Kal Family

ነገር ሰሩበት፡፡ ንጉሡም ይህንን ያረጋግጥ ዘንድ ከጭፍሮቹ አንዱን በድብቅ ይከታተል ዘንድ ወደ አባ በርሱማ ላከው፡፡ ያም የተላከው አባ በርሱማን ከቀድሞው የተለየ ሆኖ ስላላገኘው ሄዶ ለንጉሡ ነገረው፡፡ ንጉሡም አባ በርሱማን ወደ እርሱ አስመጥቶ ባየው ጊዜ በሁሉም ነገር እንደቀድሞው ሆኖ ቢያገኘው ዳግመኛም ታላቅ ክብርን አከበረውና ወደቦታው መለሰው፡፡
መናፍቁ ንጉሥ መርቅያን የኬልቄዶንን ጉባኤ በሰበሰበ ጊዜ የንጉሡ አማካሪዎች አባ በርሱማን እንዳያስመጣ ንጉሡን መከሩት፡፡ ምክንያቱም ጉባኤያቸው የሐሰትና የክህደት ስለሆነ አባ በርሱማም ንጉሡን ሳይፈራና ሳያፍር ለሰው ፊትም ሳያደላ ተከራክሮ ረቶ እንደሚያሳፍራቸው ስለሚያውቁ ነው፡፡ እነርሱም የክብርን ባለቤት አንዱን ክርስቶስ ኢየሱስን ወደ ሁለት የከፋፈሉበት ይህ ጉባኤያቸው በተፈጸመ ጊዜ የከበረ አባ በርሱማ ተጣላቸው፡፡ በመንቀፍና ቃላቸውንም በመሻር አወገዛቸው፡፡ እነርሱም ወንጅለው በጽሑፍ አድርገው ወደ ንጉሡ ከሰሱት፡፡ ንጉሡም አባ በርሱማን ወደ እርሱ አስመጣው ነገር ግን በላዩ ያደረ የመንፈስ ቅዱስ ጸጋ ስላለ ሊቃወመው አልቻለም፡፡ በዚህም ጊዜ አባ በርሱማ በሊቁ በቅዱስ ዲዮስቆሮስ ላይ ስላደረገችው የክፋት ሥራና ግፍ ንግሥቲቱን ረገማት፡፡ እርሷም ጥቂት ጊዜ ቆይታ በክፉ አሟሟት ሞተች፡፡
ከዚህም በኋላ መናፍ*ቃኑ አባ በርሱማን የሚቃወመት ሆኑ፡፡ ምእመናን ሁሉ እንዳይታዘዙለት በአገሮች ሁሉ ጽፈው ላኩ፡፡ ነገር ግን ሕዝቡ አልተቀበላቸውም ነበር፡፡ ዳግመኛም አባ በርሱማን በጎዳና ሸምቀው ይገድሉት ዘንድ 200 መናፍ*ቃን ሰዎች ከመናፍ*ቃን ኤጲስቆጶሳት ጋር ተስማሙ፡፡ በአንድነት ወደ ቤተ ክርስቲያን እንዲሄዱ ጠየቁትና አብረው ሲጓዙ በመንገድ ላይ ሳሉ ሁሉም ትላልቅ ድንጋዮችን አንስተው በአባ በርሱማ ላይ ጣሉ ነገር ግን ድንጋዮቹ በተአምራት ወደራሳቸው ወደ ወርዋሪዎቹ እየተመለሱ ብዙዎቹን አቆሰሉ፡፡ በዚህም ጊዜ በፍርሃት ከእርሱ ሸሹ፡፡
ከዚህም በኋላ እግዚአብሔር አባ በርሱማን ከዚህ ዓለም ሊወስደው በወደደ ጊዜ መልአኩን ወደ እርሱ ልኮ ከ4 ቀን በኋላ ከዚህ ዓለም ድካም እንደሚያርፍ ነገረው፡፡ በዚህም ጊዜ አባ በርሱማ በዙሪያው ወዳሉ አገሮች ሁሉ ምእመናንን ያጽናና መልእክትም ያደርስ ዘንድ ረድኡን ላከው፡፡ ረድኡም ሲዞር የከበረች የመጥምቁ ዮሐንስ ራስ ወደምትኖርበት ቦታ ደረሰና እጅ ነሣት፡፡ እርሱም በዚያ ስለ ከሃዲው ንጉሥ መርቅያን እያለቀሰ ሲለምን ከመጥምቁ ዮሐንስ ራስ ‹‹አባ በርሱማ ወደ እግዚአብሔር ስለከሰሰው ያ ከሃዲ መርቅያን ሙቷልና አትፍራ›› የሚል ቃል ወጣ፡፡ ረድኡም ይህን ሲሰማ እጅግ ደስ ብሎት መልእክቱን አድርሶ ምእመናንን አጽናንቶ ወደ አባቱ ዘንድ ተመለሰ፡፡ አባ በርሱማም ረድኡን ባረከውና በዚህች ዕለት በሰላም ዐረፈ፡፡ ከበዓቱም ደጃፍ ከምድር እስከ ሰማይ የሚደርስ የብርሃን ምሰሶ ተተክሎ ታየ፡፡ ምእመናንም ሁሉ ይህንን ከሩቅ አይተው ወደ እርሱ መጡ፡፡ እርሱንም ዐርፎ አገኙትና ከሥጋው ተባረኩ፡፡ ከእነርሱም ስለመለየቱ እጅግ አዘኑ፡፡
የአባ በርሱማ ረድኤት በረከቱ ይደርብን በጸሎቱ ይማረን!
ከገድላት አንደበት
✞ ✞ ✞
(የቅዱሳን ገድላቸውን ተአምራታቸውን በየቀኑ በቴሌግራም ቻናል በኩልም ይከታተሉ።

