¶ ፊቅሁል ኢስላም ¶

ረመዳንና የስድስቱ የሸዋል ቀናት ምንዳ
ነብዩ ሶለላሁ ዐለይሂ ወሰለም እንዲህ ይላሉ፡-
" ﻣَﻦْ ﺻَﺎﻡَ ﺭَﻣَﻀَﺎﻥَ ﺛُﻢَّ ﺃَﺗْﺒَﻌَﻪُ ﺳِﺘًّﺎ ﻣِﻦْ ﺷَﻮَّﺍﻝٍ ﻛَﺎﻥَ ﻛَﺼِﻴَﺎﻡِ ﺍﻟﺪَّﻫْﺮِ "
“ረመዳንን ፆሞ ከሸዋል ስድስት ቀን ያስከተለ ልክ አመት እንደፆመ
ነው፡፡” [ሙስሊም፡ 1160]
30 የረመዳን ቀናት + 6 የሸዋል ቀናት = 36 ቀናት
36 x 10 = 360
አላህ በቁርኣን እንዲህ ይላል፡-
﴿ ﻣﻦ ﺟﺎﺀ ﺑﺎﻟﺤﺴﻨﺔ ﻓﻠﻪ ﻋﺸﺮ ﺃﻣﺜﺎﻟﻬﺎ﴾ ﺍﻷﻧﻌﺎﻡ 160 :
“በመልካም ስራ የመጣ ሰው ለእርሱ አስር ብጤዎቿ አሉት፡፡” [አልአንዓም፡
160]
አላህ ለሻለት ሰው የመልካም ስራ ሽልማት ከዚህም በላይ እስከ
- 700 እጥፍ ወይም
- ከዚያም በላይ
ሊሆን ይችላል፡፡ ነብዩ ሶለላሁ ዐለይሂ ወሰለም እንዲህ ይላሉ፡-
) ﻛُﻞُّ ﻋَﻤَﻞِ ﺍﺑْﻦِ ﺁﺩَﻡَ ﻳُﻀَﺎﻋَﻒُ ، ﺍﻟْﺤَﺴَﻨَﺔُ ﻋَﺸْﺮُ ﺃَﻣْﺜَﺎﻟِﻬَﺎ ﺇِﻟَﻰ ﺳَﺒْﻌﻤِﺎﺋَﺔ ﺿِﻌْﻒٍ ، ﻗَﺎﻝَ ﺍﻟﻠﻪُ ﻋَﺰَّ ﻭَﺟَﻞَّ
: ﺇِﻟَّﺎ ﺍﻟﺼَّﻮْﻡَ ، ﻓَﺈِﻧَّﻪُ ﻟِﻲ ، ﻭَﺃَﻧَﺎ ﺃَﺟْﺰِﻱ ﺑِﻪِ ، ﻳَﺪَﻉُ ﺷَﻬْﻮَﺗَﻪُ ﻭَﻃَﻌَﺎﻣَﻪُ ﻣِﻦْ ﺃَﺟْﻠِﻲ ) ﺭﻭﺍﻩ ﻣﺴﻠﻢ
( 1151 .
“እያንዳንዱ የአደም ልጅ (መልካም) ስራ ይታጠፋል፡፡ መልካም ስራ በአስር
አምሳያዎቿ ነው (የምትታሰበው)፣ እስከ 700 እጥፍ ድረስ፡፡ አሸናፊውና
የላቀው አላህ እንዲህ ብሏል፡ “ፆም ሲቀር፡፡ እሱ ለኔ ነው፡፡ እኔ (በተለየ)
እመነዳበታለሁ፡፡ ስሜቱንና ምግቡን ለኔ ሲል ስለተወ፡፡” [ሙስሊም፡ 1151]
ፆም የሶብር ክፍል ነው፡፡ ታጋሾችን በተመለከተ ደግሞ አላህ እንዲህ ይላል፡-
( ﺇﻧﻤﺎ ﻳﻮﻓﻰ ﺍﻟﺼﺎﺑﺮﻭﻥ ﺃﺟﺮﻫﻢ ﺑﻐﻴﺮ ﺣﺴﺎﺏ )
“ታጋሾቹ ምንዳቸውን የሚስሰጡት ያለ ሂሳብ ነው፡፡” [አዝዙመር፡ 10]
ማሳሰቢያ፡-
የሸዋል ስድስቱን ቀናት ከዒድ አልፊጥር በኋላ አስከትሎ መፆሙ በላጭ
ቢሆንም እስከ ወሩ መጨረሻ ድረስ መፆም እንደሚቻል በርካታ ዐሊሞች
ይገልፃሉ፡፡
ለቻለ ሰው በዒድ ቀን ማግስት (ሸዋል 2) መጀመሩም በላጭ ነው።


