እውን መረጃ

በጋምቤላ ክልል ከ 10 ሺ በላይ ተፈናቃዮች ይገኛሉ ተባለ።

በክልሉ ባለፉት ሁለት አመታት በተፈጠረ ግጭት በሶስት  ወረዳዎች ከ10 ሺህ በላይ ሰዎች  ከመኖሪያ ቀያቸዉ መፈናቀላቸዉ ተነግሮናል።


በክልሉ ተከስቶ በነበረዉ ከፍተኛ  ግጭት እና  አለመረጋጋት ምክንያት በተለይ በጆር÷ ኢታንግ÷ አኮቦ ወረዳዎች ላይ 10 ሺህ 333 ሰዎች ተፈናቅለዋል።

በጋምቤላ ክልል የኑዌር እና አኝዋክ ብሄረሰቦች በሚገኙበት ኢታንግ ልዩ ወረዳ በባለፉት ሁለት አመታት ግጭት የ አስር ቀበሌ ነዋሪዎች ቅያቸውን ጥለዉ መሸሻቸዉ ተገልፆል።

ከኢትዩ ኤፍኤም ጋር ቆይታ ያደረጉት የጋምቤላ ክልል የአደጋ ስጋት  ስራ አመራር አገልግሎት ዳይሬክተር ጃክ ጆይ በነባር ብሄረሰቦቹ መካከል  መነሻ ሆኖ በነበረዉ ግጭት በዚህ ወረዳ ብቻ አምስት ሺህ ሁለት መቶ ዘጠና ሁለት ሰዎች ተፈናቅለዉበታል ብለዋል።

በተጨማሪም ከዚህ ዉስጥ በጆር እና አኮቦ ወረዳ ዉስጥ በነበሩ 8 ቀበሌ ዎች ከ 5 ሺህ በላይ  የሚሆኑ ተፈናቃይ  ነዋሪዎች አሉ  ተብሏል። 

የኢትዮጵያ ሰብአዊ መብት ኮምሽን በኢታንግ ልዩ ወረዳ ላይ በተወሰኑ ነዋሪዎች መካከል የተነሳዉ አለመግባባት ብሄርን መሰረት አድርጎ ወደ ዉጥረት መሸጋገሩን ኮምሽኑ ከነዋሪዎች መስማቱን በወቅቱ  ገልፆ ነበር።

አቶ ጃክ በጋምቤላ ክልል የአመራር ለዉጡን ተከትሎ ሁለቱ ብሄረሰቦችን ዉይይት እንዲያደርጉ እና ተፈናቃዩችን ወደ ቀያቸው  ለመመለስ እየተሰራ ነዉ ብለዋል።

በሶስቱ ወረዳዎች የተፈናቀሉ አብዛኞቹ የአኝዋክ ብሄረሰቦች በመሆናቸዉ ወደ ቀያቸዉ እንዲመለሱ ከስምምነት መደረሱን ዳይሬክተሩ ለጣቢያችን ገልፀዋል።

ተፈናቃዮቹ አሁን ላይ በኢታንግ ልዩ ወረዳ ባለ መጠለያ የሚገኙ ሲሆን የተቃጠሉ ቤቶቻቸዉን መገንባት እና መልሶ ማቋቋም እንዲቻል  ለማድረግ ስራ መጀመሩን አቶ ጃክ ተናግረዋል።


ከዚህ ቀደም ጣቢያችን አነጋግሯቸዉ የነበረዉ የጋምቤላ ክልል ሰላም እና ፀጥታ ሀላፊዉ አቶ ማበር ኮር አሁን ላይ በክልሉ አንፃራዊ ሰላም ስለመገኘቱ ነግረዉናል።

