በእውቀቱ ሥዩም እና ሥነ-ፅሁፍ

✨✨✨በ'ነሱ ቤት✨✨✨
✨✨✨ክፍል አራት​​✨✨✨

ሰመረ እንደዚ አይነት መጨናነቅ የለመደ ልጅ አይደለም እና ሁኔታዋን አይቶ'ምነው እቺን ልጅ ላናድድ ብዬ ከተቀመጥኩበት ባልተነሳው በገዛ እጄ አባባይ ልሁን እኔ ሲጀመር ምን አገባኝ !ማድረግ ያለብኝን አድርጌላታለው በቃ የራሷ ጉዳይ 'ብሎ ትቷት ወደ ጓደኞቹ ተመለሰ ። ጓደኞቹ ገና ከመምጣቱ በተረብ አላስቀምጥ አሉት።
"እኔ የምልህ ከዚች አመዳም ጋር የዚን ያክል ክርክሩ ምንድነው ?ደሞ አይደብርህም እንዴ ያንን አስቀያሚ ጫማዋን ከእጇ እየነጠክ ትወረውራለህ ሃሃሃ በል በል አሁን ሂድና እጅህን ታጠብ ሆሆሆ ሳም ሙት! አንዳንዴ ምንም አትገባኝም በላይህ ላይ ጀርም ትጋብዛለህ ሃሃሃሃ"ብሎ ጌታነህ ሳቀበት ።እንየው ቀበል አድርጎ "እኔ እኮ የገረመኝ ገንዘብ አውጥተህ መስጠትህ ምን ፈልገህ ነው ግን ኪኪኪ ለነገሩ አጥበህ አስቆንጅተህ በትበላው የሚያስከፋ አይደለም በደንብ ከተያዘች ቆንጆ ነገር ናት ግን ጓደኞቼ እየወረዳቹ ነው ዛሬ 😀ወይ ከዚ በረንዳ ወደውስጥ እንግባ 😀"አለ ሳቁን መቆጣጠር እያቃተው ።
ሰመረ እነሱ የተናገሩት ነገር ምኑም ደስአላለውም ይብስ ተከፋ ሁለቱም ባሰቡት መንገድ እንዳላሰበ ደጋግሞ አስረዳ ። ከነሱ ጋር ክርክሩ አላዋጣ ሲለው አይኖቹን መልሶ ወደ መንገዱ ወርወር አደረገ አብላካት እየተወለጋገደች ሁለቱን ጫማወቿን አንጠልጥላ በተስፋመቁረጥ ስትራመድ አያት ለምን እንደው ያላወቀው ስሜት ወረረው ልቡ አዘነ ይህቺ ልጅ ገና ታዳጊ ናት ለምንድነው የዚን ያክል መከፋት ያለባት ምን አይነት የተቸገረ ቤተሰብ ቢያሳድጋት ነው እንዲ የሆነችው አለ ለራሱ ፣ሰው በዚመጠን ደሃ ይሆናል ጫማ እስከመዋዋስ ለዛውም ጀየሚያስጠላ ጫማ ይገርማል ። በመንገዱላይ ብዙ ሰው አይታይም አብላካት ያመንገድ አላልቅ ያላት ይመስላል በራሷ በጣም ተሸማቃለች ገና ከሳምንት ጀምሮ ስትዘጋጅበት የነበረ ቀጠሮ ነው የተበላሸባት ለሷ የመጀመሪያ ቀጠሮዋ ነው ለዛውም ከችግር የምትወጣበት ቀጠሮ ነገር ግን በገዛ እጇ አበላሸችው ምነው ታምራትን ከማስከፋው የራሴን ጫማ አድርጌ በመጣው ይሄኔ እኮ አግኝቼው የምሰራበትን ቦታ አሳይቶኝ ሁሉም ነገር ተስተካክሎ እመለስ ነበር የተረገመ ጫማ ።ደሞስ ምን አጣደፈኝ ቀስ ብዬ አልሻገርም ነበር ።በራሴው ስህተት ነው ስራውን ያጣውት ።ዕድ ለቢስ ነኝ ሲጀመር ብላ ስንጥቅ የበዛባትን የሞባይል ስልኳን አየች በተስፋ ታምራት የተባለው የፌስቡክ ጓደኛዋ ይደውል ይሆናል በሚል ምኞት ።ይህችን የሞባይል ስልክ ከሰው ላይ የገዛችላት እናቷ ነች ከዘጠኝ ወደ አስር በጥሩ ውጤት ስላለፈችላት ደስታዋንና በሷ መኩራቷን ለማሳየት ።እና አብላካት የዛንቀን ከጓደኞቿ እኩል ሞባይል በመያዟ ደስታዋ ወደር አልነበረውም። ከዛን ጊዜጀምሮ ፌስቡክ ከፍታ ከተለያዩ ሰዎች ጋር ታወራለች ከአንገት በላይ ተነስታ የምትለቃቸው ፎቶዎቿ የሚስቡ በመሆናቸው ብዙ ወንዶች ኢንቦክስ እየገቡ ያወሯታል የፍቅርጥያቄ ያቀርቡላታል አብላካት ለሁሉም በየዋህነት ገና ለዛ እንዳልደረሰች ትፅፍላቸዋለች ።ብዙዎቹ ያለምጡባታል ።ከነዛ ውስጥ ግን የታምራት አቀራረብ ይመቻታል ልጅነቷን ስትነግረው መገመቱን እና እሱ እህት እንዳለው ልክ በሷ ዕድሜ መሆኗን እየነገረ አግባባት ከዛ በዋላ ስለቤተሰብ ስለትምህርት እየጠየቀ ችግሯን ሁሉ ሳትደብቅእንድትነግረው አደረገ ከዛም ነገረችው ።እናቷ እሷን በልጅነቷ ሰውቤት ሰራተኛ ሆና ከአሰሪዋ ልጅ እንዳረገዘቻትና አሰሪዎቿ ይሄንን ሲያውቁ እንዳባረሯት ከዛም እሷን ጎዳናላይ እንደወለደቻት ከዛ በዋላም እናቷ እጅ ሳትሰጥ ጉሊት እየሰራች ፍራፍሬ አትክልት እየሸጠች እንዳሳደገቻት አወራችው ።በጣም የሚያሳዝን ታሪክ እንዳላት እና እሷን ለመርዳት ሲል የአክስቱን ልጅ እንደሚያናግራት እና እሷ ፑቲክ ውስጥ እንደሚያስቀጥራት ነገራት ።ይሄንን ያላት ቀን በደስታ ነበር የሰከረችው ። በተለይ እናቷ ከቅርብ ጊዜ ወዲ እግሬን እየወጋኝ ነው እያለች ከምትሰራበት ጉሊት መመለሷ እየተለመደ መጥቷል እመም ይሰማታል ይሄን ስለምታውቅ ።እሱ ስለስራ ሲያወራት ቀጥታ የታያት እናቷን ማገዟ ነው ።አብላካት ስላረፈድሽ የማልቀርበት ጉዳይ ስላለኝ ሄጃለው ባይሆን ማታ ተገናኝተን ተጫውተሽ ትመለሻለ ሲላት አይመቸኝም ስትለው ድንገት ቅይር ብሎ ካልሆነ ይቅርብሻ ነበር ያላት በጣም ተናዳለች በፌስቡክ እንዳወራት አልሆነላትም ።ሰው በአንድጊዜ ጥፋት እንዲ ይለወጣል ያሳዝናል ።'ወይኔ እናቴ መቼ ልደርስልሽ ነው 'እያለች በአዘን ተቆራምታ በባዶእግሯ ትጓዛለች ። ሰመረ የሰጣትን ብር ጨምቃ ይዛታለች ።
*ሰመረ ተነስቶ ቆመ ጓደኞቹ እኩል ወዴት ነው አሉት መጣው ብሎ በረንዳውን በፍጥነት መውረድ ጀመረ
ጓደኞቹ ግራ በመጋባት ተያዩ ሰመረወደ አብላካት አቅጣጫ ፈጠነ,,,,,,,
🔵ይቀጥላል,,,,,,,,,