(Menqul)
http://T.me/alfiqhulmuyser

ዒድ ሙባረክ
  تقبل الله منا ومنكم صالح الأعمال
كل عام وانتم بخير   عيد مبارك

🌤ከሱሁር በፊት ጀናባ ሆኖ ሱብሒ አዛን ከተባለ ቡሀላ ጀናባ ለማውረድ መታጠብን የተመለከተ ገለፃ

عَنْ عَائِشَةَ وَأمُّ سَلَمَةَ رَضْيَ الله عَنْهُمَا:
ዓኢሻህ እና ኡሙ ሰለማህ አላህ መልካም ስራቸውን ይውደድላቸውና
أنً رَسُولَ اللهِ - صلى الله عليه وسلم - كَانَ يُدْركُهُ الْفَجْرُ وَهُوَ جُنٌبٌ مِنْ أهلِهِ. ثُمَّ يَغتَسِلُ وَيصُومُ.
ነብዩ ﷺ ጀናባ ኖሮባቸው ሳይታጠቡ ሱቢህ ይደርስና ታጥበው ሱብሒህ ሰግደው ይፆሙ ነበር።ብላለች
♣المعنى الإجمالي:
كان النبي صلى الله عليه وسلم يجامع  في الليل، وربما أدركه الفجر وهو جنب لم يغتسل،
ويتم صومه ولا يقضي.
ይህ ማለት ነብዩ ﷺ ለሊት ላይ ጂማዕ(ወሲባዊ ግንኙነት) ያደርጉና ሳይታጠቡ ሱብሂ ከደረሰና ሱብሂ ከገባ ቡሀላ ታጥበው ፆማቸውን ይቀጥሉ ነበር ማለት።
▫️وهذا الحكم في رمضان وغيره،
ይህ ደግሞ የረመዷን ፆም ይሁን ሌላ ፆም ልዩነት ሳይኖረው በእኩል ተፈፃሚነቱ የፀና ነው።
وهذا مذهب جمهور العلماء، ولم يخالفهم إلا قليل ممن لا يعتد بخلافهم، وقد حكي  بعضهم الإجماع على هذا القول.
ይህ የጁሙሁሩል ዑለማእ አቋም ሲሆን
ከጥቂቶች ሙስሊም ሙሁራን በቀር ይህንን አቋም የተፃረረ የለም።
አንዳንዶች ኢጅማዑል ዑለማም አፅንተውታል የሚሉ ሁሉ አሉ።
📣ما يؤخذ من الحديث:
ከዚህ ሀዲስ የምንገነዘባቸው ቁም ነገሮች
١- صحة صوم من أصبح جنباً، من جماع في الليل.
1ኛ:ጀናባውን ሳያወርድ ሱብሒ የደረሰበት ሰው ፇሚ ከነበረ ፆሙ ትክክል መሆኑ
٢- يقاس على الجماع الاحتلام بطريق الأولى، لأنه إذا كان مرخصاً فيه من المختار، فغيره أولى.
2ኛ:በጂማዕ(በወሲባዊ ግንኙነት) ላይ በመንተራስ በኢሕቲላም ምክንያት የተፈጠረ ጀናባም ከላይ ከተጠቀሰው የተለየ ህግ እንደማኖረው በአብላጫ የሙስሊም ሊቃውንት ብይን ተረጋግጧል።
٣- أنه لا فرق بين الصوم الواجب والنفل، ولا بين رمضان وغيره.
3ኛ:የጀናባ አለመውረድ በፆም ላይ ተፅዕና አለመፈጠሩ በግዴታ(ዋጅብ) ፆምም ሆነ በተወዳጅ(ሱና) ፆም ላይ እኩል ተፈፃሚ ነው።
٤- جواز الجماع في ليالي رمضان، ولو كان قبيل طلوع الفجر.
 4ኛ:የረመዷን ለሊቶችን እስከ ሱብሂ ድረስ ወሲባዊ ግንኙነት( ጂማዕ) ማድረግ የሚቻል(የሚፈቀድ) መሆኑ።
📚 المصدر : تيسيرالعلام شرح عمدة الأحكام / للعلامة عبدالله البسام رحمه الله، ج١ ص ٣١٨
📚ምንጭ
📚የዐብደላህ አልበሳም አላህ ይዘንላቸውና
ተይሲሩል ዓላም ሸርሁ ዑምደቱል አህካም
(1/318)

