#በኤፍራታ_ምድር

በኤፍራታ ምድር በቤተልሔም/፪/
ጌታ ተወለደ ከድንግል ማርያም/፪/
ብርሃናዊው ኮከብ ከሰማይ ዝቅ አለ/፪/
ፍጥረትም ዘመረ ሃሌሉያ እያለ/፪/
#አዝ
መንጋውን በሌሊት ሲጠብቁ እረኞች
ከሰማይም ሰሙ ታላቅ የምሥራች
በመላእክቱ ግርማ ምድር ስታበራ
የሚያስጨንቅ ነበር እጅግ የሚያስፈራ
#አዝ
ድንገትም የሰማይ ሠራዊት ተገልጠው
በአንድነት ዘመሩ ከኖሎት ጋር ሆነው
ክብር ለእግዚአብሔር በአርያም ብለው
ሰላምም በምድር በጎ ፈቃድ ለሰው
#አዝ
ቤተልሔም ሄደው ጌታን ተሳለሙት
ከእናቱ ጋር ሆኖ በግርግም አገኙት
የመላእክትን ዜና እረኞች አወሩ
በልዩ ምስጋና አምላክን ሲያከብሩ
#አዝ
ለሕዝብ ሁሉ የሚሆን ፍስሐ ደስታ
በዳዊት ከተማ ተወለደ ጌታ
ሕፃን ከእናቱ ጋር በግርግም ፈለጉት
እርሱ ነው ለሰዎች የድኅነት ምልክት

   💚 @Addis_Mezmure 💚
   💛 @Addis_Mezmure 💛
   ❤️ @Addis_Mezmure ❤️