የሰለፍያ ደዕዋ በቻግኒالدعوة السلفية فى مدينة الشاغنى

👉 የስህተት ማስተካከያ

በመጀመሪያ ጫፍ የወጣ የመብት ረገጣ የሚለው ፁሑፍ ዝም ብሎ በችኮላ ወይም ስም ለማጥፋት ተፈልጎ የተፃፈ ሳይሆን ችግሩ ከተከሰተበት ጊዜ ጀምሮ 11 የሚሆኑ ወንድሞች በሓራ ከተማ ፖሊስ ጣቤያ እንደታሰሩና እነሸይኽ ሙሐመድ ሓያት ደግሞ በቀጥታ ወደ ወልዲያ ማረሚያ ቤት እንደ ተወሰዱ ከምናምናቸው ወንድሞች የተነገረን ሲሆን በማግስቱ ደግሞ ሊጠይቋቸው በሄዱ ሰዎች አማካይነት ተሰማ በተባለው መረጃ ጉዳያቸው ከ10 ቀን በኋላ ይታያል እንደተባሉ ነበር ።
ይህ መረጃ እስከዛሬው ሚያዚያ 17/2017 ጫፍ የወጣ የመብት ረገጣ የሚለው ፁሑፍ ከመፃፌ በፊት ለማረጋገጥ እስከ ጠየቅሁበት ድረስ የነበረ ነው ። ይሁን እንጂ ወደ ማምሻ አካባቢ ይኸው መረጃ ባደረሱኝ ወንድሞች ተቃራኒ የሆነ ነገር ደረሰኝ ። ይኸውም እነሸይኽ ሙሐመድ ሓያት መጀመሪያ ሓራ ፖሊስ ጣቢያ እንደገቡና ወዲያው ፖሊስ ፍ/ቤት አቅርቧቸው ለምርመራ ተጨማሪ ጊዜ ጠይቆ ፍ/ቤቱ 10 ቀን እንደሰጠና ጣቢያ ቦታ ስለሌለ በሚል ማረሚያ ቤት ተወሰዱ የሚል ነው ።
የመጀመሪያው መረጃና ሁለተኛው መረጃ ፍፁም የተለያዩ ሲሆኑ የመጀመሪያው የተሳሳተ ነበር ማለት ነው ። በመሆኑም በፁሑፉ ላይ የተላለፈው መልእክት የተሳሳተ ነበር ። ለዚህ የተሳሳተ መረጃ በራሴና መረጃውን ባደረሱኝ ወንድሞች ስም ልባዊ ይቅርታ እጠይቃለሁ ። መሳሳት የሰው ልጅ ባህሪ ሲሆን የሚጠላው በስህተት መቀጠል ነው ። ተሳስቶ ከስህተት መመለስ ውርደት ሳይሆን እውቀት መሆኑን ማወቅ ጥሩ ነው ።
የተፈጠረው ስህተት መሆኑን ከገለፅኩኝ በኋላ ፁሑፉን አጥፍቼዋለሁ ። መልእክቱን ያጋራችሁ በሙሉ እንድታጠፉትና እርማቱን እንድታጋሩ በአላህ ስም እጠይቃለሁ ።
በመቀጠል ራሴንና ወንድሞቼን ማስታወስ የምወደው መረጃ መስጠት ምስክርነት ስለሆነ የምንሰጠው መረጃ ውሸት ሆነ ማለት የውሸት ምስክርነት ነው ማለት ነው የሰጠነው ።‼
የውሸት ምስክርነት በኢስላም ያለው ቦታ በነብዩ ምላስ በጣም አስፈሪ በሆነ ሁኔታ ተነግሮናል ። በመሆኑም አንድ መረጃ ከመስጠታችን በፊት በጣም እርግጠኛ መሆን እንዳለብንና ባልሆነው ነገር በፍፁም መረጃ መስጠት እንደሌለብን ሳስታውስ የተሳሳተ መረጃ ለነብዩ ደርሷቸው በንፁሃን ላይ ጦር ማዝመታቸውን ለሚያውቅ ሰው የተሳሳተ መረጃ አደጋ ምን ያክል እንደሆነና ለመዋሸት የማይፈልግ ሰውም የተሳሳተ መረጃ ሊሰጥና እሱን አምኖ ሌሎችም ሊሳሳቱ እንደሚችሉ ማወቅ አይከብደውም ።
አሁንም በድጋሚ ለተፈጠረው ስህተት ልባዊ ይቅርታ እጠይቃለሁ ።