✴️Share✴️ Share✴️ Share✴️
♥️ከወደዱት ሼር ያድርጉ♥️
@bewketuseyoum19

✨✨✨በ'ነሱ ቤት✨✨✨
✨✨✨ክፍል ሦስት​​✨✨✨

አብላካት ቀጫጭን ጠይም እጆቿን በብስጭት እያወናጨፈች ሰመረን ተቃወመች ጮክብሎ መናገር አይሆንላትም እንደዛ ካደረገች እንኳ ዕንባዋ ይቀድማታል እንደዛ እንዲሆን ደሞ አልፈለገችም በማንም ሰው ፊት እንደ ዕፃን ማልቀስን አትሻም ስታለቅስ የኖረችባቸው ጊዜያቶች እንዲያበቁ ብቻ ነው አሁን ላይ የምትፈልገው ። ከዚበፊት ስለ እናቷ መጠቀት አልቅሳለች ስለችግራቸው አልቅሳለች እንደሌሎች ልጆች የፈለገችውን ማግኘት እንደማትችል ባወቀች ጊዜ አልቅሳለች ። እርቧት የምትበላው ነገር በቤትውስጥ በማጣቷ አልቅሳለች ። ዛሬላይ ግን ሁሉ ነገር እንዲያበቃ ነው የምትፈልገው የወጣት አሮጊት የመሰለችባትን እናቷን ከችግር ማውጣት ያን ባትችል እንኳ ልታግዛት ፈልጋለች ፡ ለዚህም ነው በፌስቡክ ብቻ ካወቀችው ጥሩ ሰው ከመሰላት ሰው ጋር ቀጠሮ የያዘችው እናም ያሰው ብዙ ነገር ነው ቃል የገባላት ስራ እንደሚያስቀጥራት ሕይወቷ እንደሚቀየር የተሻለ ኑሮ እንደሚኖራት ጭንቅላቷን የሞላት ፡እናም ጓጉታ ነበር ይሄ የተረገመ ጫማ ሊያሰናክላት ነው በዛላይ ሰመረ ጫማዋን እየወረወረ አበሳጫት ።
አስተናጋጁ ሰሚር የልጅቷን ጫማ እየወረወረ በሚስቀው ሰመረ ላይ ከምር ተናደደበት ግን ንዴቱ ዋጥ አድርጎ ወደ እሬስቶራንቱ ከመመለስ ውጪ ምንም ማድረግ አልቻለም ።
ሰመረ ጫማዎቿን ለማምጣት የምትሯሯጠውን አብላካትን እጇን ይዞ በቁጣ አስቆማት ።አብላካት ጭራሽ ከሱም ብሶ ሲቆጣት ትላልቅ የሚያምሩ አይኖቿን አፍጣ በመገረም ታየው ጀመር ።
"ስሚ ሚጣ ከአሁን በዋላ ያጫማ አብቅቶለታል የምን ችክ ማለት ነው ።በቃ ሌላ ጫማ ሄደሽ ግዢ አለበለዚያ በጥፊ ነው የምልሽ እሺ"አላት ፊቱን እንዳኮሳተረ ።አብላካት ተገርማ
"ጭራሽ እንዴ ለምንድነው እንዲ የምታደርገው?"አለች ሰመረ እጁን ኪሱ ውስጥ ከቶ ብዙ የመቶብር ኖቶች ሲያወጣ አፋን ከፍታ ቀረች
"ለምን ምናምን ማለትሽን ትተሽ እንኪ ውሰጂና የምትፈልጊውን ጫማ ግዢ ለጊዜው የያዝኩት ይሄንን ነው የማይበቃሽ ከሆነ ነገ እዚው ስላለው መጥተሽ ውሰጂ ይሄን ጫማግን ደግመሽ እንዳታይው ሲያስጠላ "አለ ፊቱን አጨፍግጎ
"ግን ለምንድነው ይሄንን የምታደርግልኝ "አለች ድጋሚ
"ይኽውልሽ አጉል ክርክርሽን ተዪ ጫማው ተበላሽቶብሻል እኔ ደሞ ስላለኝ ነው የምትገዢበት የሰጠውሽ አሁን ሂጂ"አላት እጇላይ ያስቀመጠላት ብር ቡዙነው ለሷ እምቢ እንዳትል ችግሯን አሰበች እሺም እንዳትል ሒሉንታ ያዛት
"አንቺ ሚጣ ለምንድነው ሄደሽ የማትገዢው ያው እዛ ከኮስሞ አጠገብ የሴቶች ጫማ መሸጫ ይታየኛል እዛ ሄደሽ ግዢና ከዚ አካባቢ ሂጂ "አለ ሰመረ
"ግን እኮ ጫማው የሰው ነው ማለቴ ጓደኛዬ አንድ ሰው ስራ ሊያስገባኝ ነው እና ጫማሽን አውሺኝ ብዬ ለምኛት ነው የሰጠችኝ ።እና እሷ እራሱ የታላቅ እህቷ ነው ጫማውን ወስጄ አሰርቼ ካልሰጠዋት ትጣላኛለች ።"አለችው ፈራ ተባ እያለች ።ሰመረ ለመጀመሪያ ጊዜ ተጨነቀ ።እንዴ ምን አይነት ነገር ነው አሁን ይሄም ጫማ ሆኖ ይዋዋሱታል ።አለ
"እሺ እንደፈለግሽ አድርጊ ሚጣ "አላት አዘን ብሎ
"ስሜ አብ ላካት ነው "አለች እና ስልኳ ሲጮኽ ሰምታ ከያዘቻት ትንሽዬ ያረጀች ቦርሳ ውስጥ ስልኳን አውጥታ "ሄሎ ሰላም ዋልክ ።አዎ አዎ ይቅርታ ግን አሁን መጥቻለው ።ትንሽ ጠብቀኝ ችግር ገጥሞኝ ነው እኮ ።አይ አይ አሁን ይሻላል ። እኮ ማማታማ እናቴ አትፈቅድልኝም ። እባክህ እንደዛ ማለቴ አይደለም ።እኔ ስራውን እፈልገዋለው ። እባክህ ቆይ አትዝጋው እኔ እኮ ማታ መውጣት ስለማልችል ነው ። ግን እኮ ስራው ያስፈልገኛል እናቴን መርዳት የምችለው እኔ ብቻ ነኝ ።እሷ እየተጎዳችብኝ ነው እባክህ ።ቆቆይ አትዝጋው ,,,,"ስልኩ ጆሮዋላይ ተዘጋ አብላካት የምትፈራው ዕንባዋ ዱብ ዱብ ማለት ጀመረ ።አጠገቧ ሰመረ መኖሩን እንኳ እረስታለች ,,,,,,,,,,
🔵ይቀጥላል,,,,,,,,,

