Voa Amharic

አስመጪዎች ያለባንክ ዋስትና መላክ የሚችሉት ቅድመ ክፍያ መጠን ላይ ማሻሻያ ሊደረግ ነዉ ተባለ

የኢትዮጵያ ብሔራዊ ባንክ አስመጪዎች ያለባንክ  ዋስትና መላክ በሚቻለው ቅድመ ክፍያ መጠን ላይ ጭማሪ ለማድረግ መመሪያውን እየከለሰ እንደሚገኝ ተሰምቷል።

ላለፉት 27 አመታት ሲተገበር በቆየው አሰራር መሰረት አስመጪዎች ያለባንክ ዋስትና ለሚያስገቡት እቃ በቅድሚያ መላክ/መክፈል የሚችሉት የውጭ ምንዛሬ መጠን ከ5 ሺ ዶላር መብለጥ እንደማይችል የማእከላዊ ባንኩ መመሪያ ደንግጓል።

ይህን ተከትሎ ከ5ሺ ዶላር በላይ ቅድመ ክፍያ መፈፀም ከፈለጉ ከአገር ውስጥ ባንክ ዋስትና ማቅረብ ይጠበቅባቸው እንደነበር ይታወቃል ።

ይህ የጭማሪ መጠኑ ምን ያህል እንደሆነ የተገለፀ ነገር ባይኖርም አዲሱ መመሪያው ግን በቀጣይ መጋቢት ወር ወደ ስራ ይገባል ተብሎ ይጠበቃል።

https://t.me/voa_amharic1
https://t.me/voa_amharic1

የአሜሪካ ተራድኦ ድርጅት እርዳታ ማቋረጡ ኢትዮጵያ በኤች አይ ቪ ላይ የምታደርገውን ትግል አደጋ ላይ የሚጥል መሆኑን የመንግስታቱ ድርጅት አስታወቀ

ከሩብ ሚሊዮን በላይ የሚሆኑ የቫይረሱ ተጠቃሚዎችን ለአደጋ ያጋልጣል ሲል አስጠንቅቋል

ከኤች አይ ቪ/ኤድስ ጋር በተያያዘ የአሜሪካ መንግስት ለኢትዮጵያ የሚሰጠው ድጋፍና እርዳታ መቋረጥ በኦሮሚያ እና ጋምቤላ ክልሎች እንዲሁም በአዲስ አበባ ከተማ ለሚገኙ ከ270 ሺ በላይ ለሚሆኑ የቫይረሱ መከላከያ መድሃኒት ተጠቃሚዎችን ህይወት ይበልጥ ከባድ ያደርገዋል ሲል የተባበሩት መንግስታት ድርጅት የኤች አይ ቪ/ኤድስ ፕሮግራም አስጠንቀቀ።

በርካቶች ኤች አይቪን ጨምሮ በግብረ ሥጋ ግንኙነት ወቅት የሚተላለፉ በሽታዎችን ለመከላከል የሚውል ኮንዶም ከአሁን በኋላ አይደርሳቸውም ብሏል።

በተጨማሪም የገንዘብ ድጋፍ መቋረጡ የአካባቢ ጤና አጠባበቅ አቅም ለመገንባት የሚደረገውን ጥረት እንዳያደናቅፈው ስጋት እንዳለው አስታውቋል፤ የጤና ባለሙያዎች የሚሰጡት ስልጠና ላይ ተፅዕኖ በማሳደር በኢትዮጵያ የኤችአይቪ በሽታ መከላከል ሂደት ላይ እየተመዘገበ ያለውን እድገት ያዘገየዋል ሲል አመልክቷል።

https://t.me/voa_amharic1
https://t.me/voa_amharic1

የሱዳን ወታደራዊ መንግሥት፣ የሱዳን ፈጥኖ ደራሹ ኃይል በኦምዱርማን ከተማ ባንድ የገበያ ቦታ ላይ ፈጽሞታል ላለው የከባድ መሳሪያ ጥቃት ለተመድ የሰብዓዊ መብቶች ምክር ቤትና ለተመድ የሰብዓዊ መብቶች ኮሚሽን አቤቱታ ማስገባቱን የመካከለኛው ምሥራቅ የዜና ምንጮች ዘግበዋል።

የሱዳን ባለሥልጣናት፣ ቡድኑ በዚህ ጥቃት በርካታ ሰላማዊ ሰዎችን በመግደል ዓለማቀፍ ሕግጋትን ኹሉ ጥሷል በማለት መክሰሳቸውን ዘገባዎቹ ጠቅሰዋል።

የሱዳን መንግሥት በዚኹ አቤቱታው፣ ቡድኑ በእዚህና መሰል ጥሰቶች፣ አሸባሪ ድርጅት ተብሎ ሊፈረጅ የሚያስችሉትን መስፈርቶች አሟልቷል ብሏል ተብሏል።

https://t.me/voa_amharic1
https://t.me/voa_amharic1

ኬንያ በኦሮሞ ነጻነት ሠራዊት ላይ ያነጣጠረ ወታደራዊ ዘመቻ መጀመሯን አስታወቀች!

