ክርስቶስ ምን አለ ?

ሮሜ 5
⁶ ገና ደካሞች ሳለን ክርስቶስ ዘመኑ ሲደርስ ስለ ኃጢአተኞች ሞቶአልና።
⁷ ስለ ጻድቅ የሚሞት በጭንቅ ይገኛልና፤ ስለ ቸር ሰው ግን ሊሞት እንኳ የሚደፍር ምናልባት ይገኝ ይሆናል።
⁸ ነገር ግን ገና ኃጢአተኞች ሳለን ክርስቶስ ስለ እኛ ሞቶአልና እግዚአብሔር ለእኛ ያለውን የራሱን ፍቅር ያስረዳል።
⁹ ይልቁንስ እንግዲህ አሁን በደሙ ከጸደቅን በእርሱ ከቍጣው እንድናለን።
¹⁰ ጠላቶች ሳለን ከእግዚአብሔር ጋር በልጁ ሞት ከታረቅን፥ ይልቁንም ከታረቅን በኋላ በሕይወቱ እንድናለን፤
¹¹ ይህም ብቻ አይደለም፥ ነገር ግን አሁን መታረቁን ባገኘንበት በጌታችን በኢየሱስ ክርስቶስ በኩል በእግዚአብሔር ደግሞ እንመካለን።

@Mkc1933
@Mkc1933

እርሱ ከሰማይ እዚህ ድረስ የመጣው
እኛ ከዚህ ሰማይ ድርስ እንድንሄድ ነው !
መሄድ ብቻ አይደለም ክርስቶስ ከሰማይ ወደ ምድር የመጣው ስለ እኛ ለመረገም ነው!
“በእንጨት የሚሰቀል ሁሉ የተረገመ ነው ተብሎ ተጽፎአልና ክርስቶስ ስለ እኛ እርግማን ሆኖ ከሕግ እርግማን ዋጀን፤” (ገላትያ 3፥13)
እኛም ሰማይ የሄድነው ለመባረክ ነው
“በክርስቶስ በሰማያዊ ስፍራ በመንፈሳዊ በረከት ሁሉ የባረከን የጌታችን የኢየሱስ ክርስቶስ አምላክና አባት ይባረክ።” (ኤፌሶን 1፥3)

ከእኔ አብ ይበልጣል

ብዙ አርዮሳውያን ሆነ ሙስሊም ወገኖቻችን ይህንን ጥቅስ መሠረት አድርገው ኢየሱስ ፍጡር ነው ከአብ ያንሳል ይሉናል። እስኪ እንቃኘው!

“የምትወዱኝስ ብትሆኑ ከእኔ አብ #ይበልጣልና ወደ አብ በመሄዴ ደስ ባላችሁ ነበር።”
— ዮሐንስ 14፥28

ክርስትና አንድ አምላክ ብቻ መኖሩን ቢያስተምርም ይህ አንዱ አምለክ ሦስት አካላት እንዳሉት ስለሚያስተምር በነዚህ አካላት መካከል የሥራ ድርሻ (function) ወይም የደረጃ (rank) ብልጫ ሊኖር ይችላል፡፡ ይህ በእግዚአብሔር በራሱ ሕላዌ ውስጥ የሚገኝ እንጂ ከእርሱ ውጪ የሚገኝ ባለመሆኑ በሥላሴነት ከሚኖረው ከአንዱ አምላክ ውጪ የሚገኝ አካል ብልጫ እንዳለው እስካልተነገረ ድረስ ምንም የሚፈጥረው ችግር የለም፡፡ በነዚህ ቦታዎች የተጠቀሰው μείζων(ሜይዞን) የሚለው የግሪክ ቃል ደረጃን እንጂ የግድ የባሕርይ ብልጫን የሚያመለክት አይደለም፡፡

