Ghion Maleda


Channel's geo and language: Ethiopia, Amharic


እንኳን ደህና መጡ !
ማስታወቂያ ለማሰራት 👉 @GhionMaleda13
ቴሌግራም ቻናሉን ለመቀላቀል👉@GhionMaleda
ፌስቡክ 👇
https://www.facebook.com/GhionMaleda
ደግና ቅን እንሁን ❤🙏

Related channels

Channel's geo and language
Ethiopia, Amharic
Statistics
Posts filter


እስልምና ከ9 አመት በኋላ በ2035 ክርስትናን በመብለጥ በዓለም ትልቁ ሃይማኖት እንደሚሆን ተተነበየ !

እስልምና ከዘጠኝ ዓመት በኋላ በአውሮፓውያኑ 2035 ክርስትናን በመብለጥ በዓለም ትልቁ ሃይማኖት ይሆናል ተብሎ እብደሚጠበቅ የፒው የምርምር ማዕከል ትንበያ አመለከተ።

ላለፉት 25 ዓመታት በሃይማኖታዊ የሕዝብ አሰፋፈር ላይ ተዓማኒነት ያላቸው ሪፖርቶችን ሲያወጣ የቆየው ፒው፣ እስልምናም ሆነ ክርስትና እያደጉ ቢሆንም፣ እስልምና ግን እጅግ በፈጠነ ሁኔታ እያደገ መሆኑን ገልጿል።

ለዚህም ዋነኛው ምክንያት ሙስሊሞች ከሌሎች ዋና ዋና ሃይማኖቶች ይልቅ ብዙ ልጆችን የመውለድ ዝንባሌ ስላላቸው እንደሆነ ማዕከሉ ትናንት ኀዳር 9 ቀን 2019 ዓ.ም ይፋ ባደረገው ዝርዝር ትንበያ አስረድቷል።

የፒው ከፍተኛ የሥነ-ህዝብ ተመራማሪ ኮራንድ ኮንራድ ሃኬት፣ ሃይማኖትን መቀየር እና ሌሎች የሃይማኖት ለውጦች ከወሊድ መጠን አንጻር ያላቸው ድርሻ እጅግ አነስተኛ መሆኑን ስለማብራራታቸው ኤፒ የዜና ወኪል ዘግቧል።

እንደፒው መረጃ ከሆነ እንደ አውሮፓውያን አቆጣጠር ከ2020 እስከ 2025 ባለው ጊዜ ውስጥ የሙስሊሞች የወሊድ መጠን በአንዲት ሴት 3.1 ልጆች ነበር። ክርስቲያኖች ሴቶች ደግሞ በ2.5 ልጆች ይከተላሉ።

የሌሎች ሃይማኖቶች አማካይ የወሊድ መጠን 1.6 ሲሆን፣ ይህም እያንዳንዱ ትውልድ ራሱን ለመተካት አስፈላጊ ነው ተብሎ ከሚታሰበው 2.1 ምጣኔ ያነሰ ነው።

ከዚህ ቀደም በነበረው የፒው ግምት እንደሚያሳየው፣ በ2020 በዓለም ዙሪያ 2.27 ቢሊዮን ክርስቲያኖች እና 2.02 ቢሊዮን ሙስሊሞች ነበሩ።

በአዲሱ የፒው ትንበያ መሠረት ደግሞ፣ በ2035 በዓለም ላይ 2.57 ቢሊዮን ሙስሊሞች እና 2.52 ቢሊዮን ክርስቲያኖች ይኖራሉ ተብሎ ይጠበቃል።

አሁን ያለው አዝማሚያ ከቀጠለ፣ በ2070 ደግሞ በዓለም ዙሪያ ከ3.6 ቢሊዮን በላይ ሙስሊሞች እና ከ3 ቢሊዮን በታች ክርስቲያኖች ይኖራሉ።

በ2020 እና በ2070 መካከል የዓለም ሕዝብ ቁጥር በ29 በመቶ እንደሚጨምር ፒው አስታውቋል።ማዕከሉ ከተነተናቸው የሃይማኖት ቡድኖች መካከል ከዚህ ዕድገት ጋር እኩል ይጓዛሉ ተብሎ የሚጠበቁት ሙስሊሞች እና ክርስቲያኖች ብቻ ናቸው። ክርስቲያኖች በ30 በመቶ፣ ሙስሊሞች ደግሞ በ80 በመቶ ያድጋሉ።

ሂንዱዎች እና አይሁዶች በጠቅላላ ቁጥራቸው እያደጉ ቢሆንም፣ ከዓለም ሕዝብ ቁጥር አንጻር ያላቸው ድርሻ ግን እንደሚቀንስ ፒው ገልጿል።
የቡድሂስቶች ቁጥርም ሆነ ከዓለም ሕዝብ ያላቸው ድርሻ እንደሚቀንስ ተገምቷል። ይህ ከሆነባቸው ምክንያቶች አንዱ በቻይና፣ በደቡብ ኮሪያ እና በጃፓን አጠቃላይ የሕዝብ ቁጥር እንደሚቀንስ የሚጠበቅ መሆኑ ነው።

በመጪዎቹ አሥርት ዓመታት ውስጥ፣ አብዛኛው የዓለም ሕዝብ ቁጥር ዕድገት የሚከሰተው በአፍሪካ፣ በተለይም አብዛኛው ሕዝብ ክርስቲያን ወይም ሙስሊም በሆነበት ከሰሃራ በታች ባሉ የአፍሪካ አገራት እንደሆነ ፒው ገልጿል።

ከፍተኛ “ሃይማኖት የሌላቸው” ሰዎች ድርሻ ያላትን ነገር ግን አጠቃላይ የሕዝብ ቁጥሯ በከፍተኛ ሁኔታ እየቀነሰ ያለችውን ቻይናን ሳይጨምር፣ በሌሎች አካባቢዎች ያሉ ሃይማኖት የሌላቸው ሰዎች ቁጥር በ2070 ከ180 ሚሊዮን በላይ እንደሚያድግም ፒው አስታውቋል።

እናንተ በዚህ የፒው የምርምር ማዕከል ትንበያ ትስማማላችሁ ሀሳብ አስተያየታችሁን አካፍሉን እስኪ ?

ግዮን ማለዳ መረጃውን ያገው ከቢቢሲ ነው።
            ግዮን ማለዳ

@GhionMaleda




ታናሽ እህቱን የደፈረው ተከሳሽ በእስራት ተቀጣ።

በማዕከላዊ ኢትዮዽያ ሐድያ ዞን፣ የሾኔ ከተማ አስተዳደር ፍትህ ጽ/ቤት ታናሽ እህቱን የደፈረ ተከሳሽ በእስራት መቀጣቱን አስታውቃል፡፡
 
የከተማዋ አስተዳደር ፍትህ ጽ/ቤት ሐላፊ አቶ ፋሪስ አያሌው እንደገለፅኡት ተከሳሽ ቸርነት አብረሃም በህጻናት ልጆች ላይ የሚፈጸም የግብረ ስጋ ድፍረት በደል በመፈጸም እና በዘማዳሞች መካከል የሚፈጸም የግብረ ስጋ ግኑኝነት ተደራራቢ የወንጅል ክስ በመመስረት በሾኔ ከተማ የመጅመሪያ ደረጃ ፍ/ቤት ክስ መስርቶበታል።

ፍ/ቤቱም ከዐቃቤ ህግ ተከሳሹ የወንጅል ድርጊቱን ስለመፈፀሙ የሚያስረዱ የወንጀለኛው የእምነት ቃል፣ የሰውና ሰነድ ማስረጃ የቀረቡለት በመሆኑ  ተከሳሹ የወንጀል ድርጊቱን ስለመፈፀሙ በበቂ ሁኔታ ...