@Ewun_Mereja
@Ewun_Mereja

የባህር በር ለማግኘት ቆርጫለሁ ያለችው ኢትዮጵያ ከወደ ኬኒያ ያልተጠበቀ የምስራች ሰምታለች።

የኬንያው ፕሬዝደንት ዊልያም ሩቶ ኢትዮጵያ የላሙ ወደብን እንድትጠቀም የሚያስችል ስምምነት መፈፀማቸውን ተናግረዋል፡፡ በላሙ ካውንቲ ተገኝተው ፕሬዝደንቱ ባደረጉት ንግግር ኢትዮጵያ ከውጭ የምታስገባቸውን ምርቶች በዚህ ወደብ በኩል ማስገባት የሚያስችል ስምምነት ማድረጋቸውን ገልፀዋል፡፡

ኢትዮጵያ ከሶማሊያ ጋር አዲስ ወደብ ለማግኘት ይፋ ባልተደረገ ሰነድ ስምምነት እየፈጸመች መሆኑ ጭምጭምታ በሚሰማበት ሰዓት ነው የኬኒያው ፕሬዝዳንት ይሄን ያበሰሩት።

ፕሬዝዳንት ሩታ ይሄን ሲናገሩም “በቅርቡ ኢትዮጵያ ይህንን ወደብ መጠቀም እንድትችል ስምምነት አድርገናል፡፡

የኢትዮጵያ መንግስት ከውጭ የሚያስገባቸውን ምርቶች በላሙ ወደብ በኩል ማስገባት ሲጀምር ለበርካታ ሰዎች የስራ አድል የምንፈጥር ከመሆኑም በላይ የአካባቢውን ኢኮኖሚ እናሳድጋለን” ያሉ ሲሆን በቅርብ ቀናት ውስጥ በላሙ ወደብ የአካባቢው አገራት መሪዎች የሚገኙበት ግብዣ እንደሚከናወንም አስታውቀዋል፡፡ 

ከሞምባሳ ቀጥሎ የኬንያ ሁለተኛው ትልቁ ወደብ የሆነው ላሙ የመንገድ ስራ ግንባታ ከተጀመረ ከአስር አመታት በላይ ያለፈው ሲሆን መንገዱ በኢትዮጵያ በኩል አድርጎ እስከ ደቡብ ሱዳን የሚዘረጋ መሆኑ ይታወቃል፡፡

ፕሬዝደንት ዊልያም ሩቶ እንደገለፁት በዚህ ፕሮጀክት የላሙ ወደብ በሶስት ክፍሎች የማልማት ስራ እንደሚከናወንለት እቅድ የተያዘ ሲሆን አንደኛው ምእራፍ ተጠናቆ አሁን አገልግሎት ለመስጠት ዝግጁ ሆኗል ሲል ካፒታል ኒውስ ዘግቧል፡፡

@Ewun_Mereja
@Ewun_Mereja

ከአዲግራት ከተማ አቅራቢያ በሬክተር ስኬል 5.2 የተለካ ርዕደ መሬት ተከሰተ

ዛሬ እሁድ ከአዲግራት ከተማ 46 ኪሎ ሜትር በስተምስራቅ ርቀት ላይ በሚገኝ አካባቢ ላይ በሬክተር ስኬል 5.2 የተለካ የመሬት መንቀጥቀጥ መከሰቱን የአሜሪካ የጂኦሎጂካል ሰርቬይ መስሪያ ቤት ገለጸ። ርዕደ መሬቱ የተከሰተው ከቀኑ 5 ሰዓት ከ14 ደቂቃ ላይ መሆኑንም መስሪያ ቤቱ አስታውቋል።

በኢትዮጵያ በአፋር ክልል ባሉ አካባቢዎች ካለፈው መስከረም ወር ጀምሮ ተደጋጋሚ የመሬት መንቀጥቀጥ ቢከሰትም፤ በትግራይ ክልል ከተሞች አቅራቢያ ርዕደ መሬት ሲመዘገብ ግን በዚህ ዓመት የመጀመሪያው ነው። የዛሬው የመሬት መንቀጥቀጥ በኢትዮጵያ እና ኤርትራ ድንበር ቀጠና የተከሰተ መሆኑን የጠቆመው የአውሮፓ ሜዲትራንያን ሴይስሞሎጂ ማዕከል (EMSC)፤ መጠኑም በሬክተር ስኬል 5.3 የተለካ እንደሆነ አስታውቋል።

