ሐሽማል ቤተ-መዘክር

ኔግሮ የሚባል ፍሬንድ ነበረኝ ፀባይኛ ነው፣ ሌባ ነው፥ እናቱን ይወዳታል፥ ትምህርት አይገባውም፤ ተንኮል፣ ኳስ ፣ጆተኒ ፣ ትረባ ጎበዝ ነበር።

በአንድ ሴሚስተር መቶ እና ሁለት መቶ መፅሃፍ ይሰርቃል መቼ? ...እንዴት?...ከማን?... አላውቅም!

መጨረሻ ላይ  ውጤቱን እየሳቀ ይነግረኛል።
አንድ ቀን እንኳን ሲሰርቅ ተይዞ አያውቅም !

የሰረቀውን መፅሐፍ ሲሸጥ አብሬው ሄጄ አውቃለሁ። ከሚገዙት ጋር ደምበኛ እንደሆነ ሰላምታ አለዋወጣቸው ያስታውቃል። አሻሻጡ የሰረቀ ፣ ሳይለፋበት ያመጣ አይመስልም፤ በቸልታ አይደለም።  በርጋታ እንደትልቅ ሰው... "አይሆንም...፣ ይቅር...፣በቃ፣ ጨምር " እያለ ነው ።

እናቱን  "ሸቅዬ... እዛ ማዶ ያሉት ሃብታም ሰዎች፤ ለእናትህ ስጣት ብለው ብር ሰጡኝ" እያለ እንደሚሰጣት ነገሮኝ ያውቃል ።

ሰባተኛ ክፍል ፣ ስምንተኛ ክፍል እያለን እናቱን ያግዛት ነበር ።  ይወዳታል፤  አወዳደዱ እንደትልቅ ሰው  ነው። "ማሚዋ  ደብሯታል ...አሟታል. . . ገበያ ቀዝቅዞባታል" እያለ ያስብላታል።

ከጓደኛው አይሰርቅም። ለጓደኛው ለኔ ለሚለው ሰው ይሳሳል።

አይኖቹ ትናንሽ ናቸው፣ አካባቢውን በትኩረት ያያል፣ ከወሬ ሁኔታን ያያል። ሌባ መሆኑን ብዙ የሩቅ ሰዎች አያውቁም።

ኔግሮ ቁርንጫጭ ፀጉር ያለው፣ ድቅቅ ያለ ገላ ያለው፣ ሲስቅ ቀጭን ድምፅ የሚያወጣ ልጅ ነበር ።

አንዳንድ  ቀን  ይፎርፍና ሜዳ ጥግ ውኃ ልኩ ጋር ብቻውን ይሆናል ። ዝም ይላል ኳስ አይጫወትም። ቀጭን ድምፅ እያወጣ የሚስቃት ሳቅ አትኖርም። ለመኮረጅ ብዙ አይሰቃይም።

...ጨዋታ ያበዛል...።

ስለ አባቱ አላውቅም፤ እናቱ ግን ትምህርት ቤታችን በር ጎን ላይ ቃርያ ፣ ቲማቲም፣ ነጭ ሽንኩርት፣ ድምብላል፣ ኮሰረት፣ ስኳር ድንች ...ምናምን ይሸጣሉ። ብዙ ደንበኛ ያላቸው አይመስለኝም። ስንወጣ ስንገባ የደራ ገበያ አንድም ቀን አይቼ አላውቅም ።  

ኔግሮ የትምርት ቤት ስሙ መቆያ ነው። እኛ ነን ኔግሮ የምንለው።

እኛ ትምህርት ቤት የሚማሩ የሰፈሩ ልጆች ሲጠሩት ሰምተን መሰለኝ መቆያን ትተን ኔግሮ የምንለው።

መቆያ የሚባለው ክላስ ስም ሲጠራ ብቻ ነው። ኔግሮ ሲባል ነው እሱም ደስ የሚለው።

የሆነ ቀን ሃይሚ ግርማ መፅሃፍ ጠፍቶብኝ ኔግሮ ሰጠኝ አለችኝ። ጠየኩት "ከራሷ ቦክመህ ለራሷ ገጫሃት ኣ?" ስለው ፤ ሲስቅ የሚያወጣትን ቀጭን ድምፅ አውጥቶ ሳቀ  "ባክህ እኔ እንደኔ ችስታ እናት ካለው ቤተሰብ አልሰርቅም "አለ ።

