#ኻሊድ ኢስላማዊ ማዕከል

✅  ረመዳንን ለመቀበል የሚረዱ 10 ነጥቦች

     ባለፈው ለማስታወስ እንደተሞከረው ረመዳንን ለመቀበል መጀመሪያ አላህን በመፍራት ውስጥን ማጥራት በጣም አስፈላጊ ነው ። አሁን ደግሞ አላህ ካለ ረመዳንን ለመቀበል የሚያዘጋጁ 10 ነጥቦችን እናያለን ። እነዚህ ነጥቦች የሚከተሉት ናቸው : –

አንደኛ – አላህ በጤና በሰላም እንዲያደርሰን ዱዓእ ማድረግ
       ከነብዩ በዚህ ዙሪያ የተወራ ሐዲስ ቢኖርም የሐዲስ ሊቃውንቶች ደዒፍ ነው ያሉት ስለሆነ ትቼዋለሁ ። ነገር ግን ሰለፎች አላህ እንዲያደርሳቸውና እንዲቀበላቸው ዱዓእ ያደርጉ እንደነበር ተረጋግጧል ።

ሁለተኛ – ረመዳን በመምጣቱ መደሰት
           የአላህ መልእክተኛ ሶሓቦቻቸውን ረመዳን በመምጣቱ እንዲህ በማለት ያበስሩ ነበር : –
       " የተባረከው የረመዳን ወር መጣላችሁ,  መፆሙን አላህ ፅፎባችኋል ( ግዴታ አድርጎባችኋል ) በርሱ ውስጥ የጀነት በሮች ይከፈታሉ የጀሀነም በሮች ይዘጋሉ ………" ።
        ኢማሙ አሕመድ ዘግበውት ሸይኽ አልባኒ ሶሒሕ ብለውታል ።

ሶስተኛ – ከረመዳን ለመጠቀም መቁረጥና ፕሮግራም ማውጣት
          አብዛኛው ሰው ለዱንያዊ ጉዳዩ ፕሮግራም ያወጣል ነገር ግን የአኼራውን ጉዳይ በዘፈቀደ ይሰራል ያውም ዲን አለው ከተባለ ። ብልጥ ማለት ለሚቀጥለው ሀገር የተዘጋጀ ማለት ነው ። በዝግጅቱ ውጤታማ ለመሆን በፕሮግራም መመራት ግድ ነው ። ከዚህ ውስጥ አንዱና ዋነኛው የረመዳንን ወር ቀኑና ማታውን ለመጠቀም ፕሮግራም ማውጣትና ወስኖ መቀበል ብልጠት ነው ።

አራተኛ – ስለረመዳን ህግጋቶች መማር
           ሙስሊም የሆነ ሰው አላህን በእውቀት ላይ ሆኖ ሊገዛው ግድ ይላል ። ለዚህ ነው አላህ መልእክተኛውን መጀመሪያ እወቅ ያላቸው ። በመሆኑም አንድ ሙስሊም አላህ በሱ ላይ ግዴታ ያደረገበትን ዒባዳ በእውቀት ላይ ሆኖ መፈፀም ግዴታው ነው ። በጅህልና በሚሰራው ስራ ዑዝር የለውም ። ምናልባት ከአቅሙ በላይ ሆኖበት ካልሆነ በስተቀር ። ዐሊም ባለበት በራሱ ስንፍና ያለእውቀት አበላሽቶ ቢሰራ ከመጠየቅ አይድንም ።
      የትኛውንም ዒባዳ ስንሰራ ጠይቀን ተምረን አውቀን መሆን አለበት ። የረመዳን ፆም ህግጋቶችን መማር ለምሳሌ የሚያበላሹትን ፣ አጅሩን የሚቀንሱትን ፣ ቀዳእ የሚያስፈርዱና እንዲሁም ለማፍጠር የሚፈቀድባቸው ሁኔታዎችና የመሳሰሉትን ማወቅ ግዴታ ነው ።