https://t.me/bahruteka

📌የአህባሹን ዘመን አስታዎሰኝ

ያኔ ቻግኒ መተከል ሸይኽ ከማል አፍሬ
(هداه الله وسدده) ላይ ቂረአት ስንቀራ በአህባሾች ሴራ ደረሶች ተበተኑ።

ሴራው እንዲህ ነበር ከደረሶች አምስት ደረሶች ገደማን አሳሰሩ ከታሰሩትም መካከል አቡል አባስ የኢብኑ ሙነወር ወዳጅ ይገኝበታል።

የሚገርመኝና የሚያዛዝነኝ ነገር  እነ ኢብኑ ሙነወር ያን ጠንካራ አቋም ቀይረው ዛሬ የመጅሊስ አጋፋሪ መሆናቸው ነው።

ያኔ የአህባሹ መጅሊስ ግን ሸይኹን አላሰረም ነበር ዛሬ ግን....።

በዚያ ምክኒያት ከደርስ የተቋረጡ ተስፋ የቆረጡ ብዙ ደረሶች ነበሩ።

ዛሬ ላይ የኢኽዋኑ ጥምር መጅሊስ አካሄድ ከአህባሹ ግዜ እጅጉን የከፋ እረምጃዎችን እየተራመደ ይገኛል።

ለምሳሌ፦ በየሀገሩ ለተውሂድ ዳዕዋ ደፋ ቀና የሚሉትን ወንድሞች፣ኡስታዞችንና መሻይኾችን ማሸማቀቅ፣ ማሳደድና ማሳሰርን ተያይዞታል። ሁሉም ያልፋል ትዝታም ይሆናል።

