#ተወልደ_ናሁ

ተወልደ ናሁ እም ድንግል(2)

ሲነገር ነበረ በነብያት አፍ                                
በአንዱ በእግዚያአብሔር ባንዱ በመንፈስ
አንድ ቀን እንዲሆን ፀሀይ እንዲወጣ
የናፈቅነው ንጉሥ ስጋ ለብሶ መጣ
       አዝ-----
አብርሃም ያንን ቀን ለማየት ናፈቀ
ዳዊት በኤፍራታ ልደቱን አወቀ
ኢሳያስ ከድንግል ሲወልድ አየና
ትንቢት ተናገረ ምልክት አለና
       አዝ-----
ኮከብ ከያእቆብ ይወጣል ሲባል
ሰማይ ሆነችለት እናቱ ድንግል
በህዝቡ መካከል ሆኖ የሚያበራ
በእርሱ ፈራረሰ የጨለማው ሥራ
       አዝ-----
ከእረኞች ጋራ ቤተልሔም ግቡ
ከነገስታቱ ጋር አምኃን አቅርቡ
እንስገድ ለህጻኑ ይገባዋልና
አለቅነት ስልጣን በጫንቃው ነውና

ለኦርቶዶክስ ተዋሕዶ ልጆች👇
               •➢ ሼር // SHARE
  💚 @Addis_Mezmure 💚
   💛 @Addis_Mezmure 💛
   ❤️ @Addis_Mezmure ❤️