ዐቂዳህን ከቁርአንና ከሀዲስ ያዝ

እህቶች ሆይ!!
በሚጥል በሽታ የተጠቃች አንዲት ታላቅ ሴት ነበረች — በነብዩ صلى الله عليه وسلم ዘመን ።

ነብያችን ዘንድ በመቅረብ ያንገላታትን በሽታ በተመለከተ አላህን እንዲለምኑላት ጠየቀቻቸው ። መልእክተኛውም

إن شئت صبرت ولك الجنة وإن شئت دعوت الله أن يعافيك

" ከፈለግሽ ታገሺና ላንቺ ጀነት አለልሽ። ከፈለግሽ ደግሞ ጤና እንዲለግስሽ አላህን ልለምንሽ " አሏት ።
ይህቺ አኺራዋን ከዱንያዋ— ለዛውም አሳሳቢ ከሆነው ጤናዋ— ያስቀደመች ሴት በሽታዋን በተመለከተ
" እታገሳለሁ " አለች ።
ልብ በሉ እህቶች! ! "በበሽታው ምክንያት መውደቄን እታገሳለሁ" ነበር አባባሏ! — ይህንን ከባድ በሽታ እታጋሳለሁ ነበር ነገሯ ! !
ነገር ግን ልትታገሰው የከበዳት አንድ ጉዳይ ነበርና ነብዩን እንዲህ ስትል ጠየቀች ፣ " በምወድቅ (በሽታው በሚጥለኝ ግዜ) ሰውነቴ ይጋለጣልና አካሌ እንዳይራቆት አላህን ለምኑልኝ አለች ። አንዳንድ ዘገባዎች ላይ እንደተብራራው ይህቼ ሴት ከነብዩ ዱዓ በሇላ በሽታዋ ቢጥላትም ሰውነቷ በፍፁም አይጋለጥም ነበር— በነብዩ ዱዓ በረካ።
ይህች ታላቅ ሴት በበሽታዋ ምክኒያት መደበቅ ያለበት አካሏ ቢጋለጥ እንኳን ነገሩ በፈቃዷ የተከሰተ አይደለምና የምትጠየቅበት ወንጀል አይደለም ። ከዚህም ጋር ጉዳዩ ይህን ያህል አሳስቧት ነበር — አላህን መፍራት ማለት ይሄ ነው! ቀደምት ምርጦቻችንና ተምሳሌቶቻችን እንዲህ ነበሩ!!
ታዲያ ምን ነው?!.... አንዳንድ እህቶች በዳዕዋ ስም ተቀባብተው ለጅምላ እይታ መቅረባቸው? ! ምን ነው ታዲያ አንዳንድ እህቶች ተኳኩለውና መደበቅ ያለበትን አካል ገላልጠው አደባባይ መውጣታቸው? ! ኧረ አይበጅም እህቶች !! አላህን ፍሩ! ! ይሄ ገላ ከመፈራረሱ በፊት ይህንን ገላ ወደሰጣችሁ አላህ ተመለሱ! !