አንድ አምላክ በሚሆን በአብ በወልድ በመንፈስ ቅዱስ ስም አሜን
የካቲት 9-ሰማዕቱ ቅዱስ ጳውሎስ ሶሪያዊ ዕረፍቱ ነው፡፡ ይኸውም ከሃድያን ይዘው ምላሱን በመቁረጥ፣ በእሳት በማቃጠል፣ የብረት ችንካሮችን በእሳት አግለው በአፉና በጆሮዎቹ የቸነከሩበትና በመጨረሻውም አንገቱን የሰየፉት ታላቅ ሰማዕት ነው፡፡
+ በሶርያ አገር ላሉ መነኮሳት ሁሉ አባት የሆነ ታላቁ አባ በርሱማ ዐረፈ፡፡ እርሱም እንደ ኢያሱ ፀሐይን ገዝቶ ያቆመ፣ ዝናብንም በጸሎቱ ያዘነበ ነው፡፡ ንስጥሮስን ካወገዙትና ሃይማኖታችንን ከጠበቁልን አባቶች አንዱ ሲሆን ከሃድያን በክፋታቸው አሠቃይተውታል፡፡ በድንጋይም ወግረው ሊገድሉት ቢሉ የወረወሩት ድንጋይ ወደ ራሳቸው ወደ ወርዋሪዎቹ የሚመለስ ሆነ፡፡
+አቡነ እስትንፋሰ ክርስቶስ የመነኮሱበት በዓል ነው፣፡
ሰማዕቱ ቅዱስ ጳውሎስ ዘሶርያ፡- ወላጆቹ በሶርያና በእስክንድርያ የሚኖሩ ሀብታም ነጋዴዎች ነበሩ፡፡ እነርሱም በጣም ብዙ ገንዘብ ትተውለት ሞቱ፡፡ በወቅቱ ከሃዲያን ነገሥታትና መኳንንት በክርስቶስ ያመኑትን ሁሉ እያሠቃዩ እንሚገድሏቸው በሰማ ጊዜ ተነሥቶ ገንዘቡን ሁሉ ለድኆችና ለጦም አዳሪዎች በመመጽወት መንገዱን ይመራው ዘንድ ወደ ጌታችን ጸለየ፡፡
ጌታችንም መልአኩ ቅዱስ ሱርያልን ላከለትና ስለ ስሙ የሚደርስበትን ጽኑ መከራና ሥቃይ በመጨረሻም የክብር አክሊልን እንደሚቀዳጅ ነገረው፡፡ ቅዱስ ጳውሎስ ወዲያው ተነሥቶ ወደ እንዴና ከተማ ሄዶ በከሃዲው መኰንን ፊት ስለ ጌታችን ክብር መሰከረ፡፡ መኰንኑም ይዞ ራቁቱን አሠቃቂ ግፍርፋትን ካስገረፈው በኋላ በእሳት እንዲያቃጥሉት አዘዘ፡፡ እንዳዘዘውም ቅዱሱን በእሳት ለበለቡት፡፡ በሌላም ጊዜ መኰንኑ ቅዱስ ጳውሎስን ከእሥር ቤት አውጥቶ ለጣዖቱ እንዲሠዋ በማባበል ብዙ ገንዘብ አመጣለት፡፡ ቅዱስ ጳውሎስም ‹‹ወላጆቼ ሲሞቱ ያወረሱኝን ብዙ የወርቅ ወቄት ሽጨ ለድኆች መጽውቼ በጌታዬ ስም የታመንኩ ሰው እንዴት ወደተናቀ ያንተ ገንዘብ እመለሳለሁ›› በማለት የረከሱ ጣዖታቱንም ጨምሮ ረገመበት፡፡ መኰንኑም በዚህ ጊዜ እጅግ ተናዶ የብረት ችንካሮች በእሳት አግሎ በአፉና በጆሮዎቹ ቸነከረበት፡፡ አሁንም መልአኩ ቅዱስ ሱርያል መጥቶ ከሕማሙ ሁሉ ፈወሰው፡፡ ዳግመኛም መኮንኑ መርዛማ እባቦችን በላዩ ሰደዱበት ነገር ግን እባቦቹ አልነኩትም፡፡ ከዚህም በኋላ ቅዱስ ጳውሎስ እየመሰከረና በሚያደርጋቸው ተአምራትም ብዙዎችን ስላሳመነ እንዳይናገር ብለው ምላሱን ቆረጡት፤ ነገር ግን ጌታችን አዳነው፡፡ በመጨረሻም መኰንኑ ከእንዴና ወደ እስክንድርያ ወስዶት በዚያ ብዙ ካሠቃየው በኋላ ራሱን በሰይፍ አስቆረጠው፡፡ ቅዱስ ጳውሎስም አስቀድሞ መልአኩ ቅዱስ ሱርያል እንደነገረው ሰማዕትነቱን በድል ፈጽሞ የክብር አክልን ተቀዳጀ፡፡ ዕረፍቱም የካቲት 9 ሆነ፡፡ ከሥጋውም ብዙ ድንቅ የሆኑ ተአምራት ተገልጠው ታዩ፡፡ ረድኤት በረከቱ ይደርብን በጸሎቱ ይማረን!
+ + +
አባ በርሱማ፡- የዚኽም ወላጆቹ ሳሚሳጥ ከሚባል አገር የተገኙ ናቸው፡፡ በአንድ ዋሻ ውስጥ የሚኖር አንድ ደገኛ ጻድቅ አባ በርሱማ ከመወለዱ አስቀድሞ ስለ እርሱ ለአባቱ ትንቢት ነገረው፡፡ ‹‹የትሩፋቱ ዜና በሶርያ አገር ሁሉ የሚሰማ ጣዕም ያለው ፍሬ ከአንተ ይወጣል›› በማለት የሚሆነውን ሁሉ አስረዳው፡፡
አባ በርሱማ በተወለደ ጊዜ እግዚአብሔርን ወደማወቅ ሲመጣ ከወላጆቹ ሸሽቶ ወደ ኤፍራጥስ ወንዝ ደርሶ በዚያ ስሙ አብርሃም ከሚባል ሰው ዘንድ ተቀመጠ፡፡ እርሱም ወላጆቹን ስለፈራ ከዚያ ገዳም ሰደደውና አባ በርሱማ ሄዶ በአንድ ዓለት ውስጥ ገብቶ በታላቅ ተጋድሎ መኖር ጀመረ፡፡ ከትሩፋት ተጋድሎውም ብዛት የተነሣ ዜናው በሶርያ አገር ሁሉ ተሰማ፡፡ ብዙ ደቀመዛሙርትም ወደ እርሱ ተሰበሰቡ፡፡ ነገር ግን በዚያ ቦታ ላይ ያለው ውኃ እጅግ መራራ ነበር፡፡ አባ በርሱማም ደቀ መዛሙርቱ በተሰበሰቡ ጊዜ በውኃው ላይ ጸልዮ እጅግ መራራ የነበረውን ውኃ ለውጦ ግሩም ጣዕም ያለው አደረገው፡፡ እግዚአብሔር ሌሎች ድንቅ ድንቅ የሆኑ ተአምራትን በአባ በርሱማ እጅ አደረገ፡፡ በአንዲትም ዕለት ከደቀ መዛሙርቱ ጋር ከበዓቱ ርቆ ሳለ የፀሐይ መግቢያ ሰዓት ደረሰ፡፡ አባ በርሱማም ወደ ጌታችን በጸለየ ጊዜ ወደ በዓቱ እስኪደርስ ድረስ ፀሐይ ቆመችለት፡፡
በሌላም ጊዜ እንዲህ ሆነ፡- ረዓም የምትባል አገር ነበረች፡፡ ሰዎቿም ከሃዲዎች ናቸው፡፡ በላያቸውም ዝናብ የተከለከለ ሆነ፡፡ በተጨነቁም ጊዜ ወደ አባ በርሱማ መጥተው ለመኑት፡፡ እርሱም ስለ ክህደታቸው ገሠጻቸውና ‹‹በእግዚአብሔር ብታምኑ ዝናብን ያዘንብላችኋል›› አላቸው፡፡ እነርሱም ‹‹አሁን በአንተ ጸሎት ዝናብ ካዘነበልን እናምንበታለን›› አሉት፡፡ አባ በርሱማም ወደ ጌታችን በጸለየ ጊዜ ለእነዚያ ሰዎች ወዲያው ዘነበላቸው፡፡ እነርሱም በጌታችን አመኑ፡፡ እንደዚሁም ሰዎቿ ከሃድያን የሆኑ ሌላ አገረ ነበረች፡፡ አባ በርሱማ ወደ እነዚህ ሰዎች ሄዶ በቃሉ ትምህርትና በተአምራቱ እግዚአብሔርን ወደማወቅ መለሳቸው፡፡ የጣዖቶቻቸውንም ቤቶች አፈረሰ፡፡
አባ በርሱማ የጸሎት ቦታ አዘጋጅቶ በዚያ ሳይቀመጥ 54 ዓመት ቆሞ በተጋድሎ ኖረ፡፡ በደከመውም ጊዜ ግድግዳ ተደግፎ ያንቀላፋል እንጂ አልተቀመጠም፡፡ በየሰባት ቀኑም ይጾማል፡፡ የከበረ አባ ስምዖን ዘዓምድ የዚህን የአባ በርሱማን ዜና ሰምቶ ሊያየውና ሊባረክ ስለወደደ መልእክተኛ ላከበት፡፡ ይኸውም እጅግ የከበሩ አባ ስምዖን ዘዓምድ ሰውነታቸውን እጅግ ከመጉዳታቸው የተነሣ ሊጎበኟቸው የሚመጡት ቅዱሳን የሞቱ ይመስላቸው ነበር፡፡ የክርስቶስን መታሰርና መቸንከር አስበው ሰውነታቸውን በቀጭን ገመድ አጠላልፈው በጣም በኃይል አጥብቀው ስላሰሩት ገመዱ የሰውነታቸውን ሥጋ እየቆራረጠ ይጥለው ነበር ከቁስሉም የሚወጣው ደምና መግልም እየሸተተ ቢያስቸግራቸው መነኮሳቱ ሳይቀሩ ይገፏቸው ነበር፡፡ ከዚህም በኋላ አባ ስምዖን ቁመቱ ስልሳ ክንድ የሆነ የድንጋይ ምሰሶ ላይ ወጥተው በዚያ ሆነው ድንቅ ድንቅ ተአምራትን እያደረጉ፣ ሕሙማንን እየፈወሱ፣ ወንጌልን ሳይቀመጡ ቆመው እያስተማሩ 12 ዓመት የኖሩ ናቸው፡፡ አባ ስምዖን አባ በርሱማን ለማየትና በረከትን ለመቀበል ሽተው መልዕክተኛ ሲልኩባቸው አባ በርሱማ ሄደና አገኛቸው፡፡ እርስ በእርሳቸውም በረከትን ከተቀባበሉ በኋላ አባ በርሱማ ወደ በዓቱ ተመለሰ፡፡
ከዚህም በኋላ አባ በርሱማ በሶርያ አገር እየተዘዋወረ ወንጌልን ሰበከ፡፡ በፊታቸውም ብዙ ተአምራትን እያደረገና እያስተማረ ብዙዎችን አሳመናቸው፡፡ ወደ ንጉሡ ቴዎዶስዮስ (ታናሹ) ዘንድ በመሄድም በቀናች ሃይማኖት ጸንቶ እንዲኖርና ፈሪሃ እግዚአብሔርን አስተማረው፡፡ ንጉሡም ብዙ ወርቅ ቢሰጠው አባ በርሱማ ግን አልወስድም አለ፡፡ ከዚህም በኋላ በአንጾኪያም አገር ላይ በኤጲስቆጶሳቱ ሁሉ ሥልጣን እንዲኖረው ንጉሡ ጻፈለት፡፡ ለዚህም ምልክት ቀለበቱን ሰጠው፡፡ በከሃዲው ንስጥሮስ ምክንያት 200 የከበሩ ቅዱሳን ሊቃውንት በኤፌሶን በተሰበሰቡ ጊዜ ይህም ቅዱስ አባ በርሱማ ከእነርሱ አንዱ ነው፡፡ ከሌሎቹም ቅዱሳን ሊቃውንት ጋር ሆኖ ንስጥሮስን አወገዘው፡፡ ዳግመኛም ንጉሡ በአንጾኪያ አገር ያሉ መኳንንት፣ መሣፍንትና ሹማምንት ሁሉ ለአባ በርሱማ እንዲታዘዙለት ደብዳቤ ጻፈ፡፡ አባ በርሱማም በበጎ ሥራ ሁሉ እንደበረቱ በሃይማኖትም እንዲጸኑ የሚያዝ ደብዳቤ በመጻፍ በንጉሡ ቀለበት እያተመ ለሀገሮች ሁሉ ይልክ ጀመር፡፡ በዚህም ጊዜ ክፉዎች ሰዎች አባ በርሱማን ጠሉት፡፡ ወደ ንጉሡም ዘንድ ገብተው ‹‹አባ በርሱማ እንደ ዓለም ሰው ሆኖ ይበላል ይጠጣል፣ መልካም ልብስንም ይለብሳል›› ብለው