ለሾኔ ከተማ የመጀመሪያ ፍ/ቤት ከምክንያታዊ ጥርጣሬ በላይ አስረድታል ፍ/ቤቱም ተከሳሹ ላይ በቀረበበት የወንጀል ደርጊት የጥፋተኝነት ውሳኔ ስጥቶዋል፡፡

በዚህም መሰረት የሾኔ ከተማ የመጅመሪያ ደረጃ ፍ/ቤት ህዳር 9ቀን 2019 ዓ.ም በዋለው  ችሎት ተከሳሽ ቸርነት አብርሃም ጥፋተኛ በተባለበት የወንጀል ድርጊት 15 ዓመት ከ 3 ወር እንዲቀጣ  ጽኑ እስራት ወስኖበታል ።

አቶ ፋሪስ አያሌው በሴቶችና ህጻናት ላይ የሚፈጸመውን ወንጀል በሰማና ባየ ጊዜ ሁሉም የህብረተሰብ ክፍል ለሚመለከተው ባለድርሻ አካላት ጥቆማ እንዲያደርስ፣ያንን አለማድረግ፣ ወንጀልን አለማሳወቅ እና ለፍትህ እርዳታ አለማድረግ በራሱ ወንጀል በመሆኑ፣ የህዝቡን ትብብር ጠይቀዋል።

Via ሾኔ ከተማ አስተዳደር ኮምኒኬሽን
ግዮን ማለዳ

@GhionMaleda


Video is unavailable for watching
Show in Telegram
በጋቶች ፓኖምና ደጋፊዎች መካከል የተፈጠረው ክስተት ፤ የዘረኝነት ጥቃት ነበር ወይስ የደጋፊዎች ተቃውሞ?

በብሔራዊ ቡድኑ ካፒቴን ጋቶች ፓኖምና በባህር ዳር ስታዲየም ውስጥ በነበሩ ደጋፊዎች መካከል ከማክሰኞው ጨዋታ በኋላ የተፈጠረው ክስተት አሁንም የተለያዩ አስተያየቶችን እያስነሳ ይገኛል።

የብሔራዊ ቡድኑ ካፒቴን ጋቶች ፓኖም ለEthio Fm ለሰይፉ ፋንታሁን በስልክ በሰጠው አስተያየት በደጋፊዎች ዘንድ የዘረኝነት ጥቃት እንደደረሰበት መናገሩ ይታወሳል። በአንጻሩ በስታዲየሙ የነበሩ አንዳንድ ሰዎች የሰጡት መረጃ ግን ጉዳዩን በተለየ መልኩ ያቀርባል።

ከላይ በቪዲዮ እንደምታዩት ጋዜጠኞች ነተለያዩ አስተያየቶችን በጉዳዩ ዙሪያ እየሰጡ ነው ጋዜጠኛ ዋለልኝ ነጋሽ በጉዳዩ ዙሪያ በስታዲየሙ የነበሩ ሁለት ሰዎችን በስልክ አነጋግሮ እንዳጋራው ከሆነ፣ በወቅቱ በደጋፊዎች በኩል «አትችሉም፣ አርጅታችኋል፣ ሽማግሌ ናችሁ፣ ለወጣቶች ቦታ ልቀቁ» የሚሉ ቃላት ተነግረዋል።

እነዚሁ ምስክሮች ከዚህ የተለየ የዘረኝነት ስድብ እንዳልሰሙ በመግለጽ፣ በተለይም ጋቶችና ከነአን ከደጋፊዎች ጋር በነበራቸው ግንኙነት የተጠቀሙት አንዳንድ ጸያፍ አነጋገር ደጋፊዎችን ይበልጥ እንዳስቆጣ ነግረውኛል ሲል ጋዜጠኛው አትቷል።

በሌላ በኩል ጋዜጠኛ ዋለልኝ ነጋሽ በጉዳዩ ላይ በሰጠው አስተያየት ዘረኝነት በማንም ላይ ቢፈጸም በጥብቅ ሊወገዝ እንደሚገባው አስገንዝቧል። ከዚህ ቀደም በጋቶች ፓኖም ላይ ብቻ ሳይሆን በኡሞድ ኦኩሪም ላይ ተመሳሳይ አጸያፊ ድርጊት ሲፈጸም በራሱ እንደታዘበ ጠቅሷል።

ሆኖም ጋዜጠኛው ከምስክሮች ያገኘውን መረጃ በመነሳት ጋቶች ከደጋፊዎች ጋር የገባውን ክርክር በይፋ ይቅርታ በመጠየቅ መፍታት እንደሚገባው የግል አስተያየቱን አቅርቧል።

ግዮን ማለዳ

@GhionMaleda


የመላእክት አለቃ ቅዱስ ሚካኤል ልመናችንን ይስማን፤ምልጃ እና ረድኤቱም አይለየን🙏

ቅዱሳት መጻሕፍት እንደሚነግሩን የመላእክት ሁሉ አለቃቸው ቅዱስ ሚካኤል በፈጣሪው ኃይል ብዙ ድንቆችን ሠርቷል፡፡ ከመጀመሪያው ሰው አዳም ጀምሮ እስከ ዛሬ ድረስ አምነው ለሚጠሩት ረዳት ነው፡፡ በመዝሙር 33÷7 እደተጻፈው ዘወትርም ያድናቸው ዘንድ በሚፈሩት ሰዎች ዙሪያ ይሠፍራል፡፡ እግራችን እንዳይሰናከል ዘወትር ይጠብቀናል፡፡ የቅዱስ ሚካኤል ስሙ ድንቅ ነው፡፡ ነቢዩ ቅዱስ ዳንኤል እንደተናገረው ከእርሱ በቀርስ የሚያጸና ማን አለና! ለሕዝቡም የሚቆም ታዳጊ መልአክ ነው፡፡ ይህ ድንቅ መልአክ ከሺህ ዓመታት በፊት በሮም ከተማ ይህንን ድንቅ ተአምር መስከረም ዘጠኝ ቀን መሥራቱን ቤተ ክርስቲያን ትመሰክራለች፡፡ በቀድሞው የሮም ግዛት 'ሩፍምያ' የምትባል ከተማ ነበረች፡፡

