Ibnu Munewor (ኢብኑ ሙነወር)

ከአንድ በላይ ያገባ ሰው በሚስቶቹ አያያዝ ላይ ፍትሃዊ ሊሆን ይገባል። ይሄ ምርጫና ፍላጎት ሳይሆን ግዴታ ነው። ብዙዎች ላይ የሚታየው ግን ሁለተኛ ሲያገቡ የመጀመሪያዋን ይበድላሉ። እንዲያውም ከሷም አልፎ ልጆቿን ጭምር የሚበድል ብዙ ሰው አለ። እንዲህ አይነቱ አቀራረብ
1- ከአላህ ጋር ያጣላል። ኣኺራን ያበላሻል።
2- ልጆች አባታቸውን እንዲጠሉ፣ ከዚህም አልፎ ከተለያዩ ሴቶች የተገኙ ልጆች በመሀላቸው ጥላቻ እንዲነግስ ያደርጋል።

ስለዚህ በፍትህ ለማስተዳደር ቆፍጠን ያለ አቋም ይኑርህ። ይህንን ለማድረግ የምትልፈሰፈስ እና ወኔ የሚያጥርህ ከሆነ ይቅርብህ። ብዙ አስተዋይና ኃይለኛ የሚባል ወንድ ሳይቀር በአዲሷ ሚስቱ ጤነኛ ያልሆነ አቀራረብ በመረታት ዱንያ ኣኺራውን ሲያጠፋ ማየት በብዙ አካባቢ የተለመደ ነው።
=
የቴሌግራም ቻናል:-
https://t.me/IbnuMunewor
https://t.me/IbnuMunewor

ኸዋሪጅን በተመለከተ ኢብኑ ከሢር ረሒመሁላህ እንዲህ ይላሉ፦

إذْ لو قَووا هؤلاء لأفسدوا الأرض كلها عراقاً وشاماً، ولم يتركوا طفلاً ولا طفلة، ولا رجلاً ولا امرأة، لأن الناس عندهم قد فسدوا فساداً لا يصلحهم إلاّ القتل جملة.
"እነዚህ ጥንካሬ ቢያገኙ ዒራቅንም ሻምንም ምድርን እንዳለ ያጠፋሉ። ህፃናትንም፣ ወንዶችንም፣ ሴቶችንም አይተውም። ምክንያቱም እነሱ ዘንድ ሰዎች ባጠቃላይ የጅምላ ግድያ እንጂ በማያስተካክላቸው መልኩ ተበላሽተዋል።"
[አልቢዳያ ወኒሃያ ፡ 10/584]
=
የቴሌግራም ቻናል:-
https://t.me/IbnuMunewor
https://t.me/IbnuMunewor

ከሰው ገለል ሲባል ስንት የሚፈፀም ጥፋት አለ?!
~
ነብዩ ሶለላሁ ዐለይሂ ወሰለም በሐዲሣቸው :

"የቂያማ ቀን እንደ ቲሃማ ተራሮች የነጡ በጎ ስራዎችን ይዘው ነገር ግን አላህ የተበተነ ትቢያ የሚያደርግባቸው ሰዎችን በእርግጥም አውቃለሁ" አሉ።
“የአላህ መልእክተኛ ሆይ! ምን አይነት ሰዎች እንደሆኑ ይንገሩን። ሳናውቀው ከነሱ እንዳንሆን ሁኔታቸውን ይግለጡልን” በማለት ሠውባን ረዲየላሁ ዐንሁ ሲጠይቋቸው :

"እነሱማ የናንተው አይነቶች የናንተው ወንድሞች ናቸው። በሌሊት እንደምትሰግዱት ይሰግዳሉ። ነገር ግን ብቻቸውን ሲሆኑ የአላህ ክልከላዎችን የሚዳፈሩ ናቸው" አሉ። [አሶሒሐህ: 505]
=
የቴሌግራም ቻናል :-
t.me/IbnuMunewor

ኢስላማዊ መገለጫዎችን (ሸዓኢር) መጠበቅ ያሉት ፋይዳዎች
~
በቅድሚያ "ሸዓኢር" ወይም መገለጫዎች ስል እዚህ ላይ ማተኮር የፈለግኩት ሙስሊምነትን በርቀት የሚናገሩ፣ አለፍ ሲልም ለሸሪዐዊ ትእዛዛት ታዛዥነትን በከፊልም ቢሆን የሚጠቁሙ ውጫዊ የዲን ቀንዘሎችን ነው።