🙏🌺🌻🌹

+"+ በስመ አብ: ወወልድ ወመንፈስ ቅዱስ: አሐዱ አምላክ

+"+ *" አዝማሪነትን ቤተ ክርስቲያን ውስጥ ምን ከተተው?! "*

[አዝማሪነት]

=>'አዝማሪ' የሚለውን ቃል የግዕዙ ልሳን 'መዓንዝር' ይለዋል:: በዚህ ተግባር ላይ ተሰማርተው የነበሩ ሰዎች ከክርስቶስ ልደት በፊትም ሆነ በሁዋላ እንደ ነበሩ ይታመናል:: ይህ ተጥባበ ሥጋዊ ሙያ ከኢትዮዽያ ውጪ እንደ ነበረ የተለያዩ ጽሑፎች ያሳያሉ::

¤ለምሳሌ:- ቅዱስ ዮልዮስ በጻፈው ዜና ሰማዕታት በ3ኛው መቶ ክ/ዘመን አዝማሪዎች በሶርያ (አንጾኪያ)ና በግብጽ እንደ ነበሩ ያሳያል:: በጊዜው አዝማሪዎቹ ነገሥታቱንና ጣዖታቱን ያገለግሉ ነበር:: ብዙዎቹም ክርስትና ስቧቸው ይሕንን ሥጋዊ ተግባር ትተው ለሰማዕትነት በቅተዋል::

¤በሃገራችን በኢትዮዽያ ደግሞ መቼ እንደ ጀመረ በውል ባይታወቅም ረዥም ጊዜን ያሳለፈ ተጥባበ ሥጋ መሆኑን መገመት ይቻላል:: በተለይ ደግሞ ከ17ኛው መቶ ክ/ዘመን (ከጐንደር ዘመን) ጀምሮ በሰፊው እንደ ነበረ የታሪክ መዛግብት ይናገራሉ::

¤ወደ ዋናው ጉዳያችን እንመለስ ዛሬ ስለዚህ ጉዳይ የጻፍኩት ስለ አዝማሪነት ለማውራት አይደለም:: ይልቁኑ አቶ ሠርጸ ፍሬ ስብሐት (መጠሪያ ማዕረግ ካላቸው ይቅርታ): እርሳቸውን ጨምሮ አንዳንዶች ዘፈንን (ዘፋኝነትን) ወደ ኦርቶዶክሳዊት ቤተ ክርስቲያን ለመቀላቀል የቆረጡ ይመስል "አዝማሪነት ምንጩ ከቅዱስ ያሬድ ነው:: ዘፈን ኃጢአት አይደለም" እያሉ በየመድረኩ መስበካቸውን ቀጥለዋል::

¤ይህንን እያሉ ያሉ ሰዎች ዓላማቸው ምንም ይሁን እኛ ኦርቶዶክሳውያን ነገሮችን ልብ ብለን እንድንረዳ ያስፈልጋል::
1ኛ.አዝማሪነትን ከቅዱስ ያሬድ ጋር ማገናኘት ሰይጣናዊ ሃሳብ ነው::

¤ምክንያት:-

አዝማሪነት መሣሪያው (መሰንቆ) የወጣው በእርግጥ ከቤተ ክርስቲያን ነው:: ዜማውም ቢሆን ከነባሩ የቤተ ክርስቲያን ዜማ አፈንግጦ የወጣ ነው::

¤ምንም እንኩዋ 2ቱም በዚህ መንገድ ቢወጡም ቤተ ክርስቲያን ምንጫቸው እንደ ሆነች አስመስሎ መናገሩ ተገቢ አይደለም:: ድርጊቱ (ተጥባበ ሥጋው) ከዋናው አፈንግጦ የወጣበትን መንገድ ልንናገር ይገባል እንጂ ሥጋዊውን ነገር ከመንፈሳዊው: ምድራዊውን ከሰማያዊው: የጽድቅን ሥራ ከኃጢአት ተግባር ልንቀላቅል አይገባም::

¤ልክ አርዮስ: ንስጥሮስና መቅዶንዮስን የመሰሉ መ++ና+ፍ+ቃ++ን ከቀናችው ቤት ስለ ወጡ እነርሱን የወቅቱ ቤተ ክርስቲያን አንድ አካል አድርጐ መጥራት እንደማይቻለው: የያዙትም ነገር በቤተ ክርስቲያን ፍጹም የተወገዘ እንደ ሆነ ሁሉ አዝማሪነትም የኦርቶዶክሳዊት ቤተ ክርስቲያን አካልና የተፈቀደ ነገር ማስመሰሉ የማይገባ ብቻ ሳይሆን ቅድስቷን ቤት የመገዳደር ያህልም የሚቆጠር ነው::

¤አዝማሪነት ምድራዊ ጉዳይ ነው:: ዛሬ ዛሬ አመሻሽ ላይ "አዝማሪ ቤት" እያለ በኃጢአት ሕይወት ውስጥ የሚዋኘውን ትውልድ ልንታደገው እንጂ ወደ ጨለማው ድርጊት ልንገፋው አይገባም::

*" ዘፋኝነትና ውጤቱ "*

=>በቅርብ ከሰማናቸው ነገሮች አንዱ ደግሞ "ዘፈን ኃጢአት አይደለም" የሚሉ ደፋሮችን ነው:: ሰው በእድሜ ከቆየ የማይሰማው ነገር የለምና ዛሬ ይህንንም ሰማን:: ¤አቶ ሠርጸን ጨምሮ ብዙ ዘፋኞች "ዘፈንን የሚከለክል ጥቅስን ከመጽሐፍ ቅዱስ ጥቀሱልን" ይሉናል:: (ገላ. 5:19) ያለውን ቃልም በተጥባበ ሥጋ ፍልስፍናቸው ሊተረጉሙልን ይታትራሉ::

¤ቆይ እኔ የምለው "ጫት አትቃሙ: ሲጋራ አታጭሱ: አጸያፊ ፊልሞችን አትዩ" የሚል ቃል (በጥሬው) መጽሐፍ ቅዱስ ውስጥ ይኖር ይሆን? ስለዚህም ለትውልዱ ጫትና ሲጋራን ቤተ ክርስቲያን ትፍቀድ? ኸረ ጉድ ነው!