ይህች ከተማ በእምነታቸው ጠንካሮች የሆኑ ጥቂት ክርስቲያኖችና በርካታ ኢአማንያን ተቀላቅለው የሚኖሩባት ናት፡፡ በተለይ ደግሞ የቤተ ክርስቲያኗ መጋቢ ፍጹም የእምነት ሰው ነበር፡፡ በቦታው የቅዱስ ሚካኤል ቤተ ክርስቲያን በመኖሩም ብዙ ተአምራት ይደረግ ስለነበር ተበለጥን የሚል ስሜት የተሰማቸው አሕዛብ “ዮናናውያን”ይሕንን ቤተ ክርስቲያን ለማጥፋት ተማማሉ፡፡ በቀጥታ ሔደው ቢያፈርሱት ወይም ቢያቃጥሉት በሕግ እንደሚጠየቁ ያውቃሉና በሥጋዊ ጭንቅላታቸው ዘዴ ያሉትን መከሩና ወሰኑ፡፡ በከተማዋ ዳር የሚያልፍ አንድ ትልቅ ወንዝ አለ፡፡ በሞላ ጊዜ ያገኘውን ሁሉ ጠርጐ የሚወስድም ነበር፡፡ ታዲያ ክፋተኞቹ ሌሊት ሌሊት እየተነሱ የሚሔድበትን መንገድ ዘግተው ወደ ቤተ ክርስቲያኑ አቅጣጫ መንገድ ከፈቱለት ከቀናት በኋላ ከባድ ዝናብ በዚህች ቀን ጣለ፡፡
ወንዙ ትልቅ ነውና ያገኘውን ሁሉ እያገላበጠ ደረሰ፡፡ በወቅቱ በቅዱሱ መልአክ ቤተ መቅደስ ውስጥ ከመጋቢው በስተቀር ሰው አልነበረምና አስፈሪ ድምጽ ሰምቶ ሲወጣ ወንዙ እየደነፋ ወደ ቤተ ክርስቲያኑ እየመጣ ነው፡፡ ከደቂቃዎች በሁዋላ ቤተ ክርስቲያኑ እንዳልነበረ እንደሚሆን የተረዳው መጋቢ በታላቅ ድንግጤ ውስጥ ወደቀ፡፡ እርሱ አንድ ተስፋ ነበረውና ወደ ውስጥ ገብቶ በመላዕክት አለቃ በቅዱስ ሚካኤል ምስለ ስዕል ፊት ወድቆ ተማጸነ፡፡ ታላቁ ወንዝ ቤተ ክርስቲያኑን ጠርጎ የሚወወስደው ከሆነም የሚሆነውን ነገር ለመቀበልና ከዚያም ላለመውጣትም ወሰነ፡፡ ትንሽ ቆይቶ በታላቅ ኃይል ወንዙ ደረሰ፡፡ በዚህ ጊዜ የመላዕክት ሁሉ አለቃቸው ለጠራውም ፈጥኖ የሚደርሰው ቅዱስ ሚካኤል በግርማ ከሰማይ ወርዶ በወንዙ ፊት ቆመ፡፡

መጋቢውንም "ጽና አትፍራ፣ እኔ ካንተ ጋር ነኝና" ብሎት በያዘው የብርሃን በትረ-መስቀል መሬትን አንድ ጊዜ መታት፡፡ በዚያች ቅጽበትም ትልቅ ሸለቆ ተፈጠረ፡፡ በአስፈሪ ሁኔታ ሲመጣ የነበረው ወንዝም በሸለቆው ውስጥ አልፎ ሔደ፡፡ የሚገርመው ነገር የመላዕክት አለቃ ቅዱስ ሚካኤል ሸለቆው የተፈጠረው ከቤተ ክርስቲያኑ በታች መሆኑ ነው፡፡ ቤተክርስቲያኑ ግን ጸንቶ ቆመ፡፡ መጋቢውም እግዚአብሔርንና ቅዱስ ሚካኤልን አመሰገነ፡፡ ቅዱስ ሚካኤል መጋቢውን ባርኮት በክብር ዐረገ፡፡ በማግስቱ ክርስቲያኖቹ ይህንን አይተው ደስ አላቸው፣ መልአኩንም አከበሩት፣ አሕዛብ ግን አፈሩ፡፡

ራሳቸውን ለእግዚአብሔር ያስገዙ ገዳማውያንና ቅዱሳን ጸሎታቸው ኃይልን ታደርጋለች፡፡ ገዳማቸውን እየደገፍን በዓታቸውን እያጸናን የበረከታቸው ተሳታፊ እንሁን፡፡

ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

የገዳሙ ስልክ ቁጥር:-0918077957 ወይም 0938644444




ወጣቶች ወደ ከተማ መፍለሳቸውን ተከትሎ በ1 ስኒ ቡና ባነሰ ዋጋ የሚሸጡ ባዶ ቤቶች ቁጥር ጨመረ

በጣሊያን ገጠራማ መንደሮች የሚኖሩ ወጣቶች የተሻለ ሥራ እና ሕይወት ፍለጋ ወደ ትላልቅ ከተሞች እና ወደ ውጭ ሀገር በመፍለሳቸው ምክንያት፣ በርካታ ታሪካዊ መንደሮች ያለ ነዋሪ ጭር ብለው ቀርተዋል።

በተለይም በደቡብ ጣሊያን እና በሲሲሊ ደሴት የሚገኙ የአካባቢ መስተዳድሮች መንደሮቻቸው ሙሉ በሙሉ እንዳይጠፉ ሲሉ፣ ባዶ የቀሩ ቤቶችን በ1 ዩሮ (ከአንድ ስኒ ቡና ባነሰ ዋጋ) ለሽያጭ ማቅረብ ጀምረዋል።

የዚህ ፕሮጀክት ዋና ዓላማ ከቤቱ ሽያጭ ገንዘብ ማግኘት ሳይሆን፣ የውጭ ሀገር ዜጎችን እና ባለሀብቶችን በመሳብ ጭር ያሉ መንደሮችን ዳግም በሰው እንዲሞሉ እና የአካባቢው ኢኮኖሚ እንዲነቃቃ ማድረግ መሆኑ ተገልጿል።

ቤቱን በ1 ዩሮ የሚገዛ ማንኛውም ሰው ግን አንድ ዋና ቅድመ ሁኔታ አለበት፤ ይኸውም ቤቱን በገዛ በ3 ዓመት ጊዜ ውስጥ በራሱ ወጪ አድሶ ለመኖሪያነት ማብቃት የሚጠበቅበት ሲሆን፣ ለእድሳቱ ከ20,000 እስከ 50,000 ዩሮ ሊወጣ ይችላል።

በተጨማሪም ገዢው ቃል የገባውን እድሳት በሰዓቱ እንደሚያጠናቅቅ ለማረጋገጥ ወደ 5,000 ዩሮ የሚጠጋ የዋስትና ማስያዣ (Deposit) የሚያስይዝ ሲሆን፣ እድሳቱ ሲጠናቀቅ ገንዘቡ ተመላሽ ይደረግለታል።

ይሁን እንጂ፣ እንደ ሮም፣ ሚላን እና ፍሎረንስ ባሉ ትላልቅ የጣሊያን ከተሞች አሁንም የመኖሪያ ቤት ፍላጎት ከፍተኛ በመሆኑ የቤት ኪራይ እና የግዢ ዋጋ ውድ ሆኖ ቀጥሏል።

Via፦ መናኸሪያ ሬዲዮ
ግዮን ማለዳ

@GhionMaleda


''ትዕቢተኛ ሴት ከሴት ጋር ልትኖር ትችላለች፤  ከባል ጋር ግን በተአምር አትኖርም!'' - የትዳር አማካሪ ፀጋዬ አሰፋ

የሰው ልጅ በተፈጥሮው ክብርን ይፈልጋል። ይህ የወንድ ብቻ ሳይሆን የሰው ልጅ ሁሉ የጋራ ባህሪ ነው። የትዳር አማካሪው ፀጋዬ አሰፋ በአንድ ወቅት እንዳነሳው፣ ትዕቢተኛ ሴት ከሌላ ሴት ጋር ተቻችላ ልትኖር ትችል ይሆናል...