••••••••••••¶•••••••••••
@alfiqhulmuyser
••••••••••••¶•••••••••••

•ወዱእ ያለው መስሎት ያለ ውዱእ የሰገደ ሰው ሶላቱን እንደገና መስገድ አለበት። ያለ ውዱእ ሶላት የለምና። ያስታወሰው ወቅት ካለፈ ቢሆን እንኳ ሶላቱን መመለስ አለበት።
ኢማሙ ረስቶ ያለ ውዱእ ካሰገደስ? የተከታዮቹ ሶላት ይበላሻል?
* ሶላቱ ሳይጠናቅቅ ካስታወሰ መቀጠል የለበትም። ይልቁንም ሌላ ሰው ተክቶ ይወጣል። የተተካው ሰው ከመጀመሪያ መጀመር ሳይጠበቅበት የቀረውን ያሰግዳል።
* ኢማሙ ውዱእ እንዳልነበረው ያስታወሰው ሶላቱን ካጠናቀቀ በኋላ ከሆነ ግን የተከታዮቹ ሶላት ትክክል ስለሆነ መመለስ (ዳግም መስገድ) አይጠበቅባቸውም። ይህንን የኢብኑ ዑሠይሚን ፈትዋ ማየት ትችላላችሁ። https://binothaimeen.net/content/7883


•ኹፍ ወይም ካልሲ በጦሀራ የለበሰ መስሎት አብሶ የሰገደ ሰው ኋላ ላይ በጦሀራ ሆኖ እንዳልለበሰው ካስታወሰ ውዱኡንም ሶላቱንም መመለስ አለበት። ማለትም እንደገና ውዱእ አድርጎ መስገድ ይኖርበታል።

✅ጁምዓ ላይ መድረስ የሚቻለው በምንድን ነው?

ከኢማሙ ጋር አንድ ረከዓ ከደረሰ ጁምዓን በማግኘቱ የቀረውን አንድ ረከዓ ይጠበቅበታል:: ነብዩ (ﷺ) እንዲህ ብለዋል ‹‹ከጁምዓ አንድ ረከዓን የደረሰ ሰላት ላይ ደርሷል›› ኢማሙ ላይ የደረሰው ግን ከአንድ ረከዓ ባነሰ ከሆነ መሙላት ያለበት ዙህር ሰላትን ነው፡፡

✅የጁምዓ ሱና ሰላት
ከጁምዓ በፊት የሚሰገድ መደበኛ ሱና የለም፡፡ ነገር ግን ወቅቱ ከመድረሱ በፊት መደበኛ ያልሆነ ሱና ቢሰግድ ምንም ችግር የለውም ምክንያቱም ነብዩ (ﷺ) በጥቅሉ ሱና መስገድን አበረታተዋል፡፡ ከጁምዓ በኋላ ግን መደበኛ የሆኑ ሁለት፣ አራት ረከዓ ወይም ስድስት ረከዓ ሱናዎችን እንደሁኔታው ሊሰገድ ይችላል፡፡ ቡኻሪና ሙስሊም ባስተላለፉት ሀዲስ ‹‹ነብዩ (ﷺ) ከጁምዓ በኋላ ሁለት ረከዓ ይሰግዱ ነበር››ቡኻሪ 937 ሙስሊም 882 በሌላ ሀዲስ ደግሞ ነብዩ (ﷺ) እንዲህ ብለዋል ‹‹ ከጁምዓ በኋላ አራት ረከዓ ሱናዎችን ስገዱ››ሙስሊም 881 ኢብን ዑመርም ከጁምዓ በኋላ ስድስት ረከዓዎችን ይሰግዱ እንደነበር ‹‹ነብዩ ይፈፅሙት ነበር››አቡዳውድ 113ዐ እንዳሉ አቡዳውድ ዘግበዋል፡፡ በዚህ መሰረት ከጁምዓ በኋላ የሚሰገድ መደበኛ ሱና ከፍተኛው ስድስት አነስተኛው ሁለት መሆኑን እንረዳለን::