ዐቂዳህን ከቁርአንና ከሀዲስ ያዝ:
ዐቂዳህን ከቁርአንና ከሀዲስ ያዝ:
عَنْ عُمَرَ  أَيْضًا قَالَ: " بَيْنَمَا نَحْنُ جُلُوسٌ عِنْدَ رَسُولِ اللَّهِ صلى الله عليه وسلم ذَاتَ يَوْمٍ، إذْ طَلَعَ عَلَيْنَا رَجُلٌ شَدِيدُ بَيَاضِ الثِّيَابِ، شَدِيدُ سَوَادِ الشَّعْرِ، لَا يُرَى عَلَيْهِ أَثَرُ السَّفَرِ، وَلَا يَعْرِفُهُ مِنَّا أَحَدٌ. حَتَّى جَلَسَ إلَى النَّبِيِّ صلى الله عليه وسلم . فَأَسْنَدَ رُكْبَتَيْهِ إلَى رُكْبَتَيْهِ، وَوَضَعَ كَفَّيْهِ عَلَى فَخْذَيْهِ، وَقَالَ: يَا مُحَمَّدُ أَخْبِرْنِي عَنْ الْإِسْلَامِ. فَقَالَ رَسُولُ اللَّهِ صلى الله عليه وسلم الْإِسْلَامُ أَنْ تَشْهَدَ أَنْ لَا إلَهَ إلَّا اللَّهُ وَأَنَّ مُحَمَّدًا رَسُولُ اللَّهِ، وَتُقِيمَ الصَّلَاةَ، وَتُؤْتِيَ الزَّكَاةَ، وَتَصُومَ رَمَضَانَ، وَتَحُجَّ الْبَيْتَ إنْ اسْتَطَعْت إلَيْهِ سَبِيلًا. قَالَ: صَدَقْت . فَعَجِبْنَا لَهُ يَسْأَلُهُ وَيُصَدِّقُهُ! قَالَ: فَأَخْبِرْنِي عَنْ الْإِيمَانِ. قَالَ: أَنْ تُؤْمِنَ بِاَللَّهِ وَمَلَائِكَتِهِ وَكُتُبِهِ وَرُسُلِهِ وَالْيَوْمِ الْآخِرِ، وَتُؤْمِنَ بِالْقَدَرِ خَيْرِهِ وَشَرِّهِ. قَالَ: صَدَقْت. قَالَ: فَأَخْبِرْنِي عَنْ الْإِحْسَانِ. قَالَ: أَنْ تَعْبُدَ اللَّهَ كَأَنَّك تَرَاهُ، فَإِنْ لَمْ تَكُنْ تَرَاهُ فَإِنَّهُ يَرَاك. قَالَ: فَأَخْبِرْنِي عَنْ السَّاعَةِ. قَالَ: مَا الْمَسْئُولُ عَنْهَا بِأَعْلَمَ مِنْ السَّائِلِ. قَالَ: فَأَخْبِرْنِي عَنْ أَمَارَاتِهَا؟ قَالَ: أَنْ تَلِدَ الْأَمَةُ رَبَّتَهَا، وَأَنْ تَرَى الْحُفَاةَ الْعُرَاةَ الْعَالَةَ رِعَاءَ الشَّاءِ يَتَطَاوَلُونَ فِي الْبُنْيَانِ. ثُمَّ انْطَلَقَ، فَلَبِثْنَا مَلِيًّا، ثُمَّ قَالَ: يَا, أَتَدْرِي مَنْ السَّائِلُ؟. قَلَتْ: اللَّهُ وَرَسُولُهُ أَعْلَمُ. قَالَ: فَإِنَّهُ جِبْرِيلُ أَتَاكُمْ يُعَلِّمُكُمْ دِينَكُمْ ". رَوَاهُ مُسْلِمٌ [رقم:8] .