በኤርትራ ከአንድ ሳምንት በፊት የደረሰ ርዕደ መሬት በሬክተር ስኬል 4.6 ሆኖ ተመዝግቧል። የመሬት መንቀጥቀጡ የተከሰተው በቀይ ባህር ሰሜናዊ አቅጣጫ ከአስመራ 24 ኪሎ ሜትር ርቀት ላይ ባለ አካባቢ ነበር። በሀገሪቱ ባለፈው ታህሳስ ወር አጋማሽም እንዲሁ ተመሳሳይ ርዕደ መሬት ተመዝግቧል።

በሐምሌ 2015 ዓ.ም. በኤርትራ ባህር ዳርቻ ዳህላክ ደሴት አካባቢ የተከሰተው የመሬት መንቀጥቀጥ፤ በትግራይ ክልል የተለያዩ ከተሞች ተደጋጋሚ ንዝረቶች አስከትሎ እንደነበር ይታወሳል። ንዝረቱን በሽሬ፣ አዲግራት፣ አድዋ፣ አክሱም እና መቐለ ከተማ ያሉ ነዋሪዎች መስማታቸውን በወቅቱ ለ“ኢትዮጵያ ኢንሳይደር” ገልጸው ነበር።

Via:ኢትዮጵያ ኢንሳይደር


@Ewun_Mereja
@Ewun_Mereja

ኢንተርናሽናል ሜዲካል ኮር የተሰኘው መንግሥታዊ ያልሆነ ድርጅት፣ በአማራ ክልል ምዕራብ ጎንደር ዞን በቋራ ወረዳ ከታኅሳስ ወር መጨረሻ ወዲህ በተከሰተ የኮሌራ ወረርሽኝ አምስት ሰዎች እንደሞቱና 270 ሰዎች በበሽታው እንደተያዙ አስታውቋል።

ባካባቢው ያለው የንጹህ መጠጥ ውሃ እጥረት፣ የንጽህና አጠባበቅ ጉድለትና የሰዎች እንቅስቃሴ በሽታው በስፋት እንዲሠራጭ ሊያደርገው እንደሚችል የጤና ባለሙያዎች ስጋታቸውን ገልጸዋል ተብሏል። በዞኑ በሽታው ከአንድ ዓመት ከመንፈቅ በፊት ባንድ የጸበል ቦታ ውስጥ ከተከሰተ ወዲህ፣ በክልሉ በ16 ዞኖች በ60 ወረዳዎች የተሠራጨ ሲኾን፣ እስካሁን 4 ሺሕ 983 ሰዎች በበሽታው እንደተያዙ የድርጅቱ መረጃ ያመለክታል።

@Ewun_Mereja
@Ewun_Mereja

ኢትዮጵያ ላሙ ወደብን ተጠቅማ ምርቶችን ለማስገባት ተስማምታለች ሲሉ ፕሬዝዳንት ሩቶ ገለጹ

ፕሬዝዳንት ዊልያም ሩቶ ከቅርብ ጊዜ ወዲህ ከየብስ ተከብባ ከምትገኘው ኢትዮጵያ ጋር ወደቡን ወደ ውስጥ ሀገር ለሚገቡ ምርቶች ማጓጓዣነት ለመጠቀም ስምምነት ላይ መድረሳቸውን ገልጸዋል።

የላሙ ወደብ የክልሉ የንግድ ማዕከል ሆኖ እንዲያገለግል ኬንያ እና ጎረቤት ሀገራት ባደረጉት ስምምነት መሰረት ከፍተኛ እንቅስቃሴ ሊደረግበት ተዘጋጅቷል።

