Oromia Times

🛎𝐌𝐨𝐨𝐫𝐚𝐚 𝐘𝐮𝐮𝐧𝐢𝐯𝐚𝐫𝐬𝐢𝐢𝐭𝐢𝐢 𝐤𝐞𝐞𝐬𝐬𝐚𝐭𝐭𝐢 𝐉𝐞𝐜𝐡𝐨𝐨𝐭𝐚𝐚 𝐇𝐚𝐚𝐫𝐚𝐚 𝐬𝐢𝐧𝐢𝐭𝐭𝐢 𝐭𝐚𝐡𝐮𝐮 𝐝𝐚𝐧𝐝𝐚'𝐚𝐧 𝐌𝐮𝐫𝐚𝐚𝐬𝐚! 🆕

⭐️ 𝐂𝐚𝐟𝐞 ( 𝐊𝐚𝐚𝐟𝐟𝐞𝐞 ); bakka nyaataa mooraa yuunivarsiitii  barattoonni hedduun itti fayyadaman

⭐️ 𝐋𝐨𝐮𝐧𝐠𝐞 - kaffee kaffaltii barbaachisu barattoota irratti xiyyeeffate kan mooraa keessatti argamudha; Nyaataa fi dhugaatiiwwan (lallaafaa, waan ho’aa fi wantoota kaan) qulqullina gaarii kan qabaniifi baay’ee gatii madaalawaa kan tahedha.

⭐️ 𝐂𝐡𝐢𝐤𝐚𝐥𝐚𝐚; qo'annaa

⭐️ 𝐓𝐞𝐧𝐬𝐢𝐨𝐧;  dhiphina, rifaatuu, Jeeqamuu.

⭐️ 𝐍𝐨𝐧-𝐂𝐚𝐟𝐞; Barattoota kaaffee mooraa hin fayyadamne

⭐️ 𝐒𝐩𝐚𝐜𝐞;  Kutaa duwwaa yeroo baay'ee daree barnootaa dubbisuuf itti fayyadamnu 𝐬𝐩𝐚𝐜𝐞 (iddoo) jedhama

⭐️ 𝐓𝐡𝐞𝐫𝐞𝐟𝐨𝐫𝐞; Nyaata Fooni kaaffee (foon yeroo jedhu sinitti hin fakkaatin! Akkuma maqaa isaati, foon xiqqoon kan keessa bubu'e wayiiti.!)


⭐️ 𝐂𝐨𝐬𝐭;  kaffaltii ji'a ji'aan barattoota kaffee hin fayyadamneef kennamu.

⭐️ 𝐀𝐝𝐝 𝐚𝐧𝐝 𝐃𝐫𝐨𝐩; - Adeemsa barnootaa keessatti wantoota mudachuu danda'anidha; koorsii tahe sin jalaa hambisee adeemsi dabaluu fi hir'isuu ( gad dhiisuu ) dirqama taha.

⭐️ 𝐃𝐮𝐮𝐝 𝐌𝐚𝐚𝐬𝐚𝐜𝐚𝐚 ( ድድ ማስጫ);- Bakka ykn teessoo nama karaa irra darbu arguuf mijatu.

⭐️ 𝐙𝐚𝐚𝐩𝐩𝐚𝐚 - Hojjettoota nageenyaa ( poolisii )

⭐️ 𝐆𝐂 ;- Barattoota Eebbifamtootaa.

⭐️ 𝐅𝐫𝐞𝐬𝐡😘;- Barattoota haaraa galan (Yeroo mooraa seentan warri Fresh, fi waan adda addaa jedhanii isin rakkisan yeroo baay'ee warra waggaa lammaffaati. hunduu warra waggaa lammaffaa osoo hin taane, Warra fireeshummaa hin fixanne ykn warra akka malee foggoramanidha.

⭐️ 𝐁𝐚𝐫𝐜𝐨𝐨𝐥𝐨𝐨𝐣𝐢𝐬𝐭;-Warreen Caatii ( jimaa ) qama'an jechuudha.

⭐️ 𝐎𝐯𝐞𝐫;- mana dhugaatii dhaquu machaa'ani deebi'uu.

