እንማር

ማራኪ English የሀገራችን ምርጥ የእንግሊዝኛ ቋንቋ አስተማሪዎች በጋራ የከፈቱት ትልቅ ቻናል አሁኑኑ ተቀላቀሉ
A channel where you can easily learn English For Ethiopian . We teach from beginner to advanced. 👇👇👇👇👇👇

የዘላቂ ፍቅር ሚስጥር
============
"ፍቅር ይዞኝ አልበላ፣ አልጠጣ አለኝ። ሁሌ ስለ እሷ ነው የማስበው፤ በየቀኑ ካርድ እሰከምንጨርስ ነው የምናወራው።" ያላችሁን ሰው ከሁለት አመት በኋላ ብታገኙት የያዘው ፍቅር ለቆታል። ምክኒያቱም ስሜታዊው ፍቅር እድሜው ከሁለት አመት ስለማይበልጥ። በፊት ያለ ምንም ማንገራገር ስትጠራው ወዲያውኑ "አቤት" ስትልከው ወዲያውኑ "ወዴት" ይል የነበረው የያዘው ፍቅር እየነዳው ነበር። አሁን ፍቅሩ ለቆታል። (በተለምዶ "ፀባዩ/ይዋ መለወጥ ጀመረ።" የሚባለው እዚህኛው ደረጃ ላይ ሲደረስ ነው።)

በፊት እንደሚፈቀሩ እርግጠኛ የነበሩ ሰዎች አሁን ቅር ቅር እያላቸው ይመጣል። እንደዚህ ከተሰማቸው ያሉት አማራጮች ሶስት ናቸው። የበፊቶቹ ትውልዶች ፍቅር ባይሰማቸውም፣ ደስተኛ ባይሆኑም (አንዳንዶቹ ለልጆቻቸው ሲሉ) ተቻችሎ መኖር። እንደ ባል ሳይሆን እንደ ደባል። የአሁኑ ትውልድ ደግሞ ደስተኛ ሳይሆን ሲቀር ቶሎ ወደ መለያየት። አሁን አሁን ሰዎች ልጆች ቢኖራቸውም በፍቅር ህይወታቸው ደስተኛ ካልሆኑ ይለያያሉ።

ጥሩ ዜና አለ! ከሁለቱ የተለየ ሶስተኛ አማራጭ አለ። የዘለቂ የፍቅር ቁልፍ የሆኑትን አምስቱን የፍቅር ቋንቋዎች ማወቅና መናገር። አንዳንድ ሰዎች ለፍቅራቸው ሲሉ ብዙ ነገር አድርገውም ምንም ውጤት አይኖረውም። ለዚህ ምክኒያቱ እነሱ በሚያውቁት የፍቅር ቋንቋ ፍቅራቸውን በደንብ እየገለፁ ነው። ነገር ግን አጋራቸው የሚሰማው ሌላ የፍቅር ቋንቋ ነው። ስለዚህ የነሱ ጥረት ውጤት የሌለው ይሆናል። ልክ ጃፓንኛ ብቻ ለሚሰማ ሰው በፈረንሳይኛ ቅኔ እየዘረፍሽ፣ ውብ ግጥም እየገጠምሽ ፍቅርሽን ብትገልጭለት ለሱ ትርጉም የለውም። እንደውም ሊያናድደው ሁሉ ይችላል።

"የዘላቂ ፍቅር ሚስጥር" መፅሀፍ ላይ የራሳችንን እንዲሁም የአጋራችንን የፍቅር ቋንቋ በመለየትና አነጋገሩን በማወቅ ዘላቂ የፍቅር እንዲኖረን አዲስ ምልከታ ያሳያል።

መልካም ንባብ
ዶ/ር ዮናስ ላቀው

✈️@Enmare1988
✈️@Enmare1988

“ስለእንስሳት ባህሪ እና ሕክምና አላጠናሁም። ነገር ግን ክርክር ከመጀመሬ በፊት አህያው የቱ እንደሆነ የማወቅ ብቃት አለኝ።” 😌