ፕሬዝዳንት ሩቶ በላሙ ምስራቅ ክልል በንዳው ደሴት የመጀመሪያውን የኬንያ ከግሪድ ውጪ የፀሐይ ኃይል ተደራሽነት ፕሮጀክት በሐሙስ ዕለት ሲያስጀምሩ እንደተናገሩት "ከኢትዮጵያ መንግስት ጋር የላሙን ወደብ መጠቀም ለመጀመር ተስማምተናል፤ ይህም ተጨማሪ የስራ እድሎችን ለመፍጠር እና የዚህን ክልል ኢኮኖሚ ለማሳደግ ያስችለናል" ብለዋል።

ፕሬዝዳንቱ ከሞምባሳ ወደብ ቀጥሎ ሁለተኛ የሆነውን የላሙን ወደብ ላይ የሀገራት መሪዎችን በቅርቡ እንደሚያስተናግዱ ገልጸዋል።በዚህም በላሙ ወደብ የመጀመሪያዎቹ ሶስት ዘመናዊ ማቆሚያዎች ተጠናቀው ለአገልግሎት ዝግጁ መሆናቸውን ፕሬዝዳንቱ አስታውቀዋል።

Via Capital Newspaper

@Ewun_Mereja
@Ewun_Mereja

የአሜሪካው ተራድዖ ድርጅት (ዩ ኤስ ኤ አይ ዲ) የገንዘብ እርዳታ ካቆመ ወዲህ፣ ኢትዮጵያ ውስጥ ከሚንቀሳቀሱ መንግሥታዊ ያልኾኑ ድርጅቶች መካከል 85 በመቶዎቹ ሥራቸውን ማቆማቸውን ሪፖርተር ዘግቧል።

በተለይ በሰብዓዊ መብቶች፣ በሰላም፣ በጤና እና ልማት ዘርፎች የሚሠሩ ድርጅቶች ይበልጥ ተጎጂ እንደኾኑ የጠቀሰው ዘገባው፣ በትግራይ ለ100 ሺሕ የጦርነት ተፈናቃዮች ንጹህ የመጠጥ ውሃ ያቀርብ የነበረ መንግሥታዊ ያልኾነ ድርጅትም ሥራ ማቆሙን አመልክቷል።

መንግሥትም፣ የውጭ ዜጋ የሆኑ የሲቪል ማኅበረሰብ ድርጅቶች ወደ አገሪቱ እንዳይገቡ የሚያግድ ሕግ እያዘጋጀ መኾኑን ምንጮች መናገራቸውን የዜና ምንጩ ዘገባ ያመለክታል።

@Ewun_Mereja
@Ewun_Mereja

ግብፅ ኢትዮጵያ የባህር ሃይል እንድታቋቁም አልፈቅድም አለች

ወደብ አልባ የሆነችው ኢትዮጵያ በቀይ ባህር የራሷን ወደብ ለማግኘት እና የባህር ሀይል ለመቋቋም እንቅስቃሴ ላይ እንደምትገኝ ይታወቃል።

ግብጽ የቀይ ባህር አካል ያልሆነ ማንኛውም ሀገር በባህሩ ዙሪያ የሚያደርገውን ወታደራዊ እንቅስቃሴ እና የባህር ሀይል ለማቋቋም የሚደረግ ጥረት እንደማትቀበል አስታወቀች፡፡

ይህ የተባለው በግብፅ ውጭ ጉዳይ ሚኒስትር ባድር አብዳላቲ የተመራ ልዑክ በኤርትራ ከፕሬዝዳንት ኢሳያስ አፈወርቂ ጋር ውይይት ማድረጉን ተከትሎ ነው፡፡

በውይይቱ ሁለቱ ሀገራት የቀይ ባህርን ጨምሮ የጋራ በሚያደርጓቸው ቀጠናዊ እና በተለያዩ መስኮች የሁለትዮሽ ግንኙነቶችን ለማጠናከር ተስማተዋል፡፡

የግብፅ ውጭ ጉዳይ ሚንስትር “የቀይ ባህር ደህንነት በተዋሳኝ ሀገራቱ ፍላጎት ላይ ብቻ የተመሰረተ ነው ፤ምንም አይነት ወታደራዊም ሆነ የባህር ሃይል በአካባቢው መገኘትን አንፈቅድም” ብለዋል።

