Jaalala Dhugaa

Jaalalli dhugaan kana
Gaafan taa'ee ilaalu
Onnee isaanii lamaan
Kan jaalalli dhaalu

Jaallatanii wal argatan
Beeku jooraa jaalalaa
Jaalala isaanii kana
Gabaa tokkotti daldalaa

Jaalalli jooraan qabu
Dhumasaat gaariidha
Jaalallii sobaan imaluu
Dhumasaat aaridhaa

Muka muummee gamaa
Eenyutu jala dhaqee taa'a
Akka jaalallee ofii illee
Maaltu namaaf ga'aa

Qabbaneessituu onnee
Mi'ooftuu akka dammaa
Waan akka jaalalaa tolu
Dhuguma jiraa ammaa

Gaafa jaalalaa dhamdhamanii
Inni har'aa isa kaleessaa caala
Namni mi'aa jaalalaa hin beekne
Jaalalleewwan darban ilaalaa

Gaarummaa malee
Jaalallii jibba hin qabu
Jaalalaan hanqaaqunuu
Dhagaaarraa bu'ee hin cabu

Bakka jaalalli jiraatu
Qabbanatu mul'ata
Dhala namaa qofa miti
Bineensuu jaalala jaallata

Namni erga nama ta'ee
Maalumaan wal caalaa
Qabeenyaan nama hin ibsu
Namni garuu isa ilaalaa ✔️🌹❤️
❤️⚘️⚘️💕❤️

✨。＼｜／。🌷
@Walaloo_Jaalalaa24
@Walaloo_Jaalalaa24
❤️。／｜＼。⏺
       #share
         #join