             ―ማርክ ትዌይን

Credit አርምሞ

✈️@Enmare1988
✈️@Enmare1988

🎙መድረሻህን ሳታልም ጉዞ አትጀምር ፤
#መኖርህን_ሳታውቅ_አትሙት። 🤙🤝

እኛ፤ ሰዎችና የፈጣሪ ልጅ ፍጡሮች ነን፣ በዘመን መካከል የተገኘን፤ ዘር ሲያራርቀን፣ ሃይማኖት ሲለያየን፣ ሀብት ሲመዳድበን፣ ፖለቲካ ሲከፋፍለን፥ ሕይወትም ስንፈልጋት ስትጠፋ፣ ሳንፈልጋት ስትበዛ፣ ስንከተላት ስታመልጠን፣ ስንተዋት ስትከተለን እየባከንን የምንኖር።

ሕይወት፤ የመዘጋጃና የመኖሪያ ዕድሜ የሌላት፣ ከአፈር ለተሠራ ሰው የተሰጠች ስጦታ ነች። የሰው ልጅም ከተፈጠረ ጀምሮ ሕይወትን በውስጡ ለማሰንበት በትግል የሚኖር፣ ሲያጣትም እጅግ ጠሊቅ ሐዘን ውስጥ የሚገባ ፍጡር ነው።

ሰው የራሱንና የሚወዳቸውን እስትንፋስ ለማቆየት፤ ከሰከንድ እስከ ሰዓታት ከዛሬው እየተበደረ ለማያውቀው ነገ ሲገብር፣ ለማያውቀው ነገ ደስታ ዛሬ ሲያለቅስ፣ ለማያውቀው ነገ ጥጋብ ዛሬ ሲራብ ሲታረዝ፣ ለማያውቀው ነገ ተበድሮ ዛሬ ሲጨነቅ የሚኖርና መኖሩን ሳያውቅ የሚሞት ፍጡር ...።

... የተሸከሙትን ለሕይወት የሚረባ ፍሬ፣ ዱር እንደበቀለና ሰው እንደማያገኘው መልካም ፍሬ የሚነካው ቀርቶ የሚያየው ሳይኖር ያፈራውን ተሸክሞ የሚኖር ዛፍ ዓይነት ሰዎች ምንኛ ያሳዝናሉ! ...

ሜሎሪና - ስውር ጥበብ
✍ ናሁሰናይ ፀዳሉ አበራ

✅️“አድናቆት ሙዚየም ውስጥ ባለው ውብ ሥዕል ፊት ለፊት ለአምስት ሰዓታት ያህል መቆም ነው፤ ነገር ግን ፍቅር ማለት ለአምስት ደቂቃ ያህል ቆሞ መሄድ ከዚያ እስከሚመሽ ጠብቆ ለመስረቅ መመለስ።”

Imagination_officially

✈️@Enmare1988
✈️@Enmare1988

💲💲
✅ጥራታቸውን የጠበቁ like human
hair & human hair to MMP
እናቀርባለን

✅መግዛትም ሆነ ማከፋፈል የምትፈልጉ📞📞 0945808500 ይደውሉ መስመር ያናግሩን



🌸Price ተመጣጣኝ ዋጋ

ለተጨማሪ  የቴሌግራም Channel

✈️https://t.me/marakihai
✈️https://t.me/marakihai

✅መስፈርቷ

ልጅ እያለሁ አብረን መርካቶ ያደግን ታየች የምትባል የልብ ጓደኛ ነበረችኝ። የሆነ ጊዜ ላይ ራጉኤል ጋር የነበረው የአባቷ ጨርቃ ጨርቅ ሱቅ በጣም ታዋቂ ሆነ። ከዛ ብዙም ሳይቆይ አለፈላቸውና መርካቶን ለቀው ኦልድ ኤርፖርት የሚባል ሰፈር ቤት ሰርተው ገቡ። እኔ እዛው መርካቶ ጭቃ ላይ እየተራገጥኩ አንበጣ ሳባርር ታየች ቢኪኒ የሚባል ጡት ማስያዣ ተገዝቶላት መዋኝት ተማረች። አልፎ አልፎ ቤታቸው ስጋበዝ ምቾቷ ይጋባል። የእማማ ራድያ የሽንት ቤት ፍሳሽ በግቢዬ የሚያልፈው እኔ፣ የእነ ታየች ግቢ ውስጥ ያለው ጋርደን ላይ ተንጋልዬ መጽሐፍ እያነበብኩ ስታይ፣ አይ ውበት። አመሻሽ ላይ ወደ መርኬ ለመመለስ ገብሬል ጋር ያለው ታክሲ ውስጥ ስገባ፣ መጽሐፌን ጭብጥ እድርጌ ይዤ ከስፊው ህዝብ ጋር ስገፋፋ፣ ጎበዝ ለካስ ምቾት ይተንናል!።