ማሳያ አንድ፦ “እውነት እላችኋለሁ፤ ከሴት ከተወለዱት መካከል እንደ መጥምቁ ዮሐንስ ያለ አልተነሣም፤ ሆኖም በመንግሥተ ሰማያት ከሁሉ የሚያንሰው #ይበልጠዋልμείζων[ሜይዞን]።
— ማቴዎስ 11፥11
ይህ ማለት በመንግሥተ ሰማይ ያለው አካል በባሕርይ ይበልጠዋል ማለትም በመንግሥተ ሰማይ ያለው ፈጣሪ ዮሐንስ ፍጡር ነው ማለት ማለት አይደለም። ሁለቱም ፍጡሮች ናቸውና ነገር ግን በሥራ ድርሻ የደረጃ ብልጫን ነው የሚያሳየው።

ማሳያ ሁለት፦“እውነት እላችኋለሁ፤ በእኔ የሚያምን እኔ የማደርገውን ሥራ ይሠራል፤ እንዲያውም እኔ ወደ አብ ስለምሄድ፣ ከእነዚህም #የሚበልጥ ሜይዞን[μείζων] ያደርጋል።”
— ዮሐንስ 14፥12
ይህም ማለት እኛ በባሕሪያችን ከክርስቶስ እንበልጣለን ማለት አይደለም።

በአጭሩ አንድ አካል ከሌላው በሥራ ድርሻ፣ በሥልጣን ወይም በደረጃ ይበልጣል ማለት የባሕርይ ብልጫ አለው ማለት እንዳልሆነ ልብ ሊባል ይገባል፡፡ ለምሳሌ ያህል የአንድ አገር መሪ በሥራ ድርሻ፣ በሥልጣንም ሆነ በደረጃ በስሩ ከሚተዳደሩት ዜጎች ይበልጣል፡፡ ይህ ማለት ግን እንደ ሰው ያለው ዋጋ (Value) ከማንም ይበልጣል ማለት አይደለም፡፡ ባል የቤተሰብ ራስ እንደመሆኑ መጠን ከላይ በተጠቀሱት መንገዶች ከሚስቱ ሊበልጥ ይችላል ነገር ግን ወንድ እንደ ሰውነቱ ከሴት ይበልጣል ወይም ሴት ከወንድ ታንሳለች ማለት ግን አይደለም፡፡ የግሪክ አዲስ ኪዳን የባሕርይ ብልጫን ለማመልከት “ዲያፎሮስ”[διάφορος] የሚል ሌላ ቃል የሚጠቀም ሲሆን ጌታችን ኢየሱስ ክርስቶስ በባሕርዩ ከመላእክት የላቀ መሆኑን ለማመልከት ዕብራውያን 1፡4 ላይ ጥቅም ላይ ውሏል፡፡

ከመላእክት ይልቅ እጅግ የሚበልጥ ስምን በወረሰ መጠን እንዲሁ ከእነርሱ አብዝቶ #ይበልጣል[διαφορώτερον]።
— ዕብራውያን 1፥4

በሥላሴ አካላት መካከል የሚገኘውን ግንኙነት ለማመልከት ግን ይህ ቃል ጥቅም ላይ ውሎ አናገኝም፡፡ ስለዚህ በመጽሐፍ ቅዱስ ውስጥ አብ ከወልድ መብለጡ መነገሩ የመለኮታዊ ባሕርይ ብልጫን ሳይሆን የሥራ ክፍፍልን እና ወልድ ሥጋን በመልበስ መለኮታዊ ክብሩን ትቶ ወደ ምድር እንደመምጣቱ መጠን (ፈልጵስዩስ 2፡5-11) የደረጃ ብልጫን ብቻ የሚያመለክት በመሆኑ የኢየሱስን አምላካዊ ባሕርይ ከአብ የሚያሳንስ አይደለም፡፡
@mkc1933
@mkc1933

💡 የራሳችሁ አይደላችሁም 💡

" ወይስ ሥጋችሁ ከእግዚአብሔር የተቀበላችሁት በእናንተ የሚኖረው የመንፈስ ቅዱስ ቤተ መቅደስ እንደ ሆነ አታውቁምን? በዋጋ ተገዝታችኋልና ለራሳችሁ አይደላችሁም፤ ስለዚህ በሥጋችሁ እግዚአብሔርን አክብሩ።
(1ኛ ወደ ቆሮንቶስ ሰዎች 6:19-20)

