Ibnu Munewor (ኢብኑ ሙነወር)

ሙስሊም ካልሆነ ወንድ ጋር አጉል ቅርርብ ውስጥ የገባችሁ እህቶች በጊዜ ከሰመመናችሁ ውጡ። በፍቅር ምርቃና እንደ ዋዛ ያቆራረጡት አደገኛ መንገድ መመለስ ሲያስቡ ዳገቱ ልብን ሊፈትን ይችላል። ውሃ ሲወስድ እያሳሳቀ ነው። መጨረሻችሁ ኩ- ፍ- ር ከመሆኑ በፊት በጊዜ ንቁ። ርቀቱ ሲጨምር መመለሻው ይከብዳል።
=
የቴሌግራም ቻናል፡-
https://t.me/IbnuMunewor

ከሌሎች ጋር እየተጣመራችሁ ላላችሁ እህቶች
~
ሙስሊም ካልሆነ አካል ጋር "ትዳር" መመስረት ለማይረባ የዱንያ ህይወት ዘላለማዊውን ኣኺራ ማጨለም ነው የሚሆነው። በተለይ እህቶች ቆራጥ ሁኑ። በእሳት አትጫወቱ። ኣኺራ ቀልድ አይደለም። ጀሀነም ቧልት አይደለም። እነዚያ የነቢዩ ﷺ ምርጥ ሶሐቢያት ትዳራቸውን በትነው ረጅም ጊዜ የሚወስድ አደገኛ መንገድ አቆራርጠው ሂጅራ ያደረጉት በትዳር ላይ ሸፍተው አልነበረም። አነሰም በዛ ትዳር የራሱ ጣእም አለው። ግና ኢማን ከሌለበት በኩ- ፍ- ር ውስጥ ካለ ትዳር እምቧይና እሬት ይጣፍጣል። ይህንን ስለተረዱም ነው ግፋ ቢል የጠዋት ጤዛ የሆነችዋን የዱንያ ደስታ ጥለው መከራውን በመጋፈጥ ወደ ኢማን የተጓዙት። "ዱንያ ለሙእሚን ወህኒ ቤት፣ ለከ -ሃዲ ደግሞ ጀነቱ ናት" ይላሉ ውዱ ነብይ ﷺ። ኣኺራ ደግሞ በተቃራኒው። የትኛው ጀነት ይሻልሻል? የዱንያው ወይስ የኣኺራው? የዱንያውን ስትመርጪ በኣኺራሽ ላይ ወስነሻል።
=
የቴሌግራም ቻናል፡-
https://t.me/IbnuMunewor

السلام عليكم ورحمة الله وبركاته
ዛሬ የሠላሠቱል ኡሱል ኪታብ ደርስ ይኖራል፣ ኢንሻአላህ።

* ቦታ :- አሸዋ ሜዳ፣ ጉቱ ሪል እስቴት፣ መስጂደል ዋሊደይን
* ጊዜ :- ከመግሪብ እስከ ዒሻእ
* የኪታቡ ሶፍት ኮፒ በpdf:- https://t.me/IbnuMunewor/6487
* ቦታው ላይ መገኘት ለማትችሉ በዚህ የቴሌግራም ቻናል ይተላለፋል፡-
https://t.me/IbnuMunewor

ቁማር በኢስላም የተከለከለ ነው። ሐራም የሚሆነው ህፃናት ሲፈፅሙት ወይም በቀጥታ በስሙ ሲቀርብ ብቻ አይደለም። ስሙ ቢቀያየርም ቁማር ሐራም ነው። ሎተሪ ቁማር ነው። አንድ የሎተሪ "እድለኛ" በ10 ብር ትኬት የ 1,000,000 ብር የሚወስደው ሰርቶ አትርፎ ሳይሆን ከሱው መሰል ተስፈኞች የለቀሙትን ነው አሳልፈው የሚሰጡት። ኢንሹራንሱም ተቀራራቢ አሰራር ነው የሚከተለው። አንድ ባለ መኪና ኢንሹራንስ በገባ በወሩ አደጋ ገጥሞት በኢንሹራንስ ድርጅቱ የ500,000 ብር ጥገና ቢያስደርግ ከሱው ብጤ ተስፈኞች የለቀሙትን ነው ወጭ የሚያደርጉት። ሌላኛው እድሜ ልኩን ሲከፍል ኖሮ ምንም ነገር ካልገጠመው አምስት ሳንቲም ሳይጠቀም ይቀራል። የጤና መድህኑም እንዲሁ ነው።
ባይሆን ኢንሹራንስም ይሁን ጤና መድህን ላይ እንዲገባ የተገደደ ሰው ወንጀል የለበትም። ወንጀሉን አስገዳጁ አካል ይሸከመዋል።
=
የቴሌግራም ቻናል፡-
https://t.me/IbnuMunewor