ጥቂት አመታት አልፈው እኔ በ"ክልክል" አጥር ውስጥ፣ ፍቅርኛ መያዝ በማይፈቀድልኝ አስተዳደግ ውስጥ ስዳክር ታየች ሳምሶን የሚባል እንደሷ
በምቾት የሚንሳፈፍ የከንፈር ወዳጅ ያዘች። ህልምና መጽሐፍን የሰጠኝ እግዚያር ግን ደግ ነው። አሁን ደሞ ቸርነቱ በዝቶ የእኔ ከንፈር እንኳ በእውን ባይሳም የጓደኛዬ የታየች ከንፍር ሲሳም ሊያሳየኝ! እሱ ምን ይሳነዋል!

አንድ ቅዳሜ ታየች ደወልችልኝና ግራ የሚያጋባ ጥያቄ ሰነዘርች። "ቲጂዬ ዋና ትችያለሽ?".. ከሳምሶን ጋር ጊዮን ሆቴል ሊዋኙ ተቀጣጥረው ኖሮ አብሬያቸው እንድዝናና መጋበዝዋ ነበር። ምቾቷ አሳውሯት ነው እንጂ የት ነው እኔ መርካቶ ውስጥ ዋና የምማረው? ታደለች የምትቸረችረው የከሰል ሐይቅ ውስጥ? ወይስ ወ/ሮ የሻረግ ጠላ ቤት ያለው ማሰሮ ውስጥ? ታየች ፌዝ ተማረች። ታየች ዋና ተማረች። ከመርካቶ ቦይ በኮንጎ ጫማ ተንደርድራ በቢኪኒ ጊዮን ሆቴል የውሃ ገንዳ ውስጥ ተጠመቀች።

እሁድ ጠዋት የከንፈር ወዳጆቹን አጅቤ እነሱ ሊዋኙ እኔ ፎጣ ልጠብቅ ጊዮን ሆቴል ደረስን። ጁስና ኬክ ታዞልኝ እነሱ ውሃ ውስጥ ሲንሳፈፉ እኔ በእነሱ አለም ውስጥ ስንሳፈፍ፣ እንሱ በአራት ነጥብ የታጠሩ ደማቅ አርፍተ ነገሮች። እኔ ገና ያልተብራራው ተከፍቶ ያልተዘጋ ቅንፍ። ውሃ ሲረጫጩ ደስ ሲሉ። ይጎነታተላሉ። ኦ ቢኪኒዋ! አረንጓዴ ባለአበባ። ሳምሶን ከጀርባዋ ቆሞ እሷ ጸጉሯን ወደ ላይ ሰብስባ የላላውን የብኪኒዋን ገመድ እያሰረላት ሲጠጋት እሷ እየሳቀች ከወሲብ እንፋሎቱ ስትሸሽ። ሲያስቀኑ። በቀረብልኝ በጥቂት ደቂቃዎች ነው ኬኩንም ጁሱንም የሰለቀጥኩት። እንዲህ ያለው ምግብ በነጻ ሲገኝ ሰጪው ሃሳቡን ሳይቀይር ቶሎ ማውደሙ ከልምድ የመጣ ነው። የመርካቶ ቅደም ተከተሉ መጀመርያ ረሃብ ማስታገስ ከዛ ስለ ታየች የከንፈር ዕጣ ፈንታ ማሰላሰል።

በጨረፍታ እያየኋቸው ደስታቸው ተጋባብኝ። ያሽካካሉ። ፊታቸው ያብረቀርቃል። ሳምሶን ብዙ ሳምሶኖች ቢሆን፣ እኔን ጎትቶ ውሃ ውስጥ የሚያጠልቀኝ ሌላ ሳምሶን ከዚህኛው ላይ ተቆርሶ ቢመጣ። ሮዝ ቢኪኒ ቢኖረኝ። የቢኪኒዬ ገመድ ቢላላ፣ ሳምሶን ሊያስርልኝ ቢጠጋኝ፣ በወሲብ እንፋሎቱ እጠመቅ ነበር። መጣበቅ፣ መጠመቅ፣ አንድ መሆን። ታየች ለምን ሸሸች?