¤መጽሐፍ ምን ይላል:- "እመቦ ዘይቴክዝ ለይጸሊ: ወእመቦ ዘተፈሥሐ ለይዘምር - ያዘነ ሰው ቢኖር ይጸልይ: ደስ ያለው ደግሞ ይዘምር" (ያዕ. 5:13) እነዚህ ስሜቶች በአንድ ክርስቲያን ላይ እየተፈራረቁ ነግሠውበት ይኖራሉ::

¤በተረፈው ግን ጾም: ስግደት: ምጽዋት . . . የመሳሰሉ ምግባራትን ይዞ ይኖራል እንጂ ክርስቲያን በፍጹም አይዘፍንም:: በዚያውስ ላይ "አትዝፈኑ" የሚል ቃልን ጥቀሱ ከማለት "ዝፈኑ" የሚል ቃል ካለ ቢጠቅሱልን የተሻለ ነበር::

¤(መዝ. 150:4) ላይ "ሰብሕዎ በትፍስሕት" የሚለው "በደስታ: በሐሴት" በመባል ፈንታ "በዘፈን" ተብሎ በ66ቱ ላይ ተተርጉሞ ነበር:: አሁን ግን እርሱ በሊቃውንት ማስተካከያ ተሰጥቶታል::

¤በተረፈ "ቅዱስ ዳዊት በታቦተ ጽዮን ፊት ዘፍኗል" (ዜና. 15:29) ለሚሉ: አዎ! በእርግጥ ዘፍኗል:: "ለምን?" የሚለው ሐተታ ይቆየንና አንድ ነገርን እናንሳ::

¤ክብር ይድረሰውና አባታችን ቅዱስ ዳዊት አንድ ቀን ወደ ደብተራ ገብቶ: ሊበላው ያልተፈቀደለትን ነገር በልቶ (ስለራበው ነው) በደል ሆኖ አልተቆጠረበትም ሲል ጌታ ተናግሯል:: (ማቴ. 12:3) ቅዱሱ ኃጢአት ሆኖ አልተቆጠረበትም ማለት እኛ ያንን ማድረግ እንችላለን ማለት አይደለም::

¤በዚያውስ ላይ እነርሱ (የብሉይ ኪዳን አበው) ያደረጉትን ሁሉ ማድረግ ካማረን እጅግ አስቸጋሪ ነው:: ለምሳሌ ብዙዎቹ አበው ከአንድ በላይ ሚስቶች ነበሯቸው:: እና እኛም እንደዛ እናድርግ? ይከብዳል!

¤ዋናው ነገር ፈቃደ ሥጋችንን ለመፈጸም ጥቅስ መጥቀስም ሆነ በብሉይ ኪዳን አባቶች ማመካኘቱ ፍትሐዊ አይደለም::

¤በመጨረሻ የመዝሙርና የዘፈን የሙዚቃን መሠረታዊ ልዩነት እንመልከት:: መዝሙርና ዘፈንን ለማገናኘት ሲባል 2ቱም በእንግሊዝኛው (በላቲኑ) "Music" መባላቸውን አንስተን ባንሞኝ አስቀድሜ እመክራለሁ:: ¤በልዩነት ደረጃ ግን እነዚህን እናንሳ:-

1.የዜማ ልዩነት (የመዝሙር ዜማ ከእግዚአብሔር ሲሆን የዘፈን ደግሞ ከዓለም [ከሰይጣን] ነው)

2.የዘፈን ተመስጦ ሰውን ወደ ኃጢአት ሲስበው የመዝሙር ግን ወደ ንስሃ ይስበዋል::

3.የዘፈን ይዘቱ በምድራዊ ቃላት (የሴትና የወንድን አካል በማሞገስ: ለዝሙት በመቀስቀስ) የተሞላ ሲሆን የመዝሙር ይዘቱ ቃለ እግዚአብሔር ብቻ ነው:: (ዘፋኝነት የዝሙት መሠረት ነው)

4.በመሣሪያ ደረጃም የዘፈን (ዘመናዊ) መሣሪያዎች ከተረሠሩበት አላማ ጀምሮ ሙሉ ነገራቸው ሥጋዊ ነው:: ሰሪዎቻቸውም የዚህ ዓለም ማሠሪያ የጠለፋቸው ናቸው::

¤የመዝሙር መሣሪያዎች ግን ከፈጣሪ የታዘዙ (መዝ. 150:1) ሲሆኑ ሰሪዎቻቸውም ቅዱሳን ናቸው:: ምናልባት እነዛን መሣሪያዎች የሰጠ በዘመኑ ለሚኖሩ ሰዎች ነው ካልን አምላክን አላዋቂ ማስመሰል (ሎቱ ስብሐት!) ነው:: ምክንያቱም ከዛ በሁዋላ በሌላ ዓይነት መሣሪያዎች ተጠቀሙ ብሎ አልተናገረምና::

¤ዋናው ልዩነታቸው ደግሞ ዓላማቸው ነው:: ዘፈንም ሆነ ዘፋኝነት ዓላማው ምድራዊ ሲሆን መጨረሻውም ኃጢአት ነው:: መዝሙር ግን ዓላማው ሰማያዊ: ፍጻሜውም የእግዚአብሔርን ርስት መውረስ ነው::

>

¤ስለ ዘፈን ኃጢአትነት እና ስለ ዘፋኝነት ውጤት ገድለ አዳምን: ድርሳነ ዮሐንስ አፈ ወርቅን: ትርጉዋሜ ኦሪትን መመልከት እንችላለን::

"ታላቁን ቅዱስ መጥምቁ ዮሐንስን ያስገደለች ወለተ ሔሮድያዳ ዘፋኝነቷ ያተረፈላት ቅዱሱን ማሳረድና ለራሷም መቀሰፍን ብቻ ነውና ወደ ልባችን እንመለስ::" (ማር. 6:21)

"ዘፈን የጣዖት መስዋዕት ነው::" (ዘጸ. 32:6)

"እግዚአብሔርን አመስግኑ: መዝሙር መልካም ነውና" (መዝ. 146:1)