ወላሂ ወቢላሂ ወተላሂ! ተውሒድን የተገነዘበና ለተውሒድ ዋጋ የሚሰጥ ሰው የኢራኑን የሺዐ መሪ ኻሚነኢን እና ሐሰን ነስረላህን እያወደሰ ሸይኽ ሙሐመድ ብኑ ዐብዲልወሃብን አያብጠለጥልም። በዚህ ጥፋት ላይ የሚታዩት ወይ ለተውሒድ ጥላቻ ያረገዙ ሙታን አምላኪ ኹራፊዮች ናቸው። አለያ ደግሞ የተውሒድን ዋጋና የሺርክን አደጋ የማይለዩ እንቶ ፈንቶ የሚለቃቅሙ ጥራዝ ነጠቅ ድሪቶዎች ናቸው።
=
የቴሌግራም ቻናል፡-
https://t.me/IbnuMunewor

በማህበራዊ ሚዲያ ላይ ወደ ተውሒድና ሱና የሚጣሩ ዑለማኦችን በማጠልሸት ላይ የተጠመዱ የፊትና ሰባኪዎች አሉ። ከሸይኽ ሙሐመድ ብኑ ዐብዲልወሃብ ጀምሮ ዛሬ እስካሉት ድረስ ላይ ተሰማርተዋል። ሺ0ዎችን አይነኩም፤ እንዲያውም ያምግሳሉ። የተውሒድ ዑለማኦችን ግን ስማቸውን በማጉደፍ ላይ ተሰማርተዋል። ችግሩ የነዚህ እር- ኩሶች መኖር አይደለም። ችግሩ እነዚህን ክፉዎች የሚከታተሉ የዋሆች መኖራቸው ነው። ወገኔ ሆይ! ለራስን እዘን። የምትከታተለው ነገር ተፅእኖ ያሳድርብሃል። የሱና ዑለማኦችን ትጠላለህ። ይሄ ሲሆን ብዙ ኸይር ታጣለህ፤ መንገድም ትስታለህ። ሸይኽ ፈውዛን እንዲህ ይላሉ፦
"አላህ ከበደለኛ ሰዎች ጋር መቀማመጥን ከልክሎናል። ከበደሎችም የከፉ የሆኑት በደለኞች ወደ ፈተና የሚጣሩ ሰባኪዎች ናቸው። ከነሱ ጋር አትቀማመጥ። አታዳምጣቸው። "እኔ አውቃለሁ፣ ሊሸውዱኝ አይችሉም" አትበል። በጭራሽ! ራስህን አታጥራራ ወንድሜ!"
[ሸርሑ ኪታቢል ፊተን ወልሐዋዲሥ፡ 78]
=
የቴሌግራም ቻናል፡-
https://t.me/IbnuMunewor

السلام عليكم ورحمة الله وبركاته
ዛሬ የሠላሠቱል ኡሱል ኪታብ ደርስ ይኖራል፣ ኢንሻአላህ።

* ቦታ :- አሸዋ ሜዳ፣ ጉቱ ሪል እስቴት፣ መስጂደል ዋሊደይን
* ጊዜ :- ከመግሪብ እስከ ዒሻእ
* የኪታቡ ሶፍት ኮፒ በpdf:- https://t.me/IbnuMunewor/6487
* ቦታው ላይ መገኘት ለማትችሉ በዚህ የቴሌግራም ቻናል ይተላለፋል፡-
https://t.me/IbnuMunewor

የሰለፎች ኢጅማዕ ባለበት በነ ነወዊይና ኢብኑ ሐጀር ማስፈራራት ዋጋ የለውም።
~
የሰለፎች ንግግር እየተጠቀሰ የነ ነወዊይና የነ ኢብኑ ሐጀር ስህተት ላይ አትንጠልጠል። ኢብኑ ሐጀር ምን እንሚል ተመልከት፦
"እድለኛ ማለት ቀደምቶች የነበሩበትን አጥብቆ የያዘ እና የኋለኞቹ የፈጠሩትን የራቀ ነው።"

የሰለፎቹ 0ቂዳ ምን ነበር?