የሙእሚኖች መሪ የሆነው ዑመር ኢብኒ ኸጣብ እንዲህ አለ። “የሆነ ቀን ከአላህ መልእክተኛ [ሰለላሁ ዓለይሂ ወሰለም] ጋር ተቀምጠን እያለ፡ በጣም ጥቁር ጸጉር ያለው፥ በጣም ነጭ ልብስ የለበሰ፥ የመንገደኛ ምልክት የማይታይበት፥ ከኛ ውስጥም ማንም የማያውቀው ሰውዬ ብቅ አለና እነብዩ [ሰለላሁ ዓለይሂ ወሰለም] ጋር ተቀመጠ። ጉልበቱን ከጉልበታቸው ጋር አገጣጠመ፥ መዳፉንም ታፋው ላይ አስቀመጠ። ከዛም አንተ ሙሓመድ ሆይ! ስለ ኢስላም ንገረኝ አላቸው። የአላህ መልእክተኛ [ሰለላሁ ዓለይሂ ወሰለም] እንዲህ አሉ “ ኢስላም ማለት ፦ በእውነት የሚመለክ ጌታ አንድ አላህ ብቻ ነው ብሎ እና ሙሓመድም የአላህ መልእክተኛ ናቸው ብሎ መመስከር፣ ሶላትን በወቅቱና ቀጣይነት ባለው መልኩ መስገድ፣ ዘካን ማውጣት፣ ረመዳንን መጾም፣ የአላህ ቤትን ከቻልን መጎብኘት።” ሰውየውም “እውነት ተናገርክ” አለ። ዑመርም እንዲህ አለ “በሱ ተገረምን! እሳቸውን ይጠይቃል መልሶ እውነት ተናገርክ ይላቸዋል！” ከዛም ሰውየው ቀጠለና ስለ ኢማን ንገረኝ አላቸው። የአላህ መልእክተኛ[ሰለላሁ ዓለይሂ ወሰለም] እንዲህ አሉ “ኢማን ማለት ፦ በአላህ ማመን፣ በመላኢኮች ማመን፣ በመጻህፍት ማመን፣ በመልእክተኞች ማመን፣ በመጨረሻው ቀን ማመን፣ በአላህ ውሳኔ ከፋም በጀም ማመን” ሰውየውም “እውነት ተናገርክ” አለ። ከዛም ሰውየው ቀጠለና ስለ ኢሕሳን ንገረኝ አላቸው። የአላህ መልእክተኛ [ሰለላሁ ዓለይሂ ወሰለም] እንዲህ አሉ “ኢሕሳን ማለት አላህን እንደምታየው አድርገህ ልታመልከው ነው፥ አንተ ባታየውም እሱ ያየሃል እና።” ከዛም ሰውየው ቀጠለና የየውመል ቅያማ ሰአቷን ንገረኝ አላቸው። የአላህ መልእክተኛ [ሰለላሁ ዓለይሂ ወሰለም] እንዲህ አሉ “ ተጠያቂው ከጠያቂው የበለጠ የሚያውቅ አይደለም” ከዛም ሰውየው ቀጠለና የየውመል ቅያማ ምልክቶቿን ንገረኝ አላቸው። የአላህ መልእክተኛ [ሰለላሁ ዓለይሂ ወሰለም] እንዲህ አሉ “ ባርያ ጌታዋን ልትወልድ ነው፣ በባዶ እግራቸው የሚሄዱ፥ እርቃናቸውን የነበሩ፥ ድሆች የነበሩ የፍየል ጠባቂዎች ህንጻ ለመስራት ሲሽቀዳደሙ ልታይ ነው።” ከዛ ቡሃላ ሰውየው ሄደና ብዙ ቆየን። የአላህ መልእክተኛ [ሰለላሁ ዓለይሂ ወሰለም] እንዲህ አሉ “አንተ ዑመር ሆይ！ጠያቂው ማን እንደሆነ ታውቃለህን？” ዑመርም “አላህና መልእክተኛው ያወቁ ናቸው።” በማለት መለሰ። የአላህ መልእክተኛ [ሰለላሁ ዓለይሂ ወሰለም] እንዲህ አሉ “ የመጣው እኮ ጂብሪል ነው፥ ሃይማኖታቹህን ሊያስተምራቹህ መጣቹህ።” ሓዲሱን ሙስሊም ዘግቦታል።ዐቂዳህን ከቁርአንና ከሀዲስ ያዝ
https://t.me/Aqidahin