አክለውም “ወደብ አልባ ሀገራት በቀይ ባህር ዙሪያ የባህር ሀይል ማቋቋም የቀጠናውን እና የባህሩን ደህንነት ለመጠበቅ የተደረሰውን ስምምነት ክፉኛ የሚጎዳ ነው” ሲሉ ተደምጠዋል፡፡

የግብፅ የውጭ ጉዳይ ሚኒስቴር መግለጫ እንዳስታወቀው አብዳላቲ ከፕሬዝዳንት ኢሳያስ ጋር ባደረጉት ውይይት፤ በአህጉራዊ የጋራ ጉዳዮች በተለይም በአፍሪካ ቀንድ አካባቢ ሰላምና ደህንነትን መደገፍ በሚቻልበት ሁኔታ ላይ ፣ በሶማሊያ ሽብርተኝነትን ለመዋጋት እና ሉዓላዊነቷን በሁሉም ግዛቶቿ ላይ ለማስረፅ የሚያስችል የሃሳብ ልውውጥ ተካሂዷል።

ስብሰባው በሊቢያ እና በአፍሪካ ሳህል
አካባቢ ስላለው ሁኔታ እንዲሁም በቀይ ባህር ውስጥ ያሉ ለውጦች እና ማንኛውም ቀይ ባህር አካል ያልሆነ መንግስት በፀጥታ እና በአስተዳደር ውስጥ ተሳትፎን ውድቅ በማድረግ ላይ ትኩረቱን አድርጓል ።

በተጨማሪም በጥቅምት 2024 በኤርትራ ከተካሄደው የመጀመሪያው የመሪዎች ጉባኤ በኋላ ተመሳሳይ የሚኒስትሮች ስብሰባዎችን በሞቃዲሾ እና በአስመራ ለማካሄድ እና በቅርቡ ለሁለተኛው የፕሬዝዳንት ጉባኤ ለመዘጋጀት መምከራቸውን አብዳላቲ ጠቁመዋል።

የኤርትራ የውጭ ጉዳይ ሚኒስቴር ባወጣው መግለጫ በበኩሉ ትላንት ምሽት ፕሬዝዳንት ኢሳያስ አፈወርቂ በግብጽ የውጭ ጉዳይ ሚኒስትር ባድር አብዳላቲ ከተመራ ልዑካን ጋር በቀጠናዊ ጉዳዮች ላይ ሰፊ ውይይቶች ማድረጋቸውን አስታውቋል፡፡

በሱዳን ሶማሊያ እና በአጠቃላይ በአፍሪካ ቀንድ እንዲሁም በቀይ ባህር አካባቢዎች የሰላም እና የደህንነት ፈተናዎች ላይ ትኩረቱን ያደረገ ውይይት መካሄዱንም መግለጫው አክሏል፡፡

@Ewun_Mereja
@Ewun_Mereja

"የዓድዋ በዓል በአዲስ አበባ ብቻ ነው የሚከበረው የሚለው መረጃ  ትክክል አይደለም" የባህልና ስፓርት ሚኒስቴር

የካቲት 22/2017 (አሐዱ ሬዲዮ) ነገ የካቲት 23 ቀን 2017 ዓ.ም የሚከበረው የዓድዋ ድል በዓልን ታሳቢ በማድረግ ባህልና ስፓርት ሚኒስቴር በትናንትናው ዕለት "አድዋ የጥቁር ሕዝቦች ድል" "አድዋን እንዘክራለን ኢትዮጵያን አጽንተን ለትውልድ እናሻግራለን" በሚል መሪ ቃል ቀኑን አስቦ ውሏል።

'በተለያዩ ክልል ከተሞች በዓሉን የማክበር ፍላጎት ቢኖርም ክልከላዎች መደረጉ ተገቢ አይደለም' የሚሉ አሳቦች ከበዓሉ ተሳታፊዎች ተነስተዋል፡፡

