Zemedkun Bekele (ዘመዴ)

👆⑥ ✍✍✍ "…አሁን በጎጃም የዐማራ ፋኖ በጎጃም በፋይናንስ በኩል መሠረታዊ ለውጥ ለማምጣት በሚል አስቀድሞ በእነ ማንችሎት የተያዘውን የፋይናንስ ቢሮ የአመራር ለውጥ አምጥቷል። በሶማሌላንድ በኩል የገባውና ከመቶ ሚልዮን ብር በላዩን አውድሟል ተብሎ ተገምግሞ ከድርጅቱ፣ ከተቋሙ እንዲገለል ከተደረገ በኋላ በጋዜጠኛ ተስፋዬ ወልደ ሥላሴ ደላላነት ከእነ ፓስተር ምስጋናው ስኳድ ጋር ተሞዳምደው እኔ ዘመዴ ጮቄ ሰገባ ተሯሩጠው የመለሱት ማንቼ እንኳ በድፍረት ከቁጢው አካባቢ እንዲርቅ ተደርጓል። በዐማራ ፋኖ በጎጃም ስም ተለምኖ፣ የጎጃም ዐማሮች ተዋግተው ያመጡትን የጦር መሳሪያ ለደቡብ ጎንደር ለጎጣቸው ያስታጥቃል ብለው የከሰሱትን ማንቼንም፣ የግንቦት ሰባቱን ጥላሁን አበጀንም ነው ከፋይናንሱ አካባቢ አርቀው ያስቀመጡት። ዶር አንዱዓለምን የገደሉት የደጉ ሻለቃ አባላት ናቸው አለ የብአዴን ብልፅግና ፎሊስ፣ ሻለቃዋ ደግሞ በኢንጅነር ማንችሎት ስር የነበረች ናት። ማንችሎት ደግሞ በጎጃም የጎንደር ስኳድ ነው የሚሉት። ፎሊስ ነፍሴ ሁለቱ አምልጠውን አንዱን ነፍሰ ገዳይ ፋኖ ይዘነዋል አለ። እንዴት? መቼ? የሚል የለም ብለው እኮ ነው። ወዲያው የአፋጎው አፈቀላጤ ፋኖ ማርሸት ፀሐዩ ወጥቶ በተመሳሳይ ሰዓት ሁለቱን ነፍሰ ገዳዮች ስንይዝ አንዱ አምልጦናል አለ። ኢማጂን አለ አጎቴ ሌኒን። ብልፅግና ያጣውን ፋኖ፣ ፋኖ ያጣውን ብልፅግና ያዙት ማለት ነው። እኔን የገረመኝ ነገር ግን ከአዝማሪዋ በቀር አብዛኛዎቹ የጎጃም ፋኖዎች የማርሸትን ዜና ሼር ሲያደርጉ አላየሁም። የሆነ ሰው ምስጢር አውጥቶ ይሆን እንዴ?

"…ለማንኛውም ጎጃም ጨክኗል ግን አቅም ይፈልጋል። በቅርቡ ራሱን ገምግሞ ወደ ቀደመ ገናና ክብሩ ይመለሳል ብዬ ተስፋ አደርጋለሁ። ወሎም በቅርቡ ወደ አንድነት በጉልበትም ቢሆን ይመጣል ብዬ ተስፋ አደርጋለሁ። ጣና ቲቪ ስኳድ፣ አቤ እስክስና ሀብትሽ ኮሎኔሉ፣ ኮሎኔሉ ኡኡ የሚሉት ወደው አይምሰላችሁ። ይሄን አጀንዳ ለማስቀየር ምንአልባትም ደግሞ የሆነ ስደተኛ ፋኖ አሳግተው ዘአማራ ተደፈረ፣ የእርስ በእርስ ጦርነት ልንገባ ነው ብለው የቲክቶክ መንጋውን ሊነዱት ይሞክሩ ይሆናል። ጎጃምም፣ ወሎም፣ ጎንደርና ሸዋም ሚዲያ ይፈልጋሉ። እሺ ሚዲያው ሁሉ ለምን በስኳድና በሸንጎ ስም እንደተጠለፈ አሁን ገባችሁ አይደል?