ለወንድ ልብስን ማሳጠር፣ ፂምን ማሳደግ፣ ለሴቶች ጂልባብ ወይም ኒቃብ መልበስን #የመሳሰሉ ለማለት ነው። እነዚህንና መሰል ነጥቦችን በራስ ላይ መተግበር የተለያዩ ፋይዳዎች አሉት። ከነዚህም ውስጥ:–

① ዋናው ፋይዳ ነብያዊውን ሱና መፈፀም መሆኑ ነው። ይሄ ትልቅ መታደል እንደሆነ ለማንም አይሰወርም።

② ከግልፅ ወንጀሎች ለመራቅ አጋዥ ነው። ዲናዊ ነፀብራቅ የሚታይባቸው ሰዎች ከሌሎች በተሻለ ወንጀል እየፈፀሙ ባደባባይ መታየት አይፈልጉም። ግልፅ ወንጀሎች ላይ ቀርቶ ከግብረ ገብነት ወጣ ያሉ ነገሮች ላይ የሚታዩት ከሌሎች አንፃር ያንሳሉ። "እኔ ገና ስንት ነገሬን ሳላስተካክል ኒቃብ/ ጂልባብ መልበስ፣ ፂም ማሳደግ፣ ልብስ ማሳጠር ይከብደኛል" የሚሉ አጋጥመዋችሁ አያውቁም? የዚህን አነጋገር ሌላ ገፅ አስተውላችሁታል? ሰዎች ዲናዊ ነፀብራቅን እያንፀባረቁ ወለም ዘለም ሲሉ መታየት አይፈልጉም ማለት ነው። ሎጂካቸው ነፀብራቆቹን ላለመፈፀም ጤነኛ ምክንያት ባይሆንም ኢስላማዊ ነፀብራቆችን እያሳዩ ጥፋት ላይ መታየት እንደሚከብዳቸው ጠቋሚ ነው። የእውነትም ወንጀልን ቢያስቡ እንኳን በላያቸው ላይ የሚታዩ ዲናዊ ነፀብራቆች አስረው የሚይዟቸው ብዙ ናቸው። እራሳቸውን ማሸነፍ አቅቷቸው ጥፋት ላይ ቢወድቁ እንኳን "ኒቃብ ለብሰሽ እንዲህ ትሆኛለሽ? ፂምህን አሳድገህ ይህን ትሰራለህ?" የሚል ብርቱ ተግሳፅ ከዓሊም ቀርቶ ከጃሂል ይመጣባቸዋል። ይህም ከሌሎች የተሻለ የመመከር እድል አላቸው ማለት ነው። ይሄ ታዲያ ትልቅ ጥቅም አይደለምን?

* ሸዓኢር የሚታይባቸው አጥፊዎች የሉም እያልኩ አይደለም። በንፅፅር ነው ያወራሁት።

③ ዲናዊ መገለጫዎችን ማንፀባረቅ ለእውቀት ፍለጋ ያነሳሳል። ህዝባችን ዲናዊ ነፀብራቅ የሚታይበትን አካል በብዙ ዲናዊ ነገር ወደፊት ያስቀድማል። ከሌሎች የተሻለ አድርጎ ይገምታል። ኢስላማዊ ውይይት ቢነሳ የተሻለ ሀሳብ ሊያመነጭ እንደሚችል ይጠብቃል። ጀማዐ ያለፋቸው ሰዎች መስጂድ ውስጥ ቢገቡ ልብሱ ያጠረውን፣ ፂሙ ያደገውን ለኢማምነት ያስቀድማሉ። በዚህን ጊዜ ሰዎች እንደሚያስቡት በቂ ግንዛቤ የሌለው ከሆነ ይሸማቀቃል። በራሱ ያፍራል። ከሌሎች በተሻለ ለዒልም ይነሳሳል። በሌሎችም ዘርፎች እንዲሁ ነው። ታዲያ ይሄ የራሱ ጥቅም አልኖረውምን?

=
(ኢብኑ ሙነወር፣ ሚያዚያ 13/2010)
የቴሌግራም ቻናል፦
https://t.me/IbnuMunewor

ማህበራዊ ሚዲያ ላይ ሌሎች በቀደዱለት የሚፈስ አጀንዳ ተቀባይ ጭፍራ ብዙ ነው። ይሄ ግን ግልብነት ነው። ስንት አንገብጋቢ ጉዳዮች የረባ ገበያ ሳይኖራቸው እንቶ ፈንቶ ነገሮች አየሩን ሲቆጣጠሩት አብረን ልናጅብ አይገባም። ትኩረታችን በሚመለከተን ጉዳይ ላይ ይሁን።
=
የቴሌግራም ቻናል፦
https://t.me/IbnuMunewor