✴️Share✴️ Share✴️ Share✴️
♥️ከወደዱት ሼር ያድርጉ♥️
@bewketuseyoum19

#አፍቃሪ_ልብ

በፍቅር ሰንሰለት ታስሮ የሚጎተት
በናፍቆት አለንጋ አእላፍ ግርፋት ዘውትር የሚቃትት
አፍቃሪ ልብ ነው ባልበደለው በደል ደጋግሞ የሚሞት

መገፋት መገረፍ መሰደድ መንኩአሽሽ
ስለፍቅር ብሎ ሀገር ጥሎ ቢሸሽ
ከሥጋንጂ ከሀሳብ ርቆ እሱ ላይሸሽ
ዘውትር በፅፅት ቃል ፈጣሪን ያውካል
ስለመፈጣሩ በብርቱ ተቃርኖ ባልጋ ይማቅቃል
የመኖሩን ትርጉም ውሉን እየረሳ
ሽሮ ላይሽርለት የልቡ ጠባሳ
ማሻሪያው በሰው ዘንድ ረክሶ እንደመዳብ
ከፀጋው ተገፎ ቢሄድ እንደ እባብ
አፍቃሪ ልቤ ግን መልካም ነው የዋህ እርግብ
አፍቃሪ ልቤ ግን መልካም ነው የዋህ እርግብ

ማሰንኩኝ በብርቱ ዞርኩኝ ዓለም ገቡን
አጣው አፍቃሪ ልብ ሁሉም የሚተውን
እባክህ አንተ ዳኛ ፍቅር አስተምረን
ከጉያችን አርቅ ወንድም ላይ መጨከን
አባት ከልጆቹ ቃታ መሳሳብን
ሞት አይፈራም እሱ ጀግና ቆፍጠን ያለ
ደሞዝ ሆኖ ቢከፍል መች እሷን አገኘ
ግን ደግሞ አይሻም እሷኑ ለማግኝት
አወይ አፍቃሪ ልብ ሂወቱን በሙሉ እንዲሁ ሲዋትት
እጅግ ቀሊል ሆኖ መሞት ከመለየት 
ሁሉን የሚሰጥ ነው ቅንጣትም ሳይሰስት
ሁሉን የሚሰጥ ነው ቅንጣትም ሳይሰስት::