“አላህ ከዐርሹ በላይ ነው” የሚለው ዐቂዳ የቀደምት ታላላቅ ዑለማዎች ኢጅማዕ ያለበት እምነት ነው። ለናሙና ያክል የጥቂቶቹን ንግግር እንደሚከተለው አቀርባለሁ፦
1. ኢብኑል ሙባረክ (181 ሂ.) እንዲህ ብለዋል፡-
فَإِنَّ أَهْلَ الْإِثْبَاتِ مِنْ أَهْلِ السُّنَّةِ يُجْمِعُونَ ... وَأَنَّ اللَّهَ عَلَى عَرْشِهِ بَائِنٌ مِنْ خَلْقِهِ
“የአላህን መገለጫዎች የሚያፀድቁት የሱና ሰዎች … አላህ ከፍጡሩ ተለይቶ ከዐርሹ በላይ እንደሆነ ኢጅማዕ አድርገዋል።” [አልኢባና፣ ኢብኑ በጧህ፡ ቁ. 694]
2. ሰዒድ ብኑ ዓሚር አዱበዒይ (208 ሂ.) እንዲህ ብለዋል፡-
الْجَهْمِيَّةُ أَشَرُّ قَوْلًا مِنَ الْيَهُودِ وَالنَّصَارَى، قَدِ اجْتَمَعَتِ الْيَهُودُ وَالنَّصَارَى، وَأَهْلُ الْأَدْيَانِ أَنَّ اللَّهَ تَبَارَكَ وَتَعَالَى عَلَى الْعَرْشِ، وَقَالُوا هُمْ: لَيْسَ عَلَى الْعَرْشِ شَيْءٌ
“ጀህሚያዎች ከአይሁድና ከክርስቲያን ንግግራቸው የከፋ ነው። አይሁድ፣ ክርስቲያንና የሌሎችም ሃይማኖት ተከታዮች አላህ - ተባረከ ወተዓላ - ከዐርሹ በላይ እንደሆነ ከሙስሊሞች ጋር ተስማምተዋል። ጀህሚያዎች ግን ‘ከዐርሽ ላይ ምንም የለም’ አሉ።” [ኸልቁ አፍዓሊል ዒባድ፡ 31]
3. ሐማድ ብኑ ሀናድ አልቡሸንጂይ (230 ሂ.) እንዲህ ብለዋል፡-
“ይሄ የተለያዩ ሃገራት ነዋሪዎችን ያገኘንበት፣ መዝሀቦቻቸውም በሱ ላይ ያመላከቱት፣ የዑለማዎች ጎዳና ግልፅ የሆነበት፣ የሱናና የባለቤቶቿ መታወቂያ የሆነው አላህ ከፍጡሩ ተለይቶ ከሰባቱ ሰማይ በላይ ከዐርሹ ላይ እንደሆነ ነው። እውቀቱ፣ ስልጣኑና ችሎታው ግን ከሁሉም ቦታ ነው።” [አልዑሉው፡ 527] [ጁዩሽ፡ 2/242]
4. ዐሊይ ብኑል መዲኒይ (234 ሂ.) የአህሉ ሱና ወልጀማዐ አቋም ምን እንደሆነ ሲጠየቁ እንዲህ ሲሉ መልሰዋል፡-
أَهْلُ الْجَمَاعَةِ يُؤْمِنُونَ ... وَأَنَّ اللَّهَ فَوْقَ السَّمَاوَاتِ عَلَى الْعَرْشِ اسْتَوَى
“የጀማዐ ሰዎች ... አላህ ከሰማያቱ በላይ በዐርሹ ላይ እንደሆነ ያምናሉ።” [መጅሙዑል ፈታዋ፡ 5/49] [አልዑሉው፡ ቁ. 473]
5. ኢስሓቅ ብኑ ራሀወይህ (238 ሂ.) እንዲህ ብለዋል፡-
إِجْمَاعُ أَهْلِ الْعِلْمِ أَنَّهُ فَوْقَ الْعَرْشِ اسْتَوَى وَيَعْلَمُ كُلَّ شَيْءٍ فِي أَسْفَلِ الْأَرْضِ السَّابِعَةِ
“እርሱ ከዐርሹ በላይ ከፍ እንዳለና ከሰባተኛው ምድር ጀምሮ... ሁሉን ነገር እንደሚያውቅ የዑለማዎች ስምምነት አለ።” [ደርእ፡ 2/35] [አልዑሉው፡ ቁ. 487]
6. ቁተይባ ብኑ ሰዒድ (240 ሂ.) እንዲህ ብለዋል፡-