• ዐማራ ጦርነቱን በጊዜ ከክልሉ ያውጣ!
• የደከሙ አመራሮች ለተተኪ ቦታ ይልቀቁ!
• የነቀዙ አመራሮችም በሕግ ይዳኙ!
• የዐማራ አንድነት በውዴታ ሳይሆን በግዴታ ይምጣ!
• ዐማራ አጅንዳ ሰጪ እንጂ አጀንዳ ተቀባይ አይሁን!
• የተደበቃችሁ የዐማራ ኤሊቶች ወደፊት ውጡ!
• ተሰብሰብ ዐማራ፣ ምከር፣ ተወያይ፣ ወስን!
• ጊዜ የለህምና ፍጠን ዐማራ!

"…ወደብ ባይጠላም አሁን በወደብ ስም ከኤርትራ ጋር የሚከፈት ጦርነት ግን ዐማራን የሚመለከተው አይመስለኝም። ጦርነትም ካለ ጦርነቱ የሻአቢያ፣ የወያኔና የኦሮሙማው ጥቅሴ ነው ብዬ ስለማምን ነው እንዲህ ማለቴ። የተባበሩት መንግሥታትም፣ አማሪካም፣ እንግሊዝና ሌሎችም ኤርትራ እንድትነካባቸው የሚፈልጉ አይመስለኝም። ወያኔም የስስት ልጃቸው ነው። ኦሮሙማም ታዛዣቸው ነው። ዐማራ ነው ከመጣ አሸጋሪ የሚሆንባቸው። ኤርትራ ስትነካባቸው ከሻአቢያ ይልቅ እነ አቦይ ስባት ኢቆጣሉ። ይልቅ ዐማራ ምከር፣ ምከር፣ ምከር። ምከርና አንድነትህን አፍጥን ብዬ ነው እኔ በበኩሌ የምመክርህ። ወዳጄ ሄሮድስና ጲላጦስ በግል የተጣሉ ቢሆንም በጌታ ኢየሱስ ክርስቶስ ሞት ላይ ግን ስምም ነበሩ። የዐማራም ጉዳይ እንዲሁ ነው ባይ ነኝ። 3 ቱንም አላምናቸውም። ሀገር ለመመሥረት የሚታገሉ ቆሮቆንዳዎች ደርሰው ኢትዮጵያ ኢትዮጵያ ቢሉ የሚያምናቸው ካለ ለደንታው ነው። ቢያንስ ሦስቱም ትግል የጀመሩት ዐማራን ለማጥፋት ተማምለው እኮ ነው። ባንዳ ምናምን የሚልህን ቆሮቆንዳ በለው። ለነገሩ እንዲሁ አፌን ቢበላኝ እንጂ የድሮው ዐማራ አሁን ኢንጂሩ። ባንዲራ እያሳየህ በጥላሁን ዘፈን የምትማግደው ዐማራ የለም። ካለም ለደንታው ነው።  መጀመሪያ ራስህን አድን አባው… ሃአ…?

• እየኦፐላችሁ። 

• ለማሸነፍ ብቸኛው መፍትሄ የዐማራ አንድነት ብቻ ነው። ሌላ የለም። 

• ዘመዴ ሚዲያ እየመጣ ነው…!

• የባንዳና የሾተላይ መርዝ ይሽራል
• የባንዳና የሾተላይ እሾህም ይነቀላል
• የዐማራ ፋኖ በጎጃምም ከሕመሙ ይፈወሳል
• ዐማራም እንደ ሕዝብ ድል ያደርጋል።

~ • ይደፈርሳል… ግን ደግሞ ይጠራል…✊

•••

ሻሎም…!  ሰላም…!

