እመ አምላክ | ሊቀ-መዘምራን ኪነጥበብ ወልደቂርቆስ

እመ አምላክ /2/
አስቢኝ በሰርክ

አዝ

ሃዘኔ ጭንቀቴ በጣም በዛብኝ
ከልጅሽ አማልጅኝ አንቺው አስታርቂኝ
ከመንበሩ ቆመሽ ንገሪው ለልጅሽ
እናቱ ነሽና እሱ አያሳፍርሽ

አዝ

እኔ ኃጥያተኛው በደሌን አውቃለው
ምርኩዜ ነሽና እከተልሻለው
መንገዱ ጠፍቶብኝ የጽድቁ ጎዳና
መብራቱን አብሪልኝ እመጣለሁና

አዝ

መመገብ ይቅርብኝ አልራብምና
ስምሽን ስጠራ እጠግባለውና
አበው ሊቃውንቱ በአንቺ ይመካሉ
እመ አምላክ እያሉ ስምሽን ይጠራሉ

አዝ

ከገሃነም አውጭኝ ከዚያ ነበልባል
ከሲዖል ወድቄ እንዳልቃጠል
ያ የስቃይ ሃገር ባህሩ ያሰጥመኛል
አንቺ ከለመንሽው ልጅሽ ያዝንልኛል

አዝ

ወገን አታድርጊኝ ከሲዖል ከተማ
መድረሻ አያሳጣኝ የእሳቱ ጨለማ
አወድስሻለው በኤፍሬም ውዳሴ
ሁኝልኝ ጠበቃ አደራ ለነፍሴ

አዝ

እኔስ እፈራለው ምግባሬን ሳየው
ደካማው እምነቴ እየለየኝ ነው
አልረሳሽም ድንግል እማጸንሻለው
አማላጅነትሸ መድኅን ነው አውቃለው

@Orthodox_Mezmur_For_All
@Orthodox_Mezmur_For_All