Deacon Chernet

ኢትዮጵያና ሕገ ልቡና

ሕገ ልቡና ማለት ሕገ ኦሪት በሙሴ አማካኝነት እግዚአብሔር ለሕዝቡ እሰከሰጠበት ጊዜ ድረስ ያለው የሰው ልጅ ይጠቀምበት የነበረ ዛሬም የሚሠራ ያልተፃፈ ሕግ ወይም የአእምሮ (ጠባይዕ) ነው።

ይህ የአእምሮ ጠባይዕ ለሰው ልጆች በእግዚአብሔር አምላክ የተሰጠው ታካቅ ፀጋ ስለሆነ ከፉንና ደጉን ጽድቅና ኩነኔውን ይለዩበት ዘንድ የሚያስችላቸው የኅሊና ሕግ ነው።
ለኅሊና መገዛት መልካም ነው።

ይህን የልቡና ሕግ በኛ ውስጥ የቀረፀው ገና ሲፈጥረን እንደሆነ ማስተዋል ይገባናል። ”እግዚአብሔር አምላክም ሰውን ከምድር አፈር አበጀው በአፍንጫውም የሕይወት እሰትንፋስን እፍ አለበት ሰውም ሕያው ነፍሰ ያለው ሆነ” ዘፍ፡ ፪፡፯ (2¹7)

“እንግዲህ ይህች ሕያዊት የሆነች ነፍሳችን ናት የፈጠራትን የእግዚእብሔርን ትእዛዝ ሰለምትረዳ እኛም በእውነተኛ መንገድ እንድንሄድ የምትጠራን ይህም ሕገ ልቡና ነው።
ከብር ምስጋና ይግባውና አምላካችን ኢየሱሰ ክርስቶሰ በኦሪትም በወንጌልም የነገረን ይሀንን ነው።

“አፍቅሮ ለእግዚአብሔር አምላክከ በኵሉ ልብከ፡ ወበኵሉ ነፍሰከ ወበኵሉ ሐይለከ፡ ወበኵሉ ሕሊናከ"
“እግዚአብሔር አምላክህን በፍጹም ልብህ፡ በፍጹም
ሰውነትህ፡ በፍጹም ኃይልህም፡ በሐሳብህም ሁሉ ውደደው ዘዳ (6:10) ሉቃ ፲:፳፯(10:27)

እንግዲህ ይህንን ያሀል ስለ ሕገ ልቡና ካየን የኢትዮጵያ ሕዝብ በዚህ ሕግ መሠረት እንደ ተጠቀመበትና አምላኩን እንዳመለከበት ብዙ ግልፅ ማሰረጃዎች አሉ ሰለዚህ ኢትዮጵያ እግዚእብሔርን የምታውቀው በኦሪት ጊዜ ብቻ ሳይሆን ከዚያ በፊት ከፍጥረት ጀምሮ ነው፡፡

ምሳሌ ፡-
ሕገ ኦሪት የተሰጠው በሙሴ ነው ሙሴ ሕግን ከመቀበሉ በፊት እግዚአብሔርን አማኝ ነው የፈርዖንን ቤት ሹመት የናቀው በእምነት ነው። ዕብ. ፲፩፥፳፫-፳፰ (11፥23-28)

ይህ የእግዚአብሔር አገልጋይ ሙሴ ያገባት ሚሰቱ ኢትዮጵያዊት እንደሆነች መጽሐፍ ቅዱስ በኦሪት ዘኁልቍ ፲፪፡፩ (12*1) ይገልፃል። ይህች የሙሴ ሚሰት ሲፓራ እግዚአብሔርን ከሚያምን ቤተሰብ የተወለደች ነበረች። ይልቁንም አባቷ የእግዚአብሔር ካህን ነበረ።

ይህ የሙሴ አማት የሲፓራ አባት ዮቶር በሌላ ስሙ ራጉኤል የተባለው ኢትዮጵያዊ የእግዚአብሔር የሕግ መጽሐፍ እንዲህ ይላል ዘጻ ፲፰፡፲፪ (18፡12) እግዚአብሔርንም እንዲህ እያለ ያመሰግን ነበር ዘጸ ፲፰፡፲ (18፡10) እንግዲህ ይሀ የሚገልጽልን ኢትዮጵያ ከሕገ ኦሪት በፊት በሕገ ልቡና ለአምላኳ እንደ አቤል እንደ ኢዮብ መሥዋዕት የምታቀርብ የእግዚአብሔር ሀገር መሆኗን ነው፡፡ ታላቁን ሊቀ ነቢያት ሙሴን የማታምን የካሀነ ጣዖት ልጅ ያገባ ብሎ ማሰብ አላዋቂነት ከመሆኑም በላይ የሙሴን ክብር ዝቅ ማድረግ ነው።

ንግሥተ ሳባ ወይም ንግሥት አዜብ ተብላ የምትጠራው ኢትዮጵያዊት ንግሥት ማክዳን ብንመለክት እግዚአብሔርን ማመን የጀመረችው ኢየሩሳለም ሄዳ ከመጣች በኋላ ሳይሆን ከመሄዷ በፊት አስቀድሞ በሕገ ልቡና ፈጣሪዋን የምታውቅ መሆኗን የእግዚአብሔር ቃል ይመሰከርልናል። ኢትዮጵያ በሕገ ልቡና ሀገረ እግዚአብሔር ሰለሆነች ንግሥስቲቷም ወደ ኢየሩሳለም ወደ ንጉሥ ሰሎሞን የሄደችበት ምክንያት በተመሳሳይ እምነት ያለች እሰራኤልን በሰሎሞን ምከንያት ያገኘችውን በረከት ለመመልከትና አግዚአብሔርን ለማመሰገን ነበር።