ዘመድኩን በቀለ ነኝ።
አሸበርቲው/አስነቀልቲው
የካቲት 21/2017 ዓም
ከራየን ወንዝ ማዶ።

👆⑤ ✍✍✍ …እነ ጥልሚያኮስ አማኑኤል አብነት፣ እነ ከፍያለው ጌቱ፣ እነ አልማዝ ባለጭራዋ ወዘተ ኑሮአቸውን የሚገፉት እኮ ከዚህ ወንጀለኛ ስብስብ ተዘርፎ በሚወረወርላቸው ፍርፋሪ ነው። አክቲቪስት ሆነው ምሥራቅ ጎጃም ላይ የዶሮ እርባታ የጀመሩ ሁላ አሉ። ሕዝቡን በአጽሙ አስቀርተውት እነርሱ ከብረው የተቀመጡ ሁላ አሉ። የጄነራል አበባው ታደሰን እርሻ የሚጠብቅ ፋኖ፣ የጀነራሎቹን ሰሊጥ በኬሻ በማዳበሪያ ሞልቶ፣ መኪና ላይ ጭኖ ጥበቃ የሚያደርግ ፋኖ፣ ስታሊን እንዳለው ለብአዴን ባለሥልጣናት የጥበቃ፣ የጋርድነት አገልግሎት የሚሰጥ ፋኖ፣ አቶ ተመስገን ጥሩነህ ከሚያስቀምጠው አቅጣጫ ውጪ ዝንፍ የሚል ዘገባ የማይሠራ ጋዜጠኛ ተብዬ ሰካራም ኡጋንዳ ሲርመሰመስ ስታይ ዝብርቅርቁ ይወጣብሃል። ቅዥብርብር ነው የምትለው።

"…ባለፈው ጊዜ ጋዜጠኛ አቶ ምናላቸው ስማቸው የማርሸት አጎት ገንዘብ ሰጥቶት ነው ተብሎ ብቻውን የሳታላይት ካምፓኒ በዶላር ተከራይቶ፣ 24 ሰዓት ሙሉ ሙዚቃና እሽሽሽሽሽ የሚል ግዮን የሚል ቲቪ ከፍቶ እንደነበር ታስታውሳላችሁ። ከምር ይሄን ሁሉ ዶላር የማርሸት አጎት በአሜሪካ ኑሮ በቀላሉ አግኝተውት ነው የሚዘረግፉት? እንዲህ ያለአግባብ ምንም ጠብ የሚል ነገር ለማያመጣ ጉዳይ ዶላር መበተኑስ አስፈላጊ ነበር ወይ? በነፃ ሜዳ በመረጃ ቲቪ መጠቀም ሲቻል፣ ኡጋንዳ ያሉትን የተበጣጠሱ የጎጃም አክቲቪስቶች በተናጥል እየደጎሙ ዝባዝንኬ ከማስቸክቸክ ሰብሰብ አድርጎ አንድ ጠንካራ ሚዲያ እንዲከፍቱ ማድረግ ሲቻል ለአበበ እና ለከበደ የሳታላይት ቴሌቭዥን ተከራይቶ መስጠት መልካም ነው ወይ? እ…? መሬት ላይ ያለው ፋኖ ቅማል ወርሶት፣ ጫማ መቀየሪያ አጥቶ፣ ማርሸት አረቄውን ጥግብ ብሎ በፈለገው ሰዓት ወጥቶ "ዐማራ ጄኖሳይድ አልተፈጸመበትም" ብሎ ለጨፍጫፊ ወያኔና ኦሮሙማ ጥብቅና ቆሞ ብቻውን የሚዘባርቅበት ሚዲያ መክፈት አስፈላጊ ነበር ወይ? በእኔ በኩል ትክክል አይደለም ባይ ነኝ። ያው በቀደም ማርሸት በጻፈው ደብዳቤ ላይ የሆነ ፋኖ የዐፋጎን ንብረት ዘርፎን ኡጋንዳ ገብቷል እና ዕቁልን ያለውን ማስታወስ በቂ ነው።