እኛ ክርስቲያኖች ዳግም ስንወለድ ከከንቱ የአባቶቻችን ኑሮ ክቡር እና ቅዱስ በሆነው #በክርስቶስ #ደም ተገዝተን ነው ስለዚህ እግዚአብሔር በጣም ትልቅ እና በአይምሮ በማይገመት ዋጋ አውጥቶ የራሱ አድርጎናል የራሱ ስለሆንንም የራሱ የመንፈስ ቅዱስ ማደሪያ አድርጎናል ስለዚህ እንደ ሌሎች በራሳችን ላይ የፈለግነውን የማድረግ #ስልጣን #የለንም ምክንያቱም #የራሳችን #አይደለንም የራሳችን ለመሆን ብንፈልግ እንኳ የተከፈለብንን ዋጋ መክፈል አለብን የክርስቶስን የደም ዋጋ የሚያክል ደግሞ አናገኝም
(❗️የኢየሱስ ደም የኢየሱስ ሕይወት ነው መጽሐፍ ሲናገር የሥጋ ሕይወቱ በደሙ ውስጥ ነው ይላል❗️)
ስለዚህ በራሳችን ላይ የምናደርጋቸው ውሳኔውች በሙሉ በእኛ የሚያድረውን እግዚአብሔርን ማክበር አለበት፡፡

እንደ ፈጥረታዊ ሰው በራስ አይምሮ ብቻ ከሚመራ ሕይወት መውጣት አለብን ይልቁን "በእግዚአብሔር መንፈስ የሚመሩ እነዚህ የእግዚአብሔር ልጆች ይባላሉ" ቃሉ እንደሚል ለውሳኔዎቻችን በውስጣችን ያለውን የመንፈስ ቅዱስን ፍቃድ ማወቅ አለብን የድርጊቶቻችን ግብ እግዚአብሔርን ያከብራል ወይስ አያከብርም ነው መሆን ያለበት ምክንያት? አሁንም ደግሜ እላለው የራሳችን አይደለንም ስለዚህ? በሥጋችን እግዚአብሔርን እናክብር።

ስለዚህ እንደ እግዚአብሔር ፍቃድ ለመኖር የገዛንን የራሱ ያደረገንን እንዲሁ መቅደሱ አድርጎ በእኛ ያደረውን የሕያው እግዚአብሔር የመንፈስ ቅዱስን ፍቃድ እየተከተልን መኖር ነው እርሱ እንዲመራን ከፈቀድንለት እግዚአብሔር አብዝቶ ክብሩን እና ሕልውናውን የሚገልጥበት ቤተመቅደስ እንሆናለን።

#ጸሎት
እግዚአብሔር አባት ሆይ አመሰግንሃለሁ አንተ በልጅህ በኢየሱስ ደም ገዝተህ የራስህ አድርገኸኛል
የቅዱስ የመንፈስህም ማደሪያ ቤተመቅደስ አድርገኸኛል እኔ የራሴ አይደለሁም፡፡
ያንተ ሆኜ ሳለሁ በራሴ ሥጋ ፍቃድ አንተን በማያከብር ስለተጉዋዝኳቸው ጉዞዎቼ ይቅር በለኝ በደሌ በኢየሱስ ደም እጠበው ከእንግዲህ በመንፈስህ በመመራት ላንተ ክብር መኖር እፈልጋለው በውስጤ ያለው ቅዱሱ መንፈስህ ይምራኝ ልጅህን ኢየሱስንም በሕይወቴ ያክብረው አባት ሆይ ስለሰማኸኝ በውድ በልጅህ በኢየሱስ ስም አመሰግንናሃለው አሜን።

ተባረኩ!
@mkc1933
@mkc1933
@mkc1933
@mkc1933

. #አምሮን_ማንቃት
👇

የኢየሱስን ምሳሌ መማር
Jesus Model

- #ኢየሱስ የእግዚአብሔር ጥበብ ነበር 1ኛ ቆሮ 1፡24 
- #ኢየሱስ የእግዚአብሔርን ቃል ያውቃል  ሉቃ24፡27  
- #ኢየሱስ የተናገረውን ኖረ የሐን14፡28-31
- #ኢየሱስ የሁሉም አገልጋይ ነበር ፊልጵስዩስ 2: 5-8
- #ኢየሱስ ሕይወቱን ለሌሎች ለመሠዋት ፈቃደኛ ነበር የሐን 3፡16
- #ኢየሱስ እውነት ነበር እናም ለመናገር አልፈራም የሐን14፡6
-  #ኢየሱስ ለሰው ልጆች የማያቋርጥ ፍቅር ነበረው   የሐን17፡22-23  