✅የጁምዓ ሰላት አሰጋገድ
የጁምዓ ሰላት ድምፅ ከፍ በመደረግ የሚሰገዱ ሁለት ረከዓዎች እንደሆኑ በነብዩ (ﷺ) ተግባርና በዑለማዎች ስምምነት የተረጋገጠ ነው፡፡ በመጀመሪያው ረከዓ ከፋቲሃ በኋላ ሱረቱል ጁምዓ በሁለተኛው ረከዓ ደግሞ ሱረቱል ሙናፊቁንሙስሊም 877 ወይም በመጀመሪያው ረከዓ ከፋቲሃ በኋላ ሱረቱል አዕላ በሁለተኛው ሱረቱል ጋሺያ እንደሚነበብም ነብዩ (ሰ.ዐ.ወ) በተግባር አስተምረዋል፡፡ሙስሊም 878
✅በጁምዓ ዕለት የሚሰሩ ሱና ስራዎች
1. ከፍተኛ ምንዳ ለማግኘት በግዜ ወደ ጁምዓ መስጂድ መሄድ አቡ ሑረይራ ባስተላለፉት ሀዲስ ነብዩ (ﷺ) እንዲህ ብለዋል ‹‹ የጁምዓ ሰላት ገላውን ታጥቦ በመጀመሪያው ሰዓት የተጓዘ ግመል እንዳቀረበ ነው፣ በሁለተኛው ሰዓት የተጓዘ ከብት እንዳቀረበ ነው፣ በሶተኛው ሰዓት የተጓዘ ቀንዳማ በግ እንዳቀረበ ነው፣በአራተኛው ሰዓት የተጓዘ ዶሮ እንዳቀረበ ነው፤ በ አምስተኛው ሰዓት የሄደ እንቁላል እንዳቀረበ ነው፤ ኢማሙ ሚንበር ላይ ሲወጣ መላእክት ኹጥባ ለማድመጥ ይቀመጣሉ››ቡኻሪ 881 ሙስሊም 85ዐ 1. ገላን መታጠብ
✅2. ከላይ ባሳለፍነው ሀዲስ ነብዩ (ﷺ) እንዲህ ብለዋል ‹‹ የጁምዓን ዕለት ገላውን ታጥቦ ….›› በየሳምነት ጁምዓ ገላ መታጠብ ሱና ሲሆን በተለይ የሠውነት ጠረን ባለበት ሰው ይበረታል፡፡ አንዳንድ ዑለማዎች ‹‹ጁምዓን ዕለት መታጠብ እያንዳንዱ አቅመ አዳም የደረሰ ሰው ላይ ግዴታ ነው››ቡኻሪ 879 ሙስሊም 486 የሚለውን ሀዲስ መሰረት በማድረግ በጁምዓ ገላ ትጥበት ግዴታ (ዋጂብ) ነው ይላሉ፡፡
✅3. ከትጥበት ውጭ ያሉ ሌሎች ፅዳቶችንም ማከናወን፡፡ ለምሳሌ፡- ሽቶ መቀባት ጥፍርን መቁረጥ፣ የብብትና የሀፍረተ ገላ አካባቢ ፀጉርን ማፅዳት፣ ቀድሞ ቀመስን ማሳጠር እና የመሳሰሉት፡፡
✅ 4.ከልብሶቹ ጥሩውን መልበስ: ኢብን ዑመር ባስተላለፉት ሀዲስ ‹‹ዑመር ኢብን ኸጣብ መስጂድ በር ላይ ከሰይራዕ የመጣ ካባ ተመልክተው ‹‹ የአላህ መልዕክተኛ ሆይ ይህንን ካባ ገዝተው ለጁመዐና እንግዶች ሲመጡ ቢለብሱት?