waliin Bilbilaa.

8. Maatii walii keessanii wal barsiisaa.

➡️Jaalalli keessan sadarkaa barbaachisurra gaafa gahu, maatii kee hundumaa jaalallekee waliin wal barsiisuu yaali. Kunis maatii irraa gorsa barbaachisaa fi ofitti amanamummaa jaalalaaf akka qabattu si godha.

:¨·.·¨: 💖 
 `·.  Love Message ✉️

@Gaaela_Gaarii ✅
@Marriage_Counseling

✉️✍️ @Gaaelabot

💐 Gaa'ela

~ “Lafa kanarra gammachuun ol aanaan gaa’ela dha.”
~ “Gochi gaa’elaa inni dhugaan kan raawwatamu onnee keessatti malee gocha alaa yookiin waldaa kiristaanaa keessatti yookiin namoota biratti miti. Wanti caalu filannoo ati gootudha – guyyaa cidhaa kee qofa utuu hin taane, irra deddeebitee – filannoon sun akkaataa abbaa warraa yookiin haadha warraa kee itti qabattu keessatti calaqqisa.”
~ “Gaa’elli gammachuu qabu, hariiroo dhala namaa bakka bu’a. Haala tokkoon tokkoon hiriyaa gaa’elaa, barbaachisummaa isa kaanii beekanii, uumamaan waan inni yookiin isheen gochuu dandeessu bilisa ta'uun fudhachuudha."
••••

• “The highest happiness on earth is marriage.”
• “The real act of marriage takes place in the heart, not in the ballroom or church or synagogue. It’s a choice you make – not just on your wedding day, but over and over again – and that choice is reflected in the way you treat your husband or wife.”
• “A happy marriage perhaps represents the ideal of human relationship- a setting in which each partner, while acknowledging the need of the other, feels free to be what he or she by nature is.”

@Gaaela_Gaarii ✅
@Marriage_Counseling

✉️✍️ @Gaaelabot

✅ Hariiroo Jaalalaa Fayyaa Qabeessa Qabu

Hariiroo jaalalaa fayya qabeessa qabu jechuun nama akkuma inni jirutti fudhachuu fi jaallachuudha malee karaa ofii keenyaaf mijatu hundatti jijjiiruu yaaluu miti. Hariiroon jaalala dhugaa salphaatti kan uumamu osoo hin taane bakka hariiroon jaalalaa dhugaan uumamutti jaalalli sun salphaatti hin badu! Jaalala fageenya jechuun homaa jechuu miti, yoo namni sun siif hiika tokko qaba ta’e haalli kamuu si jijjiiruuf humna hin qabu. Nama sana yoo jaallatte, eeguuf fedhii yoo qabaatte, haala jiru hubachuu fi gara fuulduraatti waan ta’u fudhachuuf fedhii qabaatte jaalalli sun sirrii ta’u hariiroo sun hin murteessa. Jaalala dhugaa jechuun hoo’a, garaa laafummaa, amanamummaa, yeroo waliif kennuu, quuqama, fedhii walii hubachuu, miira walii kunuunsuu, waliif yaaduu fi miira haal-duree tokko malee yeroo gaariis ta’ee rakkinaa utuu hin filatin waliin keessummeessuudha.

✍️ Yeroo tokko tokko callisuun, hariiroo jaalalaa keessatti rakkoo jaalalaan moo’amuu hin dandeenye qaba. Gam-tokkoon namni tokko waan ifa hin gooneef, callisuun nama isa tokko ni miidha jechuudha. Callisuun namoota gidduutti waanuma fedhe ajjeesuu danda’a. Callisuun jibba akka uumtuu fi amantummaa akka hir'iftu taasisa. Callisuun qaamni lachuu waan hundumaa akka dogoggoraan hubatan gochuu dandaʼa. Callisuun jaalala fayyaa qabeessa sana ajjeesa!”

@Gaaela_Gaarii ✅
@Marriage_Counseling

✉️✍️ @Gaaelabot

Shamarree akkasii ta'ii jiraadhu!
Dubbisi si fayyadaa!

1. Shamarree Eenyummaa jireenya ishee kan eeggattee fi nama biroof kabaja qabaadhu jiraadhu.

2. Haasaa fi tapha  shamarree irraa fokkisuu dhiis. Hiriiyoota kee qofa Gammachiisaa jiraachuu malta. Garuu Karaa gam tokko namoota si caalaniin tuffatamaa jiraachuu malta. Kanaaf waan gochaa jirtu kamuu eeggannoon Dhaabadhu ilaali. Kan si gorsu barbaaduuf gurra kee ballisi

3. Dargageessa Bilbila kee si gaafatu maraaf hin kennin.hojii kan hinqabne oduu Odessuun Hojii oduu waan siif dabaluuf, Nama oduu osoo hintaanee nama hojii akka taatee mullisuuf Bilbila keef eeggannoo godhi.

4. Suura Qullaakee mullisu kaatee miidiyaa kanarra hin bittinsin. Waan sitti bareedaa fakkaatu warra kaanitti bifa badaa qaba tahuu mala. Bareedina Qaamakee rifeensa jalqabee hanga qeensa miilla keetti jiran sanaaf eeggannoo godhi.

5. Amantii keetti jabaadhu. Inni kun immoo Uumaa kee biratti illee kabaja guddaa siif laata.

6. Yoom illee shammarree barbaadamtu tahi. Gatiinkee guddaa akka tahi beeki.Dhiira kamiifuu jettee Eenyummaa kee isa gatii guddaa qabu sana gad hinbuusin. Jaalallee kee iyyuu maaf hin tahin dhiirri kamuu Eenyummaa kee akka gad buusuu goonkumaa hin hiyyamaniif. Dhiirri kamuu Eenyummaa kee gad buusee jennaan cimsi nama akkasii irraa fagaadhu

7. Eenyuufuu jettee Balaa keessa hinseenin. Waan hindandeenye hin dandahu jedhi malee ariifattee waa keessa hinseenin.Shamarree baay'een akkasiin kufanii waan hafaniif waan dandeessuu qofa tole jedhi. Kanaan ala waan hin dandeenyetti dugda gati.

Gorsa kana hin tuffattin sammuutti qabaadhu.Yeroo shammarree akkasii taatee argamteef Waaqaa fi maatii kee gammachiista. Jabaadhu. Bakka yaadde ni geessa. Abdii hin murin. Sinjaalladhaa!
Ergaa kun sitti tole taanan dhalootaan naaf gahi!

@Gaaela_Gaarii ✅
@Marriage_Counseling

✉️✍️ @Gaaelabot