#ቢድዓ_ሁሉ_ጥሜት_ነው
🚩ተከታታይ ፅሑፍ ክፍል ፡ 6⃣
🏴ንዑስ ርእስ ፦ መውሊድን የሚያከብሩ ሰዎች የሚያመጧቸው ብዥታዎች ላይ የሚሰጥ መልስ
__
በአላህ ስም እጅግ በጣም ሩኅሩኅ እጅግ በጣም አዛኝ በሆነው.
°
♦️እስካሁን በነበሩት 5 ተከታታይ ፅሑፎች ላይ ቢድዓ ማለት ቁርአናዊም ሆነ ሐዲሳዊ እንደዚሁም እንደኢጅማዕ ያሉ ትክክለኛ ማስረጃዎች የማይደግፉት ለዲን ተብሎ የሚሰራ ተግባር ወይም እምነት መሆኑን ተረድተናል ፤ ቢድዓ ሁሉም ጥሜት መሆኑን ከሐዲስ እና ከሰለፎች ንግግርም ለማየት ሞክረናል። እንደዚሁ ያልተገደቡ የአምልኮ ዘርፎችን መገደብ , የተገደቡ የአምልኮ ዘርፎችን ደግሞ ገደባቸውን ማንሳትም ቢድዓ እንደሚሆን ተመልክተናል። በተጨማሪም ቢድዓ ሁሉም ጥሜት አይደለም የሚሉ ሰዎች የሚያመጧቸውን ዋና ዋና ማምታቻዎች በመጥቀስ መልስ ሰጥተናል። ዛሬ በአላህ ፍቃድ መውሊድ አክባሪዎች የሚያነሷቸው ብዥታዎች ላይ የሚሰጡ ምላሾችን ተመልክተን ፅሑፋችንን እናሳርጋለን።
°
♦️መውሊድን ለማክበር በዋናነት የሚጠቅሱት ነገር በዲን ውስጥ መልካም ቢድዓ መፍጠር ይቻላል ብለው በክፍል 4 እና 5 ላይ የተመለከትናቸውን ማምታቻዎች ነው። እነዚህ ማምታቻዎች ደግሞ አዲስ ቢድዓ መፍጠር እንደማያስችላቸው መልስ ሰጥተንበት አልፈናል። ከዚህ በተጨማሪ ሌሎች ማስረጃ ብለው የሚጠቅሱትን ነገር እንመልከት ፡

▪️#የመጀመሪያ_ማምታቻ ፡ ተከታዩ የቁርአን አንቀፅ ነው ፦

{ قُلْ بِفَضْلِ اللَّهِ وَبِرَحْمَتِهِ فَبِذَٰلِكَ فَلْيَفْرَحُوا هُوَ خَيْرٌ مِّمَّا يَجْمَعُونَ }

[| «በአላህ ችሮታና #በእዝነቱ (ይደሰቱ)፡፡ በዚህም ምክንያት ይደሰቱ፡፡ እርሱ ከሚሰበስቡት ሀብት በላጭ ነው» በላቸው፡፡ |] (ዩኑስ ፥ 58).
°
♦️በዚህ አንቀጽላይ እዝነቱ ማለት ሙሐመድ - ﷺ - ናቸው እና በሳቸው እንደሰታለን። ይላሉ ፡ ለዚህ የሚሰጠው መልስ በሁለት መልኩ ነው ፦
°
🔻1ኛ. ቁርአኑ ላይ እዝነቱ የተባለው እንደአብዛኛዎቹ የተፍሲር ሊቃዎንቶች ገለፃ ቁርአን ወይም እስልምና ነው እንጂ ሙሐመድ - ﷺ - አይደሉም። እንደምሳሌ ተፍሲር አጥ-ጦበሪ , ቁርጡቢ , በገዊ, ኢብኑ-ከሲር, ተፍሲር አስ-ሰዕዲ እና ሌሎችንም መመልከት ይችላል።
°
♦️ቁርአን ወይም እስልምና ተብሎ ለመተርጎሙ ደግሞ ከበፊቱ ያለውን አንቀጽ ስንመለከት የበለጠ ግልፅ ይሆንልናል። አንቀጹ እንዲህ ይላል ፦

{ يَا أَيُّهَا النَّاسُ قَدْ جَاءَتْكُم مَّوْعِظَةٌ مِّن رَّبِّكُمْ وَشِفَاءٌ لِّمَا فِي الصُّدُورِ وَهُدًى وَرَحْمَةٌ لِّلْمُؤْمِنِينَ }