ከወንድ ጋር፣ ከባል ጋር ግን በታሪክ ተግባብታ መኖር አትችልም። ልቧ በንቀትና በትዕቢት የተሞላ ሴት ወይ ትዳር ሳትይዝ ቆማ ትቀራለች፣ አልያም ብታገባ እንኳ መልሳ የመፍታት ዕድሏ እጅግ ሰፊ ነው።

በአንድ በኩል ትዳርን ከልብ የሚፈልጉ፣ ትሁትና ቅን ሆነው ለመግባባት፣ ለማውራትና ለመቀራረብ የአቅማቸውን ጥረት የሚያደርጉ ሴቶች አሉ፤ የእነዚህ ቅንነት እጅግ ደስ የሚያሰኝና የሚያስመሰግን ነው።

በሌላ በኩል ደግሞ ማግባት እየፈለጉ ነገር ግን በአደገኛ ትዕቢት የተተበተቡ ሴቶች ይስተዋላሉ። ለእነዚህ ሴቶች የትዳር አማካሪው ፀጋዬ የሚለግሰው ምክር ግልጽ ነው፦

መጀመሪያ ትሁት መሆን፣ ቀለል ማለትና ልብን ሰበር ማድረግ። ሴት ልጅ ሴት የምትሆነው፣ ሚስትም ልትሆን የምትችለው በትህትና፣ በመልካምነትና በቅንነት ስትጌጥ ነው።

በተለይ በአረብ ሀገራትም ሆነ በተለያዩ የዓለም ክፍሎች የሚኖሩ ሴቶች በብዙ ነገሮች ጠንካራና ጎበዝ ሊሆኑ ይችላሉ። ሆኖም የማይፈልጉት ሰው እንኳ ቢደውልላቸው በትህትና፣ በየዋህነትና በቅንነት ማናገርን መልመድ ይኖርባቸዋል።

ራስን ከፍ አድርጎ በመስቀል፣ የዛሬ ሰላሳ ዓመት የነበረውን ዘመን በማሰብ «ወንዱ ጨቅጭቆኝ፣ ጀንጅኖኝና ታግሎኝ ያግኘኝ» የሚል አስተሳሰብ በዛሬው ዘመን አይሰራም። የዘመኑን አካሄድ መረዳት ያስፈልጋል።

ሴት ልጅ ብትግደረደር እንኳ መግደርደሯ በቅንነትና በጨዋነት የታጀበ መሆን አለበት ። ለዚህም አንድ ጥሩ ማሳያ አለ። አንድ ወጣት በሚዲያ ቀርቦ ለወደዳት ልጅ የፍቅር ጥያቄ ያቀርብላታል።

ልጅቷ ከእሱ ጋር እንደማይሆን ጠንቅቃ ታውቃለች፤ ነገር ግን ጨዋና ስነስርዓት ያላት ሴት ስለነበረች ሰብዕናውን ሳትነካ «እሺ፣ ላስብበት» ስትል በአክብሮት መለሰችለት። ጨዋነት ማለት ይህ ነው።

ብዙዎች የማይናግሩት ሚስጥር ቢኖር፣ ወንዶች ትሁት፣ መልካምነት የተላበሰች ለወንድ ልጅ ክብር ያላትን ሴት እንደሚወዱ ነው። ሚስት ልትሆን የምትችለውም እንዲህ ያለችዋ ሴት ናት።

ከዚያ ውጪ እዚህና እዚያ የምትንጠለጠልና በትዕቢት የምትወጠር ሴት ፣ ለጊዜያዊ ፍላጎት ካልሆነ በቀር ለትዳርና ለቁም ነገር ፈጽሞ የማትፈለግ ሆና ትቀራለች።

ብዙ ጊዜ ሴቶች ትዕቢተኛ የሚሆኑት በየዕለቱ ብዙ አላስፈላጊና ፌዘኛ ሰዎች ስለሚደውሉላቸው ሁሉንም በአንድ ዓይን በመመልከት ነው። ነገር ግን ከአስር ፌዘኞች መካከል አንድ እውነተኛ ቁም ነገረኛ ሰው ሊኖር ይችላል።

የማይፈልጉትን ሰው በጨዋነት መሸኘት ወይም መዝጋት ሲቻል፣ ሁሉንም በንቀት ማናገር ትልቅ ዋጋ ያስከፍላል። እስቲ አስቡት፤ ሊያገባት የፈለገ አንድ ቁም ነገረኛ ወንድ ከጓደኛው ጋር ቁጭ ብሎ ስልኩን «ላውድ» ላይ አድርጎ ይደውልላታል።

እሷ ግን ምንም የሚጋብዝ ለዛ ሳይኖራት በበረዶ በቀዘቀዘ ንቀት «ሄሎ... እሺ... ምን ልታዘዝ... እሺ... አመሰግናለሁ...» እያለች ብትመልስለት፣ ያ ሊያገባት የፈለገ ሰው ምን ብሎ ሊያወራት ይችላል? አንደበቱ ይዘጋል፣ ፍላጎቱንም ይተወዋል።

ትዳር የሚገነባው በጉልበት ወይም በኩራት ሳይሆን በተሰበረ ልብና በቀና መንፈስ ነው። ትዕቢት የዘጋውን የትዳር በር የሚከፍተው ትህትና፣ መልካምነትና ለሰው ልጅ የሚሰጥ ንጹህ ክብር ብቻ ነው።

          ግዮን ማለዳ

@GhionMaleda




Video is unavailable for watching
Show in Telegram
🎈 በአዋሬ በወር  1%ብቻ በመክፈል  የቤት ባለቤት ይሁኑ!!!

👉40% ብቻ ከፍለው ቀሪውን 60% የቤቶን ቁልፍ እጆ ካስገቡ ቡኋላ የሚከፍሉት ልዩ እድል ከቴምር ሪልስቴት

👉 እንዲሁም 100% ለሚከፍሉ ደምበኞች የ30% ታላቅ ቅናሽ

👉 ከ Studio  እስከ ባለ 3 መኝታ

✅  20% ቅድመ ክፍያ

✅ለመኖሪያ ምቹ በሆኑት

       ⚫️ አዋሬ
       ⚫️ ቡልጋርያ
       ⚫️ ሲኤምሲ አዲስ ኮንቬንሽን ሴንተር አጠገብ

👍 እንዲሁም የንግድ ሱቆችን በወር 1(%) ክፍያ

🫴 በሳር ቤት አደባባይ
🫴 በቡልጋሪያ
🫴 በገላን ያገኛሉ


💬 Telegram: @kalana2127


☎️ለበለጠ መረጃ 09-42-16-42-62  ይደውሉልን


የቀድሞ የአማራ ባንክ አመራሮች በ200 ሚሊዮን ብር ብድር የወንጀል ክስ ቀረበባቸው፡፡

የፌዴራል አቃቤ ህግ በቀድሞ የአማራ ባንክ አመራሮች ላይ ሌላ የወንጀል ክስ መሰረተ፡፡ ይህ ክስ በ200 ሚሊዮን ብር ብድር ላይ ያነጣጠረ ሲሆን አቃቤ ህግ እንደገለፀው ለብድሩ እንደዋስትና ቀረቡ የተባሉት 30 የጭነት መኪናዎች ‹‹የሌሉ›› ናቸው፡፡