✒️አቡ ፊርደውስ

https://t.me/abdu_somed
https://t.me/abdu_somed

✅ የሐራ ሰለፍዮች የድሉን ጉዞ ጀምራችኋል ቀጥሉ

በየትኛውም የሀገሪቱ ክፍል ያላችሁ ሰለፍዮች ከኢኽዋኖች ጋር በሚደረገው ትግል አሸናፊ የምትሆኑት በትእግስትና በሰላማዊ መንገድ ነው ። የሰላም አካሄድ ለሰለፍዮች የድል መቀዳጃና ትርፋማ ነው ። ለኢኽዋን ደግሞ ሽንፈትና ኪሳራ ነው ። ምክንያቱም ኢኽዋኖች ሰለፍዮችን እናሸንፋለን ብለው የሚያስቡት በሚሰሩት ድራማ ማኖ እንዲነኩላቸው በማድረግ ነው ። ሰለፍዮች ይህን ቀመራቸውን ተረድተው የሚለኩሱትን እሳት ሳያራግቡት ሲተውት ይጠፋል ። የዚህን ጊዜ ኢኽዋኖች ይከስራሉም ይሸነፋሉም ።
አሁንም ሓራ ላይ የተሞከረው ይኸው ነበር ። ሁኔታውን ወንድሞች ሲነግሩን ኢኽዋኖች የሓራ ሶፋ መስጂድ ጀማዓ ( ሰለፍዮች) የሓራ ሳይሆን የሀገር ስጋት እንደሆነና መስጂድ ሳይሆን የጦር መሳሪያ ማከማቻ እንደሆነ ፣ ሸይኽ ሙሐመድና ባልደረቦቻቸው ኪታብ የሚያስቀሩ የሸሪዓ እውቀት ባልተቤቶች ሳይሆኑ የጦር ጄኔራሎችና በኪታብ ማስቀራት ሺፋን ሽብርተኛን የሚያሰለጥኑ እንደሆኑና በፍጥነት ካልተወገዱ ሀገርን ስጋት ላይ የሚጥሉ ተደርጎ ተስሎላቸው ነው የሚመስለው ይላሉ ። ምክንያቱም ኪታብ የሚያስቀራ ሸይኽና ኪታብ የሚቀራ ደረሳና ኪታብ እንጂ የሌለበት መስጂድ በመከላከያ ሊከበብ አይችልምና ።
ሁከት እንኳን ቢነሳ ሶስት አራት ፖሊስ በቀላሉ ሁኔታውን መቆጣጠር ስለሚችል ። ነገር ግን የኢኽዋኖች ይህ አካሄድ ወጣቱን ስሜታዊ አድርጎ አላስፈላጊ እንቅስቃሴ ውስጥ እንዲገባ ስለሚያደርገው የዛን ጊዜ አሸናፊና አትራፊ እንሆናለን የሚል ስሌት ተሰልቶበት የነበረ ለመሆኑ ብዙ ማሳያዎች ነበሩ ።
ነገር ግን የሓራው የሰላም አምባሳደር ሸይኽ ሙሐመድ ሐያት ከሱስና ከአጓጉል ልምድ እንዲሁም ከባእድ አምልኮ አውጥተው በተውሒድና ሱና አንፀው ከሁከትና ብጥብጥ ኪሳራ እንጂ ትርፍ እንደለሌ አስርፀው ይህ ደግሞ የሰለፍዮች ሳይሆን የኢኽዋኖች አካሄድ መሆኑን አስተምረው ኮትኩተውና ተንከባክበው ያሳደጉት ወጣት ምንነቱን አሁን አሳይቷል ።
የሓራ መስጂድ ጀማዓ ከሩቅ እንደሚሳለው ሳይሆን የሰላም ተምሳሌትነቱን በማስመስከሩ የሀገር ትልቅ ሀላፊነት ያለበት መከላከያ ሰራዊት ታዝቦ ትቷቸው ሄዷል ።
በሸይኽ ሙሐመድ ሐያት ተርቢያ የታነፀው ወጣት መልከጥፉን በስም ይደግፉ እንደሚሉት ሰላማዊ ሰልፍ በሚሉት የጥፋት ሰልፍ የማይሳተፍ ፣ ከሱስና ከአጉል ልማድ የራቀ ፣ በሀገር ልማት ላይ ከማንም በፊት ቀድሞ የሚገኝ ፣ ቁጭ ብሎ በምኞት ድህነትን ሳይሆን በመስራት መክበርን መርጦ ታታሪ ለመሆኑ ከወዳጅ በፊት ጠላት ይመሰክርለታል ። ይህ እውነታ ዛሬ ኢኽዋኖች በኡኡታ የጠሩዋቸው የመንግስት አካላት በአካል አይተውታል ።
በመሆኑም የሓራ ሰለፍዮች የጀመራችሁት በሰላም የማሸነፍ ጉዞ ቀጥሉበት ። መሻኢኾችን በማሳሰርና ደረሶችን በመበተን ተውሒድና ሱናን እንገታለን ብሎ ማሰብ ቂልነት ነው ። ተውሒድና ሱና እንኳን ሸይኽ ሙሐመድ ሐያት ታስረው አይደለም ነብዩም ሞተው አልተገታም ። አሁንም ድሉ የሰለፍዮች ነው ። ሰለፍዮች ቢታሰሩም ፣ ቢገረፉም ፣ ቢገደሉም አትራፊና አሸናፊዮች ናቸው ። ምክንያቱም ሐቅ ላይ ስለሆኑና ሐቅ ደግሞ ሁሌም አሸናፊ ስለሆነ ነው ።
ኢኽዋኖች ድካማችሁ ከንቱ ነው በቁጭታችሁ ሙቱ !!! ሰለፍዮች ድሉ የናንተ ነው በርቱ !!! ።