ኬንያ ከኢትዮጵያ ጋር በምትዋሰንበት የድንበር ግዛቶቿ ላይ ባሉ የኦሮሞ ነጻነት ሠራዊት ላይ ያነጣጠረ ወታደራዊ ዘመቻ መጀመሯን አስታወቀች።የኬንያ መንግሥት የጦሩ አባላት ተደብቀውባቸዋል ባላቸው የማርሳቤት እና ኢሲዮሎ ግዛቶች ላይ "ወንጀለኞችን የማስወገድ" የተሰኘ ከፍተኛ የጸጥታ ዘመቻ ባለፈው ወር ጥር፣ 25/ 2017 ዓ.ም መጀመሩን ገልጿል።

እነዚህ ግዛቶችን "ድንበር ዘለል የወንጀል ድርጊቶችን ለማሳለጥ የሚጠቀምባቸው ናቸው" ሲል የኬንያ መንግሥት ብሔራዊ የፖሊስ አገልግሎት ሰኞ ጥር፣ 26/ 2017 ዓ.ም ባወጣው መግለጫ ቡድኑን ወንጅሎታል።የኢትዮጵያ መንግሥት በተለያዩ ጥሰቶች የሚወነጅለው "ሸኔ" እያለ የሚጠራው የኦሮሞ ነጻነት ሠራዊት በኬንያ ግዛቶች ውስጥም ህገወጥ የማዕድን ማውጣትን ጨምሮ ሌሎች ጥሰቶች እየፈጸመ ነው ኬንያ ወንጅላለች።

የኬንያ ብሔራዊ ፖሊስ ቡድኑ "በተለያዩ ህገወጥ የጦር መሳሪያ፣ አደንዛዥ ዕጾች ዝውውር፣ ህገወጥ የማዕድን ማውጣት ህገወጥ የሰዎች ዝውውር ንግድ ተሰማርቶ ይገኛል" ብሎታል በመግለጫው።የኦሮሞ ነጻነት ሰራዊት "ለገንዘብ ሲል እገታዎችን በመፈጸም እንዲሁም ድንበር ዘለል ወረራዎችን በማካሄድ እና በጎሳዎች መካከል ግጭቶች እንዲቀሰቀሱ በማድረግ ለኬንያ የብሔራዊ ደህንነት ከፍተኛ ስጋት" ሆኗል ሲል መግለጫው አስፍሯል።

የኦሮሞ ነጻነት ሠራዊት በበኩሉ ቡድኑን መወንጀል አዲስ ነገር እንዳልሆነ ጠቅሶ በዘረፋዎችም ሆነ በህገወጥ ተግባራት እንዳልተሳተፈ እና "ለፍትህ" የሚታገል ድርጅት መሆኑን ለቢቢሲ ገልጿል።"እንዲህ አይነት ጥሰቶችን የሚፈጽሙ አካላትን ከኬንያ መንግሥት ጋር በመተባባር እንደሚዋጉ" የጦሩ ዋና አዛዥ አማካሪ ጂሬኛ ጉዴታ ለቢቢሲ ተናግረዋል።

ኬንያ በታጣቂዎቹ ላይ የጀመረችው ዘመቻ ባለፈው ወር የኢትዮጵያ ብሔራዊ መረጃ እና ደኅንነት አገልግሎት ዳይሬክተር ጄኔራል አምባሳደር ሬድዋን ሁሴን ወደ ኬንያ ተጉዘው ከአገሪቱ ፕሬዚዳንት ዊልያም ሩቶ ጋር ከተነጋገሩ በኋላ ነው።በውይይቱ ላይ የኬንያው የብሔራዊ መረጃ አገልግሎት ዳይሬክተር ጄኔራል ኑረዲን ሐጂ ተገኝተው ነበር።

ታጣቂው ቡድን "በኬንያ ቦረና እና በኢትዮጵያ ኦሮሞ መካከል ያለውን የባህል ትስስር እንዲሁም ቅርብ ዝምድና በመጠቀም በማርሳቤት እና ኢሶዮሎ ግዛቶች ውስጥ ባሉ ህዝቦች መካከል ሰርጎ በመግባት በድንበር አካባቢ በሚኖሩ ማህበረሰቦች ላይ ጥሰቶችን" እየፈጸመ ይገኛል ብሎታል የኬንያ ፖሊስ መግለጫ።

መግለጫው አክሎም "ቡድኑ በሴቶች እና በታዳጊዎች ላይ ወሲባዊ ጥቃቶችን ጨምሮ ማስፈራራት፣ በኃይል ንብረትን መውሰድ በአካባቢው በመፈጸሙ ማህበረሰቡን ለሰቆቃ ዳርጎታል" ብሏል።