"…እስክንድር ነጋ ለአጠቃላይ የዐማራ ፋኖ የተዋጣን ገንዘብ፣ ዶላር ላልተገባ ሕገወጥ ድርጊት የፈጸመውም በዚሁ የትግል ምዕራፍ ነው። ተለምኖ የመጣን ዶላር ፋኖ ካልገዛሁበት ብሎ ዶላሩን የበተነበት፣ እነ ሰሎሞን አጠናው ሳይቀር ትንሽ ብር ብናገኝ እኮ ፋኖን እንበትነዋለን በማለት በአደባባይ ሲናገሩ የሰማነውም በቅርብ እኮ ነው። እና እነዚህን ሆዳሞች፣ ስግብግቦች፣ በሕዝብ ነፃነት ላይ የሚቀልዱ ነውረኞችን አይደለም ዘርፈው ፍላጎታቸው ማሟለት፣ በፍቅረ ነዋይ ፆር የተወጉ በመሆናቸው ይህን የሚያውቀው ኦሮሙማው ብር እየከፈለ አያምሳቸውም ማለት ይቻላልን? አይቻልም። አርበኛ ፋኖ ምሬ ወዳጆን ለማስገደል ከመንግሥት ብር ተቀብሎ የወሎ ዐማራን ተቀላቅሎ በድሮን ለማስመታት የሞከረውና በዚያ የድሮን ጥቃት የጋዜጠኛ መዓዛ መሀመድ ወንድም የተገደለው 3ሺ የኢትዮጵያ ብር በተከፈለው አንድ የዐማራ ወጣት ባንዳ እኮ ነው። ምሬ ወዳጆ ትረፍ ሲለው ፈጣሪ አተረፈው እንጂ በ3 ሺ ብር መሪውን የሚያስበላ ትውልድ እኮ ነው የተፈጠረው። እናም አገዛዙ ትንንሾቹን በሺ ብር፣ ትልልቆቹን በሚልዮን ብሮች ባይደልል፣ ባይገዛ ምኑ ይገርማል? አዎ የዐማራ ፋኖ ትግል ከዚህ የባሰ ቅርቃር ውስጥ ከመውደቁ በፊት ዐማሮች ፉከራውን፣ መሽኮርመሙን፣ ይሉኝታውን ተወት አድርጉና መፍትሄ ፈልጉለት። ይገባኛል እኔ የማወራው፣ የምጽፈው ይመርራል፣ ግን ትፈወሱ ዘንድ ዋጡት።

"…በመተማ መስመር ያለው ዘረፋ። በደቡብ ጎንደር አሁን በዚህ ሰዓት እንኳ ብትደውሉ መኪኖች በፋኖ ተይዘው ቆመዋል። መኪኖቹ ወደ ባሕርዳር እንመለስ ቢሉ እንኳ አይሆንም ተብለዋል። አገዛዙ ያደራጃቸው ፋኖዎች ተሰማርተው ሕዝቡ ፋኖ የሚባል እንዳላይ እንዲል እያደረጉ ነው እያስመረሩት የሚገኙት። እውነቱን መነጋገር ይበጃል። በጎጃም ቤተሰቦቻቸው በፋኖ መሳይ ፈኖዎች የተረሸኑባቸው፣ የተገደሉባቸው ወጣቶች ለበቀል ሲሉ አድማ ብተናና ሚሊሻ በመሆን ፋኖን መበቀል ምርጫቸው ካደረጉት ቆዩ። በተለይ እነ ዘውዳለም፣ እነ ጥላሁን አበጀ፣ እነ አበጀ በለው የፋኖን ትግል ከፓስተሮቹ ጋር አንቀው ነው የያዙት። የዐማራ ፋኖ በጎጃምን በትክክል የሚመሩ፣ የክፍለጦር፣ የብርጌድ አመራሮች በሙሉ በሲስተም፣ በዘዴ ዕድገት በሚል ማታለያ ከሠራዊታቸው ነጥለው ወደ ላይ በመውሰድ እንዳይላወሱ አድርገው ነው የፊጥኝ አስረው ያስቀመጧቸው። ይሄ የተደረገው ደግሞ በፌክ ጦርነት እና በድሮን ጀግኖቹን መብላት እየተባነነበት በመምጣቱ ምክንያት ከብልፅግና ጋር ተመካክረው የሠራዊት መሪ ጀግና ታማኝ ታማኞቹን በዕድገት ሰበብ ወደ ሌላ ቦታ በማዘዋወር የቁም እስረኛ በማድረግ ነው። ይሄም ሊባነንበት ይገባል። ከዋሸሁ እቀጣለሁ። 👇⑤✍✍✍