✍ @ashezuker

Channel @mkc1933

ሕይወት መንፈሳዊ ነዉ።/Life is spiritual./

....አስተውሉ ፊተኛው አዳምና ረዳቱ የነበረችው ሔዋን በእግዚአብሔር ኤደን በገን የነበሩበት ጊዜ በሕይወት የነበሩበት ጊዜ ነበር: ከጨርቅ ወይም ከቆዳ የተሰራ ልብስ አይለብሱም ነበር ነገር ግን እራቁትነት አይሰማቸውም ነበር፤ በዚያ ስራ ነበር ድካም ግን አልነበረም፤ ይመሽና ይነጋም ነበር ፍርሃት እና ሃዘን ግን አልነበረም! ምክንያቱም የሕይወት ምንጭ ከሆነው መንፈስ ጋር ተስማምተው የነበሩበት ጊዜ ስለነበር ነዉ። የእግዚአብሔርን ትዕዛዝ በተላለፉ ጊዜ ግን ወድያው እራቁቱነት፤ ፍርሃት፤ የበደለኝነት ስሜት በኃላም ድካም፤ ላብ፤ ስቃይ፤ ሕመም መጡባቸው! ምክንያቱም የሕይወት ምንጭ ከሆነው መንፈስ ባለመታዘዝ ስለተለያዩ እና ስለሞቱ ነው።

የሕይወት ምንጭ እግዚአብሔር ነዉ። እግዚአብሔር ደግሞ መንፈስ ነዉ። ከእግዚአብሔር የተለየ ሕይወትን እየኖረ አይደለም! በድካም በላብ እና በስቃይ ነው የሚኖረው: የሕይወት ምንጭ ከሆነው መንፈስ የተስማማ ግን በሕይወት ይኖራል። አያችሁ ሕይወት መንፈሳዊ ነዉ:እውነተኛ እረፍት፤ ሐሴት ፤ጤንነት ፤ ነጻነት፤ ስኬት ሁሉ መንፈሳዊ ነዉ። መንፈስ ቅዱስ ያልረዳው ስጋ ለባሽ ሕይወትን መኖር አይችልም: ምክንያቱም ሕይወት መንፈሳዊ ነዉ።

ሰው ሕይወትን መኖር የሚጀምረው ከእግዚአብሔር ጋር ሲሆን ነዉ።
ህይወት ትርጉም የምያገኘው በኢየሱስ ብቻ ነው፡፡

@mkc1933

#ኢየሱስ_ክርስቶስን የምትወደው ከሆነ ፤ #ኢየሱስ_ለአንተ መኪና ፣ ቤት ፣ አውሮፕላን ፣ መርከብ ወይም ባቡር አይደለም የሚገዛልህ ፤ #ኢየሱስ_ክርስቶስን ስቶደው ፥ #በእግዚአብሔር_አብ ትወደዳለህ ፥ #ኢየሱስ_ክርስቶስ እርሱ እራሱ ይወድሃል ፥ እራሱንም ይገልጥልሃል።

“የሚወደኝንም አባቴ ይወደዋል እኔም እወደዋለሁ ራሴንም እገልጥለታለሁ።”
— ዮሐንስ 14፥21

✍ @mkc1933

📖 እግዚአብ#ሔር እንዲህ ይላል 📖


ማንም። #እግዚአብሔርን እወዳለሁ እያለ #ወንድሙን_ቢጠላ ሐሰተኛ ነው፤ ያየውን ወንድሙን የማይወድ ያላየውን #እግዚአብሔርን_ሊወደው እንዴት ይችላል? እግዚአብሔርንም የሚወድ ወንድሙን ደግሞ እንዲወድ #ይህች_ትእዛዝ ከእርሱ አለችን።

#1ኛ የዮሐንስ መልእክት 4:20-21