አምስተኛ – ተውበት አድርጎ መዘጋጀት
             ረመዳንን ለመቀበል ከማንኛውም ወንጀል ተውበት አድርጎ መመለስና መፀፀት ዳግም ላለመመለስ ቁርጥ ያለ አቋም መያዝ ያስፈልጋል ። አላህ ዘንድ ያለን ፀጋና ቱሩፋት እሱን በማመፅ ለማግኘነት ማሰብ ሞኝነት ነው ። አንድ ሙስሊም በረመዳን ወንጀሉ ተምሮ ምህረት ለማግኘት ወደ አላህ በሁለመናው መመለስ ይኖርበታል ። አላህ ወደርሱ የተመለሰን ይቀበላል እጥፍ ድርብ ምንዳም ይሰጣል ።

     አላህ ካለ ይቀጥላል : –
https://t.me/Khalid_Islamawi_Studio
https://t.me/Khalid_Islamawi_Studio
https://t.me/Khalid_Islamawi_Studio
https://t.me/Khalid_Islamawi_Studio

/

እየሩሳሌም ሶስተኛው የሙስሊሞች ቅዱስ ስፍራ

አንብበው ሲጨርሱ  ሼር በማድረግ  ለሌሎችም ያዳርሱ
እየሩሳሌም በሙስሊሞች ዘንድ ከመካ እና ከመዲና ቀጥላ ሶስተኛዋ ቅድስት ስፍራ ናት፡፡ ሙስሊሞች ለእየሩሳሌም የሚሰጡት ትልቅ ቦታን ባለመረዳት ሙስሊም ያልሆኑ ወገኖች ሙስሊሞች የእየሩሳሌም ጠላት እንደሆኑ አድርገው ያስባሉ፡፡ እውነታ ግን እየሩሳሌም ለሙስሊሞች የተከበረውን መስጂደል አቅሳን ይዛ የምትገኝ የተከበረች ስፍራ ናት፡፡
ሙስሊሞች ወደ መካ እና መዲና እንደሚጓዙት ሁሉ ወደ እየሩሳሌም በመጓዝም መስጂደል አቅሳን ማየትን ይሻሉ፡፡በወራሪዋ እስራኤል አማካኝነት ይህ የተከበረ ቦታ በህፃናት፣በአዛውንቶች እና በሴቶች ደም ሁሌም እንዲጨቀኝ ቢደረግም አንድ ቀን ከወራሪዋ እስራኤል ነፃ የሚወጣበት ቀን መምጣቱ አይቀርም፡፡
  አለም ላይ የሚገኙ ሙስሊሞች ለእየሩሳሌም የሚሰጡትን ቦታ ሙስሊም ያልሆኑ ወገኖችም ጠንቅቀው ሊረዱት ይገባል ስለ ፍልስጤማውያን ስንጮህ በግፍ መሬታቸውን በወራሪዋ እስራኤል ስለተነጠቁ ብቻ ሳይሆን  ወይም ሙስሊም ስለሆኑ ብቻ ሳይሆን ወይንም አረብ ስለሆኑ ሳይሆን በወራሪዋ እስራኤል  በጉልበት የተያዘብን በእየሩሳሌም ምድር የሚገኘው መስጂደል አቅሳም የፍልስጤማውያን ብቻ ሳይሆን   የመላው ሙስሊም ቅዱስ ስፍራ በመሆኑ ነው

እያንዳንዱ ሙስሊም ስለ እየሩሳሌም ፤ስለ መስጂደል አቅሳ  ዘወትር ፀሎት ያደርጋል፡፡ ከግፈኞቹ ፂዬናውያን ነፃ ወጥታ ሁሉም ወደ እየሩሳሌም ተጉዞ በመስጂደል አቅሳ ሰላቱን ሊሰግድ ይናፍቃል፡፡