#ተፃፈ_በዳዊት
@Davunin


📱ከወደዱት ለወዳጅዎ ያጋሩት!📱
@bewketuseyoum19
@bewketuseyoum19

✨✨✨በ'ነሱ ቤት✨✨✨
✨✨✨ክፍል ሁለት​​✨✨✨

የሦስቱን ጓደኛሞች ወሬ በመገረም የሚሰማው አስተናጋጅ ጥጉን ይዞ መቅረቱን ያስተዋለው የስራ ባልደረባው " ሰሚር ኧረ ነቃ በል እዛጋር ከስተመር ገብቷል "ብሎት ሲያልፍ ነው ። ሰሚር በአስተናጋጅነት ብዙ ቦታ ቢረግጥም የተለያዩ ከስተመሮችን ቢያይም ቢያጋጥሙትም ። እንደነ ሰመረ ያለ ወጣት ግን ገጥሞት አያውቅም ። ሲያወሩ ሰው አለ የለም የማይሉ ወሬያቸው፣ ማህበረሰቡ ከለመደው ስርሃት ውጪ መሆኑ ፣አለባበሳቸው የጫማቸው በእጃቸው የሚያሽከረክሯት የመኪና ቁልፋቸው በአጠቃላይ ፅድት ካለ ውጫዊ ውበታቸው ያለገደብ የሚወጣ ቃላቸው ልክ አለመሆን ተሰምቶት ፡ እነሱ በገቡ ቁጥር በነሱ ዙሪያ ፈዞ መቅረቱን ተላምዷል ፡ከነሱ የሚወደው የሚሰጡት ቲፕ ብዛቱ ዋው ,,,,,,
ሰሚር ባልደረባው ከጠቆመበት ቦታ ሊሄድ ሲዘጋጅ ጌታ ነህ ጠራው ....
"አቤት ምን ይምጣ "አለው እጁን ወደዋላ አድርጎ በክብር ። ጌታነህ ዝም ብሎ ወሬውን እያወራ አስጠበቀው ሰሚር በትህግስት ጠበቀው
"እስኪ ልጁን አታቁመው ምን ፈልገህ ነው የጠራኽው "አለው ሰመረ የሰሚር ሁኔታ ትንሽ ነካ አርጎት
"እእ እ አስተናጋጅ ስምህ ማነው ?"አለው ጓደኞቹ እኩል ሳቁ
"እናንተ አታስካኩ "አለ እና ወደሰሚር መለስ ብሎ
"ስምህን መጠየቄ ክፋት አለው እንዴ "
"ኧረ የለውም ፡ስሜ ሰሚር ጅላሉ ሚፍተሃ"ይባላል
"እ ሰሚር ብቻ ይበቃል ከዋላ ያሉትን ተዋቸው "አለ ጌታነህ ኮስተር ብሎ። ጓደኞቹ አኮሰታተሩ በቀልድ የታጀበ መሆኑን ስለሚያውቁ ተሳሳቁ
"ያው የዋላው ከሌለ የለም የፊቱ ብለን ነው "አለ ሰሚር እንደመቀለድ ብሎ
"እ እሱ መፈክር ላይ ነው !አሁን እሱን ተወውና ማነህ ሰሚር እዛ ፊት ለፊት ያለችው ኮስሞ ቤት ትታይሃለች "
አለው። እነሱ ከተቀመጡበት ሬስቶራንት አስባልት ተሻግሮ ያለች አነስተኛ ኮስሞ እየጠቆመው
"እ አዎ ትታየኛለች ሳሪና ኮስሞቲክስ አይደል "አለው
"አዎ እዛ ሱቅ በር ላይ ለተቀመጠችው ሴት ይሄን ስጣት "ብሎ ስልክ ቁጥሩን የያዘ ካርድ ሰጠው ሰሚር ትንሽ ግር አለው ስራዬ መልህክት ማመላለስ አይደለም ኤጭ አለ በሆዱ
"እ ስለላኩ ቅር አይልህም አይደል "
"እሺ ያው ማናጀሩ ካየ የት ነህ እንዳይል ነው እንጂ..."
"ችግር የለም ለሚፈጠርብህ ነገር ይሄም ስራነው ብሎ ካስቀየመህማ ከኔጋር ነው ፀቡ "አለው
"እሺ እሰጣታለው "
"ጎበዝ ልጅቷ ስለተመቸችኝ ነው እና መደወልሽን እንዳትረሺ ከቻልሽ አሁን ደውዩ በላት "አለው
ሰመረና እንየው እየተያዩ መሳቅ ጀመሩ
"ምንድነው የሚያስቃቹ !"
"አይ ከመቼው እዛማዶ አይተህ ነው እንዴዴዴዴዴ😀"
"ቆይቷል ካየዋት ሁሌም ፊትለፊት የምቀመጠው ለምን ይመስልሃል የሞዴሏን እንቅስቃሴ በትኩረት ተመልክቼ ተሳክቶልሻል ልላት ነው እና ዛሬ ትኬት ተቆርጦላታል ዌል ካም ቱ ጌታነህ ተብላለች "አለ ወፈር ያለ ሰውነቱን ወደዋላ እየለጠጠ
"በጣም ጥሩ ግን ኤልሳ ምን ሆናብህ ነው ገና ሳምንት ሳይሞላቹ "አለ ሰመረ
"ኤልሳ ባክህ ስሟም አይመቸኝም በዛላይ አንድ ቦታ መቸከል መዛግ ነው ኪኪኪኪኪ አይመስልህም "
"ልክ ነህ ብሮ ይመችህ እዛጋር ያየኽውን አይተነው አሁን ገብቶኛል የሆነ ቦታላይ የተከማቸ ሀብት አላት እሱን ልትቀራመት ነው ካካካካካካ ኧረ ምኑን ሰጣት ኧረምኑን ሰጣት ኪኪኪኪ"እንየው እየሳቀም እየዘፈነም ነበር