https://telegram.me/bahruteka

👉 ለሽርክና ቢዳዓ እውቅና ለተውሒድና ሱና ንፍግና

የመጅሊሱን ስልጣን እንያዝ ብቻ ከዛ በኋላ ሽርክና ቢዳዓን እናጠፋለን ተውሒድና ሱናን የበላይ እናደርጋለን የሚል ዲስኩር እየለፈፉ ወጣቱን ሲያደነቁሩ የነበሩ ኢኽዋኖች የመጅሊስ ወንበር ላይ ሲወጡ ተገለበጡ ። የቀድመዎቹ ኢኽዋኖችና አዲሶቹ ( ነሲሓዎች ) በአሁኑ ጊዜ ትልቁ ስራቸው የተውሒድና ሱናን ዳዕዋ ማጨናገፍ አድርገዋል ።
ለሽርክና ቢዳዓ እውቅና የሚሰጡት የመጅሊስ አመራሮች ለተውሒድና ሱና እንዴት ተደርጎ እያሉ ነው ። ወንድና ሴት ተደባልቆ የሽርክ አይነትና ቢዳዓ እንዲሁም የተለያዩ ወንጀሎች የሚሰሩበትን መውሊድ የፈለገ ያክብር ይላሉ ። ይህ የመጅሊሱ መርህ ነው ብለው እያወጁ ሰዎች ከተለያየ ክ/ሀገር ወደ ሚፈልገው ቀብር አምልኮ እየሄደ ሞቶ አፈር የሆነን የሙታን መንፈስ እያመለከ አፈር በጥብጦ የሚጠጣበትን ፣ በቀብሩ ዙሪያ ጠዋፍ የሚያደርግበትን ፣ ጭንቁን ለበሰበሰው ሰጋና አጥንት የሚነግርበትን ፣ ሴቷ ዘር ፍለጋ ብላ ሄዳ እርሶ ጋር መጥቼ ምን አጣሁ ብላ የምታለቅስበትን ፣ አብዛኛው ሙስሊም ማህበረሰብ ጭንቁን ፣ መከራውን ፣ ማጣቱን ፣ መራብ መጠማቱን ተንበርክኮ እየተንሰቀሰቀ ለሙታኖች የሚነግርበትን የኩፍርና ሽርክ ተግባርን እያበረታቱ ተውሒድና ሱናን መዋጋቱ እንደ ድል እየቆጠሩት ነው ።
በተለያዩ ቦታዎች የሚዘጋጁ የተውሒድና ሱናን ዳዕዋ ለማስቆም አብዛኛዎች የመጅሊስ አመራሮች የሌላ እምነት ተከታይ ፖሊሶችን ይልካሉ ። ከሚላኩት ፖሊሶች እንደሰማነው በጣም ነው የሚሰማን ግን ምን እናድርግ ከናንተው የመጅሊስ አመራሮች ለሀላፊዮቻችን መመሪያ ተሰጥቶ ተልከን ነው ይላሉ ። ተመልከቱ ይህ የመጅሊስ አመራሮች ተግባር በሌላ እምነት ተከታይ የፀጥታ ሰዎች ዘንድ እንኳን ትዝብትን አትርፏል ።
ሄዳችሁ እንዲህ የሚባል ቦታ ላይ መስጂድ ውስጥ ተሰባስበው ቁርኣንና ሐዲስን የሚሰሙትን በትኑ አስተባባሪዮችን እሰሩ እያሉ መመሪያ ይሰጣሉ ። አብዛኞቻቸው መጀመሪያውኑ ጥላቻ ስለሚኖርባቸው አጋጣሚውን ቂማቸውን ለመወጣት ይጠቀሙበታል ። ጤነኛ አመለካከት ያላቸውና አካሄዱ ኢህገመንግስታዊ ነው ብለው የሚያምኑት ደግሞ በነገሩ ይበሽቃሉ ። እኛ ምንም ማድረግ አንችልም ታዘን ነው እባካችሁን ተረዱን ይላሉ ። በጣም ጥቂት የሆኑ የተጣለባቸውን የህዝብ አደራና ህገመንግስቱ ለዜጎች የሰጠው የእምነት ነፃነትን እንደመመሪያ አድርገው የሚያዩ ሀላፊዮች ደግሞ የመጅሊስ አመራሮችን ትእዛዝ ከልኩ ያለፈና ገደቡን የጣሰ በማለት ውድቅ አድርገው ሙስሊሙ ማህበረሰብ እምነቱ የሚያስተምረውን በነፃነት እንዲከታተል ያደርጋሉ ። ለዚህ አይነቱ አስገራሚ አቋም እንደምሳሌ የአሊቾ ወረዳና የሌራ ወረዳ የፀጥታ ሀላፊዮች እንደምሳሌ ይጠቀሳሉ ።
ከላይ ሆነው በድል አድራጊነት የልብሳቸውን ቁልፍ እየከፈቱ የሚንጠራሩት የኢኽዋንና ነሲሓ ጥምር የመጅሊስ አመራሮች ግን ነገ አላህ ፊት ራቁት ቆሞ መመርመር እንዳለ የሰሙ አይመስሉም ። በአላህ ቤቶች ላይ የአላህ ስም ከፍ ተደርጎ እንዳይወሳ ከመከልከል የበለጠ ምን በደል አለ ።
« وَمَنْ أَظْلَمُ مِمَّن مَّنَعَ مَسَاجِدَ اللَّهِ أَن يُذْكَرَ فِيهَا اسْمُهُ وَسَعَىٰ فِي خَرَابِهَا ۚ أُولَٰئِكَ مَا كَانَ لَهُمْ أَن يَدْخُلُوهَا إِلَّا خَائِفِينَ ۚ لَهُمْ فِي الدُّنْيَا خِزْيٌ وَلَهُمْ فِي الْآخِرَةِ عَذَابٌ عَظِيمٌ »
البقرة ( 114)
" የአላህንም መስጊዶች በውስጣቸው ስሙ እንዳይወሳ ከከለከለና እርሷንም በማበላሸት ከሮጠ ሰው ይበልጥ በዳይ ማነው? እነዚያ ፈሪዎች ኾነው እንጂ ለእነርሱ በቅርቢቱ ዓለም ውርደት አላቸው ፡፡ ለነርሱም በመጨረሻይቱ አገር ታላቅ ቅጣት አላቸው " ፡፡