هَذَا قَوْلُ الْأَئِمَّةِ فِي الْإِسْلَامِ وَالسُّنَّةِ وَالْجَمَاعَةِ نَعْرِفُ رَبَّنَا سُبْحَانَهُ بِأَنَّهُ فِي السَّمَاءِ السَّابِعَةِ عَلَى عَرْشِهِ كَمَا قَالَ تَعَالَى: {ٱلرَّحۡمَٰنُ عَلَى ٱلۡعَرۡشِ ٱسۡتَوَىٰ}
“ይሄ በኢስላም የሱናና የጀማዐ ኢማሞች አቋም ነው። ጌታችንን ጥራት ይገባውና {አረሕማን በዐርሹ ላይ ከፍ አለ} እንዳለው ከሰባተኛው ሰማይ በላይ ዐርሹ ላይ እንደሆነ እናውቃለን።” [ሺዓሩ አስሓቢል ሐዲሥ፣ አቢ አሕመድ አልሓኪም፡ 34]
7. ኢማሙል ሙዘኒ （264 ሂ) የአህለ ሱናን አቋም ሲዘረዝሩ ቁጥር አንድ ያስቀመጡት የአላህን ከዐርሹ በላይ መሆን ነው። ከዚያም ሌሎችም መሰረታዊ ነጥቦችን ከዘረዘሩ በኋላ እንዲህ ብለዋል፦
هَذِه مقالات وأفعال اجْتمع عَلَيْهَا الماضون الْأَولونَ من أَئِمَّة الْهدى
“እነዚህ የመጀመሪያዎቹ ቀደምት የቅኑ ጎዳና ኢማሞች የተስማሙባቸው ንግግሮችና ተግባራት ናቸው።” [ሸርሑ ሱና፣ ሙዘኒ፡ 75፣ 89]
8. አቡ ዙርዐ አራዚይ (264 ሂ.) እና ሓቲም አራዚ (277 ሂ.) የአህሉ ሱናን ዐቂዳ ሲተነትኑ እንዲህ ብለዋል፡-
أَدْرَكْنَا الْعُلَمَاءَ فِي جَمِيعِ الْأَمْصَارِ حِجَازًا وَعِرَاقًا وَشَامًا وَيَمَنًا فَكَانَ مِنْ مَذْهَبِهِمُ: … وَأَنَّ اللَّهَ عَزَّ وَجَلَّ عَلَى عَرْشِهِ بَائِنٌ مِنْ خَلْقِهِ كَمَا وَصَفَ نَفْسَهُ فِي كِتَابِهِ , وَعَلَى لِسَانِ رَسُولِهِ ﷺ بِلَا كَيْفٍ
“በሁሉም ሃገራት - በሒጃዝ፣ በዒራቅ፣ በሻም፣ በየመን፣… ያሉ ዑለማዎችን አግኝተናል። ከመዝሀባቸው ውስጥ … አላህ - ዐዘ ወጀል - እራሱን በቁርኣኑ፣ እንዲሁም በመልእክተኛው ﷺ አንደበት እንደተገለፀው - ያለ እንዴት - ከፍጡሩ ተለይቶ ከዐርሹ በላይ እንደሆነ ማመን ነው። [ላለካኢ፡ ቁ. 321]
9. ኢብኑ ቁተይባህ (276 ሂ.) እንዲህ ብለዋል፡-
وَالْأُمَمُ كُلُّهَا -عَرَبِيُّهَا وَعَجَمِيُّهَا- تَقُولُ: إِنَّ اللَّهَ تَعَالَى فِي السَّمَاءِ مَا تُرِكَتْ عَلَى فِطَرِهَا وَلَمْ تُنْقَلْ عَنْ ذَلِكَ بِالتَّعْلِيمِ
“ህዝቦች በሙሉ ዐረቡም ሌላውም አላህ በሰማይ ነው ይላሉ። በተፈጥሯቸው ላይ እስከተተውና ከዚህ ላይ በስብከት እስካልተወሰዱ ድረስ።” [ተእዊሉ ሙኽተለፊል ሐዲሥ፡ 395]
10. አልኢማሙ ዳሪሚይ (280 ሂ.) ረሒመሁላህ እንዲህ ብለዋል፡-
قد اتَّفقتِ الكلمةُ مِنَ المسلمينَ أنَّ اللهَ فَوْقَ عَرْشِهِ فَوْقَ سَمَاوَاتِهِ
“አላህ ከዐርሹ በላይ ከሰማያቱ በላይ እንደሆነ የሙስሊሞች አቋም ተስማምቷል።” [ረድ ዐለል ጀህሚያ፡ 1/340] [ነቅዱ ዳሪሚ፡ 120]
=
(ኢብኑ ሙነወር፡ የካቲት 24/ 2014)
https://t.me/IbnuMunewor