ፒላስ 🇵 🇮 🇱 🇦 🇸

⭕️መልዕክት አለኝ⭕️
ተፈላጊነት
ዶ/ር ኢዮብ
አንድ ሁለት ልጆች የነበሩት ገበሬ ነበረ፡፡ ሁለቱ ልጆቹ በእርሻ ስራው አይለዩትም ነበር፡፡ አባት ለታናሹ ልጁ የበለጠ ሃላፊነት ስለሚሰጠውና ስለሚያምነው ሁል ጊዜ ታላቅየው ጥያቄ ይፈጥርበት ነበር፡፡ አንድ ቀን አባት አምስት መቶ ብር በእጁ ላይ እንዳለውና፣ አምስት በጎችን እጁ ላይ ባለው የገንዘብ መጠን ቢያገኝ የመግዛት እቅድ እንዳለው ለታላቅ ልጁ እየነገረው ሳለ፣ ታላቅ ልጅ ይንን አጋጣሚ በመጠቀም ለምን ከእርሱ ይልቅ ለታናሹ የበለጠ ሃላፊነትን እንደሚሰጠው ጠየቀው፡፡ ይህንን ሲወያዩ ታናሽ ልጅ በዚያ አልነበረም፡፡ አባትም ቀጥተኛ መልስ ቢሰጠው ይገነዘበዋል ብሎ ስላላሰበ በብልሃት ሊያስተምረው ፈለገ፡፡

አባት ለታላቅ ልጁ፣ “እሰቲ እነዚያ ከብት የሚያረቡት ሰዎች ቤት ሂድና በግ ይሸጡ እንደሆነ አጣርተህ ተመለስ፣ ከዚያም ጥያቄህን እመልስልሃለሁ” አለው፡፡ ታላቅ ልጅ ሄዶ ተመለሰና፣ “አዎን የሚሸጡ በጎች አሏቸው” አለ፡፡ አባትም፣ “ሂድና ዋጋቸው ስንት እንደሆነ ጠይቅ” አለው፡፡ ልጅም ሄዶ መጣና፣ “ባለ 100 ብር በጎች አላቸው” አለው፡፡ አባት እንደገና፣ “ሂድና ነገውኑ በጎቹን ብንገዛቸው እኛ ድረስ ሊያመጡልን እንደሚችሉ ጠይቅ” አለው፡፡ ልጅም ሄዶ መጣና፣ “አዎን ይችላሉ” አለው፡፡ አባትም ታናሽ ወንድምህን ጥራው እስቲ አለው፡፡

ታናሽ ልጅ ሲመጣ አባት፣ “እስቲ እነዚያ ከብት የሚያረቡት ሰዎች ቤት ሂድና በግ ይሸጡ እንደሆነ አጣርተህ ተመለስ” አለው፡፡ ታናሽየው ሄዶ ተመለሰና፣ “ባለ 100 ብር፣ ጎችና እና ባለ 150 ብር በጎች አሏቸው፡፡ ነገውኑ ብንፈልግ ሊያመጡልን እንደሚችሉ ጠይቄ ተስማምተዋል” ብሎ ለአባቱ ነገረው፡፡ በመጨመርም፣ “ስለዚህ፣ የተለየ ሃሳብ ኖሮን ካልነገርኳቸው በስተቀር አምስት በጎችን በ100 ብር ሂሳብ ነገውኑ እንዲያመጡልን ተስማምቼአለሁ” አለው፡፡ አባት ወደታላቅ ልጁ ዘወር ብሎ ሲመለከት፣ ታላቅ ልጁ የራሱንና የታናሽ ወንድሙን መልስ በማሰነጻጸር ላይ እንዳለ ያስታውቅ ነበር፡፡