[| እናንተ ሰዎች ሆይ! ከጌታችሁ ግሳጼ በደረቶች ውስጥም ላለው (የመጠራጠር በሽታ) መድኃኒት ለምእምናንም ብርሃንና #እዝነት በእርግጥ መጣችላችሁ፡፡ |] (ዩኑስ ፥ 57). ስለዚህ አንቀጹ እያወራ ያለው ስለቁርአን ነው ማለት ነው።
°
🔻2ኛ.እንደእነሱ አባባል ሙሐመድ - ﷺ - ናቸው ብንል ታዲያ ይሄ እንዴት ብሎ ነው በአመት አንድ ጊዜ የተወለዱበትን ቀን ጠብቃችሁ, ተሰባስባችሁ, ምግብ እያበላችሁ አክብሩት እና አሳልፉት ለማለት ማስረጃ የሚሆነው? የተወለዱበትን ቀን ብቻ ገድቦ አመት ጠብቆ መደሰት ከየት የመጣ ነው??
°
▪️#ሁለተኛ_ማምታቻ ፡ ነብዩ - ﷺ - ሰኞን ቀን ይፆሙ ነበር ፤ ለምን ሲባሉም [ የተወለድኩበት ቀን ስለሆነ ] (ሙስሊም ፥ 1978).በማለት ተናግረዋል ፤ ስለዚህ እሳቸው የተወለዱበትን ቀን ስላላቁት እኛም በማክበር እናልቀዋለን የሚል ነው።
°
🔻ለዚህ የሚሰጠው መልስ ፡ ነብዩ - ﷺ - የተወለድኩበት ቀን ስለሆነ ፆመዋለሁ ብለው ፆሙ እንጂ ሁልጊዜ አመት ከአመት እየተጠባበቁ, በዛ ጊዜም ምግብ እየበሉ ሰውንም እያበሉ አላሳለፉም የሚል ነው። እውነተኛ የነብዩ - ﷺ - ውዴታ ከሆነ እሳቸው የሰሩትን መስራት የተዉትን መተው ነውና እሳቸው ቀኑን ፁመውታል እናንተም መፆም አለባችሁ እንጂ ያንን ቀን ለይታችሁ አመት ከአመት እየተጠባበቃችሁ ማክበር ከየት የመጣ ነው?? እነሱ ፆም በመፆም ስላከበሩ እኛ ደግሞ መውሊድ በማውጣት እናከብረዋለን የሚለው አባባል ልክ የኡሱሉል ፊቅህ ሊቃውንቶች እንደሚሉት "قياس فاسد" ወይም የተበላሸ ማመሳሰል ነው። ምክንያቱም መፆም እና መብላት ተቃራኒ ነገሮች ስለሆኑ ማለት ነው።
°
♦️ከዚህ ውጭ የሚጠቅሷቸው ማምታቻዎች እዕምራዊ ማስረጃዎች ናቸው ከነሱም ውስጥ ፦

❇️1⃣.መውሊድን የምናከብረው ለአላህ መልእክተኛ - ﷺ - ካለን ውዴታ ነው የሚል ነው.
°
🔻ይህን በሁለት መልኩ መመለስ እንችላለን ፦
የመጀመሪያው መልስ ፦ ነብዩን - ﷺ - መውደድ ማለት እሳቸው የሰሩት መስራት የተውትን መተው ነው እንጂ እሳቸው ያልሰሩትን እየሰሩ ወድጄያለሁ ማለት አያስኬድም። እንደውም ከውዴታ መገለጫ ምልክቶች ውስጥ እውነተኛው ምልክቱ ወዳጁ አካል ለሚወደው ወገን ተከታይ ሲሆን ነው ፤ አላህ - ሱብሓነሁ ወተዓላ - እንዲህ ይለናል፦

{ ﻗُﻞْ ﺇِﻥ ﻛُﻨﺘُﻢْ ﺗُﺤِﺒُّﻮﻥَ اﻟﻠَّﻪَ ﻓَﺎﺗَّﺒِﻌُﻮﻧِﻲ ﻳُﺤْﺒِﺒْﻜُﻢُ اﻟﻠَّﻪُ ﻭَﻳَﻐْﻔِﺮْ ﻟَﻜُﻢْ ﺫُﻧُﻮﺑَﻜُﻢْ ۗ ﻭَاﻟﻠَّﻪُ ﻏَﻔُﻮﺭٌ ﺭَّﺣِﻴﻢٌ }