እንዲሁም "የዓድዋ ድል በዓል በአዲስ አበባ ብቻ ከሚከበር መላው አፍሪካን ወደ ኢትዮጵያ በመጋበዝ እንደሌሎች በዓላት የቱሪዝም መዳራሻ ማድረግ እና የኢኮኖሚ እንቅስቃሴን መፍጠር ያስፈልጋል" ሲሉም አስተያየታቸውን ሰጥተዋል፡፡

ለተነሱ ጥያቄዎች ምላሽ የሰጡት የባህልና ስፓርት ሚኒስትር ዴኤታ ጸጋዬ ማሞ፤ 'በአዲስ አበባ ብቻ ክብረ በዓሉ እየተከበረ ነው' የሚለው ሀሳብ ወይም መረጃ ትክክል እንዳልሆነ በሌሎች ክልሎችም እየተከበረ መሆኑን ገልጸዋል፡፡

በአንድ ወቅት እንዳይከበር ክልከላዎች የነበሩት የተሳሳተ አመለካከት ስለነበር እንደሆነም አስታውሰዋል፡፡

በዓድዋ በዓል ላይ ምን ተጨማሪ ሥራዎችን ይሰሩ? የሚለውና የተሰጡ አስተያየቶችን ተቀብሎ፤ ሚኒስቴር መስሪያ ቤቱ የቤት ሥራዎችን ይወስዳል ሲሉም ገልጸዋል።

@Ewun_Mereja
@Ewun_Mereja

የካይሮ ከፍተኛ ባለስልጣናት አስመራ ተከስተዋል፡፡ ኢትዮጵያ ከቀጠናው አገራት ጋር ውጥረት ውስጥ ስትገባ ሹማምንቶቿን ወደ ኢትዮጰያ ጎረቤት የመላክ ልምድ ያላት ግብጽ፤ የኢትዮ ኤርትራን ውጥረት ተከትሎ ከአዛውንቱ ፕሬዝዳንት ኢሳያስ አፈወርቂ ጋር መክራለች፡፡

ኤርትራን የቀጠናው የቅርብ አጋራቸው ለማድረግ እየተሯሯጡ የሚገኙት  የግብጹ ፕሬዝዳንት አብዱልፈታህ አልሲሲ በውጭ ጉዳይ የተመራ ልዑክ ወደ አስመራ ልከዋል፡፡ ፕሬዝዳንት ኢሳያስ አፈወርቂ ትናንት ማምሻውን በግብፅ ውጭ ጉዳይ ሚኒስትር በድር አብደላቲ የተመራው የካይረሮ ልኡካን ቡድን በቤተ መንግሥታቸው ተቀብለው አነጋግረዋል፡፡

የፕሬዝዳንቱ እና የካይሮ ባለሥልጣናት ውይይት ከዚህ ቀደም በሁለቱ አገራት ፕሬዝዳንቶች ደረጃ የተጀመረውን የሁለትዮሽ ግንኙነት ማሰቀጠል ላይ ያተኮረ ነው ቢባልም፤ የኢትዮጵያ ጉዳይ በዋነኝነት እንደተነሳ ግን ተገምቷል፡፡ በጉዳዩ ላይ ማብራሪያ የሰጡት የኤርትራ ቃል አቀባይ የማነ ገ/መስቀል ፕሬዝዳንት ኢሳያስና የግብጽ ባለሥልጣናት በተለያ ገዳዮች ላይ ሰፊ ውይይት አድርገዋል ያሉ ሲሆን፤ ይይቱ በሁለቱ ሀገራት ግንኙነት እንዲሁም በአህጉራዊ ጉዳዮች ላይ ያተኮረ ነው ብለዋል፡፡