⭐️ 𝐒𝐡𝐚𝐚𝐭𝐚𝐚;- Ol deebisuu

⭐️ 𝐗𝐢𝐟𝐟𝐢 ( 𝐒𝐥𝐚𝐩 );-  Urgaa ajaa'ibaa jireenya dormii akka hin dagatamne taasisan keessaa isa tokkodha. Keessattuu dhiirota biratti aarri Kaalsii baratamaadha.

⭐️ 𝐌𝐞𝐚𝐥 𝐂𝐚𝐫𝐝;-  Kaardii nyaataa kaffee mooraa keessaa akka nyaattan Yuunivarsiitichi siif kennu.


"... Maqaan dhokataan biroo nuti hin beekne yoo jiraate yaada kennaa."



http://t.me/OromiaStudent_s
http://t.me/OromiaStudent_s

Qoricha “RELIEF” jedhamu hawaasni akka hinfayyadamne akeekkachiifame

Qoricha seeraan alaa “RELIEF” jedhamu fayyadamuurraa hawaasni akka of qusatu Abbaan Taayitaa Nyaataa fi Qorichaalee Itiyoophiyaa akeekkachiise.

Abbaan taayitichaa akeekkachiisaa baaseen qorichi seeraan alaa kun elementoota fayyaarraan miidhaa geessisuu danda’an akka qabu eeruun, faayidaaf akka hinoolle hubachiiseera.

Qorichichi gabaarratti bal’inaan dhiyaataa jiraachuu fi Abbaa Taayitichaan kan hingalmoofne ta’uun, qulqullinni, nageenyummaa fi bu’aa qabeessummaan isaa hinbeekamu jedheera.

Fedhii nyaataa dhabuu, teessisaa, dhukkubbii garaa, ol tuttuqaa, guraaruu, hirriba dhabuu, dadhabbii, sirriitti arguu dhabuu, raatessuu, dhukkubbii mataa, rakkoo gogaa, inzayimoonni tiruu dabaluu fi yeroo dheeraaf yoo fayyadaman miidhamuu kalee kan hordofsiisu ta’uun miidhaalee cinaa qorichichaa ta’uu ibseera.

Akkasumas carraa rakkoo tiruu, kalee, onnee , dhibbaa dhiiga sadarkaa olaanaa hamaan qabamuuf kan saaxilu danda’u ta’uu qorannoon mirkanaa’uu ragaan Abbaa Taayitichaarraa argame ni mul’isa.

Hawaasnis kana hubachuun qoricha kana fayyadamuurraa akka of qusatuu fi qorichichi faayidaaf wayita oolu yoo arge karaa toora bilbila bilisaa 8482’n bilbiluun abbaa taayitichaas ta’ee qaamolee to’annoof eeruu akka kennan waamicha dhiyeesseera.
#FBC

https://t.me/Oromiastudent_s
https://t.me/Oromiastudent_s

#Oduu_Ammee

Yuunivarsitii Dirree Dhawaatti barattoota uffata gurraacha uffataniifi barattoota hiriira balaaleffanna taassisan poolisoonni adamsa jiru.

Ajjeechaa Salaaleetti garee fiinxaaleyyiin taasifame sababeeffachuun Yuunivarsitii garaa garaatti barattoonni hiriira balaaleffanna taassisuun saba isaanii akka horiitti ciibsamanii qalamaa jiraniif sagalee ta’aa jiru.

Kanuma sababeeffachuun Yuunivarsitii Dirre Dhawaatti barattoonni karaa nagaan sagalee isaanii dhageessisanii turaniiru. Haa ta’u malee yeroo ammaa kana Yuunivarsitichatti barattoota hiriira balaaleffannaa kana irratti hirmaatan kaaffee seenanii akka hin sooranne dhorkuu, barattoota uffata gurraacha uffatan adamsuufi dorsisaa jiraachuu odeessa keenya moorichaa irraa odeeffannee jirra.

Poolisoonni yeroo ammaa kana barattoota uffata gurraacha uffatan adamsanii qabaa kan jiran yommuu ta’u barattoonni gama isaaniitiin “Lammii keenya akka horiitti qalameef gadduullee nu dhorkan” jechuun gocha moorichaa kanatti akkaan gaddu himaniiru.

Barattoonni hanga karaa nagaan gadda isaanii ibsatanitti qaamni nageenyan eegsisa ofiin jedhu tarkaanfii akkasii fudhachuun safuudha!

https://t.me/Oromiastudent_s
https://t.me/Oromiastudent_s