“አየህ ልጄ፣ አንተንና ታናሽ ወንድምህን የጠየኳችሁ አንድ አይነት ጥያቄ ነው፡፡ ያመጣችሁልኝ መረጃ ግን በጣም ይለያያል፡፡ አንተ ያችኑው የተጠየከውን ጥያቄ ነው ይዘህ የመጣኸው፡፡ ሌላ መረጃ ስፈልግ እንደገና ደጋግሜ መላክ ነበረብኝ፡፡ እርሱ ግን እኔ የፈለኩትን ፍላጎቴን በሚገባ በመረዳት የቻለውን ያህል መረጃ ይዞልኝ ነው የመጣው፣ ከተጠየቀውም በላይ ስራ ሰርቶ ነው የመጣው፡፡ ሁል ጊዜ ከአንተ ይልቅ ለእርሱ ሃላፊነትን የምሰጠው ለዚህ ነው፡፡” በማለት ቀድሞ ለጠየቀው ጥያቄ መልስን ሰጠው፡፡ ለነገሩ፣ ታላቅ ልጅ ገና መልሱ ሳይብራራ ገብቶት ነበር፡፡

የተባሉትንና የሚጠበቅባቸውን ብቻ አድርገው እጆቻቸውን የሚሰበስቡ ሰዎች ተግባርን በማከናወንና የተጠበቀባቸውን ነገር በማድረግ አንጻር ትክክለኛ ነገር አድርገዋል፡፡ በእድገት ልቆ ከመገኘት አንጻር ሲታይ ግን ባሉበት የሚረግጡ አይነት ሰዎች ናቸው፡፡ ይህ አይነቱ ምርጫ ሰዎች ሊያከናውኑ ከሚችሉት አቅማቸው በታች እንዲኖሩ ያደርጋቸዋል፡፡ ከዚህም በተጨማሪ ሌሎች በእድገትና በተቀባይነት አልፈዋቸው ሲሆዱ እያዩ “ለምን?” እያሉ ከመጠየቅ ያለፈ እድገት አይኖራቸውም፡፡ “ለምን ለሌሎች ያደላሉ? … ለምን ሰውን ይመርጣሉ? … ብዙም የሚፈልገኝ ሰው የሌለው ለምንድን ነው? … ” መልስ ያጣው ጥያቄያቸው ብዙ ነው፡፡

የተፈላጊነት እውነታዎች …
• ከተፈላጊነት ውጪ ምንም አይነት እድገት እንደማታገኝ እወቅ፡፡

• ተፈላጊነትህን ለመጨመር የግድ ውሸት፣ የሌላውን ሰው ስም ማጥፋት፣ ሸንጋይነትና የመሳሰሉትን መንገዶች መጠቀም የለብህም፡፡

• በትጋትህና በታማኝነትህ የሰዎችን ልብ ባሳረፍክ ቁጥር ተፈላጊነትህ እየጨመረ ይሄዳል፡፡

• ብዙ እውቀትና ችሎታ ኖሮት የልብን ከማያደርስ ሰው ይልቅ፣ ብቃቱ አናሳ ሆነ ትጉ ሰው የበለጠ ተፈላጊነት አለው፡፡

• ከሚከፈልህ በላይና ከሚጠበቅብህ በላይ በትጋት ስትሰራ ተፈላጊነትን ታተርፋለህ፡፡

• ክፍያን በገንዘብ ብቻ አትጠብቅ፡፡ ከሚጠበቅብህ በላይ ስትሰራ የግድ ለዚያ የሚመጥን ገንዘብ እጅ በእጅ ላይከፈልህ ይችላል፡፡ አንዳንድ ጊዜ ክፍያህ በመልካም ስምና ምስክርነት፣ በተሻለ የስራ እርከን እድገትና በመሳሰሉት ሁኔታዎች ሊገለጥ ይችላል፡፡

• በመጨረሻ፣ ታማኝነትህንና ትጋትህን ለእኩይ አላማቸውና አንተን ለመበዝበዝ ብቻ ለመጠቀም ከሚፈልጉ ሰዎች ተጠንቀቅ፡፡

@pilasethiopia

⭕️መልዕክት አለኝ!⭕️
በቲፎዞ የሰከረ ማንነት!
ዶ/ር ኢዮብ ማሞ

ቻርልስ ብሎንዲን (Charles Blondin) በቀጭን ገመድ ላይ
በመራመድ የታወቀ ፈረንሳዊ ነው፡፡ በዘመኑ እጅግ ዝነኛ
የነበረው ይህ ሰው ከአንድ ግዙፍ ህንጻ ወደሌላኛው ህንጻ
በተዘረጋ ቀጭን ገመድ ላይ በመራመድ ተመልካቹን ትንፋሽ
በማሳጠር የታወቀ ሰው ነው፡፡ በቀጭን ገመድ ላይ
ከተራመደባቸው የከፍታ ስፍራዎች አንዱ በአሜሪካና በካናዳ
ጠረፍ ላይ በሚገኘው ናያግራ ፏፏቴ (Niagara Falls) ከፍታ ላይ
ያደረገው ይደነቅለታል፡፡