ከስምንት ወደ ዘጠኝ ስንዘዋወር ኔግሮ ታስሯል አሉን። ስሰማ "ዕድሜው ለእስር ደርሷል ወይ?" ብዬ ያኔ አልጠየኩም።

የመንግስት ትምህርት ቤት ስለተማርን ለብዙ ነገር  ከዕድሜያችን በላይ ነበርን። የሚታሰሩት በግሩፕ የሚጣሉ ልጆች ስለነበሩ ብዙ  አልገረመኝም።

መስከረም አስራ ሰባት ቀን ኔግሮ ሞተ አሉን።  እናቱን ስናያቸው ጥቁር ለብሰዋል፥ ጉስቁልናው ብሶባቸዋል። ጉሊት የደረደሩት ከዚህ ቀደም ለመሸጥ ከሚደረድሩት በዐይነትም በመጠንም ቀንሶ አየሁ ።

ሞትን ያኔ ነበር በቅርብ ያወኩት ....በቅርብ የማውቀው፣ ሲያወራ የሰማሁት፣ አብሬው የተጫወትኩት ጓደኛዬ ሞተ ሲባል። ያኔ ነው ለመጀመሪያ ግዜ ያመንኩት።

የታሰሩበት ክፍል የነበረው ካቦ መቶት ነው ይላሉ፤ አንዴ ፖሊስ መቶት ነው ይላሉ፤ አንዴ ታሞ ነው ይላሉ ....
ኔግሮ ሞተ። እውነት  ነበር!

"ልጅ ይሞታል እንዴ?!" አልኩኝ
ለምን መቆያ አሉት ግን  እናቱ??
በዛ ዕድሜው እንዴት በዛ ልክ አሰበላቸው??
በምን ይሆን የሚፅናኑት??
ለምን ሌባ ሆኖ ለጓደኞቹ ታመነ??

እንዴት  የሰረቀውን እንደትልቅ ሰው አስቦ ተከራክሮ ሸጠ?? ላለፋበት ነገር እንዴት ዋጋ ሰጠ?? ለምን ምንም ከሌላቸው ሰዎች አልሰርቅም አለ??

በዛ ዕድሜው እንዴት አረጀ ?
እሺ ይሁን መርህ እና ሌብነት እንዴት አብሮ ሄደለት!!

እኔንጃ ኔግሮ ግን ሞተ አሉ !!!
      © Adhanom Mitiku

እድሜህ ምን አስተማረህ ...??

ሁላችንም ባልተመረመርናቸው በሽታዎች የምንሰቃይ ምስኪኖች ነን ፤ እድሜያችን ያስተማረንን እንኳ የማናውቅ ።

ብዙ ያልተጠየቅናቸው ጥያቄዎች አሉብን በግዜ ሂደት ህመም እየሆኑ እኛነታችንን ከእግዜር የነጠሉ

ብንጠየቅም
ደሞ መልስ የማናገኝላቸው ሺህ ጥያቄዎች ...

እኔ እድሜዬ መዳብ የሆነብኝን ወርቅ ከሔደ ደግሜ እንደማላገኝ አስተማረኝ..እናንተስ

✍ ሔኖክ

አንድ በእድሜ ብዛት የጫጨ አዛውንት አልጋ ላይ ሊሞት እያጣጣረ ነው።

✔️አምስት የቤተሰቡ አባላት ቆንጅዬ ሚስቱና አራት ልጆችሁ ከአልጋው አጠገብ ቆመው የማይቀረውን ሞት እየጠበቁ ነበር።

✔️ ከልጆቹ መካከል ሦስቱ ታላላቆች ረጃጅሞች፣ ቆንጆዎች እና አትሌቲክስ ነበሩ፤ ነገር ግን አራተኛውና የመጨረሻው ልጅ የቤተሰቡ አስቀያሚ ነገር እንደነበር ጥርጥር የለውም።