የሙስሊሞችን እና የእየሩሳሌምን  ጥብቅ ትስስር ለመረዳት  የተወሰኑ ነጥቦችን በመጥቀስ እንመልከት

1. መስጂድ አል-አቅሷ  የቦታና የመስጂድ ሥም ብቻ ሳይሆን ከእስልምና ሃይማኖት ጋር የሚያገናኙት በርካታ ቁምነገሮች አሉ፡፡ አምላካችን አላህ (ሱ.ወ.) መስጂድ አል-አቅሷን እና  ዙሪያውን በሱ የተባረከና የተቀደሰ አካበቢ መሆኑን በቁርአን ላይ ገልፆልናል፡፡

سُبْحَانَ الَّذِي أَسْرَىٰ بِعَبْدِهِ لَيْلًا مِّنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا ۚ إِنَّهُ هُوَ السَّمِيعُ الْبَصِيرُ ﴿١

ያ ባሪያውን ከተከበረው መስጊድ ወደዚያ ዙሪያውን ወደ ባረክነው ወደ ሩቁ መስጊድ በሌሊት ውስጥ ያስኼደው (ጌታ) ጥራት ይገባው፡፡ ከተዓምራቶቻችን ልናሳየው (አስኼድነው)፡፡ እነሆ እርሱ (አላህ) ሰሚው ተመልካቺው ነው፡፡((አል-ኢስራእ ፡1)

2. ሌላው አል-አቅሷን ከሙስሊሞች የሚያስተሳስረው የኢስራእና ሚዕራጅ ምድር መሆኑ ነው፡፡ ነቢዩ (ሰ.ዐ.ወ.) ወደ ሰማዩ ዓለም ጉዞ ባደረጉ ጊዜ ከመካው መስጂድ ወደ  እየሩሳሌም መስጂድ አልአቅሷ  ተጉዘዋል፡፡ ከዚያም በመነሳት ነበር ወደ ሰማዩ ዓለም የተጓዙት፡፡ ነቢዩ (ሰ.ዐ.ወ) ከመካ ወደ በይት አልመቅዲስ መጓዛቸው የቦታውን ታላቅነትና ቅድስና ያመለክታል፡፡ 

ነብዩ(ሰ.ዐ.ወ) ወደ  እየሩሳሌም ወደሚገኘው አል-አቅሷ መስጂድ  በተጓዙበትም ወቅት ነቢዩ (ሰ.ዐ.ወ.)  ከአላህ የተላኩትን ታላላቅ ነቢያቶችን  መሪ ሆነው አሰግደዋል፡፡ከነዚህም መካከል  ከነብዩላህ አደም ጀምሮ እስከ እየሱስ ክርስቶስ(አ.ሰ) ያሉት ነብያት ይገኙበታል፡፡

3.  የእየሩሳሌም ምድር በርካታ ታላላቅ የአላህ ነብያት የተላኩበት ምድርም ነው፡፡ አባታችን ኢብራሂምን (አብረሃም) (ዐ.ሰ) ጨምሮ ዳውድ(ዳዊት)፣ ሱለይማን(ሰለሞን)፣ ሙሳ(ሙሴ)፣ ኢሳ( እየሱስ ክርስቶስ ) (አ.ሰ) እና ሌሎችም ህዝቦች አላህን በብቸኝነት አንድ አድርገው እንዲገዙ ጥሪ እንዲያደርጉ ከአላህ የተላኩበት ምድር ነው፡፡

4 . እንደ አብዛኞቹ ዑለማኦች(የእስልምና ሊቃውንት)  ስምምነት በእየሩሳሌም  የሚገኘውን አል-አቅሷ መስጂድን ለመጀመሪያ ጊዜ የገነቡት አባታችን አደም (ዐ.ሰ.) ሲሆኑ ኋላ ላይ ግን ነብዩላህ ኢብራሂም (አ.ሠ) ካዕባን በድጋሚ እንደገነቡት ይህንንም መስጂድ (የፀሎት ቦታ) አስፍተውታል፡፡ በመቀጠልም የነብዩላህ ዳውድ(ዳዊት) ልጅ የሆኑት  ነቢዩ ሱለይማን(ሰለሞን) ሙሉ ግንባታውን በማደስ እንዳጠናከሩት  እና እንደገነቡት  በታሪክ ላይ ሰፍሮ ይገኛል፡፡