እነዚህ ተውሒድና ሱናን የሚዋጉት የመጅሊስ አመራሮች በየክ/ሀገሩ ያሉ ሰዎችን አላህን ከማምለክ አውጥተው ራሳቸውን ወደ ማምለክ የሚጠሩትን ህገመንግስቱ የሰውን ገንዘብ ያለአግባብ መብላትና በሰዎች ላይ ፍርሃትና ሽብር መንዛት ስለሆነ ወንጀል ነው ብሎ የወንጀለኛ መቅጫ ህግ ያስቀመጠለትን የጠንቋዮች ተግባርን ጭምር እውቅና የሚሰጡና ማንም ተሰብስቦ የፈለገውን ቢያደርግ የማይከለክሉ ናቸው ። ‼
በጣም የሚያሳፍረውና መልስ ያልተገኘለት ሀገሪቷ የምትመራው በመጅሊሶች መተደዳደሪያ ደንብ ነው ወይስ በህገ መንግስቱ የሚለው ነው ። በኢሀዲግ ዘመን የመጅሊስ አመራሮች እኛ ኢሀዲግ ነው ያስቀመጠን እሱ ያዘዘንን ነው የምናስፈፅመው ይሉ ነበር ። አሁን ደግሞ አብዛኛዎች በትላልቅ የስልጣን ደረጃ ላይ ያሉ የመንግስት አመራሮች ህገመንግስቱ ለዜጎች ያረጋገጠውን የዜግነት መብት ሲጠየቁ መጅሊሱ እንዳትፈቅዱ ብሎናል አንሰማም ይላሉ ። !!! አንሰማም ማለት ብቻ አይደለም ፍትህ በጎደለው የመጅሊስ አመራሮች በሚያስተላልፉላቸው ትእዛዝ ዜጎችን ያንገላታሉ ያስፈራራሉ ያስራሉ ። የዚህ አይነቱ እየተስፋፋ የመጣው የመብት ጥሰት ሀገሪቷ ወጥ የሆነ መንግስታዊ መመሪያ የሌላት እያስመሰላትና ሁሉም ለየክልሉ ለየዞኑና ወረዳው ያሻውን መመሪያ በማውጣት የበላይ የሌለበት መንግስት የሆነ እያስመሰለው ነው ።
አሁንም ለማስታወስ የምፈልገው የዶ/ር አብይ አስገራሚና ነገር ግን እየተናፈቀ የቀረ ንግግርን ነው ። ዶ/ር አብይ ከወልቂጤ ማህበረሰብ ጋር ውይይት ባደረጉበት ጊዜ አንድ አባት የኔ ስጋት እርሶ እላይ ኖት ታች የሚሰራውን እንዴት ያውቃሉ የሚለው ነው ሲሏቸው
" የመጣሁት ከታች ስለሆነ የማላውቀው ነገር አይኖርም ስጋት አይግባዎት " የሚል ነበር ። ታዲያ ዛሬ ዶ/ር አብይ እየመሩት ያለው የብልፅግና አመራር ከላይ እስከታች ምን እየሰራ እንዳለ ያውቁ ይሆን የሚለው የብዙዎች ጥያቄ ነው ።
ከመጅሊስ አመራሮች ጋር መሰረታዊ ልዩነት አለን እያልን ሰሚ ልናጣ አይገባም ። የመጅሊስ አመራሮች የሙስሊሞች የሆነውን ተቋም በቁርኣንና ሐዲስ በሰለፎች ግንዛቤ ከመሩት አንድ እንሆናለን ካልሆ ግን ልዩነታችን አንተም ተው አንተም ተው የሚባልበት አይደለም መሰረታዊ ነው ። የኛ ጥያቄ መጅሊሱን እኛ እንምራው አይደለም ። እናንተም በመንገዳችሁ እኛም በመንገዳችን በመብታችን አትግቡ ነው ። እንደሀገር በህገ መንግስቱ እንደሙስሊም በቁርኣንና ሐዲስ በቀደምት ደጋጎች ግንዛቤ ነው የምንመራው ። ይህን መብታችንን የሚረግጥ የትኛውንም አካል አንቀበልም ።
ስለዚህ ዜጎችን በእኩልነት ልታገለግሉ በየደረጃው የተቀመጣችሁ የመንግስት ተቋም ሀላፊዮች የተጣለባችሁን አደራ ተወጡ ስልጣንን ለግልና ለቡድን አመለካከት ማስፈፀሚያ አታድርጉ እንላለን ።