በተለይም አስመራ እና ካይሮ በአፍሪካ ቀንድ እና ቀይ ባህር የጋራ ጠቀሜታ ባላቸው ጉዳዮች ላይ ያተኮረ  አጋርነት አሰላለፍ ለመያዝ መነጋገራቸው ተሰምቷል። ሁለቱ አገራት በአፍሪካ ቀንድ እና በቀይ ባህር አካባቢዎች የሰላም እና የደህንነት ፈተናዎችን በጋራ ለመመከት መስማማታቸውን የማነ በማብራሪያቸው ገልጸዋል፡፡ ሁለቱ አገራት ቀይ ባህር ላይ የያዙት የጋራ አቋም ቀድሞውኑ የባህር ጠረፍ ከሌላቸው አገራት ወጪ አናስገባም የሚል ነው፡፡

የግብጽ ውጭ ጉዳይ ቃል አቀባይ ታሚም ካህላፍ በጉዳዩ ላይ በሰጡት ማብራሪያ የቀይ ባህር አንዱ የውይይት አጀንዳ መሆኑን አረጋግጠለዋል፡፡  ቃል አቀባዩ አብደላቲ ከኤርትራው ፕሬዝዳንት ኢሳያስ አፈወርቂ ጋር የሁለትዮሽ ግንኙነቱን ወደ ላቀ ደረጃ ለማድረስ እና በአፍሪካ ቀንድ፣ በሶማሊያ፣ በሱዳን፣ በሊቢያ እና በቀይ ባህር ያሉ ለውጦችን ጨምሮ ቀጠናዊ ጉዳዮች ላይ ተወያይተዋል ብለዋል።

የማነ በበኩላቸው በአስመራው ውይይት የሱዳን ጦርነት አፋጣኝ እና ሰላማዊ መፍትሄ የሚገንበነት አማራጭ ላይ እና የሶማሊያ ሀገር ግንባታ አጀንዳ መሆኑን ጠቁመዋል፡፡  ሁለቱ አገራት እንደ ሱዳንና ሶማሊያ ባሉ አገራት የጋራ ጥቅማቸውን ማስከበር በሚችሉበት አቅጣጫ ላይ ከዚህ ቀደምም ሲመክሩ እንደነበር ይታወሳል፡፡

ኢትዮጵያ ከሶማሊያ ጋር ውጥረት ውስጥ በገባችበት ወቅት ኤርትራ እና ግብጽ ለሞቋደሾ ውግንና አሳይተው የሦስትዮሽ ግንኑነት መመስረታቸው ይታወሳል፡፡  ይሁን እንጂ አሁን ላይ ኢትዮጵያ እና ሶማሊያ ግንኙነታቸውን ማደሳቸውን ተከትሎ ግብጽ እና ኤርትራ የሁለትዮሽ ግንኙነታቸውን አስቀጥለዋል፡፡ ግብጽ እና ኤርትራ በተለይ ኢትዮጵያ ወደ ቀይ ባህር ቀጥተኛ ተጋሪነት የመግባት ፍላጎት እናዳላት ከገለጸች በኋላ ተከታታይ ግንኙነቶችን እያደረጉ ነው፡፡

የሁለቱ አገራት ግንኙነት ዋና ማጠንጠኛ ደግሞ ቀይ ባህር ጉዳይ ሲሆን፣ ግብጽ በአፍሪካ ቀንድ ሚዛን የምትደፋበት አቅም ለማግኘትም እግረ መንገዷን እየፈለገች ነው፡፡ ይህንኑ የግብጽን አሰላለፍ አስመራ የተገኙት የካይሮ ውጭ ጉዳይ ሚኒስትር ለኤርትራ ዜና አገልግሎት በሰጡት ማብራሪያ ጠቁመዋል፡፡ የውጭጉዳይ ሚኒስትሩ አብደላቲ ከአስመራ በሰጡት ማብራሪያ በሁለቱ አገራት መካከል በየወቅቱ የሚደረጉ ምክክሮች አላማ በቀጠናዊ ጸጥታና መረጋጋት ጉዳዮች ላይ የጋራ አቋሞችን ለመፍጠር ያለመ ነው ብለዋል፡፡

@Ewun_Mereja
@Ewun_Mereja