Dn Yordanos Abebe
2008

https://t.me/zikirekdusn

*=>ረድኤት በረከታቸው ይደርብንና በዚህች ዕለት የካቲት 1 ቀን በዓመታዊ የዕረፍት በዓላቸው ታስበው የሚውሉ አባታችን አቡነ እንድርያስ ያደረጉት ተአምር ይህ ነው፦*
አንድ ብዙ ኃጢአት የሚሰራ ሠው ነበረ እንዲህ ሲኖር የቁስል በሽታ ይዞት የፊቱ መልክ እስኪለወጥ እግሩም እንደ ዝሆን እግር እስኪሆን ድረስ አካሉ ሁሉ አበጠ። ቤተ ሰቡና ዘመዶቹም ሙተህ በቀበርንህ በተሻለን ነበር ብለው አለቀሱለት። ሰውየውም አልቅሶ ለዘመዶቹ ወደ መንደሮች ሄዳችሁ ባለ መድኃኒትን ፈልጉልኝ ካገኛችሁም አምጡልኝ አላቸው፡፡ አንዳላቸውም ሔደው አመጡለት፡፡ ባለ መድኃኒቱም አይቶ «ላድነው አይቻለኝም አለ። ቤተሰቡም ሰምተው ከቀድሞ ይልቅ አምርረው አለቀሱ። እያለቀሱ ሳሉም አንድ ሰው መጥቶ ምን ያስለቅሳችኋል አላቸው፡፡ እነሱም ወንድማችን በቊስል ደዌ ታሞአል፤ ባለ መድኃኒትም ላድነው አልችልም ብሎአል አሉት። ሰውየውም አታልቅሱ ወንድማችሁን የሚፈውሰውን እኔ እነግራችኋለሁ፤ እኔም በቁስል ደዌ ተይዤ ሊፈውሰኝ የሚቻለው ያለ እንደሆነ ለማግኘት ከአገር አገር ለዓመታት ሔድኩኝ፡፡ ዳሩ ግን አላገኘሁም። አንድ ቀን ከአገሩ ሰዎች እኔን አይተው ለእንደዚህ በሽታ ኣቡነ እንድርያስ ጸበል ጸበል በቀር ሊፈውሰው የሚችል የለም ብለው ሲናገሩ ሰማሁ፡፡ እኔም ያገሩ መንገድ ጠይቄያቸው ሔድኩ። በዚያ ብዙ በሽተኞች አግኝቼ ከነሱ ጋር ታጠብኩኝ ከመቃብር ቦታውም ጠበል ተቀባሁ።አሁን እንደምታዩኝ ተፈወስኩ ብሎ ቆስሎ እንደ ነበረ ኋላም እንደ ዳነ የእጁና የእግሩ ጣቶች አሳያቸው:: _ ዘመዶቹና በሽተኛውም አይተው ደስ ብሎአቸው ሰውየውን «የዚች ገዳም መንገድ እንድትመራን እንማፀንሃለን» አሉት። እሱም እሺ እዚያ አደርሳቸዋለሁ አላቸው በንጋታውም ተነሥተው በበቅሎ አስጭነው የዳነው ሰውዬ እየመራቸው እዚያ ደረሱ፡፡ በሽተኛውም እዛው ከደረሰ በኋላ ቤተክርስቲያን ገባ በአባታችን መቃብር ቦታም ሰግዶ አባቴ ሆይ ከእግዚአብሔር ዘንድ ምሕረት አንድትለምንልኝ እማጸንሀለሁ ወደ ገዳምህ መጥቶ በዋሻህ ካለ ውኃ የታጠበ ከመቃብር ቦታህም የተቀባ ይድናል ብሎ የምሕረት ቃል እንደ ሰጠህ ሰምቻለሁና፤ እኔም ከኔ በፊት በነበሩ አባቶቼና ዘመዶቼ ያልነበረ ለኔ ግን በኃጢአቴ አገኘኝ ይህን ጽኑ ደዌ ያድነኝ ዘንድ ከእግዚአብሔር ምሕረት ትለምንልኝ ዘንድ እማፀንሃለሁ አሁንም አባቴ ሁሉ ያመለከትከው እንደሚሰጥህ መና ማውረድም ማይደንቅህ/እንደማይሳንህ/ አውቃለሁና ከበሽታና ኵነጢአት ማሰሪያ እንድትፈታኝ እለምንሃለሁ ብሎ : ከመቃብር ቦታው ጸበል ተቀባ፡፡በሦስተኛው ቀንም የመዳን ምልክት አሳይቶ ከደዌው ተፈወሰ፡፡ ዘመዶቹም አይተው ሐሴት አደረጉ፤ በቅዱሳኑ
የሚመሰገን የምስጋና ጌታ እግዚአብሔርንም አመሰገኑት፡፡
+++
ዳግመኛም አቡነ እንድርያስ ያደረጉት ተአምር ይህ ነው :-አንድ በብርቱ ደዌ የሚሰቃይ በክፉ አጋንንት እየተገዛ የሚኖር ርኩስ መንፈስ ያደረበት ሰው ነበረ፡፡ ያብዳል ልብሶቹን ቀዶም ራቁቱን ይሆናል፡፡ ቤተሰቡና ዘመዶቹም ይዘው ቀን ተሌሊት እጆቹንና እግሮቹን በማሰር ደከሙ፡፡ አንድ ቀን በብረት ሠንሰለቶች አስረው ወደ አባታችን እንድርያስ ገዳም አመጡትቤተ ክርስቲያን አግብተውም የአባታችንን ገድል አንብበው ከሕይወት ውኃ ቢያጥቡት ከመቃብሩም ጠበል ቢቀቡት ህዝቡ ሁሉ እያዩ ከእንግዲህ ወዲህ ከእሱ እንደምወጣ ዳግመኛም እንዳላሳብደው - እምላለሁ ብሎ ከፍ ባለ ድምፅ ፈጽሞ ጮኸ። ያን ጊዜ ከእርሱ ወጣ እንደ ፊተኛው ሕይወቱም ጤነኛ ሆነ፡፡ ከዳነ በኋላ አባቱ ያለ ፈቃዱ ሴት ልጅን አጨለት፡፡ ወጣቱ አባቱ እንዳጨለት አውቆ በሌሊት ካባቱ ቤት ወጥቶ በአንድ ገዳም ገብቶም ይህን አላፊ ዓለም ንቆ በሕይወት ዘመኑ ሁሉ በጾም በጸሎት ተወስኖ በገዳማዊ ሥራዎች መላላክ ተጠምዶ እግዚአብሔርን ደስ የሚያሰኝ ሆነ የዚህ ተአምር አድራጊ አባታችን ልመናው ይደረግልን በረከቱም ይደርብን ከነጣቂ ወራሪም ይስውረን ለሁላችን ለማኅበር ልጆች ለዘላለሙ አሜን።
+ + +
ዳግመኛም አባታችን አቡነ እንድርያስ ያደረገው ተአምር ይህ ነው።አባታችን እንድርያስ ወደ አንድ ገዳማዊ አባ ገብረ ክርስቶስ የተባለ መነኩሴ በሚጓዝበት ጊዜ ተንቤን የተባለ ቦታ የእመቤታችን የቅድስት ድንግል ማርያም ቤተክርስቲያን ገባና ቆሞ መጸለይ ጀመረ።እኩለ ሌሊት በሆነ ጊዜ ከእግሩ ስር በጣም የጠራ ውሃ ፈለቀና ለብዙ ድውያንና ሕሙማን መድኃኒት ሆነ።ከዚህ በኋላ ይህች ከእግሩ በታች የፈለቀች ውሃ የድኅነት ቦታ ተብላ ተጠራች እስከ አሁንም ብዙ የሚደነቅ ተአምር እየተፈጸመባት ትገኛለች።
ረድኤት በረከታቸው ትደርብን በጸሎታቸው ይማረን!