በምድር ላይ አላህን ለማምለክ ታስቦ በነብዩላህ ኢብራሂም) (አ.ሰ)የተገነባው የመጀመሪያው መስጂድ (የፀሎት ስፍራ)   መካ የሚገኘው አልሐራም (ከዕባ) መሆኑ ይታወቃል፡፡ አል-አቅሷ ደግሞ  በምድር ላይ የተገነባ ሁለተኛው መስጂድ (የፀሎት ስፍራ) ሲሆን በሱ እና በከዕባ መካከል የአርባ አመት ዕድሜ ብቻ ነው ያለው፡፡ ነብዩላህ ኢብራሂም ከልጃቸው እስማኤል ጋር በመካ ካዕባን ከገነቡ ቡኋላ ከ 40 አመታት ቡኋላ በእየሩሳሌምም ይህን መስጂደል አቅሳን (የፀሎት ስፍራ) አስፍተውታል፡፡ ከነብዩላህ ኢብራሂም ቀጥሎ ልጃቸው ይስሓቅ ቀጥሎም የልጅ ልጃቸው ያቆብ (ዐ.ሰ)  ወደ ግብፅ እስከሄዱበት ጊዜ ድረስ አላህን በብቸኝነት የሚያመልኩበትቦታ ሆኖ ቆይቷል፡፡

5.  እየሩሳሌም የሚገኘው አል-አቅሷ የመጀመሪያው የሙስሊሞች ቂብላ(የሰላት አቅጣጫ)  ነው፡፡ ነብዩ መሐመድ (ሰ.ዐ.ወ) ለአለም ህዝብ በነብይነት ሲላኩ የሙስሊሞች ቂብላ/የሶላት መቀጣጫ/ ወደ ከዕባ/መካ/ እንዲሆን ከመደረጉ በፊት ለአሥራ ስድስት ወይም ለአሥራ ሰባት ወራት ወደእየሩሳሌም ወደ መስጂደል አቅሳ  ዞረው ሰግደዋል፡፡ ካዕባ የሰላት አቅጣጫ ከመደረጉ በፊት ሙስሊሞች ወደ እየሩሳሌም በመዞር ነበር ሰላታቸውን የሚሰግዱት፡፡ ዛሬ ላይ ሙስሊም ያልሆኑ ወገኖች ሙስሊሞች  ወደ መካ ካዕባ ዞራችሁ የምትሰግዱት ለጥቁሩ ድንጋይ ነው ብለው ባለማወቅ ውንጀላ ሲያቀርቡ  ሙስሊሞች በመጀመሪያ ፊታቸውን  ወደ እየሩሳሌም በማዞር ይሰግዱ እንደነበር ቢያውቁ ወደ አንድ አቅጣጫ መዞር የምንሰግድለት አምላክ አንድ ቦታ በመገኘቱ ሳይሆን  የአንድነት ተምሳሌት መሆኑን ይረዱ ነበር፡፡

6.  ጓዝ ተጭኖና ስንቅ ተቋጥሮ ለጉብኝትም ሆነ ለሶላት ከሚኬድባቸው ሶስት መስጂዶች ውስጥ   እየሩሳሌም የሚገኘው  አል-አቅሷ  መስጂድ አንዱ ነው፡፡ በዚህ በእየሩሳሌም በሚገኘው  በአልአቅሷ ውስጥ የሚሰገድ ሶላት በሌላው መስጂድ ውስጥ ከሚሰገደው በደረጃ በአምስት መቶ እጥፍ ይበልጣል፡፡  በአል-አቅሷ መስጂድ ውስጥ የሚሰገደውን ሶላት ሊበልጥ የሚችለው በመካ (መስጂድ አልሐራም) እና በመዲና የነቢዩ (ሰ.ዐ.ወ.) መስጂድ ውስጥ የሚሰገደው ሶላት ብቻ ነው፡፡ለዚህም ነው ሁሉም ሙስሊም ከመሞቱ በፊት ከመካ እና ከመዲና መስጂዶች ቀጥሎ ወደ እየሩሳሌም ተጉዞ በመስጂደል አቅሳ ለመስገድ የሚመኘው፡፡