ህይወትን፣ ንብረትን እንዲሁም ሰላምን ለማስጠበቅ በግዛቲቱ ተደብቀው የሚገኙ "የኦሮሞ ነጻነት ወንጀለኞችን ለማስወገድ" የኬንያ ብሔራዊ የፖሊስ አገልግሎት የወታደራዊ የመጀመሪያ ምዕራፍ ዘመቻ በይፋ መጀመሩን የአገሪቱ ፖሊስ ምክትል ዋና አዛዥ ጊልበርት ማንጊሲ እንዲሁም የወንጀል ምርመራ አገልግሎት ዳይሬክተር መሀመድ አሚን በትናንትናው ዕለት ገልጸዋል።

https://t.me/voa_amharic1
https://t.me/voa_amharic1

በሩዋንዳ የሚደገፉት ኤም 23 አማፂያን በኮንጎ የተኩስ አቁም አወጁ

በሩዋንዳ የሚደገፈው አማጺ ቡድን በዲሞክራቲክ ሪፐብሊክ ኮንጎ በሰብዓዊ ጉዳዮች ምክንያት የተኩስ አቁም ማወጁን አስታዉቋል፡፡የኤም 23 አማፂ ጥምረት ከማክሰኞ ጀምሮ የአንድ ወገን የተኩስ አቁም ተግባራዊ እንደሚያደርግ ይፋ አድርል። ከጎረቤት ሩዋንዳ በመጡ በሺዎች በሚቆጠሩ ወታደሮች የሚደገፈው ቡድኑ ባለፈው ሳምንት የምስራቅ ዲሞክራቲክ ሪፐብሊክ ኮንጎ ግዛት ዋና ከተማ የሆነችውን ጎማንን የተቆጣጠረ ሲሆን የተባበሩት መንግስታት በበኩሉ 900 ሰዎች ሲሞቱ በመቶ ሺዎች የሚቆጠሩ ደግሞ ተፈናቅለዋል ብሏል።

ሰዎች ከጦርነቱ እንዲያመልጡ የሚያስችል የሰብአዊነት ኮሪደር እንዲቋቋም ጥሪዎች እየጨመሩ ይገኛል። ይሁን እንጂ በኪንሻሳ የሚገኘው የዲሞክራቲክ ሪፐብሊክ ኮንጎ መንግስት ስለ ተኩስ አቁሙ አፋጣኝ አስተያየት አልሰጠም፣ የሀገሪቱ ጦር የተኩስ አቁም ስምምነቱን ሊያከብር እንደሚችል ግልፅ የሆነ መረጃ የለም።"የአሊያንስ ፍሌቭ ኮንጎ (ኤም 23) በኪንሻሳ ገዥው አካል ለተፈጠረው ሰብዓዊ ቀውስ ምላሽ ከየካቲት 4 ቀን 2025 ጀምሮ በሰብአዊነት ምክንያት የተኩስ አቁም እንደሚያውጅ ለሕዝብ ያሳውቃል" ሲል አማፅያኑ በኤክስ ላይ በለጠፈው መግለጫ ላይ አስታዉቋል።

በመንግስት ሃይሎች እና በአማፂያኑ መካከል የተቀሰቀሰው ከባድ ግጭት ለበርካቶች ሞት እና የአካል ጉዳት ዳርጓል።የኮንጎ ጤና ሚኒስቴር ቅዳሜ እለት በጎማ 773 አስከሬኖች መነሳታቸዉን እና አንዳንዶቹ በጎዳና ላይ እንደሚገኙ ገልጿል።የዓማፅያኑ ጥምረት የኮንጎ ታጣቂ ኃይሎች ነፃ በወጡ አካባቢዎች ወገኖቻቸውን የሚገድሉ ቦምቦችን በካቩሙ አውሮፕላን ማረፊያ ወታደራዊ አውሮፕላኖችን መጠቀማቸውን ያወግዛል ብሏል።

የኮንጎ መንግስት ወደ 3 ሚሊዮን የሚጠጋ ህዝብ ያላትን የጎማ ከተማ ከአማጺ ቡድኑ እጅ ለማስመለስ ቃል ገብቷል። ኮንጎ ሩዋንዳ ኤም 23ን ለመደገፍ ወታደሮቿን ወደ ጎማ ልካለች ስትል ከሳለች።የሩዋንዳው ፕሬዝዳንት ፖል ካጋሜ ሰኞ እለት ኤም 23ን ትደግፋላችሁ የሚለውን ክስ በማስተባበል የሀገራቸው ወታደሮች በኮንጎ ምስራቃዊ ክፍል ውስጥ እንዳሉ የማያውቁ መሆኑን እና በኤም 23 በታጠቀው ቡድን እና በኮንጎ ወታደሮች መካከል የተደረገ ውጊያ በመቶዎች የሚቆጠሩ ሰዎችን ህይወት ነጥቋል ሲሉ ተደምጠዋል፡፡

https://t.me/voa_amharic1
https://t.me/voa_amharic1