"ዛሬ ጠዋት አካባቢ የጁባላንድ ኃይሎች በሶማሊያ ፌደራል ወታደሮች ላይ ጥቃት አድርሰዋል" - ሶማሊያ

"ዛሬ ጠዋት የፌዴራል ኃይሎች ከሞቃዲሾ ራስካምቦኒ ሆነው በጁባላንድ ኃይሎች ላይ የድሮን ጥቃት ፈጽመዋል" - ጁባላንድ

በጁባ ላንድና በሶማሊያ መካከል ይፋዊ ጦርነት ተጀመረ።

ለጥቂት ወራት ውዝግብ ውስጥ የቆዩት ሶማሊያ እና ጁባላንድ ዛሬ በይፋ ወደ ጦርነት መግባታቸውን ከሁለቱም በኩል የተሰጡት መግለጫዎች ያመላክታሉ።

የጁባላንድ ግዛት ምክትል ደህንነት ሚኒስትር አዳን አህመድ ሀጂ በዋና ከተማዋ ኪስማዩ በሰጡት መግለጫ፣ "ዛሬ ጠዋት የፌዴራል ኃይሎች ከሞቃዲሾ ራስካምቦኒ ሆነው በጁባላንድ ኃይሎች ላይ የድሮን ጥቃት ፈጽመዋል" ሲሉ ወቅሰዋል።

የሶማሊያ መከላከያ ሚኒስትር አብዱልቃድር መሀመድ ኑር በበኩላቸው፣ "በዛሬው ዕለት ጠዋት አካባቢ የጁባላንድ ኃይሎች በሶማሊያ ፌደራል ወታደሮች ላይ ጥቃት አድርሰዋል" ሲሉ ጦርነቱ በግዛቷ ኃይሎች እንደተጀመረ አብራርተዋል።

ጁባላንድ ያካሄደችው ምርጫ ለውዝግቡ ምክንያት ሆኖ ቆይቷል። #reuters

@thiqaheth