"የተረገምክ እኔ ኮ ከዚጋር ቁንጅናዋ ጎልቶ አይታይ እላለው ።ለካ የጎላ አይተ ነው "ብሎ ሰመረ አስባልቱን ተሻግሮ ለመሄድ የሚጣደፈውን ሰሚርን አየው ። ሰሚር መኪኖቹ ውር ውር ሲሉ እንደመቆም ብሎ አሳለፈ ከላይ አንዲት ገና አስራ ስድስት አመት መግቢያው ላይ የሆነች ልጅ መጥታ አጠገቡ ቆመች ለመሻገር ፈልጋ መኪኖቹ ማቆሚያም የላቸው ልጅቷ በጣም የተጣደፈች ትመስላለች አንዱን መኪና እንዳሳለፈች ለመሻገር ስትፈጥን ሰሚር ጮሆ ከመኪናው መንጭቆ አወጣት ልጅቷ ደነገጠች ሰሚር ተቆጣት ከስር ጫማዋ ግንጥል ማለቱን ስታይ ልጅቷ ተሳቀቀች ሁኔታዋ አንድ ቀጠሮ እንዳለበት ሰው ነው ባላት መጠን መልበሷ ያስታውቃል ያደረገችው ጫማ የጓደኛዋ ነው ትንሽ ተረከዝ አለው ይሄንን ጫማ እንድታውሳት መለመኗን ስታስታውስ ዕንባ በአይኗ ላይ ወረዛ ጫማዋን አንስታ ወደዋላ ተመለሰች ፡ሰሚር መልህክቱን አድርሶ ሲመለስ ወደ ዋላ ተመልሳ ጫማዋን በአንድ እጇ እንደያዘች ያቀረቀረችውን ልጅ ተጠጋትና ። "እናት ምነው ጫማው ነው ያሳዘነሽ ሞተሽ እኮ ነበር "አላት
"ብሞት ይሻለኛል ከዚ ሁሉ "አለች
"እንዴ ይሄን ያህል ጫማ እኮ የሚገዛ ነገር ነው አንቺ ግን በሚሊዮኖች አትገኝም "አላት ለማፅናናት
"አሁን ምን ላደርግ ነው የቀጠሮ ሰአት እያለፈብኝ ነው"
"አይዞሽ ትንሽ ሄድ ብለሽ ጫማ የሚሠሩ ሰዎች ፈልጊ "አላት እንዲ እያወሩ ሳለ ሰመረ መጥቶ ተቀላቀላቸው
ሁኔታሁን ሁሉ ከርቀት እየተመለከቱ ነበር እና በዚች ልጅ ሁኔታ የአለባበስ ስርሃት እየተሳለቁ ነበር ይባስ ብሎ ጨማዋ ሲገነጠል የሚገርም ትርሂት ብለው ሲስቁ ነበር ።ሰመረ እስኪ ላናግራት ብሎ እያሾፈ ነበር የመጣው ።
"ስሚ ሚጣ ምንድነው እሱ "አለ ሰመረ በማላገጥ
"ሚጣ አይደለም ስሜ አብ ላካት ነው ስሜ"አለች በብስጭት እሷ አድጌ አለው ከዚ በዋላ በብቸኝነት ያሳደገችኝን ጉሊት ቸርቻሪ እናቴን አሳርፋታለው ብላ የተነሳች ናት ፡ ዛሬም እራስሽን ጠብቀሽ ፅድት ብለሽ ነይ አንድ ቡቲክ ቤት አስቀጥርሻለው ያላትን በፌስቡክ የምታውቀውን ሰው ለማግኘት ነው ጫማ ተውሳ ያለቻትን ጉርድ ቀሚስ ማታ በድንብ አጥባ ከጥቁር ቀሚስ ጋር ነጣያለቲሸርት ያስፈልጋል ስላለቻት ጓደኛዋ እሱንም ከሷ ወስዳ ነው እንግዲ ወደ ቀጠሮዋ የተጣደፈችው ግን እየረፈደባት ነው በዚ ጫማ የተነሳ ስለዚ ሆድ ብሷታል
ሰመረ ከጠይም ትንሽዬ ፊቷ የሚፈልቀውን ውበት ለአፍታምቢሆን ልብ ብሏል ግን ይበልጥ ትኩረቱን የሳበው ጫማው ነው በፍፁም ከሷጋር አይሄድም እንደተውሶ ጫማም ልኳ አይደለም ለሷ ግን ብርቋ ነው
"እኔ ሰመረ እባላለው አብላካት ጫማሽ ተሰብሯል ስለዚ ሌላ መግዛት ሊኖርብሽ ነው "አለ ሰመረ ድንገት አንዳች አይል ማንነቱን የተቆጣጠረው መሰለ
"ሌላ ጫማ መግዛት እሱን ማድረግ አልችልም "አለች የያዘችውን የጓደኛዋን ጫማ እያየች ሰመረ መሳቅ ፈለገ ይሄ ጫማ የተጣለ ነው የሚመስለው ስለእህቱ ቬሮኒካ አሰበ የጫማዎቿ መደርደሪያ ተብሎ አንድ ክፍል ሙሉ ተለቆላታል እዛ መደርደሪያ ላይ ደሞ ሁሉም ማለት ይቻላል ከውጪ የመጡ ብራንድ ያላቸው ጫማዎች ናቸው ።እዚጋር ደሞ የተጣለ ጫማ ይዛ ታለቃቅሳለች ለሰመረ ይሄ አልተዋጠለትም ።እየደበረው ጫማዋን ከእጇ ላይ ነጥቆ ወረወረው
"ወይኔ ምን ሆነህ ነው "ብላ ጮኽች
"በቃ አየሽ አንቺን እዚጋር አስቁሞ ከሚያናድድሽ ቢርቅ ይሻላል ብዬ ነው በቃ አሁን የለም አየሽ "አላት እየሳቀ እሱን ትታ ሌላኛውን ጫማ አውልቃ በእጇ ይዛ የወረወረባትን ጫማ ላታመጣ ስትንቀሳቀስ ።ሌላኛውንም ተቀብሎ ወረወረው ።ጓደኞቹ ባሉበት ሆነው ዛሬደሞ ምን እየሰራ ነው ብለው ያሽካካሉ ።ሰሚር የልጅቷን ሁኔታ ሲያይ ችግርን ጠንቅቆ ያውቀዋላና እህቱን አስቦ ውስጡ አዘነ ፡ የሱ ዘይነብ የሆነቦታላይ ተቸግራ ልክ እንዲ በችግሯ ስትሸማቀቅ ድንገት ታስቦት አይኑ ዕንባ አቆረ ........
🔵ይቀጥላል,,,,,,,,,