7. በርካታ የነብዩ መሐመድ(ሰ.ዐ.ወ) ባልደረቦች እና  ትላልቅ ደጋግ ሰዎች የአላህ መልዕክተኛ (ሰ.ዐ.ወ.) እየሩሳሌም ስለሚገኘው ስለ አል-አቅሷ ደረጃና ቅድስና ያስተማሩትን በመከተል ወደዚያ ሄደዋል፡፡ ጎብኝተውታል፡፡ ሰግደውበታል፡፡ አል-አቅሷ በታሪክ በተለያዩ ገዥዎች ሥር በቅብብሎሽ ከቆየ በኋላ በሙስሊሞች ቁጥጥር ስር የሆነው  በኸሊፋ ዑመር ኢብኑ አልኸጣብ (ረ.ዐ.) ዘመን ነበር፡፡ ከዚያ በኋላ በርካታ ሶሓቦች በበይት አልመቅዲስ በመገኘት ተምረዋል፣ አስተምረዋል፡፡ እዚያው ቆይተው ከሞቱት ታላላቅ ሶሓቦች መካከል ዑባዳ ኢብኑ አስሷሚት እና ሸዳድ ኢብኑ አውስ (ረ.ዐ.) ይገኙበታል፡፡ የተቀበሩትም ከመስጂዱ ቅጥር ግቢ ውጭ በሚገኘው ባብ አር-ረሕመህ በሚሰኘው ቦታ ላይ ነው
Join and Share
👇👇
😍@khalid_islamawi_studio

0ረፋን መፆም ለማይችሉ
~
ዛሬ ዐረፋ ነው፣ ዙልሒጃ ዘጠኝ። ይህንን ቀን መፆም ትልቅ ዋጋ እንዳለው የሚታወቅ ነው። በተቻለ መጠን ሊያልፈን አይገባም።
በወር አበባ፣ በወሊድ፣ በህመም ሰበብ መፆም የማትችሉ ደግሞ ለመፆም ቁርጠኛ ውሳኔ ከነበራችሁ አትቆጩ። የምታመልኩት የልባችሁን የሚያውቅ ጌታ ነው። በኒያችሁ የሚፈፅሙ ሰዎችን አምሳያ ይመነዳችኋል። ይህንን የሚጠቁሙ መረጃዎች ብዙ ናቸው። ሸይኹል ኢስላም ኢብኑ ተይሚያ - ረሒመሁላህ - እንዲህ ይላሉ፦
"وهذه قاعدة الشريعة: أن من كان عازماً على الفعل عزما جازما، وفعل ما يقدر عليه منه، كان بمنزلة الفاعل".
"ይሄ የሸሪዐ ህግ ነው። አንድን ተግባር ለመፈፀም ቁርጠኛ ውሳኔን የወሰነና የሚችለውን ያደረገ ሰው በፈፃሚ ደረጃ ነው የሚሆነው።" [አልፈታዋ፡ 23/236]
=
@Khalid_islamawi_studio
@Khalid_islamawi_studio
@Khalid_islamawi_studio
@Khalid_islamawi_studio