›› ም አል ቡኻሪ ይህንን ሀዲስ በጁምዓ ዕለት ጥሩን ልብስ መልበስ ሱና ስለ መሆኑ መረጃ አድርገው የተጠቀሙበት ሲሆን አልሃፊዝ ኢብን ሀጀር መረጃ ሊሆን የቻለው ነብዩ (ﷺ) የዑመርን ሀሳብ ባለመቃወም ስለተቀበሉት እንደሆነ ይናገራሉ፡፡ ነብዩም (ﷺ) ‹‹ለስራ ከምትለብሷቸው ሁለት ልብሶች(ሁለት ልብሶች ማለት ከወገብ በታችና ከወገብ በላይ አንድ ጊዜ የሚለብሱትን ማለት ነው) ውጪ ለጁምዓ የሚለበሱ ሁለት ልብሶችን መልካም ነው›› ብለዋል::አቡዳውድ 1ዐ78 ኢብን ማጃህ 1ዐ95
✅5. በነብዩ (ﷺ) ላይ ሰላትና ሰላም ከሌላው ቀን በበለጠ መልኩ ማስፈን ነብዩ (ﷺ) እንዲህ ብለዋል ‹‹ በጁምዓ ዕለት በይበልጥ እኔ ላይ ሰላት አውርዱ››አቡዳውድ 1ዐ47 ነሳኢይ 3/91
✅6. የጁምዓ ሱብሂ ሰላት ላይ በመጀመሪያው ረከዓ ሱረቱ ሰጅዳህ በሁለተኛው ሱረቱል ኢንሳን ማንበብ የነብዩ (ﷺ) ተደጋጋሚ ተግባር ስለነበር ሱና ነው፡፡ በቀኑ ክፍለ ጊዜ ደግሞ ሱረቱል ከህፍን ማንበብ፡፡ቡኻሪ 891ነ ብዩ (ﷺ) እንዲህ ብለዋል‹‹በጁምዓ ዕለት ሱረቱል ከህፍን ያነበበ ዕለተ ቂያማ ከእግሩ እስከ ሰማይ ጫፍ የሚያበራ ብርሐን ይኖረዋል፡፡ እንዲሁም ከዕለቱ ጁምዓ እስከ ቀጣዩ ጁምዓ የሚፈፀም ኃጢአት ይማርለታል››ሃኪም 2/368
✅7. መስጂድ ገብቶ ከመቀመጡ በፊት ሁለት ረከዓ መስገድ ነብዩ (ﷺ) ያዘዙትቡኻሪ 93ዐ ተግባር ሲሆን ኢማሙ ኹጥባ ላይ ከሆነ ግን ሰላቱን ቀልጠፍ አድርጎ መስገድ አለበት::
✅8. ጁምዓ ዱዓ ይበልጥ ተቀባይነት ያለው ወቅት በመሆኑ ዱዓ ማብዛት፡ ነብዩ (ﷺ) እንዲህ ብለዋል ‹‹በጁምዓ ዕለት አንድ ሰው እየሰገደ ሊገጥመው የሚችል ልዩ ሰዓት አለ፡፡ በዚያ ሰዓት አንድ ሰው አላህን አንድ ነገር ቢጠይቅ ወዲያው ይሰጠዋል፡፡››ቡኻሪ 935 ሙስሊም 852


ቻናላችን ይቀላቀሉ
ለሌሎችም ያስተዋውቁት
@alfiqhulmuyser

ዝናብ በሚዘንብበት ወቅት የሚባል

اَللَّهُمَّ صَيِّبًا نَافِعًا.

‘አልሏሁምመ ሰይበን ናፊዐን

👉 አላህ ሆይ! ጠቃሚ ዝናብ (አድርገው)፡፡


ዝናብ ከዘነበ በኋላ የሚባል ዚክር

مُطِرْنَا بِفَضْلِ اللهِ وَرَحْمَتِهِ.

‘ሙጢርና ቢፈድሊልላሂ ወራሕመቲሂ

👉 በአላህ ትሩፋትና እዝነት ዝናብ ለማግኘት በቃን፡፡
@alfiqhulmuyser