✴️Share✴️ Share✴️ Share✴️
♥️ከወደዱት ሼር ያድርጉ♥️
@bewketuseyoum19

​​✨✨✨በ'ነሱ ቤት✨✨✨
✨✨✨ክፍል አንድ​​✨✨✨

አንዲት አነስተኛ ሬስቶራንት በረንዳ ላይ ሦስት አብሮ አደግ ጓደኛሞች የጦፈ ወሬ ይዘዋል ። ሦስቱም በአካባቢው ላይ አላቸው ከተባሉ አብታም ቤተሰቦች ነው የተገኙት ። ከችግር ከአሳብ ከጭንቀት ነፃ ሆነው ነው ያደጉት ። በእነሱ ቤት አሳቢው ነገሮችን ማስተካከል ያለበት ወላጅ ብቻ ነው ።በቃ እነሱ እንደ እንቁላል ተጠንቅቀው ያሳደጓቸው የወላጆቻቸው ምርጦች ናቸው ። እነሱም የወላጆቻቸው ትምክህት ተጋብቶባቸው ነው መሰል ። በኑሮ እና እነሱ ባወጡት መስፈርት ደረጃቸው ካልመሰላቸው ሰው ጋር መገናኘት አይፈልጉም ። ሰመረ የጠይም ቆንጆ ቁመናው ያማረ ፈገግ ሲል ጥርሶቹ እንደፍሎረሰንት አንቦል ወገግ የሚሉ ቀኑን ሙሉ አብሬው በዋልኩ የሚያስብል የሃያ አመት ወጣት ነው ። የስህል ችሎታም ስላለው ትምህርቱንም የሚማረው በዚያው ዙሪያ ነው ምንም እንኳ ቤተሰቦቹ ቢዝነስ እንዲያጠና ቢፈልጉም ።
ሌላው ጌታ ሁን ነው _ጌታሁን ከ ሰመረ አጠር ያለ እና ድንቡሽቡሽ ያለ ወጣት ነው ትንሽ ከተናደደ ቀይ ፊቱ ቲማቲም ነው የሚመስለው ኩርፊያውን መደበቅ አይችልም ። ትምህርቱን መደበኛውን እንደጨረሰ ነው ያቆመው ። 'ያው ተምሬ ገንዘብ ለማግኘት ነው አይደል በቃ እኔ እንደው ለዚ መልፋት አይጠበቅብኝም ይልቅ እናቴን ድርጅቷ ውስጥ ያለባትን ጫና ላግዛት ይገባል ለእውቀቱ ከሆነ መፀሐፍ አነባለው ' ብሎ ለጠየቀው ሁሉ መልስ ሰጥቶ አፍ አዘግቷል ።
ሦስተኛው እንየው ነው እንየው ከሰመረ ጋር በቁመት እኩል ነው የቀይ ዳማ መልክ ያለው ሲሆን መልከመልካም የሚባል አይነት ነው በጣም ችኩል እና ተለዋዋጭ ስሜት አለው ። ለዚህም ይመስላል መደበኛ ትምህርቱን ከጨረሰ በዋላ የተለያየ ትምህርት እየጀመረ የሚያቆመው ። በቅርቡ ደሞ ሞዴሊንግ እየሰለጠነ ነው ። የመጀመሪያው ቀን ለሰመረ ሲነግረው ። የሚያማምሩ ጥርሶቹን መክደን አልቻለም እረጅም ሳቅ ነበር የሳቀው ።
እንግዲ እነዚ ወጣቶች የከተማችን ቱጃር ልጆች ናቸው ። የፈለጉበት ሄደው በነፃነት መዝናናት በነፃነት የፈፈለጉትን ማድረግ የለመዱ ። ጮክብለው የሚያወሩ ጮክ ብለው የሚስቁ የከተማው ገዢ የሚመስሉ ። የፈለጓትን ሴት ነይ ሂጂ ማለት የለመዱ ። ሴቶቹላይ ያደረጉትን የሚይደባበቁ ። በምስኪን ሴቶች የሚሳለቁ የሚያደርጉት ነገር ሌላው ላይ ምን እንደሚያስከትል እንኳ ለማሰብ ጊዜ የሌላቸው ። አንዳንዴ ሰመረ ነገሮችን ለማስተዋል ቢሞክር እንኳ ዳግም ተጎትቶ በነሱ ስር መከተቱ አይቀርም
🔵ይቀጥላል,,,,,,,,,,,,,


✴️Share✴️ Share✴️ Share✴️
♥️ከወደዱት ሼር ያድርጉ♥️
@bewketuseyoum19

ልሳነ አፍቅሮት

ለቃል
   ለትዕዛዙ
      ብርሀንም
      ጨለማም
       ተገዝቷል ።
      
    ለበጋ
          ወቅቱ በጋ
     ሆኗል።
ለማበብ
      አበባ ፈክቶ
               ደምቆ
              አሸብርቋል ...።
  .......
.....
ኩሉ አላፊ
       ወፈላሲ
    ሆኖ ሳለ



ከማስበው
     ስሩ
            ስሩ
ከውስጥ
          ከውስጥ
ከልቤ ላይ
እሷን መጥራት
መጥቀስ አለ
ቃል የሆነ
አልፋ ኦሜጋ
ልሁን ያለ
     
