YOUTH FOR CHRIST MINISTRY

Rom. 2
¯¯¯¯¯¯¯¯¯¯
¹⁷ Ati garuu "Ani Yihudii dha ofiin jetta, seerri anaaf jira jettee in amanatta, "Waaqayyo dhuunfaa kooti" jettee of in jajja.
¹⁸ Jaalala Waaqayyoo beekta; seerichaan barsiifamtee, isa ta'uu fi isa hin taane gargar baaftee in himta.
¹⁹ Jaamotaaf karaa argisiisaa, warra dukkana keessa jiraniif ibsaa akka taate of amanatta.
²⁰ Seericha keessattis beekumsaa fi dhugaa isa bifa macaafaatti qophaa'e waan argatteef, gowwoota in gorsita, wallaalotas in barsiifta.
²¹ Yoo akkas ta'e immoo, ati warra kan biraa kan barsiiftu, ofii kee immoo hin barsiiftuu? "Hin hatin!" jettee utuma lallabduu, ofii keetii immoo in hatta mitii?
²² "Hin ejjin!" in jetta, ati immoo in ejjita mitii? Ati waaqayyolii tolfaman in ciiggaata, galma isaanii immoo in saammatta mitii?
²³ Seera Waaqayyoo qabaachuu keetiin of in jajja, seericha cabsuu keetiin immoo maqaa Waaqayyoo in salphifta mitii?
²⁴ Akkuma caafamee jiru, "Sababii keessaniif maqaan Waaqayyoo warra saba Waaqayyoo hin ta'in gidduutti in arrabsama" in jedha.

t.me//Youth4Christ1

Wanti ergisaa rakkisaadha…!

Dargaggoonni raajotaa jaatanii ijaarsaatti bobba’an turan. “Isaan keessaa tokko muka muruutti utuu jiruu, qarri qottoo ittii buqqa’ee bishaan keessa duraa in bu’e; yommus iyyee, Wayyoo kaa yaa gooftaa ko! Kanaa immoo qottoo ergisaa ti jedhe” (2Mt.6:5) iyyate Elsaa’itti. Wanni gaariin birmannaa namni Waaqayyoo sun godheen qarri qottoo sanaa argame.

“qottoo ergisaa”: Dargaggeessi sun in ergifate male kan isaa miti. Amma muka qottoo baata malee sibilli itti hin jiru. Yoo fagoodhaa ilaalan waan qottoo baatu fakkaata; yoo itti siiqamee ilaalame muka qottoo malee qarri irra hin jiru. Rakkoo hin qabu! kun sibiila; akkasumas mudannoo guyyaa tokkoo waan ta’eef in hubannaaf.

Bara kana kan rakkise garuu wanneen ergisaa bayyachuu isaa qofa utuu hin taane irra deddeebi’amuu isaati. Lallabni, barsiifinni, faarfannaan akkasumas raajummaan yoo waan ergisaa ta’e hin bareedu. Akkuma dargaggeessa sana fagootti yoo ilaalan waan qottoo baatu; garuu yoo itti siiqan immoo qarri irra hin jirre sanaa; ergisin bara kanaa faggootti yoo ilaalan waanuma itti cichee irratti hojjetee fide fakkaata; garuu yoo itti siiqanii tuttuqanni ilaalani wantichi ergisadha.

Mudannoo: Finfinne kana keessatti nama tokkotu kitaaba namni barreessee milqisee ofii isaa maxxanfate. Kitaabichi hedduu barbaadamaa ta’e. Namichi milqisee barreesse sun waltajjii adda addaa irratti afeeramuun dhangaa sana akka dhiheessu gaafatame. Inni garuu ibsa gadii fagoo laachuu waan hin dandeenyeef afeerra sana hundumaa baqate.

Jara keenyaa nama fakkeenya namaa ta'u "Role Model" qabaachuun rakkoo hin qabu; garuu garagalchaa nama sanaa ta'uun garuu hin bareedu.
Luba Fikadu

Eeyyeen wanni ergisaa rakkisaa dha!

t.me/Youth4Christ1

ILMA NAMAA
===========
Yesus Kakuu Haaraa keessatti yeroo 88 “Ilma Namaa” jedhamee waamame. Dhugaa dubbachuuf, 'Ilma Namaa' kan jedhu maqaa jalqabaa Yesus yeroo ofii Isaa eeruu itti fayyadamedha; (fkn, Maatewos 12:32; 13:37; Luqaas 12:8; Yohaannis 1:51).