ባልየው በሹክሹክታ "ውድ ሚስቴ ትንሹ ልጅ በእውነት የእኔ መሆኑን አረጋግጭልኝ። ከመሞቴ በፊት እውነቱን ማወቅ እፈልጋለሁ ሃቅ ከነገርሽኝ ይቅር እልሻለሁ" ሚስትየው በእርጋታ አቋረጠችውና "አዎ የኔ ውድ በፍፁም ምንም ጥያቄ የለውም በእናቴ መቃብር ላይ እምላለሁ አባቱ አንተ ነህ" አለችው። ሰውየው በመጨረሻ ለብዙ አመታት ያስጨነቀውን ጥያቄ በመጠየቁ ደስተኛ ሆኖ ሞተ።

ውድ ባል ትንፋሹ ፀጥ ካለ በኋላ ሚስትየው ቁና ቁና እየተነፈሰች "ፈጣሪ ይመስገን ስለ ሶስት ታላላቆች አልጠየቀኝም" 🤦🏼‍♀

ባለቅኔ ነበርኩ
ባለኝ ሰዓት ቅኔ
ያ...ኔ!

ቅኔ ይሏት እርግብ
አፍኜ ስመግብ
ስታዜም ስሰማት
መዝሙሯን ስቀማት
ቀምቼ ሳፏጨው
የሷን እየቀዳሁ፡ አድማስ ላይ ስረጨው፤
የሰማ ታማሚ፡ መስሎት የፈለቀኝ
ወደኔ እየመጣ፡ ፈውስ ሲጠይቀኝ፤
እሷ የምትለውን፡ ስሰማ ሳቀብል
ከሷ የሚፈሰውን፡ ስቀዳ ሳፀብል
የዳነው መስካሪ፡ ታምሬን ሲነዛ
ደጄን የሚናፍቅ፡ አማኝ እየበዛ
ለፀጋ ለስሜ፡ ሲመታለት ድቤ
በድንገት አምልጣኝ፡ በረረች እርግቤ።

ሄደች ከነድምጿ፡ በስም አስቀርታኝ
ሄደች ከነፈውሷ፡ ከገድሌ ጋር ትታኝ
የምበትንላት፡ ጥሬ ቀርቶኝ ከጄ
ቢረክስም በዜማ የፀደቀው ደጄ
በፈውስ ናፋቂ፡ ሰርክ ይጨናነቃል
ምስኪን! ኪን እርግቤ
እንኳንስ መሄዷን ፡መኖሯን ማን ያውቃል?

ብቻዬን አዘልኩት፡ አግኝቶ ማጣቱን
ጸጋው የተቀማ ፡ስም ሆኖ መቅረቱን
ማቃቴን አፍኜ፡ ብቻዬን ታመምኩት
በነበር ስወደስ ፡መቻልን ቃተትኩት፥

ግን አልሆነልኝም
አልጮህ ድምፅ የለኝም
ያድናቂዬ ድቤ፡ ዜማው ይበልጠኛል
አልጠፋ እንደርግቤ ማን ክንፍ ይሰጠኛል?
ታዲያ ከዚህ ስቃይ፡ ማን ያስመልጠኛል?

እውነት!

ባለቅኔ ነበርኩ፡ ያ...ኔ!
ቅኔ ይሏት እርግብ፡ እያለች ከጎኔ
ዜማዋ ሲያደምቀኝ ትንፋሿ ሲሞቀኝ
አርፎ እንደማጣጣም፡ እየቀዳሁ ስቀኝ
ያየ ሲያጨበጭብ፡ የሰማ ሲያደንቀኝ
ስጨምቃት ተጨንቃ የምታስጨንቀኝ
አንድ እርግብ ነበረች፤
አሁን ግን የለችም!
ለጠየቀኝ ሁሉ ፡እሺ ስል በርራለች።

ልክ እንደዛ ተረት፡ የልጅ መጫወቻ

ባለቅኔ ነበርኩ፡ አሁን ግን ፍራቻ
ሁሉን ነገር ላጣው፡ የቀረኝ ስም ብቻ።

Red-8

አንዳንድ ነገሮችን መቀየር አልችልም።ለምሳሌ አንቺን ማፍቀሬ ስዕተት መሆንን እያወኩ እንኳን ፍቅሬን ማስቆም አልቻልኩም ነበር።ምክንያቱም ከባዷ እጣፋንታዬ በአንቺ ህይወት መካካል አቅም-አጥታ ወደቃ ነበር.......