“አንተን የወደደ በእስራኤልም ዙፋን ያስቀመጠሀ
አምላክህ እግዚአብሔር የተባረከ ይሁን“ ፩ነገ ፲፡፱ (10፡9) በማለት ምስክርነቷን ገልጻለች። ይህን ማለቷ ንግሥቲቷ ኢትዮጵያ እግዚአብሔርን ታውቀውና ታመልከው ስለነበር ነው። ለዚህም ነው ጌታችን መድኃኒታችን ኢየሱስ ከርስቶስ ለእምነት ምሳሌ አድርጎ በወንጌል ያስተማረን አንዲህ ብሎ

“ንግሥተ እዜብ ትትነሣእ አመ ዕለተ ደይን ወትትፋታሕ ምስለ ዛ ትውልድ ወታስተኀፍራ እስመ መጽአት እምአጽናፈ ምድር ትስማዕ ጥበቢሁ ለሰሎሞን“

“ንግሥተ እዜብ በፍርድ ቀን ተነሥታ ከዚህ ትውልድ ጋር ትፋረዳለች፡ ታሳፍራታለች፡ የሰሎሞንን ጥበብ ትሰማ ዘንድ ከምድር ዳርቻ መጥታለችና ሲል መሰከሮላታል።” ማቴ ፲፪፡፵፪ (12፡42) ሉቃ ፲፩፡ ፴፩ (11:31)

ንግሥተ አዜብ ወደሀገሯ በተመለሰች ጊዜ ሀገራችን ያን ጊዜ ሕገ ኦሪትን ተቀብላ ሃይማኖተ ኦሪትን ብሔራዊ እምነት አድርጋለች፤ ቀድሞ ያለውንም አጽንታለች። ይህም የሚፈጸመው በቃል ኪዳኑ ታቦት ነውና ከንጉሥ ሰሎሞን በወለደችው በቀዳማዊ ምኒልከ ጊዜ በእግዚአብሔር ፈቃድ ታቦተ ጽዮን ወደ ኢትዮጵያ ገባች።

#በቀጣይ ኢትዮጵያና ሕገ ኦሪትን - ከሙሴ አስከ ዮሐንስ መጥምቅ ያለውን እንመለከታለን!

ተዋሕዶ

ተዋሕዶ የቃሉ ትርጉም ግእዝ ሲሆን የሚያበሥረንም የአምላካችን የአግዚአብሔርን ሰው የመሆን ምሥጢር ነው። ይህም ገና ያኔ በኦሪት ዘፍጥረት ፫፡፳፪ (3:22) “አግዚብሔር አምላክም አለ አነሆ አዳም መልካምንና ከፉን ለማወቅ ከአኛ አንደ አንዱ ሆነ” የሚለው አምላካዊ ቃል የተፈጸመበት የሰው ልጅ የመዳን ዜና ነው።

ተዋሕዶ ስንል ማን ከማን ተዋሐደ?

በዮሐንስ ወንጌል ፩፡ ፲፬ (1፥14) ላይ "ውአቱ ቃል ሥጋ ኮነ”
ያ ቃል ሥጋ ሆነ ይለናል ያ ቃል የተባለው አግዚአብሔር ነው።

“ሥጋ” የተባለው ደግሞ ሰው ነው።ከዚህ የወንጌል ምሰጢር የተነሣ ተዋሕዶ ማለት አካላዊ ቃል የተባለ አግዚአብሔር ወልድ ሥጋ ከተባለ ሰው ያለመለየት፣ ያለመቀላቀል፣ ያለድማሬ አንድ ሆነ። በተዋሕዶ ከበረ ስለዚህ አምካካችን እግዚብሔር እኛን ለማዳን ሲል ከአመቤታችን ከቅድስት ድንግል ማርያም ተወለደ።

ከቅድስት ድንግል ማርያም ተወለደ ስንል የአሷን ባሕርይዋን ባሕርይ አደረገ። ሥጋም የአምላክን ባሕርይ ባሕርዩ አደረገ።

ይህ ምን ማለት ነው?

አካላዊ ቃል አግዚአብሔር፡- አይዳበሰም፣ አይታይም፣ አይጨበጥም፣ አይዳስስም፣ አይበላም፣ አይጠጣም፣ አያንቀላፋም፣ አይሞትም እነዚህ ሁሉ የሚሰማሙት ለሰው (ለሥጋ) ነው። አምላካችን ከድንግል በተወለደ ጊዜ ግን በተዋሕዶ የስውን ባህርይ የራሱ አደረገ።

በአጭሩ የሠራዊት ጌታ አግዚአብሔር ካለ አባት ከአመቤታችን ተወልዶ ሥጋን ተዋሕዶ (3ዐ) በሠላሳ ዘመኑ ተጠምቆ በቀራኒዮ ተሰቅሎ በጐልጐታ ተቀብሮ ሞትን ድል አድርጎ ተነሥቶ ዐረገ በተዋሐደው ሥጋ ዳግም ለፍርድ ይመጣል “ከእናንተ ወደ ሰማይ የወጣው ኢየሱስ ወደ ሰማይ ሲሄድ አንዳያችሁት አንዲሁ ይመጣል“ ሥራ. ፩:፲፩ (1:11) ሥጋን ለብሶ አንዳረገ አንዲሁ ይመለሳል በመንግሥተ ሰማያት ለዘላለም ይኖራል ብሎ ማመን እውነተኛ የተዋሕዶ እምነታችን ነው።

የማይመረመር የማይለወጥ ቃል የሚለወጥ ሥጋን ተዋሐደ መለወጥ ይሰማማው የነበረ ሥጋን የማይለወጥ አደረገው። ሰለዚህም በተዋሐደው በመዋቲ አዳም ሥጋ ተገለጠ የማይለወጥ ባሕርይ ያለው ቃል የሚለወጥ ባሕርይ ባለው ሥጋ ሞተ በፍዳ የተያዙትን በወንጌሉ አዳናቸው