ከአሜሪካ ግዛት እስከ ካናዳ ግዛት
የፏፏቴው ጥጎች የተዘረጋውን ቀጭን ገመድ በመራመድ
ከተሻገረ በኋላ እንደገና ወደ አሜሪካው ግዛት በገመዱ ላይ
ሲመለስ የሚመለከተው ህዝብ ስለእርሱ ጭንቅ ይዞት ነበር፡፡

የሕዝቡ ጩኸት ቀልጧል፡፡ “አንተን የሚያክል የለም፣ ጀግና ነህ
… ” አሉት፡፡
ሁሉም ሰው ከተረጋጋ በኋላና ሕዝቡን ካመሰገነ በኋላ አንድ
ጥያቄ ጠየቃቸው፣
“በእርግጥም ጎበዝ እንደሆንኩ
ታምናላችሁ?” አላቸው፡፡
ሕዝቡ በአንድ ድምጽ፣ “አንተ
የምታደርገውን ሊያደርግ የሚችል ፈጽሞ አይገኝም፤ ምንም
ነገር ማድረግ ትችላለህ” በማለት አረጋገጡለት፡፡

“ይህን ያህል
ካመናችሁብኝ ከእናንተ መካከል በትከሻዬ ላይ ተሸክሜው
እንደገና በዚህ ቀጭን ገመድ ላይ እንድራመድ ፈቃደኛ የሆነ
ሰው ማን ነው?” አለ፡፡
ሕዝቡ በጸጥታ ተሞላ፡፡ አንድም ሰው
ፈቃደኛ ሊሆን አልፈለገም፡፡

ብሎንዲን ወደ አንድ የቅርብ ወዳጁ ዘወር በማለት ፈቃደኝነቱን
ጠየቀው፡፡ ይህ ወዳጁ ከፍታን እጅግ የሚፈራ ሰው ነው፡፡ ትንሽ
የወላወለው ይህ ወዳጁ በመጨረሻ ተስማማና ትከሻው ላይ
ሆኖ ያንን አስፈሪ ከፍታ አብረው ተሻገሩ፡፡

ይህ የቀጭን ገመድ
ተራማጅ #አድናቂዎቹ ብዙዎች፣ #አጋሩ ግን አንድ ሰው ብቻ እንደ
ነበር የተገለጠለትና ከደጋፊ ብዛት ከተጠናወተው ስካር ሰከን
ያለው ያን ጊዜ ነው፡፡

የሰው ልጅ የሚሰክረው በአልኮል መጠጥ ብቻ አይደለም፡፡
የሰው ልጅ በስኬት፣ በገንዘብ ብዛትና በመሳሰሉት ጊዜያዊ
ነገሮች ሊሰክር ይችላል፡፡ ከዚህ የከፋው የስካር አይነት ግን
ከጀርባው የሚደግፈው ቲፎዞ የበዛ ሲመስለውና “ጀግና”
የሚለው ሰው ሲበራከት ራሱን የመግዛት ብቃት ከሌለው
የሚሰክረው ስካር ነው፡፡ በዚህ ጊዜ ነው ልክ አንድ በመጠጥ
ተጽእኖ ስር ወድቆ የሰከረ ሰው የሚያደርገውን እንደማያውቅ
ሁሉ በመደነቅ ተጽእኖ ስር ወድቆ የሰከረ ሰውም ማመዛዘን
የሚሳነው፡፡