ጓደኞቼ ጠየቁኝ.....ቤተሰቦቼም በደምብ ጠየቁኝ....ሁሉም ወዳጆቼ የምር እንዳፈቀርኩ ማመን ፈልገው ነበር......ያ ዝምተኛው ሰው፤ያ ከክፍሉ የማይወጣው ሰው፤ያ አይናፋሩና ሴቶችን ማውራት በጣም የሚከብደው ሰው ያፈቅራል ብለው አላሰቡም ነበር።

ግን የሆንኩትን የማውቀውና የምረዳው እኔ ብቻ ነበርኩ።ማንም ሰው ማፍቅር ስለፈለገና ስላልፈለገ እንደማያፈቅር ተረድቻለው።በሌሎች ማፍቀር የሚስቀው ሁሉ ነገ እሱም ተረኛ እንደሆነ አውቂያለው።ፍቅር ባልጠበቅነውና ባላሰብነው ጊዜ የሚመጣ ከባድ ነገር መሆኑንም በደምብ ተገንዝቢያለው......ስለዚህ ፍቅር ወደደንም ጠላንም እኛ ስለፈለግንና ስላልፈለግን የሚሆን ሳይሆን እንደ ድንገት የሚከሰት ምትሃታዊ ሀይል ነው።

(ከአንቺ ፍቅር እንደማይዘኝ ያጣጣልኩት እኔ አንቺን ያፈቀርኩበት የማይታመን ጊዜ)

(Unreal)
✍️ Bemni Alex

ከቴሌግራም መንደር ያገኘሁት አስተማሪ መልእክት!!
____
እናቴ ጎረቤታችንን ጨው እንዲያውሷት ስትጠይቅ ሰማኋት፡፡ እኔም በመገረም

"እናቴ በቤታችን እኮ በቂ ጨው አለ፤ ታድያ ለምን ጠየቅሻቸው"

አልኳት፡፡ እናቴም እንዲህ አለችኝ

"እነሱ ሁሌም የተለያዩ ነገሮችን ከኛ ይጠይቁናል፤ እንደምታውቀውም ድሀ ናቸው፡፡ ስለዚህ እኔም እነሱን ብዙ የማይጎዳ ነገር ለመጠየቅ አስቤ የመጣልኝ ነገር ጨው ነው፡፡

◆ይህን ያደረኩት እነሱ ላይ ጫና ለመፍጠር ሳይሆን፤ እኛም እንደምንፈልጋቸው እንዲሰማቸው ብዬ ነው፡፡ በዚህም የፈለጉትን ነገር እኛን ያለ ሀፍረት በቀላሉ መጠየቅ እንዲችሉ ያደርጋቸዋል ብዬ በማሰብ ነው፡፡"አለችኝ……

ካልሰማችሁ "Data is the future currency"። ሀገራት ከጊዜያት በኋላ የሚወዳደሩትም የሚገዳደሩትም ባላቸው dataset ይሆናል ማለት ነው። ለዚህም ሲባል ግዙፍ ኢኮኖሚ ያላቸው ትላልቅ ሀገራት የራሳቸውን " Data monopoly" ለመፍጠር የሚታገሉት።

ቻይና መሰረቱ አሜሪካ የሆነውን ፌስቡክ መጠቀም አትፈልግም ምክንያቱም ቻይናውያን ፌስቡክ ተጠቀሙ ማለት አሜሪካ በቻይና ፖለቲካም ሆነ ኢኮኖሚ ላይ አሻጥር መስራት ብትፈልግ የተጠቃሚዎችን interest በደንብ ስለምታውቅ ጉዳዩ ውሃ የመጠጣት ያክል ቀላል ነው።  ለእውነት የቀረበ የውሸት ዜና አቀነባብራ የቻይናውያንን ሀሳብ ማስቀየር ቻለች ማለት ነው።