ሃይማኖተ አበው።

ስለዚህም ወገኖች ሆይ:- አምላካችን በደሙ የመሠረተልንን የነጻች እምነታችንን እሰከ መጨረሻ ካፀናን የከብሩ ወራሾች የስሙ ቀዳሾች አድርጎ በከብር ያኖረናል። ”ሕጉንም በቀንና በሌሊት የሚያሰብ _ እርሱም በውኃ ፈሳሾች ዳር እንደተተከለች ፍሬዋን በየጊዜው አንደምትሰጥ ዛፍ ይሆናል።” መዝ.፩፡ ፪ (1፥2)

የመጀመሪያ አምነታችንን አሰከ መጨረሻው አጽንተን ብንጠብቅ የከርሰቶሰ ተካፋዮች እንሆናለን" ዕብ ፫፥፲፬(3:14)

ይህ የቅዱሰ ጳውሎሰ ቃል በአምላካችን ስው መሆን (ተዋሕዶ) ያገኘነውን የልጅነት ፀጋ ያሳያል።ከፅንሰታችን እሰከ ዕለተ ሞትታችን ኋላም እሰከ ዕለተ ምጽእት በዚች ተዋሕዶ ሃይማኖት ጸንተን የቀደመች ልጅነታችንን ብንጠብቅ ከከርሰቶሰ ጋር አንድ እንሆናለንና።

ተዋሕዶ የአግዚአብሔር ሰው የመሆን ምሥጢር ነው። ከድንግል ሰው የሆነው ቃል የተባለ እግዚአብሔር ወልድ እርሱ አምካክ ነው። ሰው በመሆኑ ከእምላክነቱ እንዳች አልጎደለውም።

ተዋሕዶ የቃለ እግዚአብሔር ከአመቤታችን ከሥጋዋ ሥጋ ከነፍሷ ነፍስ የመንሣት (የመዋሐድ) ምሥጢር ታላቅ ነው። እርሱ የዳዊት ልጅ አንደሆነ አንዲሁ የዳዊት ፈጣሪ ነው። ከአብርሃም ዘር እንደተገኘ እንዲሁ ከእብርሃም በፊት ነበረ።

ማቴ. ፩፡፩ ፳፪፡፵፩: ፵፭ (22፡41-45) ዮሐ ፰:፶፰(8:58)

@Deaconchernet

ኦርቶዶክስ

ኦርቶዶክስ የሚለው ቃል የግሪከ ቃል ሲሆን “ኦርቶ“ (ኦርቶስ) ማለት ቀጥ ያለ ማለት ሲሆን “ዶከስ” ማለት ደግሞ እምነት ማለት ነው። ስከዚህ ኦርቶዶክስ ማለት ቀጥ ያለ፣ የጸና፣ የቀና እምነት ማለት ነው።በብሉይ ኪዳንና በአዲስ ኪዳን እንደተገለጸልን ቀጥ ያለ እምነት ወይም እውነተኛ ሃይማኖት ተብላ በእምላካችን የተመሠረተችው ኦርቶዶከስ ተዋሀዶ ናት። ቀድሞ በነቢዩ በኤርምያስ የቀደመችው መንገድ ብሎ ያናገረ ጌታ በመዋዕለ ሥጋዌው ባስተማረን ወንጌል ጠባቢቱ በር ጠባቢቱ መንገድ ብሎ ኦርቶዶከስ የሕይወት መንገድ መሆኗን እስተምሮናል። መሥርቷታልም።

“እግዚእብሔር እንዲህ ይላል ። በመንገድ ላይ ቁሙ ተመልከቱም፡ የቀደመችውንም መንገድ ጠይቁ፡ መልካሚቱ መንገድ ወዴት እንደሆነች እወቁ በእስዋም ላይ ሂዱ ለነፍሳችሁም ዕረፍት ታገኛላችሁ፡ እነርሱ ግን እንሄድባትም አሉ።” ኤር ፮፡፲፮ (6፡16)

“በጠበበው ደጅ ገቡ ወደ ጥፋት የሚወስደው ደጅ ሰፊ መንገዱም ትልቅ ነውና ወደ እርሱም የሚገቡ ብዙዎች ናቸው። ወደ ሕይወት የሚወስደው ደጅ የጠበበ መንገዱም የቀጠነ ነውና። የሚያገኙትም ጥቂቶች ናቸው ማቲ ፯:፰፫-፰፬ (7:13-14)

ከሁለቱ ጥቅስ ልብ የምትሉት ነገር ብዙዎች ይህችን አውነተኛ መንገድ አንደማይቀበሏት ነው። ከሐድያን መናፍቃን የተበረዘና የነቀዘ እምነት እንዲሁም ከወንጌል ውጪ የሆነ የፍልስፍናን ትምህርት ወደ ቤተ ከርስቲያን ለማስገባት በሚጥሩበትም ጊዜ ቅዱሳን አባቶች 318ቱ ሊቃውንት አርዮስንና መሰሎቹን አውግዘው እኛ እሱ ጌታችን የመሠረተልንን ነቢያት ትንቢት የተናገሩላትን፣ ሐዋርያት የስበኩላትን ፣ሰማዕታት የሞቱላትን ቀጥ ያለች እምነት ይዘን እንሄዳለን ብለው ሥርዓት ስለደነገጉ እምነታችንም ኦርቶዶከስ ተብላ ትጠራለች።