Maqaaleen Kristos biroo kan akka Ilma Waaqayyoo, waaqummaa Isaa irratti xiyyeeffachuu isaaniitiin ifatti mul’ata. Ilmi Namaa garuu faallaa kanaatiin namummaa Kristos irratti xiyyeeffata. Waaqayyo Hisqiʼel raajicha siʼa 93 “ilma namaa” jedhee waameera. Haala kanaan Waaqayyo Hisqi’eeliin nama jedhee qofa waamaa ture. Ilmi namaa jecha periphrastic jecha “nama” jedhu qofaadha. Yesus Kristos dhuguma nama ture. Inni “fooniin” dhufe (1Yohaannis 4:2).

'Ilma Namaa' kan jedhu kun maqaa gad of deebisuu Isaa agarsiisuu dha. Namni Lammaffaan Sadan tokkummaa, uumama bara baraa, ulfina samii dhiisee foon namaa uffatee, Ilma Namaa ta’ee, mana horii keessatti dhalatee “nama biratti tuffatamee fi gatame” (Isaayaas 53:3) Waaqa namummaa uffate Kristos. Itti yaadanii sadarkaa Isaa Mootii Samii irraa gara Ilma Namaatti gadi buusuun kun fakkeenya gad of qabuu ti (Filiphisiiyus 2:6–8 ilaali).

Ilma Namaa jechuun maqaa waaqummaati. Hisqiʼel 'ilma namaa' taʼuu dandaʼa; qubee jalqabaa 'i' fi 'n' xiqqaan barreeffama. Yesus garuu 'Ilma Namaa' ti. Garuu asitti 'I' fi 'N' guddaatiin barreeffama. Akka kanaan, Yesus fakkeenya ol aanaa Waaqayyo ilma namaa akka ta’uuf yaade hundumaa, qaama dhugaa fi ayyaanaati (Yohaannis 1:14). Isa keessatti “guutummaan Waaqummaa hunduu bifa qaamaan jiraata” (Qolaasaayis 2:9). Sababa kanaaf Ilmi Namaa cubbuuf dhiifama gochuu danda’eera (Maatewos 9:6). Ilmi Namaa Gooftaa Sanbataati (Mar 2:28). Ilmi Namaa lubbuu fayyisuuf dhufe (Luqaas 9:56; 19:10), du’aa ka’uuf (Maarqos 9:9), fi murtii raawwachuuf (Yohaannis 5:27). Yeroo qoramuuf angafa lubaa duratti dhiyaatetti, 'Yesus, “Hunda keessaniin nan jedha: Ammaa booda Ilmi Namaa gara mirga Isa jabaa taa’ee duumessa samii irra yeroo dhufu ni argitu” (Maatewos 26: 64) jedhe. Ibsi kun battaluma sanatti dhaddacha xumure; dubbii Yesus dubbate kanaan du'a itti murteessan.

Ilmi Namaa raawwii raajiiti. Yesus angafa lubaa duratti Ilma Namaa ta’uu Isaa dubbachuun isaa raajii Daani’eel 7:13–14 irratti dubbateera. Daani’eel ulfina, waaqeffannaa fi mootummaa bara baraa Masihichaaf kenname argeera—asitti “Ilma Namaa” jedhamee waamame—Yesus raajii kana ofii Isaa irratti hojii irra oolcheera. Yesus yeroo biraattis waa’ee mootummaa Isaa dhufuu dubbateera (Maatewos 13:41; 16:28). Ilmi namaa, raawwii raajii Kakuu Moofaa keessaati.

Yesus guutummaatti Waaqayyo ture (Yohaannis 1:1); garuu guutummaatti namas ture; (Yohaannis 1:14). Akka Ilma Waaqayyoo fi Ilma Namaatti maqaan lamaan isaaf malu.