(ምንጭ ገድለ አቡነ እንድርያስ ደብረ መድኃኒት አቡነ እንድርያስ ቤተ ክርስቲያን ሴሮ መቃይሕ ያሳተመው)
✞ ✞ ✞

እውነት ነው ወንድማችን ትክክል ነሕ እንደ ስራሕ እንኳን ይሔን ከዚሕ የበለጠ የሚገባ ነበር ማስተዋሉን ያድለን አይዞሕ የቤተክርስቲያናችንን ቻናል ለኛ ተወው እዚሕ ያለነው ብቻ እንሞላለን ደሞ የራስሕንም ክፈት ናልን መልካም ነገር መሖኑን ብቻ ተመልከት መብዛቱ አያሳስብሕ በርታልን የተዋሕዶ እንቁ ወንድማችን አሜን፫

*__*

ዮሐንስ ዘሰዋስው ስለ ቀቢጸ ተስፋ ሲያስረዳ፦ "ቀቢጸ ተስፋ የመቀባጠር አንዱ ቅርንጫፍ፣ የእርሱም የበኲር ልጅ ናት። ... ቀቢጸ ተስፋ የነፍስ ልምሾነት (መሰልሰል)፣ የአእምሮ መዛል (መድከም)፣ ተጋድሎን ቸል ማለት፣ ብፅዓትን (ቃል ኪዳንን) መጥላት ነው። ... እግዚአብሔርንም ምሕረት የለሽና ሰዎችን የሚጠላ እንደ ኾነ አድርጋ ትከሳለች። መዝሙራትን ለመዘመር የምትዝል፣ ለጸሎት የምትደክም፣ ለአገልግሎት እንደ ብረት የጸናች (ግትር የኾነች)፣ ለተግባረ እድ የምትተጋ፣ ለመታዘዝ ኹኔታ (ብቃት) ቸልተኛ ናት።" ይላል። (ሳሙኤል ፍቃዱ (ሐተታና ትርጒም)፣ ምዕራግና ድርሳን፣ 2011 ዓ.ም፣ ገጽ 173)። ከዚህ ትርጒም ተነሥተን ተስፋ መቍረጥ ለመንፈሳዊ አገልግሎት ያለንን ስልቹነት፣ ወይም ጥላቻ የሚያመለክት ነው ማለት እንችላለን። ልበ አምላክ ዳዊት "ሰነፍ በልቡ እግዚአብሔር የለም ይላል" እንዳለ በንዝኅላልነታችን ምክንያት እግዚአብሔር የለም ብለን እስከ ማመን የምንደርስበት ክፉ አኗኗር በቀቢጸ ተስፋ ኾኖ መኖር ነው። ተስፋ የሚቈርጥ ሰው ስኬት ላይ መድረስ አይችልም። ሕይወቱን በበጎ ጎዳና መምራት አይኾንለትም። ምክንያቱም ማንኛውም ነገር ጥረትንና ተጋድሎን ይሻልና። አንዴ ወደሚፈልገው መንገድ እየሄደ ውድቀት ካገጠመው ኹሉም ነገር ወዲያ ጨለማ መስሎ ይታየዋል።

በዋናነት ብዙ ሰዎች በተስፋ መቍረጣቸው ምክንያት ራሳቸውን ለማጥፋት ይወስናሉ። ተስፋ መቍረጥ የእግዚአብሔርን ምሕረት የመርሳትና ይሁዳን የመምሰል ሕይወት ነው። ተስፋ የሚቈርጥ ሰው ከዚህ ሐሳቡ ለመውጣት ሲል ወደ ሱስ ይጓዛል። በጽኑ ሱስ ሲያዝ ደግሞ የበለጠ የሕይወትን ጣዕም እያጣ ይሄዳል፤ ኋላም ራስን ማጥፋትን እንደ ቀላል ነገር አድርጎ ሊመለከት ይችላል። ቅዱስ ይስሐቅ ዘሶርያ "በመሰናክልህ ምክንያት ተስፋ አትቍረጥ። ይኸውም ኃጢአትህን በማሰብ አትጸጸት ማለቴ ሳይኾን፥ ነገር ግን የማይድኑ አድርገህ አታስብ ማለቴ ነው።" በማለት የገለጸው ብዙውን ጊዜ ተስፋ መቁረጥ ከኃጢአቴ አልነጻም፣ መዳን አልችልም ብሎ ከማሰብ የሚመጣ ስለ ኾነ ነው። The Ascetical Homilies of St. Isaac the Syrian, Homily 64, “On Prayer, Prostrations, Tears, Reading, Silence, and Hymnody”። ወንድሜ ሆይ! ምንም ዓይነት መሰናክል ሊገጥምህ ይችላል፤ ነገር ግን ከልብህ ተጸጽተህ ንስሓ ከገባህ የሚድን መኾኑን አትዘንጋው። ከማንኛውም ውድቀትህ በላይ እግዚአብሔር የሚያዝንብህ አይምረኝም ብለህ ማመን ስትጀምር ነው። ንስሓ ከተገባበት የማይድን ምንም ዓይነት አደገኛ የኃጢአት በሽታ የለምና። የደማስቆው ጴጥሮስ "ነፍስን የሚገድለውን ተስፋ መቍረጥን፥ ጽኑ ተአጋሲነት ይገድለዋል።" በማለት ያስረዳል። St. Peter of Damaskos, “Book II: Twenty-Four Discourses,” V Patient Endurance, The Philokalia: The Complete Text (Vol. 3)። እንግዲህ ይህ የሊቁ አገላለጽ በአንድ በኩል ተስፋ መቍረጥ ነፍስን የሚገድል መርዝ መኾኑን የሚጠቁም ሲኾን፥ በሌላ በኩል በትዕግሥት ሊነቀል የሚችል መኾኑን ያስረዳል። ስለዚህ ተስፋ መቍረጥ ትዕግሥትን በማጣት የሚበቅል ክፉ አረም መኾኑን በዚህ እናስተውላለን።

ዮሐንስ ዘካርፓቶስ እንዲህ ይላል "ፈርዖን ፈርቶ እንዲህ አለ፦ "ፈርዖንም ሙሴንና አሮንን በፍጥነት ጠራ፦ አምላካችሁን እግዚአብሔርን እናንተንም በደልሁ፥ አኹን እንግዲህ በዚህ ጊዜ ብቻ ኃጢአቴን ይቅር በሉኝ፥ ይህንም ሞት ብቻ ከእኔ ያነሣልኝ ዘንድ አምላካችሁን እግዚአብሔርን ለምኑ፣ አላቸው። ሙሴም ከፈርዖን ፊት ወጣ ወደ እግዚአብሔር ለመነ።" ፈርዖንም ተሰማለት። በተመሳሳይ ኹኔታ አጋንንትም ጌታችንን ወደ ገደል እንዳይከታቸው ለመኑ፥ ጥያቄያቸው ተመለሰላቸው። ሉቃ 8፡31። እንግዲያው አንድ ክርስቲያን ከመንፈሳዊ ሞት ይወጣ ዘንድ ቢለምን ምን ያህል የበለጠ ይሰማለት ይኾን?" በማለት በምንም መንገድ ተስፋ ወደ መቍረጥ መሄድ እንደ ሌለብን ነው።(St. John of Karpathos, For the Encouragement of the Monks in India who had Written to Him: One Hundred Texts (69)። ያን ጨካኙን ፈርዖንን የሰማ አምላክ አንተን እንዴት አይሰማህም? በመስቀል ላይ የሚሰቅሉትን እኒያን አይሁድን የሚያደርጉትን አያውቁምና ይቅር በላቸው ብሎ የምሕረት ድምፁን ያሰማ እርሱ አይምረኝም ብለህ ስለምን ትጨነቃለህ? ይልቅስ ኃጢአትህን አምነህ ይቅር ይልህ ዘንድ ወደ ፈጣሬ ዓለማት ወደ ኾነው ጌታ በአንብዓ ንስሓ ብትቀርብ አይሻልህምን? ተስፋ ስንቈርጥ ሁሉንም ነገር አጥርተን ማየት አንችልም። ልክ በጨለማ ውስጥ ያለ ሰው በብርሃን አለመኖር ምክንያት ከፊት ለፊቱ ያሉ ነገሮችን አጥርቶ ማየት እንደ ማይችል፥ ተስፋ በመቍረጥ ጨለማ ውስጥ ያለም ሰውም እንዲሁ አጥርቶ ማየት አይችልም።

*  *_*

" አዝማነ መንግሥተ ሰማያትን ታዩ ዘንድ የምትወዱ ወንድሞቼ ሆይ ! ፈሪሃ እግዚአብሔርን አስተምራችሁ ዘንድ ኑ ! አንደበታችንን ከክፉ ነገር ፣ ከንፈሮቻችንንም ክዳት ሽንገላን ከመናገር እንከልክል፡፡ [መዝ.፴፬(፴፫)፥፲፩-፲፮ ፣ ፩ጴጥ.፫፥፲-፲]