👆④ ✍✍✍ …እንደ ልብ የትም እየተመላለሰም ነው ይላሉ። ባለፈው እስከዛሬ ተደባብቆ የቆየውን የዋድላ ደላንታን ኦፓል ለማውጣት በስሎቫኪያ ሰዎች ሲያስጠና የነበረውን ጨርሶ አሁን ከአገዛዙ ጋር መደራደር ከጀመረ ወራቶች አለፉ። ድርድሩ ደላንታ ነው የተባለው በምክንያት ነው ወዳጄ። ካልጠፋ ቦታ ደላንታ። በጎጃምም፣ በጎንደር ወልቃይትና በወሎ በማዕድኖቹ የተነሣ የሚራኮተው መብዛቱ ነው የሚናገረው። በኦሮሚያ ወለጋ፣ በጎጃም ቻይናዎች ሁላ ታገቱ በሚል ሰበብ ለማዕድን ምርመራ ተብለው እንደሚገቡ ነው የሚነገረው። ኦነግ ባለፈው ያዝኳቸው ያላቸውን ቻይናዎች ምን ሲያሠራ ከርሞ እንደለቀቃቸው የሚያውቅ ያውቀዋል ነው የሚሉት። ቬሁም ወደ ወሎ ሙስሊሟን ሲያም ይመርን ልኮ ነበር አሉ። የፌስቡኳ የወሎ ኅብረት አዝማች Atiqa Ahmedም ዋና ሽፋኗን በሃይማኖት ስም አድርጋ ነገር ግን ይሄንን ነበር የምትሠራው አሉኝ። ከሚድሮኩ ዶ/ር አረጋ ጋር እዚህ አውሮጳ አስጠርቶ የቡድን ሥራ ሁሉ ክፍፍል አሰጥቷል ነው የሚሉት እዚያው መሬት ኮሎኔሉ አጠገብ የሚገኙት የመረጃ ምንጮቼ። እሷም እዚሁ ነበረች። የወሎ ጎጠኛ በሙሉ ተሰብስቦ ተደልድሎ ተመርጧል። ኦፓልና ወርቅ ሊደልል ማለት ነው። እኔ ዘመዴን ከጎጠኛው የጎጃም ሥጋ ቆራጭ ጋር ሲሰድበኝ የሚውለው ወሃቢስቱ አቶ ሙሃመድ ሀሰን የሚባለው የፌስቡክ ማጅራት መቺም የዚሁ ቡድን አባል ነው አሉኝ። እሱ ራሱ እንዳወራው 25 ሺ ዶላር ነው አሉ በቅርቡ መሀመድ ሃሰን የነከሰው። ማሜ በኮምቦልቻ ምን እንደሠራ ይታወቃል። ሊስታቸው በሙሉ ሲታይ ይገርማሉ። እነ አቲቃ አህመድ እነ ሰይድ አህመድ፣ እነ በክሪ ያለው፣ እነ ጉርጥ እስማኤል ዳዉድ ሳይቀር፣ እነ ነጃት ወዘተ እና እጅግ የማከብራቸው ለምን እዚህ ቲም ውስጥ እንደገቡ ደውዬ አረጋግጬ ጓ የምልባቸው እናቶች ሁላ ናቸው ያሉበት። ኧረ በስመ ሥላሴ። ጉድ እኮ ነው።

"…ሼሁ ባለፈው ጊዜ አባቷ ያረፉት እነ ወሮ ማንትስ ደርብን፣ ዋነኛዋ ጎጠኛ ፕላስ የሆነች የወሎ ህብረቷን ተምር ሃሰንን ሁላ ጠሮቶ የሚድሮክ የጥቁር ገበያ አሻሻጭ የወሎ ባህልና ቱሪዝም ቢሮ አድሸርታይዘር ለመሆን አጭቶ አስቀምጧቸዋል ነው የሚሉት የመረጃ ምንጮቼ። የዚህ ሁሉ የቢዝነሱ ባለቤት ማን ናት? የተባለ እንደሆን Atiqa Ahmed ትባላለች አሉ። ዋና ደንገጡሮቿ ደሞ እነ ተምር ሃሰን የተባሉ ናቸው አሉ። አቲቃ ከሰሞኑ እዚህ አውሮጳ መጥታ ትላልቅ የማስታወቂያ Glamor ፖስተሮችን ተነሥታለች ነው የሚሉት። እዚሁ ብራሰልስ ዋተርሉ 1279 ስትሪት ላይ አፓርታማ ተከራይተውላቸው ሥራ ሊጀምሩ ነው አሉ። በፊት የኢትዮጵያ አየር መንገድ ንብረት የነበረው ቢሮ አሁን በአቲቃ አህመድ ስም በስጦታ ዞሮላታል አሉ። ወዳጄ ትኩስ የደም ኦፓል ከወሎ እየወጣ ለመሸቀል በጀውለሪ ሱቅም እየተፀዳ ነው አሉ። ምስኪኑ ዐማራ ግን ይሄንን ሴራ አያውቅም። የወሎ አንድነት የማይመጣው ለዚህ ነው። በጣም ከባድ ነው ወርቅና ኦፓል። በወሎ ኦፓል ዙሪያ ዋነኛው አሻሻጭ ደግሞ የፈረንሳይና የሊባኖስ ዜግነት ያለው የታወቀ የድንጋይ የአልማዝና የወርቅ ደላላ ነው ተብሏል። ሰውየው ከእነርሱ ጋር ሥራ ሊጀምር ወደ አውሮጳ ብራሰልስ "ዋተርሉ" ሊመጣ ነውም ተብሏል። በነገራችን  ላይ በወሎ ያለው ኦፓል ሙሉ በሙሉ ለሼሁ ተሰጥቷል። ለገደንቢ የነበረው ወርቅ ማምረቻ 40 ፐርሰንቱ በሳውዲ ስታር ቢዝነስ ስም ለሳውዲ ልዑላን ተሰጥቷል። ሽፋኑ ግን ሚድሮክ ነው።