በዚህ ክስ የባንኩ የቀድሞ የደንበኞች ግንኙነት ጉዳዮች ሀላፊው አቶ መስፍን ጌታቸውና የባንኩ ደንበኛ የሆኑት አቶ ቻላቸው ታዬ ስማቸው መጠቀሱን ፎርቹን ጋዜጣ ዘግቧል፡፡

ለፌዴራል ከፍተኛ ፍርድ ቤት ልደታ ምድብ አራተኛ የፀረ ሙስና ችሎት የቀረበው ክሱ ተከሳሾቹ ለአቶ ቻላቸው ህገ ወጥ ጥቅም ለማስገኘት ሲሉ በባንኩ ላይ...

የ200 ሚሊዮን ብር ኪሳራ ማድረሳቸውን የሚገልፅ መሆኑን የጠቀሰው ዘገባው ሁለቱም ተከሳሾች ከጥቅምት ወር አንስቶ በእስር ላይ እንደሚገኙ አስረድቷል፡፡

በክሱ ላይ አቶ ቻላቸው ‹‹ሀሰተኛ ማስያዣ›› በማቅረብ የብድር ጥያቄ ማቅረባቸው የተገለፀ ሲሆን ከእነዚህ መካከልም ‹‹የሌሉና ፎርጅድ የባለቤትነት ሊብሬ የቀረበላቸው›› 30 የጭነት መኪናዎች እንደሚገኙበት ጠቅሷል፡፡

አቶ መስፍን ደግሞ ‹‹ሆነ ብለው ብድሩ እንዲፀድቅ ግፊት በማድረጋቸው›› የሚል ክስ እንደቀረበባቸው ዘገባው ገልጿል፡፡ በአማራ ባንክ የቀድሞ አመራሮች ላይ እንዲህ አይነት የወንጀል ክስ ሲቀርብ ይህ የመጀመሪያው አይደለም፡፡

ባለፈው አመት በርካታ የቀድሞ አመራሮቹ በ137 ሚሊዮን ብር ሙስና ተከሰው ጉዳያቸው እየታየ መሆኑ ይታወቃል፡፡

Via፦ Zehabesha
ግዮን ማለዳ

@GhionMaleda


ጋዜጣ አዟሪው  መረጃ ሳይኖረህ አታውራ ።- የቲክቶከረ ጆን ዳንኤል ነቀፉ በጋዜጠኛ ሶዶ ለማ ላይ

በጉራጌ ዞን ወልቂጤ ከተማ በአሰቃቂ ሁኔታ ህይወቱ ያለፈው አርቲስትና የስፖርት ባለሙያ አንተነህ ተኸርቁ ሀዘን ገና አልበረደም።

የቤተሰቡና የአድናቂዎቹ ልብ ባልተረጋጋበት በዚህ ሰዓት፣ በማህበራዊ ሚዲያ ላይ ሌላ አነጋጋሪ ክስተት ተፈጥሯል።

ውዝግቡ የተነሳው አንድ የኤሌክትሮኒክስ እና የድርጅቱ አስተዋዋቂ ቲክቶከር ጆን ዳንኤል፣ ወደ ሀዘንተኞች ቤት በማቅናት ያደረጉትን የእቃ ድጋፍ ተከትሎ ነው።

ድርጊቱን የተመለከተው ጋዜጠኛ ሶዶ ለማ(ሶዶ ለማ-Sodo Lema )፣ የንግድ ማስታወቂያና ቻሌንጅን ወደ ለቅሶ ቤት ይዞ መግባት ከባህላችንና ከስነ-ምግባር ያፈነገጠ ነው ሲል ጥልቅ ትዝብቱን አስፍሯል።

ሶዶ ለማ በትችቱ፣ “ካሜራ ደቅኖ የድርጅቱን ስም እየጠሩ ለሟች ቤተሰቦች የልብስ ማጠቢያ ማሽንና መተኮሻ ካውያ ማበርከት ተገቢ ነው ወይ?” ሲል ጠይቋል።

ጋዜጠኛው ያነሳውን ትችት ተከትሎ ቲክቶከር ጆን ዳንኤል በቪዲዮ ምላሽ ሰጥቷል። ጆን በምላሹ ጋዜጠኛውን “ጋዜጣ አዟሪ” ሲል የገለጸው ሲሆን፣ ድርጊቱ ማስታወቂያ ሳይሆን ቅን ትብብር መሆኑን አስረድቷል።
“እኔ የሄድኩት ማስታወቂያ ለመስራት አይደለም።

የምንወደው ኮሜዲያን ማርቆስ የአንተነህ እህት የልብስ ማጠቢያ  (ላውንደሪ) ከፍታ ራሷን እንድትችል በማሰብ፣ የልብስ ማጠቢያ ማሽንና ሁለት ካውያ እንድንተባበራት ጠየቀኝ። ኤሌክትሮኒክስ ድርጅቱ በደስታ እቃዎቹን ልኮልናል።

ቤት ውስጥ ምንም ቪዲዮ አልቀረጽንም፤ እቃውን አድርሰናል የሚል መረጃ ብቻ ነው የሰጠነው። እንኳን ሀዘን ቤት ሄደው ሊያጽናኑ ቀርቶ በገጻቸው ላይ 'እግዚአብሔር ያጽናችሁ' ያላሉ ሰዎች፣ አሁን አጀንዳ ፈጥረው እውቅና ለማግኘት ይሞክራሉ ብሏል።

ጆን ዳንኤል አያይዞም ፣ "መረጃ ሳይኖርህ ዝም ብለህ የምትጽፈው 'ጋዜጣ አዟሪ' ነኝ ያልከውም ሰውዬ ጉዳ በህግ ተይዟል " ሲል ጋዜጠኛውን በህግ አግባብ ሊጠይቀው መሆኑን ጠቁሟል።

የጆን ዳንኤልና ሶዶ ለማ ጉዳይ በማህበራዊ ሚዲያ ተጠቃሚዎች ዘንድ ሁለት የተለያዩ አመለካከቶችን ፈጥሯል።አንደኛው ወገን በሀዘን ቤት ካሜራ መደቀንና የድርጅት ስም መጥራት የቤተሰቡን ስሜት የሚጎዳና ስነ-ምግባር የጎደለው ድርጊት ነው ሲል ይኮንናል።

በሌላ በኩል ደግሞ ዓላማው ቤተሰቡን በዘላቂነት መደገፍ እስከሆነ ድረስ በአቀራረቡ ላይ መነታረኩ ተገቢ አይደለም የሚሉ አስተያየት ሰጪዎችም አሉ።

የሆነው ሆኖ ክስተቱ በማህበራዊ ሚዲያ ላይ የሚደረጉ የበጎ አድራጎት ስራዎችና የማስታወቂያ አቀራረቦች የማህበረሰቡን ወግና ስነ-ልቦና ባከበረ መልኩ ሊከናወኑ እንደሚገባ ትልቅ ትምህርት የሰጠ ሆኗል። በ

ከቅርብ ጊዜ ጀምሮ የጋዜጠኞች እና የቲክቶከሩ የቃላት ጦርነት እየጨመረ መጧል ። በቅርቡ የእግርኳስ ጋዜጠኞች እና ስለ እግር ኳስ የሚዘገቡ ቲክቶከሮች ግጭት ውስጥ ገብተው እንደነበር አይዘነጋም ።  እናንተ በዚህ ጉዳይ ላይ ምን አስተያየት አላችሁ ? ሀሳብ አስተያየታችሁን አካፍሉን እስኪ ?
           