የኡዱሒያን እርድ የሚመለከቱ ጥቂት ወሳኝ ነጥቦች
~
ኡዱሒያ ማለት በዒደል አድሓ ቀን ወደ አላህ ለመቃረብ ታስቦ የሚታረድ እርድ ነው፡፡ ነብዩ ﷺ በተግባር ፈፅመውታል፡፡ መዲና ላይ አስር አመት ሲኖሩም ኡዱሒያን ያርዱ ነበር፡፡ [ሚሽካት፡ 1475] እንዲፈፀምም አዘዋል፡፡ ስለዚህ አቅም ያለው ሰው ሊፈፅመው ይገባል ማለት ነው፡፡ ነብዩ ﷺ “አቅሙ እያለው ኡዱሒያን ያላረደ ሰው መስገጃችንን እንዳይቀርብ” ብለዋል፡፡
ኡዱሒያ ብዙሃን ዑለማኦች ዘንድ የጠነከረች ሱና ነች። ከፊል ምሁራን ዘንድ ደግሞ ግዴታ ነች። ኢብኑ ተይሚያ - ረሒመሁላህ - ከሁለቱ ሃሳቦች የሚጎላው ግዴታ ነው የሚለው ነው ይላሉ። ግዴታም ቢሆን ታዲያ ያልቻለ ሰው ኡዱሒያ ለማረድ ብሎ እዳ እንዲገባ / እንዲበደር አይገደድም።

ለኡሑዲያ የሚታረደው እንስሳ የሚከተሉትን መስፈርቶች ማሟላት አለበት

1. የሚታረደው እንስሳ ከበግ፣ ፍየል፣ ከብት እና ግመል ውስጥ ብቻ መሆን አለበት።
2. ከብትና ግመልን በጋራ ማረድ የፈለገ አንዱ ቢበዛ ለ7 ሰው ነው መሆን ያለበት፡፡ ከዚያ መብለጥ የለበትም። አንዱ ለ 7 ሰው ከተቻለ ቁጥራቸው ከ 7 ያነሰ ሆነው ቢያርዱ የበለጠ ያብቃቃል። ፍየልና በግ ለጋራ ማረድ አይቻልም፡፡
3. የሚታረደው እንስሳ እድሜው የደረሰ መሆን አለበት፡፡ በግ 6 ወር፣ ፍየል 1 አመት፣ ከብት 2 አመት፣ ግመል ከሆነ 5 አመት የሞላው መሆን አለበት፡፡
4. የሚታረደው እንስሳ መታወሩ ግልፅ የሆነ፤ ህመሙ ግልፅ የሆነ በሽተኛ፤ ግልፅ የሆነ አንካሳ፤ በጣም ያረጀ፣ አብዛሃኛው ወይም ግማሽና ከዚያ በላይ የሆነ ጆሮው፣ ጅራቱ፣ ላቱ፣ ቀንዱ፣ የተቆረጠ ወይም የተሰበረ መሆን የለበትም፡፡ ትንንሽ እንከኖች ችግር አይሆኑም። የተኮላሸ መጠቀም ይቻላል። ነብዩ ﷺ ሁለት የተኮላሹ በጎችን አርደዋል። [ሱነኑል በይሃቂይ]
5. የሚታረደው የግድ በተገደበው ጊዜ መሆን አለበት፡፡ እሱም ከዒድ ሶላት በኋላ እስከ ዙልሒጃ 13 ባለው ነው፡፡ ነብዩ ﷺ (ዒድ) ከመሰገዱ በፊት ያረደ በሷ ቦታ (እርዱን) ይድገም፡፡ ያላረደ ይረድ” ብለዋል፡፡ [ቡኻሪ]
6. ያለ ምንም ልዩነት ከሁለቱም ፆታ ከወንድም #ከሴትም ለኡዱሒያ ማረድ ይፈቀዳል፡፡ [ኢብኑ ባዝ፣ ፈታዋ ኑሩን ዐለ ደርብ፡ ካሴት ቁ. 72]
7. ቆዳውንም ይሁን የትኛውንም ክፍሉን መሸጥ አይፈቀድም፡፡ ለአራጁ የሚከፈለውም ከኡዱሒያው ቆዳ ወይም ሌላ ክፍሉ መሆን የለበትም፡፡ ነብዩ ﷺ “የኡዱሒያውን ቆዳ የሸጠ ኡዱሒያ የለውም!” ብለዋል፡፡ [ሶሒሑል ጃሚዕ፡ 2/1055] ሸይኽ ኢብኑ ዑሠይሚን ረሒመሁላህ እንዲህ ይላሉ፡- “ከኡዱሒያው ስጋ፣ ሞራ፣ ቆዳ፣ ወይም ሌላ ነገር መሸረጥ ክልክል ነው፡፡ ምክንያቱም ለአላህ ያወጣው ገንዘብ ስለሆነ ልክ እንደ ሶደቃ መመለስ አይቻልም፡፡ [ፈታዋ ኢብኒ ዑሠይሚን፡ 25/162] ባይሆን ስጦታ የተሰጠው ሰው ቢሸጥ ምንም ችግር የለበትም፡፡
8. ስጋው ምን ይደረጋል? በእለቱ ከቤት ይበላል። ለዘመድ፣ ለጓደኛ፣ ለምስኪን ይሰድቃል ወይም ስጦታ ይሰጣል። ቀሪ ከኖረ ያስቀምጣል፡፡ ስጦታ የተሰጠው ሰው ግን መሸጥን ጨምሮ ሐላል በሆነ መልኩ ለፈለገው አገልግሎት ማዋል ይችላል፡፡
9. ኡዱሒያውን እራሱ ባለቤቱ ቢያርድ በላጭ ነው፡፡ ካልቻለ ወይም ካልተመቸው ግን ሰው መወከል ይችላል፡፡
ከተለያዩ ፈትዋዎች የተሰበሰበ ነው፡፡
=
ሸይኽ ሷሊሕ አል ሉሃይዳን አላህ ይዘንላቸውና እንዲህ ብለዋል፡-