አጭር ምክር …
• ያደነቀን ሁሉ አብሮን የሚዘልቅ አጋር እንዳይመስለን፡፡ ዛሬ
“ሆ” ያለን ሰው ሁሉ ነገ ሕይወት የየራሱን የቤት ስራ
(Assignment) ሲሰጠው ከእኛ ዘወር ሊል የሚችልበት አጋጣሚ
ሊፈጠር ይችላል፡፡
• ወደዚህ ዓለም የመጣነው ብቻችንን ነው፣ የምንሰናበተውም
ብቻችንን ነው … በመካከሉ ግን በዚህ ምድር ላይ ባለን ቆይታ
ለብቻችን ስንሆን የሚሞግት ኅሊና ከፈጣሪ ተሰጥቶናል
ኅሊናችንን ብናደምጠው ይበጀናል፡፡
• ከደጋፊዎችና ከአድናቂዎች ብዛት የተጠናወተን ስካር አንድ ቀን
በረድ እንደሚል አንርሳ፡፡ ያን ጊዜ የምንነጋገረው ከእውነት ጋር
ነው፡፡ እውነት በመጀመሪያ ስትመክር ለስላሳ ነች፣ ካልሰማናት
ግን በኋላ ስትፈርድ ጨካኝ ነች፡፡
• ከአእላፋት ደጋፊዎች ኃይል ይልቅ የአንዲት እውነት ጉልበት
እንደምትበረታና እንደምታሸንፍ እናስታውስና ዛሬውኑ በሰከነ
አእምሮ ከእውነት ጋር እንስማማ፡፡

@pilasethiopia

፯
⭕ቅኔ ና ግጥም️⭕️

 * ቡቃያው ደረቀ *
ፍቅር መነነ - ዓለምን ለቀቀ
ግፍን ተፀይፎ - ቆቡን አጠለቀ፡፡

ምነው ክፋት በዛ ደግነት ቀነሰ
በንፁህ ልብ ላይ ተንኮል ተፀነሰ፡፡
ምነው
አብሮ የመኖር ጉዞ በወረት ደመቀ
ፅናት ደብዛው ጠፋ ቡቃያው ደረቀ

©ከቢኒኦኔ ገበሬ
ይግቡ⤵️⤵️⤵️
⚫ ️@pilasethiopia ⚪️
⚫ ️@pilasethiopia ⚪️
⚫ ️ @pilasethiopia ⚪️

🚷
ሰዎችን ቆመው እንዲሄዱ የሚያደርጋቸው እግር አይደለም።
ቆሞ ለመሄድ ከእግር በፊት ዋስትና የሚሆነው የሚኬድበት መንገድ...የሚቆምበት መሬት
(ሃገር) ነው።
የምትሄድበት መንገድ የተዘጋ 'ለት.... የቆምክበት መሬት(ሃገር) የከዳህ 'ለት........ እግር
እያለህ መሄድ አትችልም.......ወኔ እያለህ ጉልበት የለህም....ወደ ህልምህ የማትደርስበት
እግር ይዘህ ሽባ ትሆናለህ !!!

#join
👇👇👇
👉💡 @pilasethiopia💡👈
ለአስተያየቶ 👇👇👇
🖱 @nafbook🖱

፩
⭕️ጥቅሶች⭕️
ሳና
ይግቡ ⤵️⤵️⤵️
🦅 @pilasethiopia 🦅
🦅 @pilasethiopia 🦅
🦅 @pilasethiopia 🦅

፮
⭕ከታሪክ ውቅያኖስ️⭕️
​​ኢሬቻ ሎሬት ፀጋዬ ገ/መህን እንደፃፈው
.
ጸገመ

ይግቡ ⤵️⤵️⤵️
📃 @pilasethiopia 📃
📃 @pilasethiopia 📃
📃 @pilasethiopia 📃

፩
⭕️ጥቅሶች⭕️

ደራሲ በዓሉ ግርማ
========
ሕይወት፣ በሁለት ዘለዓለማዊ ጨለማዎች መካከል ብልጭ ብላ፣ መልሳ ድርግም የምትል ብልጭታ ናት፡፡ ሀሴትና ሥቃይ አለ፡፡
መኖር ደስታ ነው፡፡ሞት ስቃይ ነው፡፡
መውደድ ደስታ ነው፡፡መለየት ሥቃይ ነው፡፡
ይግቡ ⤵️⤵️⤵️
🦅 @pilasethiopia 🦅
🦅 @pilasethiopia 🦅
🦅 @pilasethiopia 🦅