"…የኢትዮጵያ ማዕድን ሚንስትሩ የጎጃሙ አገው ሸንጎ ኢንጂነር ሀፍታሙ ነው። ከእሱ በፊት የነበረው ደግሞ ኢንጂነር ታከለ ዑማ። ነገር ግን ባሳለፍነው ሳምንት እነ ታከለ ኡማ ለዚሁ ጉዳይ እዚሁ ቤልጂየም ብራስልስ ነበሩ። ባለፈው ደግሞ እነ በላይነህ ክንዴም እዚሁ አውሮጳ ያዩአቸው ቪዲዮ ቀርጸው ሁላ ልከውልኝ አይቻለሁ። የወሎው ኦፓል ዋና አንቀሳቃሾች ደግሞ ኢንጂነር ደምስ ፈንቴ የተባለ የደቡብ ወሎ የማዕድንና የተፈጥሮ ቢሮ ሓላፊ የሆነ ሰው ነውም ተብሏል። በጣም ተገረሙ እንግዲህ… ከዚህ ሁሉ ሴራ ጀርባ ማን ያለ ይመስላችኋል? ኮሎኔል ፋንታሁን ሙሃቤ፤ ኮሎኔል ፋንታሁን ለዚህ ካድሬ የቢሮ ሓላፊ ምኑ ቢሆኑ ጥሩ ነው። አጎቱ። አጎቱ ናቸው አሉ። እንግዲህ በዚህ መንገድ ነው የወሎ የከበረ ማዕድን በነ ፈንታሁን በኩል እየተመዘበረ የሚገኘው። ፋንትሽ አሁን ዋር ሎርድ ሆኖ በማያልቅ ጦርነት ስም፣ ከጀነራሎች፣ ከብአዴን ሰዎች ጋር እየተሞዳሞዱ፣ ሽፋንም እየተሰጠው ኦፓሉን እያወጡ ለመቸብቸብ ነው የታሰበው ተብሏል። ወገኖቼ ቀላል ቢዝነስ እንዳይመስላችሁ የታሰበው። እነ አቤ እስክስ፣ እነ የአፍራሳ ልጅ የሳተላይት ቴሌቭዥን እየተከፈለላቸው በወር 70 ሺ ዶላር ለቢሮና ለሠራተኛ ደሞዝ እየከፈሉ ድርቅ ብለው ወሎ አንድ እንዳይሆን የሚለፉት ለምን ይመስላችኋል? በወሎም አደገኛ ነገር ነው ያለው። ከባድ ነው አለ ተሸካሚ።