ሌላው እነዚህ giant tech companies ትልቅ ኢኮኖሚ ያንቀሳቅሳሉ። ፌስቡክና ዩቲውብ ይከፍላል አይደል? (እኛን ሽጦ እኮ ነው 😃)
እነዚህ የሶሻል ሚድያ ፕላትፎርሞች የተጠቃሚዎችን ፍላጎት በየጊዜው ያጠናሉ። ምን እንደምንጠላ ምን እንደምንወድ ያውቃሉ።

ስለዚህ የኛን ፍላጎት ፍላጎታችን. ለሚፈልጉ በመሸጥ ሀብት ያካብታሉ። ለድሆች የሚሆን ምርትን መሸጥ ለፈለገ ድሆችን መርጦ ማሳየት፣ ለሴቶች መሸጥ ለሚፈልግ ሴቶችን ብቻ መስጠት ለነ ፌስቡክም ሆነ ቲክቶክ ቀላል ነው።

የሶሻል ሚድያዎች ስራ የማንኛውንም ግለሰብ አካውንት በደንብ በማጥናት የግለሰቡን ኮፒ ሰርቨራቸው ላይ መፍጠር ነው። ለምሳሌ የኔን ኮፒ መፍጠር ሲፈልጉ የምወደውን ምግብ፣ ሰው፣ የማየውን የፊልም አይነት፣ የሚመቸኝን የሰው ባህሪ፣ ጫማ፣ ልብስ እያለ ሁሉንም ነገሬን ከምሰጠው data እና ፕላትፎርሙ ላይ ባለኝ እንቅስቃሴ በመረዳት ጠንቅቀው ለመረዳት ይሞክራሉ። ያገኙትን ዳታ አቀነባብረው ስለኔ ያላቸውን መረዳት ያሻሽላሉ።

ቲክቶክ ተጠቃሚን በመረዳት ረገድ ከሌሎቹ የተሻለ algorithm አለው። ይህ ደግሞ ቻይናን የዳታ ባለሀብት የማድረግ ትልቅ አቅም አለው ማለት ነው። አሜሪካ በነ ጎግልና ፌስቡክ ስታደርገው የነበረውን ነገር ቻይና በቲክቶክ አሻሽላ ስትመጣ  ስጋት አድሮባታል። ቲክቶክ የአሜሪካውያንን ዳታ ያስቀመጥኩት እዛው አሜሪካ ቴክሳስ ነው ቢልም የሰርቨሩ back up ግን ሲንጋፖር መሆኑ ጋር ተደማምሮ ቲክቶክ ለአሜሪካ ስጋት ሆኖባታል።

Tiktok በአሜሪካ ባለፈው አመት(2024) ብቻ  12.34 ቢሊዮን ዶላር አትርፏል። በአንጻሩ ፌስቡክ በቻይና የተዘጋው 2009 ላይ ነበር። ሜታ በሌሎች ፕላትፎርሞቹ በ2013.49 ቢሊዮን ዶላር ማትረፍ ችሎ ነበር (businesses insider)

ድጂታላይዜሽን ከተለመደው የሀገራት import/export እና ሚሊተሪ አቅም ባለፈ ሌላ  መለካኪያ አምጥቷል እላችኋለሁ

© ብርሃን ነጋ
አብረሆት ላይብረሪ

በሕይወት ሕግ ሁሉም መገናኘቶች መለያየት እንዳላቸው ሳስብ ይዘገንነኛል ፤ እሷ ከኔ መለየት እንኳ ባትፈልግ የሆነ ቀን ሞት በተባለ ጨካኝ አረመኔ ወይ እሷ ወይ ደሞ እኔ እንወሰዳለን በቃ ሁሉ ነገር ግዜያዊ ነው

አቤት ሰው ግን ይህን እያወቀ እንዴት መልካም ማድረግ ይሳነዋል (የኔው ለኔ ጥያቄ ነበር )
እንደውም አንዳንዴ የሰው ልጅ ዘላለማዊነትን የሰነቀ ግዜያዊ ፍጡር ይመስለኛል

✍️ ሔኖክ

ፍቅረኛ ለመያዝ ቀና ልብ ይፈልጋል። ከዛ ደግሞ አስተዋይ መሆን አለብን። ምክንያቱም ዘው ብለን የምንገባው የሰው ህይወት ውስጥ ነው።