“የአግዚአብሔርን ቃል የተናገሯችሁን ዋኖቻችሁን አስቡ የኑሮአቸውንም ፍሬ እየተመለከታችሁ በእምነታችሁ ምስሉአቸው። ኢየሱስ ከርስቶስ ትናንትና ዛሬ አስከ ዘላለም ያው ነው። ልዩ ልዩ ዓይነት በሆነ በእንግዳ ትምህርት አትወሰዱ” ዕብ.፲፫፡፯ (13፥7)

@Deaconchernet

#የሚታየውንና የማይታየውን ሁሉ ያከናወንክ፣ የሁሉ ፈጣሪ፥ የሁሉ ጌታ እግዚአብሔር አምላክ ሆይ፣ እልፍ አእላፋት መላእክት የሚያመሰግንህ፣ ትእልፊተ አእላፋት ሊቃነ መላእክት የሚገዙልህ ዐይኖቻቸው ብዙ የሆኑ ኪሩቤል የሚቀድሱህ ክንፋቸው ስድስት የሆኑ ሱራፌል ያለማቋረጥ ቅዱስ ቅዱስ ቅዱስ የሠራዊት ጌታ እግዚአብሔር ቅድስናን የሚቀድስ፣ የአማልክት አምላክ የጌቶች ጌታ፣ የነገስታት ንጉሥ የጌታችንና የመድኀኒታችን የኢየሱስ ክርስቶስ አባት፣ ብርሃናትን የተጎናጸፈ እያሉ የሚያመሰግኑህ፤ አንተ ወደህ ፈቅደህ ልጅህን ከአተ ዘንድ ወደ እኛ ላክኸው፤ እርሱም ቃልህ ነው።

የጠፉትን የሚናገሩ በጎች የሚባሉ የሰው ልጆችን ወደ አንተ ይመልሳቸው ዘንድ። እንደ ፈቀደ ከአባቱና ከመንፈስ ቅዱስ ሳይለይ ከሰማያት ወረደ። ከቅድስት ድንግል ማርያምም ሰው ሆነ። ይህንን ሁሉ ያደረግኸው ለሰው ልጆች መድኀኒት ይሆን ዘንድ ነው። ከጨለማና ከሞት ጥላ አወጣኸን፤ አንተን ወደማወቅም መራኸን፤ አቤቱ የአባቶቻችን አምላክ ሆይ መድኀኒታችን ለመሆን ሰው በሆነ በዋህድ ልጅህ፤ እነሆ ጌታ ይህ ዐመፀኛ ከሐዲ በሙሽራህ  ላይ ያደረገውን ተመልክተሃል።

የቤተ ክርስቲያንህን ልጆች እንደያዛቸውና እንደ በግና ፍየል እንዳረዳቸው። የሕዝብህንና የርስትህን ልጆችም እንዳጠፋቸው። ስለ ወንድሞቼ ስለ ምእመናን ቀንቻለሁና በመሲሕ መስቀል ኀይል ይህን የእኛንና የአንተን ጠላት እወጋው ዘንድ እወጣለሁ። እነሆ እኔ በአንተ እና በዋህድ ልጅህ፣ አመንኩ በመሠዊያው ቀንድም ተማጸንኩ በሃይማኖትህም ጸናሁ።

ስለዚህም ስምህን የሚያውቁ አምላካቸው ወዴት አለ እንዳይሉኝ ከተስፋዬ አታሳፍረኝ። በብዙ አበሳየና ኃጢአት ምክንያት ጸሎቴን ባትሰማኝ ስእለቴንም ብትተዋት እንኳን አቤቱ በዚህች ሀገር ግደለኝ እንጂ ስምህን ለማያውቁ ከሐዲ ጠላቶችህ ርስትህን አታሳልፋት። እኛ ሕዝቦችህ የመንጋህም በጎች ነንና። እስከ አለምም እናመሰግንሃለን።

#እኛም አለማዊ ጌጣችንን፣ የኃጢአት ልብሳችንን አውልቀን፤ ትህትናን ተላብሰን በተሰበረ ልብ ወደ ቤተ ክርስቲያን እንግባ። ዲያቢሎስ የከፈተብንን ጦርነት ድል እንነሳ ዘንድ እግዚአብሔርን እንለምነው። ዋናችን ይህን አስተምሮናልና። የእግዚአብሔር ሀይል እንጂ ንግሥናው ይህን እንደማያደርግ አውቋልና፤ ለኛም ባለጸጋነታችን ድልን አያደርግም።

#ኢትዮጵያንም እንደ ጥንቱ ከራሷ አልፋ ለሌሎች የምትተርፍበትን ዘመን ያምጣልን። አሜን።


   
     ምንጭ: የናግራን ሰማዕታት

#ሃይማኖትና ምግባር

እግዚአብሔር አምላክ በመጻሕፍቱ እንደነገረን በኦርቶዶክሳዊት ተዋሕዶ ቤተክርሰቲያን ወደ መንግሥተ ሰማያት ለመግባት የሚያስፈልጉ ሁለቱ ዓቢይ ነገሮች ናቸው።

እነዚህም ሃይማኖትና ምግባር ናቸው። ይህም እምነትና መልካም ሥራ ማለት ነው።

ሃይማኖትና ምግባር _ በአንድ ላይ ካልተጣመሩ መዳን እይቻልም። ሃይማኖት ብቻውን ወይም ምግባር ብቻውን አያድንም።

ቅዱስ ያዕቆብ ይህን ሲገልጽ ሰይጣን ያምናል መልካም ሥራ ሰለሌለው አይድንም ብሎ ሁለቱ ካልተዋሓዱ ትርጉም አንደሚያጣ ተናግሯል።

“አጋንንት ደግሞ ያምናሉ ይንቀጠቀጡማል።" ያዕ ፪(2:19)