ከጥቂት ደቂቃዎች በኋላ ያላሰብኩት ክስተት ተፈጠረ። ታየች እየተጣደፈች ከገንዳው ስትወጣ አየኋት። ፊቷ ላይ ብስጭቷ ይነበባል። ዞር ብዬ ሳምሶንን ቃኝሁት። ግራ ገብቶት ፈዞ ያያታል። አጠገቤ ስትደርስ በፍጥነት ፎጣዋን አንስታ ገላዋን እያደራረቀች "ቲጂ ቶሎ መሄድ አለብን ተነሽ" ብላኝ ሳትጠብቀኝ ወደ ልብስ መቀየሪያው ክፍል አመራች። "ይህ ቀዥቃዣ ወሲባም ምን አድርጓት ይሆን?" ብዬ እያሰላሰልኩ ተከተልኳት። ለባብሳ ወደ ታክሲ ስናመራ የሳምሶን አብሮን አለመሆን ግራ እንደገባኝ ስታውቅ "የኔ እና የእርሱ ነገር አብቅቷል" ብላ በረጅሙ ተነፈሰች።

እንዴ? ይህ የተመቸው ቦንቦሊኖ የመሰለ ልጅ፣ ለመላው የመርካቶ ኮረዳ ኬክና ጁስ የመግዛት አቅም ያለው ሳቂታው የሃብታም ልጅ፣ ቢኪኒዋን ወሲብ በተሞላበት ርህራሔ ያሰረላት ስሱ ሳምሶን ምን አድርጓት ይሆን? ልምድ ያካበቱ የሚመስሉ ከንፈሮች እንዲሁ በዋዛ ሊቀሩ?
"ምን እንዳደረገ ታውቂያለሽ?" አለች እየተብከነከነች። "የውሃው ገንዳ ውስጥ፣ እዛ የምንዋኝበት ገንዳ ውስጥ፣ አፍንጫውን ጨምቆ፣ በሃይል እንፍፍፍፍፍ ብሎ ንፍጡን ስቦ ካወጣ በኋላ እዛው ውሃ ውስጥ አይወረውረው መሰለሽ? ከዛ ደሞ እጁን መለቃለቁ! አይኑን ማየት አልፈልግም" ብላ አስረግጣ ነገረችኝ።

✅ ወንድሜ ሆይ፣ የታየች መስፈርት ግልጽ ነው። መርሴዲስ ቢኖርህ፣ ተጫዋች፣ አማላይ፣ ሳቂታ አፍቃሪ ብትሆን፣ ነገር ግን ንፍጥህን በየቦታው የምታዝረከርክ ከሆነ፣ ከታየች ጋር እድል አይኖርህም። የህዋ ተመርማሪ ብትሆን፣ የውስጥ ደዌ ስፔሻሊስት ብትሆን፣ ምን አለፋህ የሮም ከተማን የቆረቆርከው መሃንዲስ አንተ ብትሆን፣ ግን ህዝብ የሚዋኝበትን የውሃ ገንዳ በንፍጥህ የምትበክል ዝርክርክ ከሆንክ የታየች አጸያየፍ ከእግዚያር ፍጥረት ሁሉ የረቀቀ ነው።

ትግስት ሳሙኤል

✅ከዕለታት በአንዱ ከዶ/ር መሠለ ተሬቻ ጋር ቡና እየጠጣን " What do you think of the future?" በሚል ስጠይቀው የመለሰልኝ ነገር ትዝ ይለኛል።

🌟አንደቀልድ "አሁን ቻሌንጆችን እንደ ሶስተኛ ወገን ነው እያየህ ያለኸው፤ በጥቂት ዓመታት ውስጥ ቤትህ ድረስ ይመጣልኻል!" ነበር ያለኝ።

ከ7/8 ዓመት በፊት ከመገናኛ ተነስቶ እየተንፏቀቀ ወደ ጉርድሾላ መስመር የሚያመራ አካል ጉዳተኛ ነዳይ "ስንት ሰዓት ይደርስ ይኾን?" የሚለው ያሳስበኝ ነበር።

አሁን ለራሴ ነው የማስበው።

✅ከ አምስት ዓመት በፊት፤ ንባብን ባሕሉ ያደረገ፤ ያለፈውን ተምሮበት ፊቱን የሚሰራ ወጣት ይፈጠራልና ለዚያ ማዋጣት በየዕለቱ የሚያጓጓኝ  ነገር ነበር።