ስንወጣ ደግሞ የሰውን ልብ እና ቅስሙን ሰባብረን... ህይወቱን አመሰቃቅለን ... ስሜቱን ጎድተን ተስፋ አስቆርጠን ነው የምንወጣው።

ይህን ሁሉ በደል ከማድረሳችን በፊት እስክንበስል ፍቅረኛ አንያዝ።

- ይኸውልሽ ብለሽ ፍቅረኛሽን የመፈተን እድሜ ላይ ካለሽ ፍቅረኛ ይቅርብሽ።

ምን አድርጌ ላስደስተው ብሎ ከመጨነቅ ይልቅ ምን ብዬ ላስጨንቀው የምትይበት እድሜ ላይ ከሆንሽ ይቅርብሽ።

የእንትና ባል ለሷ እንዲ ያደርጋል አንተ ግን... ምናምን የሚል አስተሳሰብ ላይ ከሆንሽ ገና አልበሰልሽም።

ፍቅር ማለት ካፌ ለካፌ ሬስቶራንት ለሬስቶራንት መንከራተት መስሎ የሚሰማሽ ከሆነ በቃ ይቅርብሽ።

ፍቅሩን የገለፀልሽን ቴክስቶች ለሴት ጓደኞችሽ በማሳየት ብለሽ የማውራት ሞራል ላይ ከሆንሽ ይቅርብሽ።

- ይኸውልህ። ስለፍቅረኛህ ለጓደኞችህ መናገር የምታፍርበት ጊዜ ላይ ከሆንክ ተወው ፍቅረኛ አትያዝ።

ብለህ የምታወራበት እድሜ ላይ ካለህ አታፍቅር።

አውቀህ ስልክ አለማንሳት ... ሚስኮሎቿን ለጓደኞችህ ለማሳየት የምትጣጣር እድሜ ላይ ካለህ ይቅርብህ። ጊዜ ያለመስጠት ...

የማስቀናት... ሌላ ሴት የመደረብ ሞራል ላይ ከሆንክ ገና ስለሆንክ ፍቅረኛ አትያዝ።

ስንት ልቦች የተሰበሩት... ስንት ተስፋዎች የተቆረጡት ...ስንት ቤቶች የተዘጉት ... ስንት ህይወቶች የጠፉት በግዴለሽ ፍቅር ነው።

ፍቅርን ሁሉም ሰው ይፈልገዋል። የሰው ልጅ ሁሉ ይፈልገዋል። ግን በግዴለሽ አፍቃሪ ነን ባዮች አጥተውታል።


✨ሰው ሁን ከሰውም ሰው ሁን

ጥገኛን ተውና ታታሪውን አሳድገው!

የሆነ ጊዜ የዩናይትድ አረብ ኤመሬትስ መስራች ሼህ ረሺድን ኢንተርቪው አድርጌው ነበር። ስለነገዋ ዱባይ ስጠይቀው የሰጠኝ መልስ አስገርሞኝም አስደንቆኝም ነበር

ምን አለ?

"አያቴ ግመል ይጋልብ ነበር፣ አባቴም ግመል ይጋልብ ነበር፣ እኔ ደግሞ መርሰዲስ እየነዳሁ ነው። የኔ ልጅ ላንድሮቨር ይነዳል። የልጅ ልጄም እንደዚያው ላንድሮቨር ይነዳል። የልጅ ልጅ ልጄ ግን ግመል መጋለቡ አይቀሬ ነው!"

"ለምን ?"
ለምን ካልከኝማ!

"ክፉ ጊዜ ጠንካራ ሰዎችን ይፈጥራል። ጠንካራ ሰዎች ደግሞ ሁሉ ነገር ቀላል የሆነበትን ጊዜ ይፈጥራሉ።ቀላል ጊዜያት በተራቸው ደካማ ሰዎችን ይፈጥራሉ። ደካማ ሰዎች ደግሞ ክፉ ጊዜን መልሰው ያመጡታል። ብዙዎች አይገነዘቡት ይሆናል ፣ ነገር ግን ይህ እንዳይመጣ ታታሪዎችን ማሳደግ አለብን። ያ ሲሆን ጥገኞች አይፈጠሩም።"

By Melaku Berhanu

ለአንዳንዶቻችን ህይወት እቅፍ አበባ ይዛ አልጠበቀችንም...እሾኹ ነው የደረሰን።


ከ ተ ቀ ደ ደ ው ማስታወሻ
©ሶፊ

ነግሬሽ ነበር?