                  ምክያስ አለምሰገድ(mik)

📱ከወደዱት ለወዳጅዎ ያጋሩት!📱
@bewketuseyoum19
@bewketuseyoum19

ጥያቄ

ሊሰጠኝ ከሚችል ከብዙ ስጦታው ሞልቶ የተረፈኝ
ከሰው ከሀብት ከፍቅር ሁሉ የተሰጠኝ
ባልጎደለ ኑሮ እኝ እኝ የሚያስብለኝ
ምን ይሆን የጎደለኝ
ምን ይሆን የመረረኝ

By Yodan

📱ከወደዱት ለወዳጅዎ ያጋሩት!📱
@bewketuseyoum19
@bewketuseyoum19

ድንቅ ተውቦሽን
ከቅኔዬ ዜማ
ከቀለሙ ውህደት
በጥበብ ምትሐት
             
                ተቀምጦ አገኘሁት
መቼም አይጠፋኝም
እንዲሄ ያለ  ስዕል      እንዲህ ያለ ግጥም
ቀልብ የሚያተራምስ    ነፍስ የሚቆረጥም
ሳይዘራ አይበቅልም
ዘሩ ደግሞ አንቺ ነሽ
ምስቅልቅል መሳቴን ዜማ የሰጠሺው
ሻጋታ ብሩሼን ቀለም የነከርሺው
ምናቤን ለኩሰሽ ውበት ያዘመርሺው
ዘሩ ደግሞ አንቺ ነሽ
እና ይኸውልሽ.....................
ግጥሜን እያነበብኩ ስዕሌን እያየሁ
አንቺን አስባለው
ከአዘቦት ነፍሴ
ከእውቀቴ በላይ
ከእምነቴ በላይ
ከተፈጥሮም በላይ
እንደ ኢየሱስ ተአምር
ያልተጠበቀ እለት ወርዶ እንደሚታይ
ከምናቤ ሸራ ትንሳኤ አግኝተሽ
እስክትሳይ ድረስ እውነት ውበት ሆነሽ
በከርቤ ፣ በስግደት ፣ በብቻ ጉባኤ እንደሚገኝ ቅኔ
እስከዚያ ድረስ ነው የምወድሽ እኔ

ለካ እወድሻለው!!"

📱ከወደዱት ለወዳጅዎ ያጋሩት!📱
@bewketuseyoum19
@bewketuseyoum19

የገጠር ትልቅ ድስት ይባላል ሰታቴ!

(በእውቀቱ ስዩም)

ያኔ የዩንቨርስቲ ተማሪ እያለን አንድ ክልስ ጓደኛ ነበረን፤ ቶማስ ይባላል፤ አባቱ ጣልያን ሲሆን እናቱ ደግሞ ኢትዮጵያዊት ናት፤ ጠጉሩ የበቆሎ እሸት መነሳነስ ይመስላል፤ በክልስነቱ የሚሰነዘርበት አሉታዊ አስተያየት ምቾት አይሰጠውም ነበር፤አንድ ቀን፥ የአድዋ በአልን ለማክበር በተዘጋጀ ተውኔት ላይ እንደ ጀኔራል ባልዴሴራ ሆኖ እንዲጫወት ሲጠየቅ በጣም ተናደደ “ ሲጀመር የምታስቡትን ያክል ፈረንጅ አልመስልም! ብመስል እንኳ፥ ያንን በስባሳ ጄኔራል ሆኘ አልጫወትም! ከፈለጋችሁ ያጤ ምኒልክ አማካሪ የነበረውን ስዊዘርላንዳዊ ኢልግን ሆኘ መተወን እችላለሁ” ብሎ መለሰ:
:
ተውኔቱን የጻፈው እና ምኒልክን እና ባልቻን ደርቦ የሚጫወተው ተኮላ ግን ገገመ፤

“ እሺ ጄኔራል ባልዴሴራን ሆኖ መተወን ከደበረህ የጣልያኑን ንጉስ ኡምበርቶን ሆነህ ተጫወትልን ”

ቶማስ ንዴቱን መቆጣጠር አልቻለም ፤

“ እናትህን ንጉስ ኡምበርቶ ይርዳልህ! ሲጀመር አንተ የኡጋንዳውን ፕሬዚዳንት ኢዲ አሚንን ዳዳን እንጂ ምኒልክን አትመስልም! እኔ ንጉስ ኡምበርቶን ሆኘ የምተውነው አንተ የንጉሱን ዙፋን ሆነህ ከተጫወትክ ነው” በማለት አንባረቀ ፤


ቶማስ ብዙ ጊዜ ከጣልያን ጋር ግኑኝነት ያላቸውን ቃሎችን ላለመጠቀም ይጠነቀቃል፤ ለምሳሌ ማኪያቶ ላለማለት፥ ካፌ ገብቶ “እስቲ የቡና እና የወተት ብርዝ አምጡልኝ “ ብሎ ያዝዛል፤ “ጓንት” የሚለውን ቃል አይጠቀምም፤ “የእጅ ፓንት “ የሚለውን ቃል ይመርጣል፤

በግጥም ምሽት ላይ የሚያቀርባቸው ግጥሞች ባብዛኛው ለኢትዮጵያዊነቱ አጽንኦት የሚሰጡ ነበሩ፤

‘የገጠር ትልቅ ድስት ይባላል “ሰታቴ”
ጥርጥር የለኝም በኢትዮጵያዊነቴ”