https://telegram.me/bahruteka

👉 የሓራ ሰለፍዮች በሶብር ታገዙ

የአሕባሽና ኢኽዋኑ ጥምር የመጅሊስ አመራር የተዋጣለት ድራማ ሰርቶ የሐራ ሶፋ መስጂድ ኢማም ሸይኽ ሙሐመድ ሓያትን ጨምሮ ኮሚቴዎችን እንዳሳሰረና ደረሶችን እንዳስጫነ ሰምተናል ። የዚህ ድራማ አካሄድ የወረዳው መጅሊስ ሰብሳቢ ለሶፋ መስጂድ ኻዲሞች ሮብ ተገኝታችሁ መስጂዱንና የመስጂዱን ንብረት እንድታስረክቡ የሚል ደብዳቤ በመሀተምና ፊርማ አስደግፎ ፅፎ ለቀበሌው መጅሊስ ሰብሳቢ ልኮ ደብዳቤው የደረሰው ሰብሳቢ ይመለከታቸዋል ለሚላቸው በማህበራዊ ገፃቸው እንደላከና ከሳአታት በኋላ ተመቷል የሚል ወሬ የተሰማ መሆኑ ነው ።
በዚህን ጊዜ የመንግስ የፀታ ሀይል ገብቶ ሸይኽ ሙሐመድንና ኻዲሞችን በቁጥጥር ስር አውሎ ደረሶችን እንዳስወጣ ነው የሰማነው ።
በመሆኑም የሐራ ሰለፍዮች ከስሜታዊነት በመውጣት በሶብር መታገዝ ግድ ይላችኋል ። ከዚህ በኋላም የሚወሰዱ እርምጃዎች ሊኖሩ ይችላሉ ። ምክንያቱም የኢኽዋኖችን አካሄድ እናውቀዋለን ። ስሙን ለሰው አወረሰው እንደሚሉት የእነርሱን ማንነት በሰለፍዮች ላይ በመለጠፍ ለመንግስት ሰለፍዮች የሀገር ስጋት እንደሆኑ አድርገው ስለሚያቀርቡና የመንግስት አካላት ከሰላምና ፀጥታ አንፃር ስለሚያዩት በተለይ ደግሞ አሁን ያለው የሰሜኑ ክፍል ሁኔታ ለሌሎች የስጋት ሀይሎች በር እንዳይከፍት ለጊዜው ስጋቱን ለመቅረፍ መፍትሄ የሚሉትን እርምጃ ሊወስዱ ይችላሉ ። ከዚህ ውስጥ አሁን የወሰዱት እርምጃ አይነት ። በዚህን ጊዜ ኢኽዋኖች ባዘጋጁት ወጥመድ ዘሎ መግባት ሳይሆን ነገሮችን በሰከነ ሁኔታ ማየትና ማሳለፍ ያስፈልጋል ።
እውነትና ንጋት እያደር ግልፅ ይሆናልና አብሽሩ ተረጋጉ በማንኛውም እንቅስቃሴ የእውቀት ባልተቤት የሆኑ ዑለሞችን አማክሩ ። የኢኽዋንን ተልእኮ ለማስፈፀም በመካከላችሁ ሰርጎ ገብቶ ለሰለፍያና ሰለፍዮች ያሰበ መስሎ ወደ ሌላ አቅጣጫ እንድትሄዱ የሚያደርግን ነቅታችሁ ጠብቁ ።
አላህ ሐቅንና የሐቅ ባልተቤቶችን ይረዳል ።

https://telegram.me/bahruteka