          ግዮን ማለዳ

@GhionMaleda




ቅዱስ ገብርኤል ከክፉ ነገር ሁሉ ይከልለን፤ የልባችንን መልካም መሻትም ይሙላልን🙏

“እኔ በእግዚአብሔር ፊት የምቆመው ገብርኤል ነኝ” 🙏

የራማው ልዑል፣ መጋቤ ሐዲስ ሊቀ መላዕክት ቅዱስ ገብርኤል በሉቃስ 1÷19 “እኔ በእግዚአብሔር ፊት የምቆመው ገብርኤል ነኝ” ብሎ መገኛ ስፍራውንና እግዚአብሔር የሰጠውን ክብር በይፋ ያወጀ መልአክ ነው፡፡ ገብርኤል ማለት የእግዚአብሔር ኃይል ነው ማለት ነው። ቅዱስ ገብርኤል ድንቅ መልእክቶችን በማድረስና የተረበሹትን በማረጋጋት ይታወቃል፡፡ ነገደ መላክት በሰማይ አምላካቸው ተሰውሮባቸው ማን ፈጠረን ብለው በተጨነቁ ጊዜ ያረጋጋቸው እርሱ ነው፡፡ በክብሩ ከፍ ብሎ በመፈጠሩ መላዕክትን እኔ ነኝ የፈጠርኳችሁ ብሎ ሊያስት የሞከረውን የሀሰት አባት የያኔው (ሳጥናኤል) ጠላት ዲያብሎስ ተከራክሮ የረታው እርሱ ቅዱስ ገብርኤል ነው፡፡ እግዚአብሔርን የሚያመለኩና የሚገዙ እንዲሁም ለእርሱ ከብርን በመስጠት ያሉ ሁሉ ከነገር እንኳን አንዳች እንደማይጎድላቸው በዘመናት መካከል ተመልክተናል፡፡

መላእክት የሰው ልጆች አፍቃሪና ወዳጅ ናቸው፡፡ ከእነዚህ አንዱ የአምላክና የሰው ልጆች ወዳጅ መልአኩ ቅዱስ ገብርኤል ነው፡፡ ይህንም ህጻኑ ቅዱስ ቂርቆስንና እናቱ ቅድስት ኢየሉጣን ከእሳት ሲያድን አይተነዋል፡፡ ዳግመኛም የፋርስ ንጉሥ የነበረው ናቡከደነፆር እግዚአብሔር አምላክ ምድሪቱንና ሕዝቡን እንዲያስተዳድር ቢፈቅድለት በትዕቢት ተሞላ፡፡ በዳንኤል 3፥1 እንደተጻፈው “ሁሉን በኃይሌ አደርጋለሁ፣ በማስተዋል ጥበቤም የአሕዛብን ድንበሮች አርቃለሁ፣ ሀብታቸውንም እዘርፋለሁ፣ የሚቀመጡባቸውንም ከተሞች አናውጣለሁ፣ በእጄም ዓለምን ሁሉ እንደ ወፍ ቤት እሰበስባለሁ፣ እንደ ተተወ እንቁላልም እወስዳቸዋለሁ፤ ከእኔም የሚያመልጥ የለም፤ የሚቃወመኝም የለም” በሚል ትዕቢት ቁመቱ ስድሳ ክንድ፣ ወርዱም ስድስት ክንድ የወርቅ ጣዖትን አሠርቶ በባቢሎን አውራጃ በዱራ ሜዳ ላይ አቁሞ ያልሰገደለት እንዲገደል አዋጅ አስነገረ፡፡

አናንያ፣ አዛርያ፣ ሚሳኤል የተባሉ ሦስት ሕጻናት በንጉሡ ፊት ቆመው “ንጉሥ ሆይ እኛ የምናመልከው አምላክ በሰማይ አለ፡፡ ከሚነድደው ከእቶኑ እሳት ያድነን ዘንድ ይችላል፤ ከእጅህም ያድነናል፡፡ ንጉሥ ሆይ! ይህም ባይሆን አማልክትህን እንዳናመልክ ላቆምኸውም ለወርቁ ምስል እንዳንሰግድ ዕወቅ” ባሉ ጊዜ ወደ እቶን እሳት ሲጣሉ ደርሶ ያዳናቸው ቅዱስ ገብርኤል ነው፡፡ ናቡከደነጾርም ተገርሞ እነሆ ሰሦስት ሰዎ በእሳቱ ላይ ጥለን ነበር እኔ ግን አራት ሰዎች አያለሁ፣ የአራተኛውም መልክ የአማልክትን መልክ ይመስላል አለ፡፡ ቅዱስ ገብርኤል የአምላክ ባለሟል ነው፡፡ ለካሕኑ ለቅዱስ ዘካርያስ እንደነገረው በእግዚአብሔር ፊት መቆሙ ታላቅ ባለሟል መሆኑን የሚያሳይ ነውና፡፡

ገዳማውያን እናቶችና አባቶቻችን ሊቀ መላአኩ በእግዚአብሔር ፊት በቆመ ጊዜ እንዲያማልዳቸው በዘወትር በጸሎታቸው ተግተው ይጠሩታል፡፡ ከበረከታቸው እንድንካፈል ገዳማቸውን እንደግፍ በዓታቸውን እናጽና፡፡   

ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

ለበለጠ መረጃ:- 09 38 64 44 44/0918077957




የዓለም ቁንጅና ውድድር፡ የኢትዮጵያውያን ሕዝባዊ ድጋፍ፣ የሩት ይርጋለም ማብራሪያና የገንዘብ አጠቃቀም ዕቅድ

በተጠናቀቀው ዓለም አቀፍ የቁንጅና ውድድር ላይ ኢትዮጵያን በመወከል የተሳተፈችው ሞዴል ሩት ይርጋለም፤ በውድድሩ ቆይታዋ ወቅት ከሕዝብ ሲሰበሰብ የነበረው የገንዘብ ድጋፍ ሙሉ በሙሉ መድረሱን አስታውቃለች።

እንደ ሞዴሏ ገለጻ፣ ከኢትዮጵያውያን ሕዝብ የተዋጣው ድምር 1 ሚሊዮን 621 ሺሕ ብር (1,621,000 ብር) በቀጥታ ወደ ሒሳብ ቁጥሯ መግባቱን አረጋግጣለች።