እኛ ሊያደርጉልን እንደምንወድ ለባልንጀሮቻችን ለወንድሞቻችን ፤ ለጠላቶቻችንም በጎ ነገርን እናድርግ፡፡ 'ዓለም ሳይፈጠር የተዘጋጀላችሁን ትወርሱ ዘንድ የአባቴ ወዳጆች ወደ እኔ ኑ' የሚል ደስታን የተመላ ቃልን ከጌታችን እንሰማ ዘንድ። [ማቴ.፮፥፴፬ ። ፯፥፲፪ ። ፳፭፥፴፬ ። ገላ.፮፥፬-፯]

ከሥጋችን ከነፍሳችን ከልቡናችን ፤ የኃጢኣትን ጨለማ እናርቅ፡፡ ጠቁሮ የሚወርድ ዝገት ከእርሳስ ፣ ከብረት ከመዳብ በእሳትና በፈሉ የመድኃኒት ቅመማት እንዲርቅ ፤ እነዚህን በትሕትና በቀናች የእግዚአብሔርን የአካሉን ሦስትነት ፤ የባሕርዩን አንድነት በማመን የሚፈጸሙ ጾም ፣ ጸሎት ፣ ንጽሕና ፣ ምጽዋት ፣ ፍቅር ናቸው፡፡

ከኃጢአት የሚያነጹ ሙቀተ ጸጋን የሚሰጡ እሊህን አምስቱን ግብራት የሚመስላቸው የለም፡፡ ያንጊዜ የመለኮት ፍቅር ጸጋውም በልቡናችን ያድራል፡፡ እኛም ከኃጢአት ንጹሐን ብንሆን ያንጊዜ መጥቶ ያድርብናል፡፡ አባታችን በሚያወርሳት በመንግሥተ ሰማይ እንደ ፀሐይ እንበራለን። [ማቴ.፲፫፥፫። ዮሐ.፲፬፥፳፫ ። ፩ጴጥ.፬፥፲፬]

በመንግሥተ ሰማይ ያከብረናል በተራራ ላይ እንደተሠራች እንደጸናችው መንደር ለዓለም ሁሉ እንደሚያበራ ፋናም ያደርገናል። [ማቴ.፭፥፲፬-፲፮ ፣ ፪ጴጥ.፫፥፫ ፣ ራእ.ዮሐ.፳፩፥፩ ፣ ኢሳ.፰፥፲፯ ፣ ፳፮፥፳፪]

ዐይን ያላየውን ጆሮ ያልሰማውን ፤ በሰው ልቡና ያልታሰበውን ያን ተድላ ነፍስ እንወርሳለን፡፡ መላእክት በሚኖሩበት በመንግሥተ ሰማያት እንኖራለን፡፡ ከረቂቃን መላእክት ጋር እናመሰግናለን፡፡ የመላእክትን ምስጋና ምግብ አድርገን እንኖራለን፡፡ [መዝ.፻፰(ሮ፯)፥፳፭ ፣ ሉቃ፳፥፴፬–፴፱ ፣ ሮሜ.፰፥፲፯-፳፪] "

[ ቅዱስ ጎርጎርዮስ ]