አሁን ራሴን ነው የማስበው።

✅ የዛሬ አራት ዓመት ሐኪምና መምህራን በዚህ የአገልግሎት ክፍያ ከዚህ በላይ ይሔንን ሕዝብ እንዴት ሊያገለግሉት ይችላሉ? ማነው ፈራጅ? በሚል ራሴን እፈትን ነበር።

አኹን ራሴን ነው የማስበው።

✅ ከሶስት ዓመት በፊት ሐረርጌ ጫፍ ያየኹትን "ተፈናቃይ" ጨቅላ ደጋግሜ አስበው ነበር። ዛሬ ከትውስታዬ ደብዝዟል።

አሁን ራሴን ነው የማስበው።

✅ ከኹለት ዓመት በፊት የዘመቻ ጥሪን ተከትሎ ከመደበኛ ሥራው ላይ ለጦርነት ወጥቶ፤ አይነስውር ሆኖ በመመለስ ወደስራው እንዳይመለስ ለዘመቻ ያበረረታተቱት አሰሪዎቹ "ላንተ ቦታ የለንም" ስላሉት ወጣት በየጊዜው እያሰብኩ እቆዛዝም ነበር።

አሁን ራሴን ነው የማስበው።

✅ ያለፉት ክረምቶች በመንገድ ዳር በቆሎ እሸት ጠብሳ የምትሸጥ ልጅ የያዘች እናት ወደቤቴ ሳመራ እያየኹ ዘወትር በቆሎ የሚግጥ ልጇ ሲያድግ እንዴት በቆሎን አምርሮ ይጠላ ይኾን? የሚል ሀሳብ ሰርክ ውል ይልብኝ ነበር።

አሁን ለራሴ ነው የማስበው።

✅✅ ራስ ወዳድ ሆኜ ነው ወይ?  እንደዛ አይደለም። አንተም በነዚህና ከዚህ ባለፉ ነገሮች ውስጥ ሐሳብህ ተመላልሶ ይኾናል።

ራስወዳድ ኾነህ አይደለም — Brother.

✅ ራሳችንን ሳናስብ ነበር ከባቢውን ስናጤን የነበረው። ጌዜ ደግሞ ግሩም መምህር ነው።  ነገሮችን ከረባብቶ በሰው ያስተዋልናቸውን ኹሉ ከእጃችን አዋለልን።

{እና አኹንስ? }

[  ] የጌቶች "ሜጋሎሜኒያ" ዲስኦርደር ያስገርምሀል ወይስ የራስህ Psychic Disintegration ያሳስብኃል?
[  ] የጃዋር መሐመድ አለመፀፀት ያንገበግብኃል ወይስ ራስህን ታያለህ?
[  ] የፋሲለደስ ኖራ ቀለም ያበሳጭኃል ወይስ ቀለም ዓልባ ሕይወትህ ያሳስብሀል?
ሌላም። ሌላም።

✅ ለራሱ ያልበቃና ፓወር ፖዘዝ ያላደረገ ግለሰብ ዙሪያው ላይ በሚሆነው ነገር አንዳች ፈቃድ የለውም።

የግላቸውን ጣጣና ጦስ ያረቁ የተወጡ፤ በተስፋ ዓልባ ምድር ሪዚሊየንት ሆነው መትረፍ የቻሉ ግለሰቦች ናቸው ሐገር የሚሰሩት።

✅ ደንቆሮ የማይበልጠው፤ ጅል የማያሞኘው፤ አላፊ አግዳሚ ረግጦ የማይሰብረው ሰብዕና ካልገነባህ በቀር ተፈጥሮ እንድትሰለቅጥህ የሚያስገድድ ማህበራዊ ቼይን ውስጥ ነህና ትጠፋለህ።

{እና…}

ምንም በማያሸነጋግል ሁኔታ You are in a hopeless land.

✅እዚህ ተስፋ አልባ ምድር ውስጥ "ላለመጥፋት ምን ማድረግ አለብኝ?" ነው ዋናው ቁም ነገር። ሀቂቃ ልንገርህ ፈጣሪም ፍጡርም ማንም አያድንህም። ብቸኛ መዳኛህ ራስህ ነህ።

በዚህ ኹሉ ውስጥ— አሁን — ራስህን አስብ። በማህበራዊ ሥርዓት ሠንሠለቱ ከላይ ለመቆየት ጣር።

🌟"Get gold, humanely if possible — but at all hazards, get gold." እንዲል የስፓኙ ጄንራል። 😊