ስከዚህ በእምነት ብቻ እድናለሁ ብሎ ማሰብ ከእግዚአብሔር ቃል ውጪ ነው። ስለዚህ ነው ሐዋርያውም ጨምሮ በምሳሌ ሲያስተምረን፡-

“ከነፍስ የተለየ ሥጋ የሞተ እንደሆነ እንዲሁ ደግሞ ከሥራ የተለየ እምነት የሞተ ነው፡፡“ ያዕ ፪፡፳፮ (2፡26)

ስለዚህም ከአንድ ክርሰቲያን ምግባር ወይም በጎ ሥራ መሥራት ከሃይማኖት ጋር መንግሥተ ሰማያትን ለመውረስ የሚያበቃ ነው። በማቴዎስ ወንጌል እንደተጻፈ ጌታ ለፍርድ ሲመጣ የሚጠይቀው የምግባር ጥያቄ ነው።

ማቴ ፳፭ ፦ ፴፬ (25:34)። ጻድቃንም ሆኑ ኃጥአን በምድር የሚሠሩት ይከተላቸዋል።

“ሥራቸውም ይከተላቸዋል“ ራዕ ፲፬፡፲፫ (14፡13)

ይሀን ሳንረዳ በዕምነት ብቻ ወይም በጸጋው ብቻ እንድናለን ብለን በጎ ምግባርን ሳንፈጽም ብንቀር አስደንጋጭ የሆነ የጌታ ቃል በአኛ ላይ ተቃቷል ፡-

“በስማያት ያለውን የአባቴን ፈቃድ የሚያደርግ እንጂ ጌታ ሆይ ጌታ ሆይ የሚለኝ ሁሉ መንግሥተ ሰማያት የሚገባ አይደለም…..የዚያን ጊዜም ከቶ አላውቃችሁም እናንተ ዓመፀኞች ከእኔ ራቁ ብዬ እመስከርባቸዋለሁ።” ማቴ ፯፡፳፩-፳፫ (7:21-23)

”አሁንስ ምሳር ደግሞ በዛፎች ሥር ተቀምጧል እንግዲህ መልካም ፍሬ የማያደርግ ዛፍ ሁሉ ይቆረጣል ወደ እሳትም ይጣላል።”
ሉቃ ፫:፱ (3:9)

ይህ ሁሉ የወንጌል ቃል የሚመከረን ሃይማኖትን ከምግባር አስተባብረን በመያዝ ለመንግሥተ ሰማያት የበቃን እንሆን ዘንድ ነው። ምከንያቱም የከብር ጌታ ለሁሉ ሳያዳላ የሚፈርደው እንደ ሥራችን መጠን ነውና።

”አንተ ለእያንዳንዱ እንደ ሥራው ፍዳውን ትስጣለህና። " መዝ ፷፩፡ ፲፪ (61፡12)

“እነሆ በቶኰ አመጣለሁ ለእያንዳንዱም እንደ ሥራው መጠን እከፍል ዘንድ ዋጋዬ ከእኔ ጋር አለ።” ራዕ ፳፪፡፲፪(22:12)

”በጎ ሥራ የሚሠሩ ሰዎችን ግን እግዚአብሔር ከመከራው ሁሉ እንደ ጠበቀው እንደ ኢዮብ ባሮቹ ይሆኑ ዘንድ እግዚእብሔር በበጎ ሥራው ሁሉ ይጠብቃቸዋል።” ፩መቃ ፴፮፡፲፮ (36፡16)

ሃይማኖትና ምግባርን ይዘን በቀኙ ለመቆም ያብቃን።
አሜን!


@Deaconchernet
@Deaconchernet
@Deaconchernet

#በዓታ ለማርያም

ታኅሣሥ በባተ በሦስተኛው ቀን የሚታሰበውና የሚከበረው በዓል ‹‹በዓታ ለማርያም›› በመባል ይታወቃል፡፡ ከእናቷ ከቅድስት ሐና እና ከአባቷ ቅዱስ ኢያቄም በስዕለት የተወለደችው እመቤታችን ቅድስት ድንግል ማርያም ወደ ቤተ መቅደስ የገባችበት ዕለት የከበረ እንደመሆኑ ቅድስት ቤተ ክርስቲያናችን በድምቀት ታከብረዋለች፡፡

በዓት ቃሉ የግእዝ ሲሆን ቤት ማለት ነው፡፡ ደጋጎቹ የእግዚአብሔር ሰዎች ቅዱስ ኢያቄምና ቅድስት ሐና ልጅ አጥተው ለብዙ ዘመናት ከመኖራቸው የተነሣ በኀዘን ፈጣሪያቸውን ሲማጸኑ ቃል በመግባት እመቤታችን ቅድስት ድንግል ማርያም ሦስት ዓመት ሲሆናት በእግዚአብሔር ቤት ትኖርና ታገለገል ዘንድ በቤተ ክርስቲያን እንድትኖር ስለሰጧት በዓሉም ስያሜውን በዚያ መሠረት አግንቷል፡፡

በዚያን ጊዜም በቤተ ክርስቲያን ያገለግል የነበረው ካህኑ ዘካርያስ ስዕለታቸውን አስተውሶ ቅድስት ድንግል ማርያምን ሊቀበላት ሲቀርብ እንደ ፀሐይ የምታበራ ሕፃን ሆና አገኛት፤ በመገረምና በመጨነቅም ከወላጆቿ ጋር ምን ሊመግቧት እንደሚችሉ በመጨነቅ ላይ ሳሉ ሕዝቡ በተሰበሰበበት መካከል መልአኩ ፋኑኤል ኅብስት ሰማያዊ ጽዋዕ ይዞ ከሰማይ ወረደ፡፡ ካህኑ ዘካርያስም ለእርሱ የመጣ መና መስሎት ሲቀረብ ወደ ላይ ተመለሰበት፡፡ በዚያ የተሰበሰቡት ሰዎችም እያንዳንዳቸው ቢሞክሩ በተመሳሳይ መልኩ ተመልሶ ወደ ላይ ራቀባቸው፡፡