«በወላጆች ላይ ፅድቅን ማድረግ አላህን በኢኽላስ ከማምለክ  ጋር የተያያዘ ሲሆን ወላጅን አለመታዘዝ በአላህ ላይ ከማሻረክ ጋር የተያያዘ ነው። ለዚህም ነው ነብዩ ሰለላሁ ዓለይሂ ወሰለም ለባልደረቦቻቸው ‹‹ ከከባባድ ወንጀሎች ይበልጥ ከባዱን አልነግራችሁምን?» አሉ። ሰሃቦችም፦ «አዎን ይንገሩን» አሏቸው።
እሳቸውም፦ “በአላህ ላይ ሽርክን መፈፀም ነው፣  ከዛም  ወላጆችን አለመታዘዝ ነው።» በማለት መለሱ። ምስጋናን በተመለከተ አላህ በቁርኣኑ ፦ « እኔን እና ወላጆችህን አመስግን።» ይላል።

@Khalid_islamawi_studio
@Khalid_islamawi_studio
@Khalid_islamawi_studio
@Khalid_islamawi_studio

ሸይኽ ሷሊሕ አል ሉሃይዳን አላህ ይዘንላቸውና እንዲህ ብለዋል፡-

«በወላጆች ላይ ፅድቅን ማድረግ አላህን በኢኽላስ ከማምለክ  ጋር የተያያዘ ሲሆን ወላጅን አለመታዘዝ በአላህ ላይ ከማሻረክ ጋር የተያያዘ ነው። ለዚህም ነው ነብዩ ሰለላሁ ዓለይሂ ወሰለም ለባልደረቦቻቸው ‹‹ ከከባባድ ወንጀሎች ይበልጥ ከባዱን አልነግራችሁምን?» አሉ። ሰሃቦችም፦ «አዎን ይንገሩን» አሏቸው።
እሳቸውም፦ “በአላህ ላይ ሽርክን መፈፀም ነው፣  ከዛም  ወላጆችን አለመታዘዝ ነው።» በማለት መለሱ። ምስጋናን በተመለከተ አላህ በቁርኣኑ ፦ « እኔን እና ወላጆችህን አመስግን።» ይላል።

@Khalid_islamawi_studio
@Khalid_islamawi_studio
@Khalid_islamawi_studio
@Khalid_islamawi_studio