"…ይሄን ስኳር የለመደ ፋኖ ለምን ብሎ ነው አንድ የሚሆነው? ኬላ ላይ ቁጭ ብሎ ቀረጥ ሰብስቦ፣ በቀረጡ ብር ለታጋይ ፋኖዎቹ ምሳና ራት ጢቢኛ ገዝቶ እየሰጠ፣ ሕዝቡም ጦርነት ላይ ናቸው እንዲል በአክቲቪስቶቹ በኩል ሰበር ዜና እያስጮኸ ይኖራታል እንጂ ምን በወጣው ብሎ አንድ ይሆናል? ጦርነቱ በጊዜ ካለቀ ቀጭን ጌትነታቸው የሚቀርባቸው ጫካው ያከበራቸው፣ ቤተሶባቻቸውን አዲስ አበባ ልከው፣ ኡጋንዳ፣ ዱባይ ልከው በፋኖ ትግል ስም ፋኖን እየበጠበጡ የሚቀመጡ የትየለሌ ናቸው። ሁለት አድቫንቴጅ ይዘው ለአገዛዙም፣ ለራሳቸውም የሚሠሩ የትየለሌ ናቸው። አገዛዙም የሚደቀው ዐማራ ስለሆነ ደንታው አይደለም። እንደውም እሱ ራሱ ገንዘብ እየከፈለ ዐማራን እንዲያደቁለት ያደርጋል። በጎጃም እና በሸዋ መከላከያ ማዶ ቆሞ ቀረጥ ይቀርጣል። ፋኖ ደግሞ ማዶ ቆሞ ቀረጥ ይቀርጣል። አንዳንዴ ሲጋራ ሁላ ሊለኳኮሱ ይችላሉ። የእነ መከታው ቡድን ሰሜሸዋ ሸዋሮቢት አካባቢ ዋናው የአስፓልት መንገድ ላይ ነው የሚቆርጠው። ተስማምተው፣ ተግባብተው ነው የሚቀርጡት። የመካነ ሰላም ቀረጥ የተሰጠው ከጎጃም ተሰዶ ወሎ ለከተመው ለማስረሻ ሰጤ ነው። ማስረሻ ሰጤ የአባይ ድልድይ ላይ ኬላ ዘርግቶ መኪና ወደ ጎጃምና ጎንደር ሲሄድ በወሎ በኩል፣ ከጎጃምና ከጎንደር ወደ ወሎ ሲገባ ከድልድዩ ማዶ ኬላ ዘርግቶ በመኪና 15 ሺ እየለቀመ፣ በገንዘቡ ሙክት አርደው እየበሉ፣ ቢራ የለ ውስኪ እየጠጡ መድኃኒታቸውን ሰዓት ሳያሳልፉ እየዋጡ ዘና ብለው ይኖራሉ። ሴተኛ አዳሪ 60 ሺ ብር እየተገዛ እንዴት ብለው ነው ወደ መስመር የሚገቡት? አይገቡም። ወደ አንድነት ገቡ ማለት የነዳጅ ጉድጓዱን እንደመድፈን ይቆጠራል። የመተማ መስመር፣ ጃዊ፣ ጎጃም፣ የሕዳሴው ግድብ፣ ደቡብ ወሎ እንዲህ በቀላሉ አይሆንም። ባለሀብቶች ሁላ የራሳቸው ፋኖ እኮ ነው ያስታጠቁት። መድኃኔዓለም ይሁነነ።

"…እነዚህ ማፍያ የፋኖ መዋቅሮች፣ የኦነግና የወያኔ መዋቅሮች ከሚዘርፉት ገንዘብ ላይ ደግሞ ኡጋንዳና አሜሪካ ድረስ በዶላር መንዝረው ለሚዲያዎች እና ለገመድ አፍ አክቲቪስቶች ይከፍላሉ። የእነ በላይነህ ሰጣርጌን ፈለግ፣ ዱካ ተከትላችሁ ስትሄዱ በቀጥታ ምንጩን ታገኙታላችሁ። የጎንደር ስኳድ፣ የወሎ አገው ሸኔንና የጎጃሙን አገው ሸኔ ፍጥጥ ብሎ ነው የምታገኙት። ወዳጆቼ በፋኖ የትግል ስም ከፍተኛ የገንዘብ አጠባ በሰፊው እየተካሄደ ነው። እነ ሥጋ ቆራጭ የሸበሉ፣ እነ እናቱን እንደሚስት አግብቶ ሲደበድብ ከርሞ በኡጋንዳ ወጥቶ ካናዳ የገባው ብዬ ስጽፍበት ሰሞኑን እልም ብሎ ድራሽ አባቱ የጠፋው የካናዳው ነውረኛው ኢያሱ፣ እነ ጥልሚያኮስ… 👇 ④ ✍✍✍