[| በላቸው ፦ «አላህን የምትወዱ እንደኾናችሁ ተከተሉኝ፤ አላህ ይወዳችኋልና፡፡ ኀጢኣቶቻችሁንም ለናንተ ይምራልና፡፡ አላህም መሓሪ አዛኝ ነው፡፡» |] (አልኢምራን ፥ 31).
°
ይህ እውነተኛ ውዴታን መግለጫ ምልክት ከሆነ ፤ ነቢዩን - ﷺ - በዚህ ጉዳይ ላይ መከተል ማለት ይህንን ቢድዓ አለመስራት ማለት ነው። ምክንያቱም ይህ ተግባር የአላህ መልእክተኛ - ﷺ - ያለሰሩት ስለሆነ ማለት ነው።
°
🔻ሁለተኛው መልስ ፦ እናንተ ከኹለፋዎቹ እና ከሶሓባዎቹ የበለጠ ለነቢዩ - ﷺ - ውዴታ የላችሁም። ማንኛውም ሰው የአላህ መልእክተኛን - ﷺ - ከአቡበከር ፣ ከዑመር ፣ ከዑስማን ፣ ከዐሊይ ከሌሎችም ሶሓባዎች እና ታቢዒዮች በላይ እወዳለው ማለት አያስኬድም, የሚሆን ነገርም አይደለም ፤ እነዚህ ሁሉ ደግሞ አልሰሩትም ፤ ምክንያቱም እነሱ የሚፈልጉት ረሱል - ﷺ - የሰሩትን ነገር ሰርተው, የተዉትን ነገር ደግሞ ትተው ትክክለኛ ውዴታን ማስገኘት ስለሆነ ማለት ነው። ረሱል - ﷺ - የሰሩትን ስራ መስራት ሱና እንደሆነው ሁሉ #ለመስራት_የሚያስችል_ምክንያት_ኑሮ_ከልካይ_ነገር_ሳይኖር የተውትን ነገር መተውም ሱና ነው። ይህንን የተቃረነ ደግሞ ቢድዓ ይባላል።
°
❇️2⃣.መውሊድ ማክበር እኮ ምግብ ማብላት ነው ፤ ሰደቃ ደግሞ የተወደደ ተግባር ነው ከዚህ በተጨማሪ የሳቸውን ሲራ እንናገራለን , እናስተምራለን እና ይሄ እንዴት ክልክል ይሆናል? ይህ ሁሉ ስራ ተፈላጊ ተግባር አይደለምን? የሚል ማምታቻ ያቀርባሉ።
°
🔻ለዚህ የሚሰጠው መልስ ፡
አው! ሰዎችን ማብላት, ሰደቃ ማድረግ የተፈቀደ ተግባር ነው ፤ ነገር ግን ልክ በክፍል 3 ፅሑፋችን ላይ ለማንሳት እንደሞከርነው ነብዩ - ﷺ - በቦታ እና በጊዜ ያልደገቡትን አንድን የአምልኮ ዘርፍ ገድቦ መስራት ቢድዓ ይሆናል። እነዚህን ነገራቶች በቦታ እና በጊዜ መገደብ አይገባችሁም። በቦታ እና በጊዜ መገደባችሁ ይሄ ነው ቢድዓ ያስባለው ብለን መልስ እንሰጣቸዋለን።
°
♦️ስለዚህ ከላይ እንደተመለከትነው መውሊድ ማክበር ይቻላል የሚሉ ሰዎች የሚያመጧቸው ማምታቻዎች ውድቅ ናቸው። መውሊድም ቢድዓ መሆኑ ግልፅ ነው። ከዚህም ባለፈ መውሊድ ውስጥ ብዙ ሐራም ነገሮች ይፈፀማሉ ፤
ከነሱም ው