ወስብሐት ለእግዚአብሔር ፤ ወለወላዲቱ ድንግል ፤ ወለመስቀሉ ክቡር። አሜን።_

የከበረች ቅድስት ኦርኒም ሃይማኖትን እያስተማረች፣ ድውያንን እየፈወሰች፣ ሙታንን እያስነሣች በታላቅ አገልግሎት ተቀመጠች፡፡ ከዚህም በኋላ 4ኛ ንጉሠሥ መጣና የእርሷን ዜና ሰምቶ ወደ እርሱ አስመጣት፡፡ ለጣዖትም እንድትሰግድ ባስገደዳት ጊዜ ጣዖቱቹንና እርሱን ረገመቻው፡፡ ንጉሡም በዚህ ተናዶ ከእሳት ውስጥ ጨመራት፡፡ እርሷም ከእሳቱ ውስጥ ሆና ስትጸልይ የታዘዘ መልአክ መጥቶ እሳቱን አቀዝቅዞ በሰላም አወጣት፡፡ ከእሳቱም ከወጣች በኋላ የንጉሡን ጣዖታት ዳግመኛ ዘለፈች፡፡ ንጉሡም በእርሷ ላይ የተፈጸመውን ታላቅ ተአምር አይቶ በጌታችን አመነ፡፡ አምስተኛውም የፋርስ ንጉሥ በመጣ ጊዜ ቅድስት ኦርኒን ይዞ በእጁ በያዘው ጦር ወጋትና ሞተች፡፡ የታዘዘ መልአክም መጥቶ ከሞት አስነሣትና ዳግመኛ በጌታችን ስም ማስተማር ጀመረች፡፡ ከጥቂት ቀኖችም በኋላ ተድላ ደስታ ወዳለበት ገነት ተነጥቃ ወጣች፡፡ ማኅበርተኞቿ የሆኑ 13 ሺህ ሰዎች በዚሁ ዕለት በሰማዕትነት ዐርፈዋል፡፡
የሰማዕቷ የቅድስት ኦርኒ ረድኤት በረከቷ ይደርብን በጸሎቷ ይማረን!
+ + +
ሰማዕቷ ቅድስት ጤቅላ፡- ጤቅላ ማለት ‹‹ልጅ፣ ለግላጋ›› ማለት ነው፡፡ ቅድስት ጤቅላና ከእርሷ ጋር የነበሩ አራት ደናግል ጥር 30 ቀን ፎላ በሚባል ኃጥእ ቄስ እጅ ሰማዕትነታቸውን ፈጸሙ፡፡ ይህም ፎላ የተባለ ቄስ በአመጽ የሰበሰበው ብዙ ገንዘብ እንዳለው በከሃዲው መኰንን ዘንድ ነገሩበት፡፡ ስለዚህም መኮንኑ ገንዘቡን ሁሉ እንዲወርሱ አዘዘ፡፡ ፎላም ወደ መኰንኑ ዘንድ በመሄድ ገንዘቡን ይመልስለት ዘንድ ቢለምነው እምቢ አለው፡፡ ከሃዲው መኰንንም ስለ እነቅድስት ጤቅላ የምግባር የሃይማኖታቸውን ዜናቸውን በሰማ ጊዜ ወደ እርሱ እንዲያመጧቸው አዘዘና አስመጣቸው፡፡ ጌታችንን አስክዶ እምነታቸው አውጥቶ ለጣዖት እንዲገዙ ግድ አላቸው፡፡ እነርሱ ግን በእምነታቸው በጸኑ ጊዜ መኰንኑ ፎላንን ጠርቶ ‹‹እነዚህ ደናግል ለፀሐይ ይሰግዱ ዘንድ እነርሱን ብትሸግልልኝ ገንዘብህን መልሼ እሰጥሃለሁ›› አለው፡፡ ፎላንም እነ ቅድስት ጤቅላን ይሸነግላቸው ጀመረ፡፡ ደናግሉም ‹‹አንተ የሰይጣን ልጅ የክብር ባለቤት ክርስቶስን እንክደው ዘንድ እንዴት ትፈትነናለህ? አንተ ቀድሞ መምህራችን የነበርክ ስትሆን›› ብለው ዘለፉት፡፡
መኰንኑም ይህን ቃላቸውን ከአንደበታቸው በሰማ ጊዜ በጅራፍ ጽኑ ግርፋትን አስገረፋቸው፡፡ እነዚህ ቅዱሳት ደናግል ግን ስለ ጌታችን ይመሰክሩ ነበር እንጂ ምንም አልፈሩም ነበር፡፡ መኰንኑም ፎላንን ‹‹የበከተ ብትበላ ደምንም ብትጠጣ ገንዘብህን እመልስልሃለሁ›› ባለው ጊዜ እንዳለው አደረገ፡፡ ዳግመኛም ‹‹እነዚህን ደናግል ብትገድላቸው ገንዘብህን እመልስልሃለሁ›› አለው፡፡ ፎላም ይህን በሰማ ጊዜ እንደ አስቆሮቱ ይሁዳ ልቡ በገንዘብ ፍቅር ተነድፏልና ልቡናውን አጽንቶ ቅዱሳት ደናግሉን ሊገድላቸው ሄደ፡፡ እነርሱም እንዲህ አሉት፡- ‹‹ከሃዲ ሆይ የመድኃኒታችንን የክርስቶስን ቅዱስ ሥጋውንና ክቡር ደሙን በእጅህ ታቀብለን አልነበረምን? ስለ ገንዘብ ፍቅር ብለህ እኛን የክርስቶስን በጎች ልታርድ መጣህን?›› እያሉ በገሠጹት ጊዜ ሰልፍ እንደተማረ አርበኛ ሰው ሆኖ በሰይፍ ራስ ራሶቻቸውን ቆረጣቸው፡፡ መኰንኑም የፎላንን ብላሽነትና ድንቁርናውን አይቶ ወዲያው በሰይፍ ገደለው፡፡ ፎላም ገንዘቡን፣ ሃይማኖቱንና ነፍሱን አጣ፡፡ የእነዚህም ቅዱሳት ደናግል ስማቸው መሪ የሆነቻቸው ጤቅላ፣ ማርያ፣ ማርታ፣ አመታ፣ አበያ ሲሆን ጥር 30 ቀን ሰማዕትነታቸውን በድል ፈጽመው የክብር አክሊልን ተቀዳጅተዋል፡፡ የሰማዕታቱ ረድኤት በረከታቸው ይደርብን በጸሎታቸው ይማረን!
+ + +
ቅድስት ሶፍያ ዘአንጾኪያ፡- በዚህች ዕለት ቅድስት ሶፍያና ሦስት ልጆቿ በሰማዕትነት ያረፉ ሲሆን የልጆቿ ስም ጲስጢስ፣ አላጲስና አጋጲስ ነው፡፡ የስማቸውም ትርጓሜ በቅደም ተከተላቸው መሠረት ‹‹ሃይማኖት፣ ተስፋ፣ ፍቅር›› የሚል ነው፡፡ ዕድሜአቸውም 12፣ 10 እና 9 ነው፡፡ የራሷ የሶፍያ የስሟ ትርጓሜ ደግሞ ጥበብ ማለት ነው፡፡
ይኽችም ቅድስት ሶፍያ ከአንጾኪያ ከከበሩ ወገኖች የተገኘች ናት፡፡ ልጆቿም ባደጉ ጊዜ ወደ ሮሜ ከተማ ወስዳ እግዚአብሔርን መፍራትንና የቤተ ክርስቲያንን ትምህርት አስተማረቻቸው፡፡ የልጆቹም ምግባር ሃይማኖታቸው በከሃዲው የሮም ንጉሥ በአርያኖስ ዘንድ ስለተሰማ ንጉሡ ጭፍሮቹን ልኮ አስመጣቸው፡፡ እናታቸውም ‹‹ልጆቼ ተጠበቁ የዚህን የኃላፊውን ዓለም ክብር በማየት ልባችሁ እንዳይደክምና ከዘላለማዊ ክብር እንዳትርቁ፣ ከሙሽራው ከክርስቶስ ጋር ሆናችሁ ወደ ሰማያዊው ሠርግ እንድትገቡ ጠንክሩ…›› እያለች ትመክራቸውና ታጽናናቸው ነበር፡፡ ከዚህም በኋላ እናታቸው ይዛ ወደ ንጉሡ አቀረበቻቸው፡፡ ንጉሡም ታላቂቱን የ12 ዓመቷን ጲስጢስን ‹‹ስታድጊ ከመንግሥቴ ታላላቅ ባለሥልጣናት ውስጥ ከአንዱ ጋር አጋባሻለሁ፣ ብዙ ስጦታንም እሰጥሻለሁ፡፡ አሁን ግን ለጣዖቴ ለአጵሎን ስገጂ›› እያለ ሊደልላት ሞከረ፡፡ እርሷም ንጉሡንና የረከሱ አማልክቶቹን ረገመቻቸው፡፡
ንጉሡም አማልክቶቹንና እርሱን ስለረገመች ቅድስት ጲስጢስን እጅግ በጽኑ ሥቃዮች አሠቃያት፡፡ በብረት ዘንግ አስደበደባት፤ ጡቶቿን አስቆረጣቸው፤ በብረት ምጣድ አድርጎ ከሥር እሳት አስነደደባት ነገር ግን በእሳቱ ውስጥ ሆና ስትጸልይ እሳቱ እንደጠዋት ጤዛ ቀዝቃዛ ሆነ፡፡ በዙሪያዋ ያሉና ይህንን ተአምር ያዩ ሰዎች ሁሉ ‹‹በዚህች ብላቴና አምላክ እናምናለን›› ብለው ጮኹ፡፡ ወዲያውም ራሶቻቸውን ቆረጧቸውና በሰማዕትነት ዐረፉ፡፡
ከዚህም በኋላ የቅድስት ጲስጢስ አንገት ይቆርጡት ዘንድ ንጉሡ አዘዘ፡፡ እንዳዘዘውም አንገቷን ሰየፏትና ሰማዕትነቷን በድል ፈጽማ የክብር አክሊልን ተቀዳጀች፡፡ እናቷም ሥጋዋን አንሥታ ወሰደች፡፡ አሁንም ንጉሡ በሁለተኛይቱ ልጅ በቅድስት አላጲስ ላይም እንዲሁ ተመሳሳይ ሥቃይ አደረሰባትና አንገቷን አስቆረጠው፡፡ አሁንም እናቷ ቅድስት ሶፍያ ሥጋዋን አንሥታ ከወሰደች በኋላ እንዳትፈራ በማሰብ ስለ 9 ዓመቷ ታናሽ ልጇ ስለ አጋጲስ ጸለየች፤ አጽናናቻትም፡፡ ወዲያውም አጋጲስን አንስተው በመንኰራኩር ውስጥ ጨመሯት፡፡ የታዘዘ መልአክም መንኰራኩሩን ሰበረውና በሰላም ወጣች፡፡ ዳግመኛም ነበልባሉ እስከ ሰማይ የሚደርስ እሳትንም አንድደው በዚያ ይጨምሯት ዘንድ ንጉሡ አዘዘ፡፡ ቅድስት አጋጲስም በመስቀል ምልክት አማትባ ወደ እሳቱ ተወርውራ ገባች፡፡ ጌታችንም መልአኩን ልኮ እሳቱ እንደ ውርጭ አቀዘቀዘላት፡፡ በዚያ ተሰብስበው የነበሩ ሰዎችም ሁለት ነጫጭ ልብሶችን የለበሱ ሰዎች በልብሳቸው ሲጋርዷት አይተው እጅግ አደነቁ፡፡ በጌታችንም ስም አምነው ምስክንርነታቸውን ሲሰጡ ራሶቻውን በሰይፍ ቆርጠዋቸው በሰማዕትነት ዐረፉ፡፡
በመጨረሻም የቅድስት አጋጲስንም አንገቷን በሰይፍ ቆርጠው ሰማዕትነቷን በድል ፈጽማ አክሊልን እንድትቀዳጅ አደረጓት፡፡ የከበረች ሶፍያም የሦስት ልጆቿን ሥጋቸውን ወስዳ ገነዘቻቸውና ከከተማው ውጭ ወስዳ ቀበረቻቸው፡፡ በ3ኛውም ቀን መቃብራቸው ላይ ሄዳ በማልቀስ ነፍሷን ይወስድ ዘንድ ጌታችንን ለመነችው፡፡ ጌታችንም ልመናዋን ሰምቶ ጥር 30 ቀን ነፍሷን ወሰዳት፡፡ መእመናንም መጥተው ገንዘው ከልጆቿ ጋር ቀበሯት፡፡ ከሃዲው ንጉሡ ግን በተአምራት ወዲያው ዐይኖቹ ጠፍተው ሥጋው ሁሉ ተሰነጣጠቀ፡፡ እጆቹም ተቆራርጠው፣ ሰውነቱ ተልቶና ሸቶ ክፉ አሟሟት ሞተ፡፡
የሰማዕታቱ ረድኤት በረከታቸው ይደርብን በጸሎታቸው ይማረን!
ከገድላት አንደበት
✞ ✞ ✞