ሞዴል ሩት ይርጋለም ይህንን ትልቅ ሕዝባዊ አጋርነት እውን ለማድረግ ከፍተኛ አስተዋጽኦ ያበረከቱ አካላትን በልዩ ሁኔታ ማመስገኗ ታውቋል።

በተለይም በቲክቶክ ማኅበራዊ ትስስር ገጽ ላይ ንቁ ተሳትፎ በማድረግ የገንዘብ ማሰባሰብ ዘመቻውን የመሩትን እነ ተስፋዬ እና ሀቢባን ጨምሮ፣ በዘመቻው በመሳተፍ አጋርነታቸውን ላሳዩት ኢትዮጵያውያን በሙሉ ጥልቅ ምሥጋናና አድናቆቷን አቅርባለች።

ይህ ከፍተኛ ሕዝባዊ ድጋፍ በዓለም አቀፍ መድረክ ላይ ለነበራት ቆይታ ትልቅ አቅም እንደሆናት የተገለጸ ሲሆን፣ ኢትዮጵያውያን አንዳቸው ለሌላው ያላቸው አብሮነትና አጋርነት በድጋሚ የታየበት አጋጣሚ መሆኑን ግዮን ማለጃ ተመላክቷል።የገንዘብ አጠቃቀም ዕቅቅዷም ሩት ይርጋለም የሰበሰበችውን ገንዘብ ለግል ፍላጎቷ እንደማትጠቀመበት አጽንኦት ሰጥታለች።

በምትኩ ሕዝቡ በከፍተኛ ድካም እና አጋርነት ያዋጣውን ገንዘብ ኃላፊነት በተሞላበት መልኩ፤ ትርጉም ባለውና ፍሬ በማያፈራ መንገድ ለታለመለትና ጠቃሚ ለሆነ ዓላማ ከሕዝቡ ጋር በመነጋገር ለማዋል ጥብቅ ዕቅድ እንዳላት አስታውቃለች።

ግዮን ማለዳ

@GhionMaleda


በንግድ ሥራ ላይ በነበረች እናት ላይ በተፈጸመው አሰቃቂ የግድያ ወንጀል የተጠረጠረው ግለሰብ በቁጥጥር ሥር ዋለ።

በንግድ ስራ ላይ የተሰማራች የሦስት ልጆች እናት ​በእንዳሥላሴ-ሽረ ከተማ ፣ ኅዳር 8 ቀን 2019 ዓ/ም በሥራ ቦታዋ ላይ እያለች በጠራራ ፀሐይ በስለት ተወ *ግታ ሕይወቷ ማለፉን ከከተማው ፖሊስ ያገኘው መረጃ ያመለክታል።

የከተማዋ ፖሊስ ዛሬ ረቡዕ፣ በምስል አስደግፎ ባሰራጨው መረጃ ፤ በዚሁ የግድያ ወንጀል የተጠረጠረው ተስፋይ ዮሐንስ የተባለ ግለሰብ ሳይውል ሳያድር በቁጥጥር ሥር መዋሉን አስታውቋል።

​ፖሊስ አክሎም፤ ተጠርጣሪው ቀደም ሲል በሌላ ወንጀል የ22 ዓመታት እስራት ተፈርዶበት የነበረና፣ በክልሉ ባገረሸው ጦርነት ምክንያት ከእስር ከተለቀቁት አንዱ መሆኑን ገልጿል።

ከቀናት በፊትም ሁለት ሴቶች በተመሳሳይ የጭካኔ ተግባር መገደላቸው ተሰምቷል። ይህም በከተማዋ ከፍተኛ ስጋት ፈጥሯል።

​በከተማዋ እየተበራከተ የመጣው ይህ አሰቃቂ የወንጀል ተግባራት ያሳሰበው የሰሜን ምዕራብ ትግራይ ዞን ኮማንድ ፖስት ግብረ-ኃይል፤ የአካባቢውን ሰላም ለመጠበቅ ሲል ጥብቅ እገዳዎችን ጥሏል።

​ኮማንድ ፓስቱ ​በከተማዋ የሚካሄዱ የቢንጎ ጨዋታዎች ላልተወሰነ ጊዜ እንዲቆሙ ፣​ የባጃጅ እና የሞተር ሳይክል እንቅስቃሴዎች ከምሽቱ 12 ሰዓት ጀምሮ እንዲገደቡ እንዲሁም የሰዎች እንቅስቃሴ ከምሽቱ 2 ሰዓት ጀምሮ ጥብቅ ክልከላ እንደተደረገበት ተነግሯል።

​ኮማንድ ፖስቱ፤ ሁሉም የጸጥታ አካላት በእጃቸው የሚገኝን ማንኛውንም የጦር መሣሪያ እስከ ኅዳር 14 ቀን 2019 ዓ.ም. ድረስ በአቅራቢያቸው በሚገኝ የጸጥታ ጽሕፈት ቤት እንዲያስመዘግቡ ጥብቅ ማስጠንቀቂያ አስተላልፏል።

Via፦ ቲክቫህ ኢትዮጵያ መቐለ
ግዮን ማለዳ

@GhionMaleda


የሁላችን ጥሪ፦ በአንድነት የእምነታችንን ቤት እንገንባ! ውድ የኢትዮጵያ ኦርቶዶክስ ተዋሕዶ ምዕመናን፣

በገጠር ያለች አንዲት ቤተክርስቲያን መገንባት የአንድ ሰው ኃላፊነት ሳይሆን የሁላችንም የጋራ ተሳትፎና አብሮነት የሚጠይቅ በጎ ተግባር ነው።

የጎፎሬ ደብረ መንክራት በአታ ለማርያም ቤተክርስቲያን ግንባታ ለማስቀጠል የምዕመናንንና የበጎ አድራጊዎችን ድጋፍ ትጠብቃለች።

የምትሰጡት 200 ብርም ሆነ ከዚያ በላይ ያለው አስተዋጽኦ ለዚህ ቅዱስ ዓላማ የራሱ የሆነ ዋጋ አለው። ትንሽ የሚባል ድጋፍ የለም፤ በአንድነት የሚደረግ አስተዋጽኦ ትልቅ ለውጥ ያመጣል።

እርስዎም የዚህ በጎ ተግባር አካል ይሁኑ!

በአቅምዎ መሠረት የገንዘብ ድጋፍ ያድርጉ።

ይህንን መልዕክት ለወዳጅና ለቤተሰብዎ ያጋሩ።

ሌሎች የበጎ አድራጊነት ባለድርሻዎችን ያሳውቁ።

በእመቤታችን በአታ ለማርያም ስም እንነሳ፤
በአንድነት የእምነታችንን ቤት እንገንባ!