የሚለው ስንኙ አይረሳኝም፤

የሆነ ጊዜ ላይ ሰይጣን ልጁን ሲድር ፥ ለሰርጉ ድምቀት ግቢያችን ውስጥ የብሄር ግጭት አስነሳ! የተወሰኑ ተማሪዎች በሁለት ብሄሮች ተቧድነው መሸካሸክ ጀመሩ፤ የዚህች ወግ ጸሀፊን ጨምሮ ብዙ ተማሪዎች ዶርማቸውን ቆልፈው መሸጉ፤ አመሻሽ ላይ ቶማስ ግጭቱ በርዷል ብሎ በመገት ወደ ካፌ እየተራመደ እያለ ፌሮና ድንጋይ የታጠቁ ጥቂት ተማሪዎች ወደሱ ሲሮጡ ተመለከተ፤ ባልበላ ጉልበቱ ትንሽ እንደሮጠ ስቴድየሙ አካባቢ ደረሱበት፤

ቶማስ እጁን ወገቡ ላይ አድርጎ ባጭር ባጭሩ እየተነፈሰ እንዲህ አለ፤

“ ወንድሞቼ ! እኔ ብሄር የለኝም ! እልል ያልሁ ጣልያን ነኝ ! እኔን በመደብደብ ኢትዮጵያን ከአውሮፓ ህብረት ጋር ደም እንዳታቃቧት"


📱ከወደዱት ለወዳጅዎ ያጋሩት!📱
@bewketuseyoum19
@bewketuseyoum19

የፈሪ ፍቅር .. . . .

በተኮላተፈ ፥ ስርዝ ድልዝ ድምፆች፣
ሲለማመድ ከርሞ ፥ ካንደበቱ ገፆች።
ደፈር ብሎ ልቤ ፥ ላይነግራት መውደዱን፣
ቃላት ያማርጣል ፥ እያሰባት ውዱን።

ተስፋ አፈር በላው ፥ ተስባብሯል መቅኔው፣
ፍራት ሰንጥቆታል ፥ ውስጡ ሲሸሽ ወኔው።
እንኳን አንገት አቅፎ ፥ እቤቷ ሊሸኛት፣
ከንፈር እየሳመ ፥ ባ'ንድ አልጋ ሊተኛት።
ስንት ጊዜ ጥሮ ፥ ወግ ደርሶት ሊያገኛት
የቁም ቅዠት ሆኖ ፥ ቀረ እንደተመኛት።

ባ'አንድ ቀን ለሊት ፥ ያየዋት በደና፣
ህልሜ ነበረች ፥ ገሀድ ያለች መና።
ልብ የሌለው ወዶ ፥ ለመግለፅ ሲዳፈር፣
መሽኮርመሙ ቀርቶ ፥ ቀና ሲል አይናፋር።
አንደበት ሲገራ ፥ ልቧን አርጎ ፈራጅ፣
ቀን እየቆጠረ ፥ እራሱን ሲያዘጋጅ ።

ከዛሬ ነገ ቀጥሮ ፥ ሊነግራት እያለ፣
አንዱ ጠልፎ ጥሏት ፥ ይዟት ኮበለለ።
ውሀ በላው ቅስሙን ፥ ሀሞቱ እረገፈ፣
በእምባ ተጨማልቆ ፥ በፀፀት አለፈ።
ሀዘን አጠላበት ፥ ብሶት ቤቱን ሰራ፣
ነፍሱ ነዶ ጋየ ፥ እብደት ስሙን ጠራ።

እናም እንዲህ አለ. . . .

ለጎኔ ማክዳ ፥ የዘላለም ቅምሻ፣
ስመኛት ዘመኔን ፥ ለህይወቴ ማምሻ።
ፍርሃት ልቤን አስሮ ፥ ጊዜ እየጠየቀኝ፣
ህልሜን አሰርቆ ፥ ባዶ እጁን ጠበቀኝ።

ገጣሚ፦ keyso✍
📱ከወደዱት ለወዳጅዎ ያጋሩት!📱
@bewketuseyoum19
@bewketuseyoum19

#ለምን_ግን_ፈጣሪ...?

ምድርን ባጀብ ሞላት ለዱር ለገደሉ አበባን ፈጠረ፣
ጥበቡን ለማወቅ ለኛኮ አንተን ማዬት ይበቃን ነበረ።

በሰው እንዲወደድ ሁሉን እንዲያስማማ፣
ሀሳብን እንዲሰርቅ ቀልብን እንዲቀማ፣
ሸፋች ብኩን ዐይን እንዲልብህ ሰከን፣
የሰራ አካልህን ፈጥሮታል ያለ እንከን።

ሞገስ የታደለ ትከሻህ የኮራ፣
ወንዳወንድነትህ ከሩቅ የሚያስፈራ፣
በጎ ምግባሮችህ ወላድ የሚያስመኩ፣
እንዳንተ አላየሁም የተጣጣሙለት ፀባይ እና መልኩ።

ደምግባትህ ሙሉ ወዝ ወዘናህ መልካም፣
ፈገግታህ ብቻውን ያሳርፍ የለም ወይ ካለም ከንቱ ድካም?

አንደበትህ ጨዋው ዝም ብሎ ያልፋል፣
መልክህ ባለጌ ነው ሁሉን ይላከፋል።
ስንት የሄዋን ዘሮች በጎንህ ያለፉ፣
አቅላቸውን ጥለው ባንተ ፀዳል ጠፉ?

ብርሀን የተሞሉ ድምቀት የለበሱ፣
የሂወትን ፅልመት ታይተው የሚያስረሱ፣
የተሰበረን ልብ ባንዴ 'ሚፈውሱ፣
ድንቅ ግሩም አይኖች አድሎሀል እሱ።

እናታዲያ ለምን...? ለክብሩ መለኪያ ጨረቃን ፈጠረ ኮከብን ፈጠረ፣
እኛኮ አንተን አይተን በእጆቹ ፀጋ ተገርመን ነበረ ተደንቀን ነበረ።

ለምን...?

#ኤዶምገነት_ፃፈችው
@edom_ge

📱ከወደዱት ለወዳጅዎ ያጋሩት!📱
@bewketuseyoum19
@bewketuseyoum19