Barsissaa akkasii nuyi chaanali kana irraattii fennuuf yeroo hundaa akka si qaqqabuuf liinkii armaan gadii xuquun "JOIN" Godhi .Eebbifamaa
Join Us!
Waan maatii keenya taateef eebbifami, yaada ykn qeeqa qabdu nuuf kenni. Obboleessa keessan D.A
👇👇👇👇👇👇👇👇👇👇
https://t.me/Youth4Christ1

MIISHINEEROTAA
Mishineerummaan kiristaanummaa kan eegalee fi yeroo jalqabaaf du'aa ka'uu kiristoos kan beeksise Maariyaam yoo taatu, du'aa ka'ee, ol ba'uu isaa booda bartootni isaa waa'ee du'ee du'aa ka'uu kiristoos,waa'ee dubbii jireenya barabaraa fi karaan isaa ammoo maal akka ta'e lallabuutti, barsiisuutti ka'an. Taateen kun jaarraa 1ffaa keessa jechuudha. Kanas akkuma arganitti, akkuma dhagaa'anitti, akkuma barsiifamanitti itti fufan. Miishineerotni kunis ergama Waaqayyo biyya lafaaf qabu sodaa fi naasuu tokko malee Wangeelaaf lubbuu isaanii aarsaa godhanii addunyaa kana Kiristoosiin dhaalchisan. Bu'aa dhuunfaa isaanii otoo hin ilaalin, manakoo, dhalakoo osoo hin jedhin, ittin miindaa nyaadha osoo hin jedhin, bonaaf ganna,  kun yeroodha yeroo miti osoo hin jedhin kiristoosiin ifa jireenyaa fi jireenya isa ta'e dhaloota duukkana keessa jiraniin ga'aa turan. Isaaniin Waaqayyo haa eebbisu, silaa Wangeelicha eenyuutu nutti hima wal hin argin hafna malee duukkana keessatti. Warri Maariyaam, Pheexiroos, Yohaannis, Yaaqoob, Maatewoos, Barnabas Phaawuloos,...darbees gara biyya keenyatti Abbaa Gammachiis(Oneesmos Nesiib) ykn Hiikaa, Asteer Gannoo, Ganameefaa... Wangeela mootummaa kiristoos nu biraan ga'anii jiru. Waaqayyo isaan haa eebbisu malee.
  
Egaa har'ammoo darabeen isaa na ga'ee jira. Darabeen dhaloota ammaati. Warri Sagalee jireenyaa kana bu'aaba'ii heedduu keessa buutanii baatanii dhaloota biraan ga'aa jirtan Waaqayyo isin haa eebbisu. Ani ergamaa sagalee kanaa ta'een ergamee jira; kanaafan sodaa malee Wangeela mootummaa Waaqayyoo saba duukkana keessa jiru, Saba hongee hafuuraan rukutamanii jiran bira deemee Mootummaa Kiristoos lallabuuf yeroo hundumaa miixannaa kooti. Yesuus Kiristoos jireenya ta'uu isaa biyyi lafaa kun itti fufteema dhaga'uu qabdi amma gaafa kiristoos dhufee warra kan isaatii fudhatutti.

Isa kanaafis ani lallabaa, ergamaas ta'een jira; kanas ani dhugaan dubbadha malee hin sobu; amantiidhaan dhugaadhaan geggeeffamees warra saba Waaqayyoo hin ta'in nan barsiisa.
1Xim2⁷

Yesusiin malee jireenyi hin jiru.

t.me//Youth4Christ1

ይህ መጠይቅ በግሬት ኮሚሽን ሚኒስትሪ ኢትዮጵያ የሴቶች አገልግሎት ክፍል የተዘጋጀ ሲሆን የመጠይቁም ዓላማ ወጣት ሴቶችን በሁለንተናዊ እድገት ለማገዝ ነው። ይህንንም ስራ ለመስራት  ትክክለኛ መረጃ  ከወጣት ሴቶች ማግኘት ቀዳሚ ተግባር ስለሆነ የወጣት ሴቶች ሁለንተናዊ እድገት ሂደት ላይ እንደምንሳተፍ በመቁጠር በግልጽነትና በታማኝነት በመሙላት እንድንተባበር ይሁን። 

ይህ መጠይቅ ማን እንደሞላ ስምንና አድራሻን ስለማያሳይ በነፃነት ሃሳብን በመግለፅ ይሙሉ።
የምትፈልጉትን ቋንቋ መርጣችሁ መሙላት ትችላላችሁ

ለአማርኛ 👇
https://forms.gle/Y4xxLuh5b6whw6Uv9

Afaan Oromoo 👇
https://forms.gle/4tKWHaEah1vpCXxe6

For English language👇
https://forms.gle/kuWjknG13WSuCXKEA