‹‹ምን አልባት ለእንግዶች የመጣ ሀብት እንደሆነ›› ብለው ቅድስት ሐና እና ቅዱስ ኢያቄም እንዲቀርቡ ቢደረግም ለእነርሱም ራቀባቸው፡፡ ካህኑ ዘካርያስም ቅድስት ሐናን ‹‹እግዚአብሔር የሚያደርገውን የሚያውቅ የለምና ልጅቷን ትተሸ ወደዚህ ነይ›› አላት፤ ሆኖም ግን ቅድስት ማርያም እናቷ ትታት ስትሄድ መከተል ጀመረች፤ ምርርም ብላ አለቀሰች፡፡

በዚህም ጊዜ መልአኩ ፋኑኤል ወደ እርሷ ቀርቦ አንድ ክንፉን አንጥፎ አንድ ክንፉን ጋርዶ መገባት፤ ከዚያም በክብር ዐረገ፤ ሊቀ ካህናቱና ሕዝቡም ‹‹የምግቧ ነገር ከተያዘልን በቤት እግዚአብሔር ትኑር›› ብለው ወደ ቤተ መቅደስ አስገቧት፡፡
እመቤታችን ቅድስት ድንግል ማርያምም ሰማያዊ ኅብስትና መጠጥ እየተመገበች  በቤተ መቅደስ  ለ፲፪ ዓመታትም ኖራለች፡፡
የእመቤታችን ቅድስት ድንግል ማርያም አማላጅነትና ተራዳኢነት አይለየን፤ በረከቷ ይደርብን፤አሜን! 

ምንጭ፡- ነገረ ማርያም

@Deaconchernet
@Deaconchernet
@Deaconchernet

እንኳን #ኀዳር21 ለሚከበረው ለእናታችን ንጽሕተ ንጹሐን፣ ወላዲተ አምላክ ቅድስት ድንግል ማርያም ዓመታዊ የ #ኀዳርጽዮን ክብረ በዓል በሰላምና በጤና ጠብቆ አደረሰን አደረሳችሁ።

የዚህ ታላቅ በዓል መከበር መነሻው የሊቀ ካህኑ የኤሊ ልጆች በእግዚአብሔር ፊት ከሠሩት ኃጥአት የተነሳ ብዙ ተአምራትን የምታደርግላቸው ታቦተ ጽዮን በፍልስጥኤማዊያን እጅ ብትማረክም ኃይሏን የገለጸችበትና የሚያስደንቁ ተአምራትን የፈጸመችበት ታሪክ ሲሆን፣ በዓሉም በወቅቱ የተፈጸሙትን ተአምራት በማሰብ ፤ እንዲሁም ታሪኩ ከእመቤታችን ቅድስት ድንግል ማርያም ጋር ያለውን ተዛምዶ በማስታወስ ለእግዚአብሔር ምስጋና የሚቀርብበትና ፣ በቅድስት ቤተ ክርስቲያናችን በታላቅ ድምቀት የሚከበር በዓል ነው።

ይህ ታሪክ በቅዱስ መጽሐፋችን ውስጥ ከ 1ኛ ሳሙ 5፥1 ጀምሮ ተጽፎ የሚገኝ ሲሆን ለአብነት ያህልም እንዲህ ይላል፦

"ፍልስጥኤማውያንም የእግዚአብሔርን ታቦት ወስደው ወደ ዳጎን ቤት አገቡት፥ በዳጎንም አጠገብ አኖሩት።

በነጋውም የአዛጦን ሰዎች ማለዱ፥ እነሆም፥ ዳጎን በእግዚአብሔር ታቦት ፊት በምድር ላይ በግምባሩ ወድቆ ነበር፤ ዳጎንንም አንሥተው ወደ ስፍራው መለሱት።

በነጋውም ማለዱ፥ እነሆም፥ ዳጎን በእግዚአብሔር ታቦት ፊት በምድር ላይ በግምባሩ ወድቆ ነበር፤ የዳጎንም ራስ እጆቹም ተቈርጠው በመድረኩ ላይ ወድቀው ነበር፤ የዳጎንም ደረት ብቻውን ቀርቶ ነበር።

ስለዚህም የዳጎን ካህናት ወደ ዳጎንም ቤት የሚገቡት ሁሉ በአዛጦን ያለውን የዳጎንን መድረክ እስከ ዛሬ ድረስ አይረግጡም።

የአዛጦንም ሰዎች እንዲህ እንደ ሆነ ባዩ ጊዜ፡— እጁ በእኛና በአምላካችን በዳጎን ላይ ጠንክራለችና የእስራኤል አምላክ ታቦት ከእኛ ዘንድ አይቀመጥ፡ አሉ። " (1ኛ ሳሙ 5፥2-7)

ከላይ ተአምራትን የፈጸመችው የእግዚአብሔር ታቦት "ታቦተ ጽዮን" ተብላ ትጠራለች።

"ታቦተ ጽዮን” የሚለውን ስያሜ ያገኘችውም ጽዮን ተብላ በምትጠራው የእስራኤል (የዳዊት) ከተማ ስም ነው፡፡ (2 ሳሙ 5 :7)

ጽዮን ማለት ተፀወነ፡- ተጠጋ፣ ተማጠነ ማለት ነው፡፡ ክቡር ዳዊትም ጽዮንን አምባ፣ መጠጊያ አድርጎ ብዙ ጠላቶቹን ተዋግቶ አሸንፎ ድልን ተጎናጽፏል፡፡(2 ሳሙ 5 :7 ፣ 9_10)