ድጋፍ ለማድረግ፦

የጎፎሬ ደብረ መንክራት በአታ ለማርያም ቤተክርስቲያን

ንግድ ባንክ፦ 1000624326281

አቢሲኒያ ባንክ፦ 240587815

አዋሽ ባንክ፦ 013201006748101

ለበለጠ መረጃ፦ 0933055802 / 0911414852

የጸሎት ድጋፍ ለማግኘት የክርስትና ስማችሁን በዚህ የቴሌግራም አድራሻ ይላኩ፦ t.me/degnet0321

እግዚአብሔር የለጋሾችን እጅ፣ የደጋፊዎችን ልብና የሚረዱትን ሁሉ ይባርክ! 🙏

ግዮን ማለዳ

@GhionMaleda


Video is unavailable for watching
Show in Telegram
በማህበራዊ ሚዲያ የለበሱትን ልብስ መኖሪያ ቤታቸውን በሚያሳዩ ሰዎችን በተመለከተ ጠንካራ ትችት ሰነዘረች ።

ከላይ በቪዲዮ እንደምታዩት ታዋቂዋ አርቲስት ቻቺ ታደሰ በመቅዲ ሾው ላይ በሰጠችው ቃለ መጠይቅ፣ አሁን ላይ በማኅበራዊ ሚዲያ ላይ እየታየ ያለውን አጉል ንትርክ እና የቁሳቁስ እይታን (ማቴሪያሊዝም) አጥብቃ ተቸች።

አርቲስቷ በማኅበራዊ ሚዲያ ላይ የሚስተዋለውን ጊዜ ማጥፋትና ፉክክር በመተቸት፣ "ምንድነው የምንጠማመዘው? ምንድነው የምንጣጣው? ምንድነው ይሄ ሁሉ የምናደርገው?" ስትል ወቅሳለች።

በተለይም ሰዎች የየዕለት ውሎአቸውን፣ የለበሱትን ልብስ፣ የመኖሪያ ቤታቸውን እና መኝታ ቤታቸውን ሳይቀር በየጊዜው በሚዲያ ላይ ማውጣታቸው አላስፈላጊ መሆኑን ገልጻ፣ "ማን ያስባል?" (Who cares?) በማለት ድርጊቱን ኮንናለች። እግዚአብሔር የባረከው ሰው ባገኘው ነገር በግሉ ሊደሰትበት እንደሚገባም መክራለች።

ከዚህም ባሻገር ቻቺ ታደሰ የሴቶችን እሴት ከቁሳቁስ ጋር አያይዞ መመልከትን አጥብቃ ተቃውማለች። "ሴት በዛ ልትገመት አትችልም፤ ሴት በቁሳቁስ ከተገመተች በጣም ወድቀናል ማለት ነው" በማለት ሴቶች ከቁሳቁስ የላቀ ክብር እንዳላቸው አስገንዝባለች።

ሴቶች ሰውን ሠርተውና አሳድገው ለቀጣዩ ትውልድ የሚያስረክቡ በመሆናቸው፣ እግዚአብሔር የሰጣቸውን ይህንን ትልቅ ዓላማና ኃይል በመገንዘብ በዚህ ብቻ ሊኮሩ እንደሚገባ አሳስባለች።

ግዮን ማለዳ

@GhionMaleda


"የኢትዮጵያ እግር ኳስ ‘አንችልም’ ከሚል ትህትና ሊነሳ ይገባል።" – ጋዜጠኛ አልዓዛር አስገዶም

የኢትዮጵያ እግር ኳስ ለዘመናት ከተተበተበበት «እንችላለን» እና «በቴክኒክ ጥሩ ነን» ከሚል ራስን የማታለል አዙሪት በመውጣት፣ «አንችልም» ከሚል እውነተኛ ትህትና ሊጀምር እንደሚገባ ጋዜጠኛ አልዓዛር አስገዶም አሳሰበ።

ጋዜጠኛው «ፉትቦል ካፌ» በተሰኘው መሰናዶው ላይ ባቀረበው ሰፊ ትንታኔ፣ ሀገሪቱ በእግር ኳሱ ዘርፍ ውጤታማ መሆን ያልቻለችው የችግሩን ትክክለኛ መንስኤ በአግባቡ መርምራ ማከም ባለመቻሏ መሆኑን አስረድቷል።

በእግር ኳሱ ዙሪያ «በቴክኒክ የተካንን ነን» የሚለው የተለመደ አባባል መሰረተ ቢስ መሆኑን የጠቀሰው አልዓዛር፣ እውነተኛ የእግር ኳስ ቴክኒክ ማለት ትክክለኛ ቅብብል (ፓሲንግ)፣ ኳስ ማሻማት (ክሮሲንግ) እና ኳስ መንጠቅ (ታክሊንግ) እንጂ ሰፈር ውስጥ የሚታይ የፍሪስታይል ትርኢት አለመሆኑን አብራርቷል።

ሀገሪቱ «ኳስ እንችላለን» ከሚል የተሳሳተ መነሻ ስለምትጓዝ፣ ሽንፈት ባጋጠመ ቁጥር አንድ ቀን ዕድልን፣ በሌላ ቀን ደግሞ አሰልጣኙን፣ በረኛውን ወይም አጥቂውን ተጠያቂ ከማድረግ ባለፈ የእግር ኳሱን ዋነኛ ህመም ለመለየትና ለማከም እንዳልቻለች ገልጿል።

ለዚህም የእንግሊዝ እግር ኳስን እንደ ትልቅ ማሳያ ያነሳው ጋዜጠኛው፣ እንግሊዝ የእግር ኳስ መገኛና የዓለም ተወዳጅ ሊግ ባለቤት ብትሆንም፣ በአንድ ወቅት ከፈረንሳይ፣ ከስፔንና ከጀርመን ወደ ኋላ መቅረቷን በትህትና መቀበሏን አስታውሷል።

በወቅቱ የእንግሊዝ እግር ኳስ ማህበር የልማት ኃላፊ የነበሩት ሰር ትሬቨር ብሩኪንግ «አልቻልንም» በሚል መንፈስ የፈረንሳይን ታዋቂ የክሌርፎንቴን አካዳሚ አሰራር በማጥናትና በሴንት ጆርጅስ ፓርክ ተግባራዊ በማድረግ...

እንግሊዝ ከ17 እና ከ19 ዓመት በታች የዓለምና የአውሮፓ ዋንጫዎች ላይ ዋና ቡድን ለመሆን የበቃ ሲሆን እንዲሁም ከ2018 ወዲህ በትላልቅ ውድድሮች መደበኛ የግማሽ ፍጻሜ ተፋላሚ እንድትሆን ማስቻላቸውን ጠቁሟል።

የኢትዮጵያ ብሔራዊ ቡድን አልፎ አልፎ በአጋጣሚ ከሚገኝ ውጤት ባለፈ እንደ ሴኔጋል፣ ግብጽ፣ ናይጄሪያ እና ኮትዲቩዋር ያሉ የአፍሪካ ኃያላንን በወጥነት መገዳደር ይቅርና በምሥራቅ አፍሪካ ቀጠና እንኳን ምርጡ ቡድን መሆን አለመቻሉን አልዓዛር በግልጽ አስቀምጧል።

በመሆኑም የብሔራዊ ቡድኑን የአሰልጣኝነት ወንበር ሁሉም ሰው በየተራ እየመጣ የሚሄድበት መተላለፊያ (ሪቮልቪንግ ዶር) ማድረግ መፍትሄ እንደማያመጣ ጠቅሶ፣ ላለፉት 30 ዓመታት የዘለቀውን መሰረታዊ የእግር ኳስ ችግር ለመቅረፍ ከትህትና የመነጨ መዋቅራዊ ለውጥ እንደሚያስፈልግ አጽንኦት ሰጥቷል።

         Via፦ ጌጡ ተመስገን
           ግዮን ማለዳ

@GhionMaleda

20 last posts shown.