NeBeb ንበብ: Reading Platform

ፍቅር ዕውር ነው።
አንድ ሰው ቆንጆ ልጃገረድ አገባ፡፡ እሱም በጣም ይወዳት ነበር፡፡ አንድ ቀን የቆዳ በሽታ ያዛት፡፡ ቀስ እያለች ውበቷን ማጣት ጀመረች፣ ያሰጨንቃትም ጀመር፡፡ አንደ ቀን ባልዋ ለጉብኝት ራቅ ወደላ ስፍራ ሄደ፡፡ በሚመለስበት ጊዜ አደጋ አጋጠመውና እና ማየት አቃተው፡፡ ሆኖም የጋብቻ ህይወታቸው እንደተለመደው ቀጠለ፡፡ ቀናት እያለፉ ውበቷን ደረጃ በደረጃ እየባሰ፣ ሙሉ ወበቷን አጣች፡፡ ዓይነ ስውር ባል ይህንን አያውቅም እናም በትዳራቸው ሕይወት ውስጥ ምንም ልዩነት አልነበረም፡፡ እሷም እሱን መውደዷን ቀጠለች እሱም በጣም ይወዳት ነበር፡፡ አንድ ቀን በድንገት ሞተች፡፡ ድንገት መሞቷ ታላቅ ሀዘን አመጣበት፣ ሀዘኑም ሲበረታበት ከዚያች ከተማ ለመልቀቅ ፈለገ፡፡ በአካባቢው ይኖሩ የነበሩ ሰዎች “አሁን እንዴት ብቻውን መሄድ ይችላል? ሚስቱ ነበር የምትረዳው፡፡” ብለው ይወያዩ ነበር፡፡ ሰውየውም “አይነስውር አይደለሁም ብሎ መለሰ፡፡ ይህን ያህል ጊዜ የማላይ መስዬ ነበር የቆየሁት፣ ምክንያቱም የቆዳ በሽታ እንዳለባት አውቅ ስለነበር የሷን ስሜት እንዳይጎዳ ብዬ ነው፡፡ ውበቷ ሲጠፋ መጨነቅ ስለጀመረች ምንም እንዳልሆነ እንዲሰማት ነበር፡፡ ስለዚህ እንደማላይ ነገርከት፡፡ እሷ ለኔ በጣም ጥሩ ሚስት ነበረች፡፡ እሷን ደስተኛ ማድረግ ብቻ ነበር የምፈልገው፡፡
አንዳንድ ጊዜ አውቀን አይተን ልናልፋቸው የሚገቡ ጉዳዮች ስናልፋቸው፤ በዙሪያችን ካሉ ሰዎችን ጋር ያለን መልካም ግንኙነት እንዲጠነክር ይረዳል፡፡
https://nebeb.com/article/6045a09e09458e768b6186db

በጎች እና ተኩላወች
ከተረት አባት፣ ኤዞፕ [aesop] የተውሰደ፡፡

ከዕለታት አንድ ቀን ተኩላዎች ተመካከሩና መልዕክተኞች ወደ በጐች ላኩ፡፡ የተኩላዎቹ ልዑካን በጐች መንደር ደረሱ፡፡ በጐች ተኩሎች መጡብን ብለው ተሸሸጉ፡፡ አድፍጠው ጋጣቸው ውስጥ ተደብቀው ተቀመጡ፡፡ ተኩሎቹ ግን ረጋ ብለው፣ አደብ ገዝተው፤
“በጐች አትደናገጡ፣ እንደምና ዋላችሁ” አሉ፡፡
“ለድርድር ነው የመጣነው” አሉ ተኩሎቹ፡፡
በጐቹ ቀስ በቀስ ከተደበቁበት ወጡ፡፡
በጐቹም “እኛ በድርድር እናምናለን፡፡ እህስ፣ ምን እግር ጣላችሁ? ምን የድርድር ሃሳብ ይዛችሁ መጣችሁ?” አሉ ፡፡
“አንድ የቸገረ ነገር ገጥሞን ነበርና ልናዋያችሁ ፈልገን ነው” አሉ የተላኩት ተኩላዎች።
በጎቹም ዞር ዞር በለው ተያዩና፣ “ምንድነው? ከተመካከርን የማይፈታ ምንም ነገር አይኖርም፡፡ ዋናው ተቀራርቦ መነጋገር ነው ንገሩን፡፡” አሉ።
ተኩሎችም፤ “እግዚአብሔር ይስጥልን፡፡ የቸገረን ነገር ምን መሰላችሁ? ይኸው ከተፈጠርን ጀምሮ ከውሾች ጋር ነጋ-ጠባ እንታገላለን፡፡ የችግራችን መነሻም መድረሻም ውሾች ናቸው፡፡ እርኩስ ውሾች እኛን ባዩ ቁጥር ይጮሃሉ፣ ይተነኩሱናል፣ ሠፈር ይረበሻሉ!፣ ለእኛና ለእናንተ ወዳጅነትና ሰላም ዋና እንቅፋቶች ውሾች ናቸው፡፡” አሉ
በጐችም፤ “ታዲያ ምን እናድርግ? ምን ዘዴ ብንፈጥር እንቅፋቶቹን ማስወገድ እንችላለን?” ሲሉ፣
ተኩሎችም፤ “እናንተ እሺ ካላችሁማ ዘዴ አይጠፋም ነበር”
“እኮ ዘዴ ካለ ንገሩና?”
“ለጌታችሁ ንገሩ፡፡ ውሾች እንዳልተመቿችሁ፣ ሰላምም እንደነሷችሁ አስረዱ፡፡ ይባረሩልን በሉ!፣ እኛም ለእናተም ከጩሀታችው ሰላም ታገኛላችሁ” ይሉዋቸዋል።
“ይሄማ ቀላል ነው፡፡ እንነግራቸዋለን፡፡”
በዚህ ተስማሙና ተኩሎቹ ሄዱ፡፡
በጐቹ፤ ውሾቹ እንዲባረሩ ለጌታቸው አመለከቱ፡፡ ጌታቸውም ስንት ዘመን ቤት - ደጁን ይጠብቁ የነበሩትን ውሾች ከቤት አስወጥቶ አባረራቸው፡፡
ከዚያን ቀን በኋላ፣ የዋሆቹ በጐች የዘመናት ጠባቂዎቻቸውን አጡ፡፡ ተንኮለኞቹ ተኩሎች እየተዝናኑና በጐቹን አንድ በአንድ እየለቀሙ፤ በሏቸው፡፡

የድርድርን ትርጉም አለማወቅ እርግማን ነው፡፡

በርቱላን፣ አንብቡ። ሌሎችም እንዲያነቡ እሲቲ ከስቅሱዋችው።
እናንብብ፣ ከአይምሮ ባርነትም እራሳችንን ነጻ እናውታ። ቡሀላ እንድበጎቹ ድርድር ላይ ኩማር እንዳንበላ።

***********************
ከውደዳችሁት፣ ላይክ እና ሼር በማድረግ ለሌሎች ያጋሩት፡፡
👍🏽👍🏽👍🏽👍🏽👍🏽👍🏽👍🏽👍🏽
***********************
https://nebeb.com/article/604301ce09458e768b616b6c

Nebeb.com
ንበብ ለንባብ
እናንብብ፣ እንወያይ፣ ነጻ እንውጣ!
#Ethiopia #Nebeb #ንበብ ለ #ንባብ