ጽዮን የተባለችው የታላቁ የዳዊት ከተማ የተገፉና የተበደሉ ሕዝቦች ሁሉ እውነተኛ ፍርድ ለማግኘት፣ ተሰብስበው የሚሰነብቱባት ከተማ ስለነበረች፣ የእግዚአብሔርም ታቦት በዚያ ስለነበረች ፣ በርሷ ተማጽነውም ችግራቸው ይቃለል ስለነበረ ታቦቷ “ታቦተ ጽዮን” ተብላ ተጠርታለች፡፡" (2 ሳሙ 5 ፥ 7 ፣ 9_10 ፣ 2 ሳሙ 6 ፥ 12 ፣ 17 ፣ ኢሳ 1 ፥ 27 ፣ ኢሳ 33 ፥ 5 ፣ ኢሳ 14 ፥ 32)

በሌላ መልኩም "ታቦተ ጽዮን በእመቤታችን ቅድስት ድንግል ማርያም ትመሰላለች።"

ይህም፦ ታቦተ ጽዮን "በውስጡዋ የያዘችው የሕጉ ጽላት የጌታችን ፣ የመድኃኒታችን የኢየሱስ ክርስቶስ ምሳሌ ነው፡፡ ታቦቷ ከማይነቅዝ እንጨት መሠራቷ የጌታን እናት ንጽሕናዋን ፣ ቅድስናዋን ያመለክታል ፤ በውጭም በውስጥም በጥሩ ወርቅ መለበጧም የእመቤታችንን ንጽሕናዋን ቅድስናዋን፣ ድንግል በሕሊና ወድንግል በሥጋ ( በሀሳቧም ድንግል ፣ በሥጋዋም ድንግል) መሆኗን ያስረዳል።

ከዚህም የተነሳ በዓሉ የአማናዊቷ (የእውነተኛዋ) ጽዮን የእመቤታችን ቅድስት ድንግል ማርያም በዓል ሆኖ ይከበራል።

በዓሉ የሰላም፣ የፍቅር እና የበረከት በዓል እንዲሆንልን እግዚአብሔር አምላካችን በቸርነቱ ይርዳን።

ለሀገራችን ሰላም ፣ ለሕዝቦቿም ፍቅርን ፣ አንድነትን ፣ መተሳሰብን ያድልልን ፤ ጥላቻን ፣ ጭካኔን ፣ ተንኮልን ፣ ክፉ ሀሳብና ተግባርን በሙሉ ሁሉን ቻይ የሆነው እግዚአብሔር አምላካችን ከሀገራችን ያስወግድልን።

ለእግዚአብሔር ምስጋና ይሁን፤

የእናታችን የቅድስት ድንግል ማርያም፣ የቅዱሳን ፣ የጻድቃን ፣ የሰማእታት ረድኤት ፣ በረከት፣ ምልጃና፣ ጸሎት አይለየን።

አሜን!


@Deaconchernet
@Deaconchernet
@Deaconchernet

ክፉ ሰዎች ፣ አጋንንትና ዲያብሎስ በዚህ ዓለም ላይ እንዲኖሩ የተፈቀደላቸው ለምን አንደ ኾነ?

“እነዚህ ኹሉ እንዲኖሩ ለምን እንደ ፈቀደ ብትጠይቅ ፣ ስለማይነገረው የእግዚአብሔር የማዳን ሥራ ቦታ ባትሰጥ ፣ ኹሉንም ነገር እጅግ አጥብቀህ ብትመረምር ፣ ይህንንም ብትዘልቅበት ሌሎች ብዙ ነገሮችን ታጣለህ፡፡

ለምሳሌ ፦ መናፍቃን በዚህ ዓለም ላይ እንዲኖሩ እግዚአብሔር ለምን ፈቀደ ? ለምን ዲያብሎስ እንዲኖር ፈቀደ ? ለምን አጋንንትስ ? ብዙ ሰዎች እንዲሰናከሉ የሚያደርጉ ክፉዎች ሰዎችስ ? ከዚህ ኹሉ በላይም ጌታችን ክርስቶስ እንደ ተናገረ ፥ ቢቻለውስ የተመረጡትን እንኳን እስኪያስት ድረስ ኃይል ያለው የክርስቶስ ተቃዋሚ የሚመጣው ለምንድን ነው? [ማቴ.፳፬፥፳፶]

ስለማይመረመረው የእግዚአብሔር ጥበብ ኹሉን ነገር መተው እንጂ እነዚህን ነገሮች ልትጠይቅ አይገባህም፡፡ አስቀድሞ በእውነትና በጽኑ መሠረት ላይ የቆመ ሰው ብዙ ሞገዶች ቢያላትሙት እንኳን ፣ ስፍር ቍጥር የሌላቸው ማዕበላት ሲነሣሡበት እንኳን አይጎዳም ብቻ ሳይኾን እንዲያውም የበለጠ ብርቱ ይኾናል፡፡

ደካማ ፣ ልፍስፍስና ግድ የለሽ ሰው ግን ምንም መከራ ባይገጥመውም እንኳን አዘውትሮ ይወድቃል፡፡ ምክንያቱ ምን እንደ ኾነ ማወቅ ከፈለግህም በኹላችንም ዘንድ በደንብ የታወቀውን አድምጠው፡፡ በብዙና ልዩ ልዩ በኾነ መንገድ በእኛ ላይ የሚኾነውን እያንዳንዱን ነገር የሚያዝዘው እግዚአብሔር ሌሎች ብዙ ግልፅ የኾኑ ምክንያቶችም አሉትና፡፡