ደመና ቀን እንደማልወድ? ካፊያ እንደሚጨንቀኝ ፣ ዝናብ ድብርቴ እንደነበር? ደሞም ተራ ሁነት – ተጠልዬ ፣ ኮት ደርቤ የማሳልፈዉ።  

ይግረምህ ሲል ጥላ ጨብጠሽ ፥  ዝናብ ላይ አጊጠሽ ካየሁ ወዲህ ክረምት ናፋቂ ሆኛለሁ። 

ተስፋ አይሰንፍ .  .  . ሃምሌ መሃል ወለም ላለኝ ልብ — ይኀዉ ጥር መሃል እታሻለሁ።


.

@samuel_dereje

ነብስ የለኝም እዪኝ እስኪ
ስጋ ብቻ ትርኪ ምርኪ
አላውቅበት አለየሁም ፍቅርሽን ከጥላቻ
ጠዋት ማታ አንቺን ብቻ
ይኸው ዛሬም ሄደሽ አንኳ
ስመኝ አለው ያንቺን ታንኳ

✍ HENOK

ሌላ ሴት ልታገባ ያልክ ቀን እንኳ ብደውልልህ እሷን ትተህ እኔ ጋር ነው አይደል የምትመጣው? እለዋለሁ ሁሌ …. ፈገግ ብሎ ያየኝና “ደፋር ኮ ነሽ….ይለኛል።

ካለሁ ነገር ሁሉ እኔን አስበልጦ እንደሚወደኝ አውቃለሁ። ሲሳሳልኝ:ከራሱ ሲያስቀድመኝ: ሲጨነቅልኝ: ለኔ ሲኖር አይቻለሁ። ( በእርግጥ እንዲ ማለት ከባድ ይመስላል። እኔ ግን አይኑን ሳያርገበግብ : ይሄን ልጅ ግን ምን አስነክታው ነው እስኪባል የሚያውቁን ሁሉ እስኪገረሙ ድረስ ….ሳናድደዉ :ሳበሳጨው ችሎ በክፉ ቀናቶቼ ላይ ለደስታዬ ሲፈጋ: አብሮነታችንን ለማቆም ብዙ ሲለፋ አውቅ ነበር።)

ይመስለኛል የበዛ መውደዱ: የትም አይሄድም ብዬ እንዳስብ ለኛ እንዳልጨነቅና በተወዳጅነት ተኮፍሼ ለሚሰጠኝ መውደድና ክብር ትንሽ እንኳ አፀፌታን መስጠት የማልችል ሴት አደረገኝ።

ከዛ በአንዱ ቀን በትንሽ ነገር ተጋጨንና ….ሂድልኝ አልኩት። ለመነኝ:አስለመነኝ….ከቀልቤ መሆን ያልቻልኩት እኔ ግን ግድ አልሰጠኝምና ምንም እንደጎደለብኝ አልተሰማኝም። መሄዱ እንደሚያም: እንዴት እንደሚናፍቀኝ ለመረዳት ብዙ ረፈደብኝ።

ሄደ። ከዛ አልተመለሰም። ልመልሰዉ ሞከርኩ….መሄድ አለማምጄው ኖሮ መመለስ አቃተኝ።

እናማ አሁን የገፋሁት እኔ: ወዶኛል አይጠላኝም ያልኩት እኔ: በተራዬ እጅግ እየናፈቀኝ:እያመመኝ :እያስመሰልኩ አብሮነታችን ማክበር ያልቻልኩት እኔ … ሲያቅፈኝ ህይወት እንደሚቀለኝ: ችግሮቼን ችሎ ማሸነፍ ብቻን ያለማመደኝ እሱ እንደነበር:በጣም እንደሚናፍቀኝ :በጣም እንደማመሰግነው ያልነገርኩት እኔ የሄደበትን ቀን ሻማ እያበራሁ አከብራለሁ።

በስመአብ ጊዜው እንዴት ይሮጣል? አትመጣም በቃ?

By Ma Hi

💫ወግ ብቻ