እስከዚያው እኛ የምናውቀው ይህንን ነው ፦ እነዚህ መሰናክሎች እንዲመጡ የፈቀደው ቅዱሳን የሚያገኙት ክብር እንዳይቀንስ ነው ብለናል። እግዚአብሔር ከኢዮብ ጋር ሲነጋገር ግልፅ ያደረገው ይህንን ነው ፦ “ ጽድቅህ እንድትገለጥ እንጂ እኔ በሌላ መንገድ የምፈርድብህ ይመስልሃልን? ” እንዲል። [ኢዮ.፵፥፰]

እንደዚሁም ቅዱስ ጳውሎስ ፦ “በእናንተ ዘንድ የተፈተኑት [የተመሰገኑት የተመረጡት] እንዲገለጡ ፥ በመካከላችሁ መለያየት [ምንፍቅና] ደግሞ ሊኾን [ሊኖር] ግድ ነውና” አለ [፩ኛ ቆሮ.፲፩፥፲፱] “በመካከላችሁ መለያየት [ምንፍቅና] ደግሞ ሊኾን [ሊኖር] ግድ ነውና” የሚለውን በሰማህ ጊዜ ግን ፥ ቅዱስ ጳውሎስ ይህንን የተናገረው እንደ ትእዛዝ ወይም እንደ ሕግ አድርጎ እንደ ኾነ አታስብ፡፡ በጭራሽ አይደለም ! ይልቅ ፥ ሊመጣ ያለውን ነገር ትንቢት እየተናገረና ትጉሃን ከዚያ እንደሚያተርፉ ነው እያመለከተ የነበረው፡፡

“ከዚያም ያልተታለላችሁ የእናንተ ሃይማኖታችሁ ምግባራችሁ ይገለጣል” አለ፡፡"

[#ቅዱስ_ዮሐንስ_አፈወርቅ]

@deaconchernet
@deaconchernet
@deaconchernet

#መልስ: ሰይጣን ሰዎችን ከሚጥልበት መሰናክሎች አንዱ ውዳሴ ከንቱ፣ ያልሆኑትን አድርጎ ማሳየት ነው።

በዚህም ብዙ መንፈሳውያን ተሰነካክለው ወድቀውበታል። አንድ ሰው ከሰዎች ሙገሳ ቢቀርብለት ''አቦ አቦ ካላንተ ሰው የለም" ቢባል ይህንን አመለካከት ለማቆም አይችል ይሆናል። ነገር ግን የራሱን ኃጢአት በማሰብ ሰዎች እንደገመቱት ጻድቅና ቅዱስ አለመሆኑን በመረዳት ራሱን ለንስሓ ማዘጋጀት ግን ትልቅ ጥበብ ነው።

ወንድማችን፦ የሰዎችን የውዳሴ ከንቱ ንግግር ለጆሮህ ስማው እንጂ ወደ ልብህ እንዲገባ አትፍቀድለት። ሰዎች ምንም ይበሉ ምን አንተ ቦታ ካልሰጠሃቸው በውዳሴ ከንቱ ተጠልፈህ ልትወድቅ ስለማትችል የምትሰማው ነገር ከልኩ ካለፈ ቦታ አትስጠው። በሌላ በኩልም ያልሆንከውን ነህ ብትባልም ለመሆን መጣር እንጂ ተስፋ ቆርጠህ መቀመጥ አይገባህም። ኃጢአትህ ባለመገለጡ ያልገለጠህ እግዚአብሔርን አመስግን፤ ለአለም ያልተገለጠውን በደልህን ለንስሓ አባትህ ተናዘዝ!

እግዚአብሔር ራሳችንን ወቅሰን እንጸጸት ዘንድ ይታገሰናል፤ በዚህ ትዕግስቱ ካልተመለስን ግን በደላችንን ለፍጥረታት ለፍጥረታት ሁሉ ይገልጥብናል። ኋላም የሚሸፍነው ማንም አይኖርም። የሆነው ሆኖ በአጉል ትኅትና አይገባኝም፣ እኔ ለዚህ አልበቃሁም እያልክ ራስህን ከቅድስና ሕይወት እንዳትለይ ተጠንቀቅ!

ሰይጣን ከንቱ እንደሆንክና ለምንም ነገር እንደማትበቃ አድርጎ በማሳየት የልብህን ሰላም ነሥቶ በውስጥህ ጭንቀት ፈጥሮ ከንሰሓና ከቅዱስ ቁርባን ሊያርቅህ ይችላልና። ስለዚህ "እኔ ኃጢአተኛ ነኝ" የሚለው ስሜትህ ከገደብ አልፎ ከእግዚአብሔር ቤት እንዳይለይህ ትኅትናህን በልኩ አድርገህ በንስሓ ራስህን አስተካክል!

አቤቱ እኔስ እውነተኛውን እራሴን ሳውቀው ምንም ዋጋ በማያሰጠው ከንቱ ውዳሴ ለምን እጠለፋለሁ፤ አንተ የእውነት ጠራኸኝ እኔስ የእውነት መምጣት ለምን አቃተኝ፤ ሰዎች የደረቡብኝ የውዳሴ ካባ ጎተተኝ፤ እነሱስ ለክፋት አልነበረም ለኔ ግን ለጥፋት ሆነብኝ፥ ጌታ ሆይ አንተን ዘንግቼ ይጠቅሙኛል ብዬ በእጄ የያዝኳቸው፣ ያበረቱኛል ብዬ የተደገፍኳቸው፤ ለውበትም ያጌጥኩባቸው እንደ ባለማዕረግ በእራሴ የደፋኋቸው ለልቤ ስብራት መጠገኛ ለዕንባዬም ማባበሻ የማይጠቅሙ ከንቱ ናቸውና አቤቱ ከዚህ ክፉ ደዌ አድነኝ!

ከምሥጢሬን ላካፍላችሁ የተወሰደ

@Deaconchernet
@Deaconchernet
@Deaconchernet